цена на бензините – Kurir.mk

МЕГА ЗГОЛЕМУВАЊЕ НА ЦЕНАТА НА ГОРИВАТА – од полноќ еве колку ќе чини литар

Дарко Андоновски — Mon, 10 Apr 2023 10:27:27 +0000

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 2,06 % во однос на одлуката од 6.4.2023 година. Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 4,946 %, кај дизелот за 4,784%, кај екстра лесното масло за 4,793% и кај мазутот има зголемување за 1,892%. Курсот на денарот во однос на доларот во изминатиот период по кој беа формирани цените со претходната пресметка е понизок за 0,224%. Малопродажните цени на бензинот ЕУРОСУПЕР БС-95 и на Екстра лесното масло за домаќинство на (ЕЛ-1) се зголемуваат за 1,50 ден/лит. Малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 2,00 ден/лит. Малопродажната цена на Мазутот М-1 НС се зголемува за 0,505 ден/кг и сега ќе изнесува 41,079 ден/кг. Од 11.4.2023 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС - 95 84,50 (денари/литар) Моторен бензин ЕУРОСУПЕР БС - 98 87,00 (денари/литар) Дизел гориво ЕУРОДИЗЕЛ БС (Д-Е V) 74,00 (денари/литар) Масло за горење Екстра лесно 1 (ЕЛ-1) 73,00 (денари/литар) Мазут М-1 НС 41,079 (денари/килограм) Напоменуваме дека ова се максималните цени на нафтените деривати од 00:01 часот на 11.4.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

ПОСКАПУВА ДИЗЕЛОТ ВО МАКЕДОНИЈА – ова се новите цени од вечерва

Дарко Андоновски — Mon, 19 Dec 2022 13:24:11 +0000

Регулаторната комисија за енергетика и водни услуги на Република Северна Македонија донесе Одлука со која се врши зголемување на малопродажните цени на нафтените деривати во просек за 0,18 % во однос на одлуката од 16.12.2022 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,374% кај дизелот има зголемување за 1,445%, кај екстра лесното масло зголемување за 1,590% и кај мазутот зголемување за 0,081% %. Курсот на денарот во однос на доларот во изминатиот период по кој беа формирани цените со претходната пресметка е понизок за 0,171% %. Малопродажната цена на ЕУРОДИЗЕЛ (Д-Е V) се зголемува за 0,50 ден/лит. Малопродажната цена на Екстра лесното масло за домаќинство на (ЕЛ-1) се зголемува за 0,50 ден/лит. Малопродажната цена на Мазутот М-1 НС се намалува за 0,137 ден/кг. Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат. Од 20.12.2022 година од 00:01 часот максималните цени на нафтените деривати ќе изнесуваат: - Моторен бензин - ЕУРОСУПЕР БС - 95 - 76,00 (денари/литар) - Моторен бензин - ЕУРОСУПЕР БС – 98 - 78,50 (денари/литар) - Дизел гориво - ЕУРОДИЗЕЛ БС (Д-Е V) - 81,00 (денари/литар) - Масло за горење - Екстра лесно 1 (ЕЛ-1) - 79,00 (денари/литар) - Мазут- М-1 НС - 39,233 (денари/килограм) Напоменуваме дека ова се максималните цени на нафтените деривати од 00:01 часот на 20.12.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

ЧЕСТИТКА ЗА НОВА ГОДИНА – бензините поскапуваат!

Дарко Андоновски — Mon, 27 Dec 2021 12:32:22 +0000

Малопродажната цена на Екстра лесното масло за домаќинство (ЕЛ-1) останува 64 денари/литар, додека мазутот М-1 НС поевтинува за 0,504 денари за килограм и сега ќе изнесува 39,360 ден./кг. Од вечерва на полноќ малопродажната цена на дизелот се намалува за половина денари и ќе изнесува 64 денари, додека бензините поскапуваат за половина денари и ќе се продаваат по цена од 73.50 денари за литар БС-95 и 75,50 денари за литар БС – 98. Малопродажната цена на Екстра лесното масло за домаќинство (ЕЛ-1) останува 64 денари/литар, додека мазутот М-1 НС поевтинува за 0,504 денари за килограм и сега ќе изнесува 39,360 ден./кг. Во образложението на одлуката со која се врши намалување на малопродажните цени на нафтените деривати од Регулаторната комисија за енергетика и водни услуги (РКЕ) информираат дека во изминатиот седумдневен период референтните цени на светските берзи во просек бележат зголемување кај бензинот за 1,238 отсто, кај дизелот за 0,08 проценти, кај екстра лесното масло има намалување за 0,112 отсто и кај мазутот намалувањето е за 1,447 процети, додека во истиот период курсот на денарот во однос на доларот е понизок за 0,154 проценти.

