Денеска одлука за новите цени на горивата

Ивона Петрова — Mon, 27 Feb 2023 06:32:05 +0000

Регулаторната комисија денеска ќе одлучува за цените на горивата. Согласно последната одлука, цените на дизел горивото, бензините и екстра лесното масло за домаќинство останаа непроменети. Намалување имаше само кај мазутот за 1,060 ден/кг. Ова се актуелните цени на горивата: Моторен бензин ЕУРОСУПЕР БС - 95 82,00 (денари/литар) Моторен бензин ЕУРОСУПЕР БС - 98 84,50 (денари/литар) Дизел гориво ЕУРОДИЗЕЛ БС (Д-Е V) 77,00 (денари/литар) Масло за горење Екстра лесно 1 (ЕЛ-1) 76,50 (денари/литар) Мазут М-1 НС 41,202 (денари/килограм)

Мицкоски: Поради погрешните политики на владата народот трпи и плаќа повисоки цени на горива

Ивана Ефремовски — Thu, 10 Mar 2022 22:07:23 +0000

„Колку што сум информиран во текот на утрешниот ден практично имаме во Парламентот два закони кои што по скратена постапка треба да се донесат, а тоа е измената во законот за додадена вредност и измената во законот за акцизи. Иако ние тоа го предложивме уште таму некаде на крајот од минатиот месец за жал поради самобендисаноста би рекол и надменоста на оваа Влада, граѓаните изминативе две недели плаќаа за неколку десетици денари за литар поскапо гориво“,истакна претседателот на ВМРО-ДПМНЕ, Христијан Мицкоски во гостување во емисијата „Заспиј ако можеш“ на Алфа телевизија. Мицкоски додаде дека за жал Владата е таква, и поради нивната неспособност граѓаните плаќаат поскапо гориво изминативе две недели. „Ќе видиме како ќе се одвиваат работите деновиве, јас следејќи го она што е на меѓународните портали, следејќи го она кое што е актуелно во светот не очекувам дека нешто бргу ќе се измени во насока на смирување еве на состојбата каде што е конфликтно подрачје во моментов и каде што се случува тоа што се случува. И некако не можам да ја издвојам Македонија од сето тоа и дека граѓаните во Македонија бидејќи немаше план за справување оваа Влада со сето ова кое што денеска се случува, ќе трпат последици на семејниот буџет на стандардот. Ќе трпат и тоа е само како резултат на погрешните политики и немањето стратегија и визија на актуелната Влада“, нагласи Мицкоски. Мицкоски посочи дека од власта ќе бараат разно разни оправдувања, но тоа нема да им помине бидеjќи граѓаните им ја прочитаа неспособноста.

цени на горива – Kurir.mk

Денеска одлука за новите цени на горивата

Мицкоски: Поради погрешните политики на владата народот трпи и плаќа повисоки цени на горива