цена на горивата – Kurir.mk

Нова цена на горивата од полноќ

Дарко Андоновски — Wed, 22 Mar 2023 10:40:48 +0000

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 0,55 % во однос на одлуката од 20.3.2023 година. Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,142%, кај дизелот за 1,811%, кај екстра лесното масло за 2,208% и кај мазутот има намалување за 3,583%. Малопродажната цена на Мазутот М-1 НС се намалува за 1,052 ден/кг и сега ќе изнесува 37,078 ден/кг. Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Екстра лесното масло за домаќинство на (ЕЛ-1) не се менуваат. Од 23.3.2023 година од 00:01 часот максималните цени на нафтените деривати ќе изнесуваат: Моторен бензин ЕУРОСУПЕР БС - 95 81,00 (денари/литар) Моторен бензин ЕУРОСУПЕР БС - 98 83,00 (денари/литар) Дизел гориво ЕУРОДИЗЕЛ БС (Д-Е V) 74,00 (денари/литар) Масло за горење Екстра лесно 1 (ЕЛ-1) 73,50 (денари/литар) Мазут М-1 НС 37,078 (денари/килограм) Напоменуваме дека ова се максималните цени на нафтените деривати од 00:01 часот на 23.3.2023 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Германија: Се бара надзор поради сомневање за договор за цените на горивата

Дарко Андоновски — Sat, 19 Mar 2022 13:24:22 +0000

Германскиот институт за економски истражувања бара контрола врз нафтените компании поради сомнежи за договорено зголемување на цените на нафтените деривати. „Има само неколку рафинерии во Германија кои имаат голема моќ што се искористува“, изјави Клаудија Кемферт, одговорна за енергетика во Институтот за економски истражувања (DIW). Таа рече дека рафинериите во моментов остваруваат дополнителни приходи, што може да се докаже. „Рекордните цени на бензинските пумпи не се должат само на порастот на цената на нафтата на светскиот пазар“, рече Кемферт. Таа побара од Федералната канцеларија за сузбивање на картелите (Bundeskartellamt) да воведе постојан механизам за контрола на ценовната политика на германските нафтени компании. Федералното биро за сузбивање на картелите на крајот на неделата објави дека „внимателно го следи“ движењето на цените на нафтата. „Ако цените на суровата нафта на светскиот пазар сега повторно паднат и тоа повторно не влијае на цените на германските бензински пумпи, тогаш ќе мораме уште повнимателно да следиме што се случува“, рече Андреас Мунд, директор на Федералното биро за сузбивање картели. И германскиот министер за економија Роберт Хабек изјави дека им наложил на надлежните институции внимателно да го следат движењето на цените на дериватите.

Во Словенија од утре регулирани цени на горивата, најави премиерот Јанша

Дарко Андоновски — Mon, 14 Mar 2022 13:20:00 +0000

Словенечкиот премиер Јанез Јанша изјави дека словенечката влада денеска ќе донесе одлука, според која од утре ќе се регулираат цените на нафтените деривати, за да нема трето поскапување за помалку од една недела. Тоа го изјави Јанша во Парламентот, одговарајќи на пратеничко прашање. Пратеничката Јања Слуга претходно изјави дека дистрибутерите утре планираат да ги зголемат цените на нафтените деривати за десет отсто. Јанша истакна дека мерките на ЕУ поврзани со ослободувањето од зависноста од руската нафта веќе се видливи. – Уделот на руската нафта на пазарот во Словенија е 12 отсто и тоа количество може да се надомести. Нешто потешко е со уделот на бензинот и дизелот, каде што уделот на Русија е околу 25 отсто, изјави Јанша во Парламентот.

