центар за управување со кризи – Kurir.mk

ЦУК: Во последното деноноќие два пожарa на отворено кај селата Лажани и Доброшинци

Дарко Андоновски — Fri, 03 Nov 2023 08:30:57 +0000

Изминатото деноноќие имало два пожари на оворено и тие биле изгаснати од пожарникарските тимови во Општина Битола, кај село Лажани каде што горела ниска вегетација и во Општина Василево, кај село Доброшинци каде што горело стрниште, информираат утрово од Центарот за управување со кризи (ЦУК). Според последниот извештај за работата на Единствениот број за итни случи 112 во ЦУК имало вкупно 1.558. Од делот повици за итни случаи кон Полицијата биле упатени 55 отсто, кон Итната медицинска помош 37 проценти, а кон пожарникарите (ППЗ) 3 отсто. -Преостанатиот дел повици, што е вообичаено од три до 10 проценти, се однесува на итни случаи коишто има потреба да се решаваат со комбинирани сили на теренот и ги решава ЦУК координирајќи според природата на пријавениот случај, ангажман на институции од Системот за управување со кризи (СУК) во државата, се наведува во соопштението од ЦУК. Од ЦУК посочуваат дека во одредени случаи координираат итни ситуации и со институции од соседни и други земји бидејќи, како што велат, итните случаи, непогодите и катастрофите не познаваат граници.

Потрагата по тројцата моторџии изгубени на Плачковица заврши среќно

Ивона Петрова — Mon, 22 May 2023 07:17:12 +0000

Среќно заврши потрагата по тројцата моторџии кои вчера биле пријавени дека се изгубени на планината Плачковица, а нивните семејства не можеле да воспостостават телефонски контакти, информираа од Центарот за управување со кризи (ЦУК). Од ЦУК го пренесуваат известувањето од регионалниот ЦУК -Штип, дека преку единствениот повикувачки број за итни случаи, е добиена информација за изгубени лица на планина Плачковица. Тројцата моторџии биле со поголема група кои се упатиле од хотел „Бел камен“ -Радовиш кон село Зрновци. Последен контакт со нив е околу 19:00 часот, при што кажале дека се заглавени во некоја кал на неодредена локација. - Во потрага биле вклучени: 15-16 лица со мотори кои биле во нивната група, едно полициско возило од Полициската станица (ПС )Штип на правецот Туртел – одмаралиште Универзитет „Гоце Делчев“ (УГД), едно полициско возило од село Зрновци кон Плачковица, околу 20-25 луѓе од поблиската фамилија на исчезнатите лица. Истоврено, било контактирано со Доброволна планинска спасувачка служба „Осогово“ од Кочани, кои се организираат да тргнат во пребарување. Биле известени и дежурните од ДЗС Скопје за превземање мерки во нивна надлежност, се вели во соопштението од ЦУК. Регионалниот ЦУК Штип утринава извести дека од Планинарска служба Осогово со четири лица и едно теренско возило во 5.00 часот излегле на терен и пребарувале на релација Видовиште, Латал - Бел Камен. Според последните информации добиено од РЦУК Штип, едното од изгубените лица во 06:58 часот воспоставило контакт со член на фамилија и известил дека трите лица со моторите се заглавени во кал, па ноќта ја поминале на планината Плачковица и дека се во добра здравствена состојба.

Над 1.000 повици на 112 – Најмногу пријави за поплавени објекти, села во општина Сарај се уште без струја

Ивона Петрова — Wed, 31 Aug 2022 07:17:17 +0000

Над 1.000 повици на телефонскиот број 112 се регистрирани вчера попладне по силното невреме кое го зафати Скопје. Оперативците на Центарот за управување со кризи примиле и проследиле 180 од пријавите, а дел од нив ги координирале. Од ЦУК за Курир информираат дека најголем дел од тие пријави, 80, биле за поплавени простории од објекти, 40 пријави имало за паднати дрва. За оштетени возила оперативците на ЦУК примиле 20 пријави, а исто толку имало и за поплавени улици и подвозници. Петнаесет пријави имало за оштетени кровни конструкции, а пет за скинати проводници, навалени бандери и останати проблеми со струја. -Сите овие пријави и проблеми за нивно решавање редоследно по приоритет беа проследени до: противпожарната бригада, Градот Скопје, Општините и Јавните претпријатија во Градот. Противпожарната бригада на Градот Скопје после невремето со нивни екипи интервенирале во десетина случаи за испумпување на навлезена вода од објекти и критичните места на скопските сообраќајници. Од ЈП Водовод и канализација со цистерни и вакум цистерни работеа на исцрпување на насобраната вода и на одзатнување на атмосферската канализација на критичните места ( подвозници и главни сообраќајници ),а постапувале и по пријави на граѓани на уште 40-тина други места, велат од ЦУК. Утрово состојбата е нормализирана. Од ЕВН известуваат дека дефектите во страна дефектите во електро системот настанати од атмосферските празнења и силниот ветер во повеќе реони од градот и околината во текот на ноќта се отстранети освен кон селата Дворце и Радуша во Општината Сарај каде жителите се уште се без електрична енергија. Според известувањето од сообраќајната полиција како и ЈСП Скопје од околу полноќ состојбата на сите сообраќајници е нормализирана и утрово сообраќајот и јавниот градски превоз се одвивива нормално. Од УХМР за денеска велат дека времето ќе биде променливо облачно, од пладневните часови нестабилно, на повеќе места со пороен дожд, грмежи и засилен ветер. Локално ќе има поинтензивни процеси во форма на невреме со пообилен дожд за кратко време, силен ветер, електрични празнења и услови за појава на град. Минималната температура ќе биде во интервал од 11 до 20, а максималната ќе достигне од 26 до 32 степена. УВ=6. Во Скопје променливо облачно, попладне нестабилно со пороен дожд, грмежи и засилен ветер. Во делови од котлината ќе има услови за појава на невреме. Минималната температура ќе се спушти до 17, а максималната ќе достигне до 30 степени. До петок ќе се задржи нестабилно време, претпладне претежно сончево, а во попладневните часови на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд, силен ветер, електрични празнења и појава на град.