ЗАШТИТАТА НА ПОТРОШУВАЧИТЕ НА ПРВО МЕСТО: Стапува на сила „плафонот“ на цената на горивата во Унгарија

Дарко Андоновски — Mon, 15 Nov 2021 06:53:49 +0000

Унгарската влада од денеска воведува „плафон“ на цените на горивата за да ги заштити потрошувачите од наглото зголемување на цените и да ја ограничи инфлацијата, која достигна најбрзо темпо од 2012 година. За тримесечен период од 15 ноември, цените на бензините и на дизелот не можат да надминат 480 форинти (1,31 евро) за литар на бензинските пумпи, изјави минатата недела Гергеј Гујаш, шеф на кабинетот на премиерот Виктор Орбан. „Се надеваме дека ова ќе и помогне на економијата и ќе помогне да се спречи инфлацијата“, рече Гулаш. Тој нагласи дека Унгарија ќе продолжи да ги замрзнува малопродажните цени на енергенсите поради зголемените сметки за електрична енергија низ Европа. Главната годишна инфлација во земјава во октомври се забрза до 9-годишниот максимум од 6,5 отсто, што е над очекувањата и делумно се должи на растот на горивата за 30,7 отсто, што ги потисна нивните цени над психолошкото ниво од 500 форинти за литар. Некои економисти веруваат дека унгарската централна банка, која почна да ги зголемува каматните стапки во јуни, но потоа го забави монетарното затегнување во септември, може да биде принудена нагло да ги зголеми каматните стапки оваа недела за да ја спречи инфлацијата и да ја поддржи форинтата.

Од понеделник цената на бензините по новата методологија

Дарко Андоновски — Tue, 21 May 2019 14:47:36 +0000

Од следниот понеделник Регулаторната комисија за енергетика ќе ги утврдува цените на нафтените деривати по новата методологија, која регулаторите треба да ја донесат во следните два дена. На прес-конференција денеска посочија дека со неа цените ќе бидат пониски од оние што се одредувале со старата, а придобивки ќе имаат и граѓаните и трговците. Движењата на цените на секој дериват одделно на светските берзи и курсот на доларот ќе бидат најбитни елементи при одредување на цените со новите правила. Средната дневна берзанска цена ќе се утврдува согласно ПЛАЦ Јуропијан маркетскен, а ќе се работи со среден курс на доларот на Народната банка. Од РКЕ велат дека ќе одредуваат максимални цени, над кои нема да може да оди ни една компанија, а трговците ако сакаат ќе можат да конкурираат меѓу себе со пониски цени. Наместо на 14 како досега, цените ќе се определуваат на седум дена, со цел да се намали ризикот на трговците, и да прават поточни планирања. Маржата со новите правила ќе биде под 4,8 денари и според претседстел на РКЕ Марко Бислимовски, таа ќе им гарантира разумен профит на трговците. -Ние добивме барање од компаниите транспортниот трошок да изнесува 0,8 и 0,85 денари, ова е бизнис кој ние не го регулираме, но во изминатиов период правевме сериозни анализи, и нема да биде прифатено ниту едното, ниту другото барање. Во однос на маржата добивме барање од 6,2, 6,5 денари и ткн. Ова се однесува на малопродажната маржа. Таа ќе биде под пет денари. Тие си ги кажаа своите барања, ние си правиме наши анализи, а ако треба да ги прифаќаме барањата на сите компании, тогаш нека нема РКЕ, секој нека си кажува какви сака цени и нека си тераат работа. Ќе направиме методологија која ќе им овозможува на трговците да остваруваат разумни профити, и тоа е во ред, немаме проблем со тоа, рече Бислимовски. Со новиот Закон за енергетика, покрај регулирањето, една од главните цели е и обезбедување сигурност во снабдувањето и конкуреност на нафтениот пазар