Додека известуваше за новата цена на горивата, на гледачите нешто „сочно“ им прелета во кадар – згодна девојка во танга (ВИДЕО)

Дарко Андоновски — Tue, 13 Apr 2021 20:05:56 +0000

Покачувањето на цената на горивата секогаш е во центарот на вниманието во јавноста, но кога ќе прелета ваква раскошна убавица во кадарот на никој не му е гајле за цената, пренесуваат светските медиуми. Станува збор за видео кое е вистински хит на социјалните мрежи, особено на Твитер во последните неколку недели. Имено додека новинарката зборуваше за покачувањето на цената на горивата, зад неа помина девојка која беше облечена само во танга, а прекриена со мрежест фустан кој ништо не и покриваше на неа.

¡Eeeeyyyy ... concentrancia! pic.twitter.com/nNMlDigl4r
— Musso (@Mussollinni) April 2, 2021

Ова е новата цена на горивата која стартува на полноќ

Дарко Андоновски — Mon, 13 Jan 2020 11:44:11 +0000

Малопродажните цени на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) остануваат на исто ниво во однос на цените утврдени со Одлуката од 08.01.2020 година, ова денеска го информира Регулаторната комисија за Енергетика. Малопродажната цена на ЕУРОСУПЕР БС-95 изнесува 68,00 ден/лит, малопродажната цена на ЕУРОСУПЕР БС-98 изнесува 70,00 ден/лит. Малопродажната цена на дизелот ЕУРОДИЗЕЛ (Д-Е V) изнесува 62,50 ден/лит, додека малопродажната цена на Екстра лесното масло за домаќинство (ЕЛ-1) изнесува 51,50 ден/лит. Малопродажната цена на мазутот М-1 НС се зголемува за 1,877 ден/кг во однос на цената утврдена со Одлуката од 08.01.2020 година и со тоа малопродажната цена на мазутот М-1 НС изнесува 40,424 ден/кг.

Од полноќ нова цена на горивата во Македонија

Дарко Андоновски — Mon, 07 Oct 2019 10:21:34 +0000

За еден денар се намалува цената на Еуросупер БС-98, дизелот и на Екстра лесното масло за домаќинство, а за половина денар цената на Еуросупер БС-95. Така, новата цена на Еуросупер БС-98 ќе изнесува 70 ден/лит, на дизелот 62 ден/лит, а на Екстра лесното масло за домаќинство 51,50 ден/лит. Малопродажната цена на Еуросупер БС-95 ќе биде 68 ден/лит. Цената на мазутот ќе се зголеми за 0,621 ден/кг со што тој од ноќеска ќе се продава по цена од 33,779 ден/кг. Намалувањето на цените на нафтените деривати се должи на пониската цена на нафтата на светскиот пазар во изминатиот седумдневен период.

Поскапуваат бензините и дизелот- ова е новата цена на горивата

Дарко Андоновски — Mon, 23 Sep 2019 10:53:39 +0000

Малопродажната цена на бензините од ноќеска на полноќ се зголемува од два до 2,5 денари, додека на дизелот за 1,5 денар, одлучи Регулаторната комисија за енергетика. Новата цена на Еуросупер БС-95 ќе изнесува 69,50 денари за литар, на Еуросупер БС 98 ќе биде 72 денари, а Еуродизелот ќе се продава по 64 денари за литар. За еден денар се зголемува цената на Екстра лесното масло за домаќинство и ќе изнесува 53,50 денари за литар. Зголемување има и кај малопродажната цена на мазутот кој ќе се продава по 34,034 денари за килограм. Референтните цени на нафтените деривати на светскиот пазар во споредба со изминатиот седумдневен период бележат зголемување кај бензинот во просек за околу 8,97 отсто, кај дизелот има зголемување во просек за околу 5,35 отсто, кај екстра лесното масло зголемување во просек за околу 4,39 отсто и кај мазутот зголемување во просек за околу 10,77 отсто. Курсот на денарот во однос на доларот во изминатиот седумдневен период изнесуваше 55,6238 денари за долар и е за 0,39 отсто понизок од курсот на доларот по кој беа формирани цените со претходната пресметка.