цена на горива – Kurir.mk

ПОСКАПУВААТ ГОРИВАТА ОД ПОЛНОЌ – еве по која цена ќе се продава дизелот и бензинот

Дарко Андоновски — Mon, 14 Aug 2023 11:58:15 +0000

Од полноќ поскапуваат бензините, дизелот и Екстра лесното масло за домаќинство за денар ипол, одлучи денеска Регулаторната комисија за енергетика. Според оваа одлука, новата цена на ЕУРОСУПЕР БС-95 ќе биде 86,50 ден/лит, на ЕУРОСУПЕР БС-98 ќе изнесува 88,50 ден/лит, а дизелот ќе се продава по цена од 81 ден/литар. Малопродажната цена на Екстра лесното масло за домаќинство ќе изнесува 80,50 ден/лит. Се зголемува и малопродажната цена на мазутот за 0,801 ден/кг, во однос на претходно утврдената цена и од полноќ тој ќе чини 46,592 ден/кг. Новата одлука за зголемување на цените, од РКЕ ја образложуваат со зголемувањето на цените на нафтените деривати на светските берзи.

ГОЛЕМА ПРОМЕНА НА ЦЕНАТА НА ГОРИВАТА – еве колку ќе се продава литар гориво од полноќ!

Дарко Андоновски — Fri, 03 Feb 2023 11:03:02 +0000

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,98% во однос на одлуката од 1.2.2023 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,027%, кај дизелот за 4,547%, кај екстра лесното масло за 3,844% и кај мазутот зголемување за 0,892%. Курсот на денарот во однос на доларот во изминатиот период по кој беа формирани цените со претходната пресметка е повисок за 0,018%. Малопродажната цена на ЕУРОДИЗЕЛ (Д-Е V) се намалува за 2,00 ден/лит. Малопродажната цена на Екстра лесното масло за домаќинство на (ЕЛ-1), се намалува за 2,00 ден/лит и сега ќе изнесува 78,50 ден/лит. Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Мазутот М-1 НС не се менуваат. Од 4.2.2023 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС - 95 84,00 (денари/литар) Моторен бензин ЕУРОСУПЕР БС - 98 86,00 (денари/литар) Дизел гориво ЕУРОДИЗЕЛ БС (Д-Е V) 80,00 (денари/литар) Масло за горење Екстра лесно 1 (ЕЛ-1) 78,50 (денари/литар) Мазут М-1 НС 41,346 (денари/килограм) Напоменуваме дека ова се максималните цени на нафтените деривати од 00:01 часот на 4.2.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Се најавува намалување на цената на горивата – еве ги деталите

Дарко Андоновски — Wed, 09 Mar 2022 13:41:54 +0000

Владата донесе препорака за менување на методологијата за усогласување на цените на дериватите според која цените ќе се менуваат на дневна основа и на тој начин да се избегнат големите промени на цените. Владата ќе го пролонгира воведувањето на еколошката такса за енергенси кое е во собраниска процедура. – Ја намалуваме стапката на ДДВ од 18% на 10% при промет на енергенсите: дизел, безоловен бензин ,гасно масло, течен нафтен гас (ТНГ) и метан. Оваа мерка ќе ја заштити куповната моќ на потрошувачите. Мерката ќе има директно влијание врз цените. Дизелот наместо 85,5 би се намалил на 75,5 денари, бензинот наместо 91,5 денари би се намалил околу 11,5 денари. – рече премиерот Димитар Ковачевски.