ПО ВЧЕРАШНОТО НЕВРЕМЕ: Над 60 објекти поплавени во Виница и 30 во Лажани, евакуација на жители од неколку места

Ивона Петрова — Tue, 23 Aug 2022 08:24:13 +0000

Се работи на отстранување на штетите од синоќешните обилни врнежи од дожд што ги зафатија општините Виница, Долнени и Тетово. Во Виница се поплавени над 60 објекти и таму речиси е завршено испумпување на водата од станбените објекти. Се работи на инфраструкатурата во урбаното подрачје на градот и во текот на денот се очекува се да биде завршено доколку нема нови врнежи на дожд, информираа утрово од Центарот за управување со кризи (ЦУК). Екипи на ТППЕ Виница биле на терен синоќа до 23:00 часот, при што имале вкупно 20 интервенции, претежно на деловни објекти и училишта. Во најголем дел штетите се санирани, а во моментот се на терен со две пумпи и тројца пожарникари на пријава на еден деловен објект. -Градоначалникот известува за почеток на пријава на штети во службите на Општина Виница, како и брзо интервенирање на Комисијата за процена на штети и најавен е и состанок на Општинскиот кризен штаб. Екипа на ЈП „Солидарност“ Виница со едно возило и три лица се на терен за санирање на затнати водотеци на реките и шахтите, како и чистење на наноси од улиците. Пријавена е и интервенција на поединци со сопствени пумпи за санирање на поплавени подруми. ДЗС ПО Виница преотстапи три пумпи на ТППЕ Виница во период на траење на интервенциите, соопшти ЦУК. Село Лажани, Општина Долнени синоќа беше зафатено со поплави од поројни дождови. Од ЦУК посочуваат дека се работи за долниот дел од селото, каде поминува терцијалниот канал кој, како што велат, од низа причини бил стеснет од ф-1000 на ф-100 и ф-200. Се работи за дел каде се приватни станбени куќи заради можност да се премости влезот над каналот. Во Лажани струјата беше исклучена и дел од жителите на селото беа евакуирани. Во Лажани беа зафатени над 30 објекти и се уште се работи на расчистување. Од ЦУК информираат дека ако нема пообилни врнежи од дожд, во текот на денот се ќе биде под контрола. Жителите на Лажани информираат дека веќе состојбата се нормализира. Обилни врнежи на дожд по 20 часот синоќа имаше во урбаниот дел на Тетово, а исто така и во Мала Речица. Од ЦУК информираат дека имаше евакуација на десетина луѓе, кои се сместени на безбедни места се додека не се испумпа водата од нивните објекти. Од ЦУК соопштија дека утрово во 2.30 имаше проблем со селото Џерма, каде од силниот порој од водата од планинскиот дел беше уништен ѕид од една куќа, а некои автомобили се блокирани. Жителите бараат надлежните органи што поскоро да преземат мерки. На терен се екипите на општините, на ЦУК, на ДЗС, на ТТПЕ, СВР Тетово и дриуги, се работи со градежна механизација.

ЦУК: Нема активни пожари, 12 изгаснати во изминатото деноноќие

Ивона Петрова — Fri, 12 Aug 2022 06:15:58 +0000

Нема активни пожари во земјава, а 12 се изгаснати во изминатото деноноќие, соопшти Центарот за управување со кризи (ЦУК). Изгаснати се два пожара во општина Бутел и еден во општина Гази Баба. Десет пожарникари со три противпожарни возила синоќа од 18:05 до 21:00 часот го гаснеле пожарот на булевар „Христијан Тодоровски – Карпош“ – Раштански лозја, каде гореше сува трева. Пет пожарникари со едно противпожарно возило синоќа од 19:20 до 19:40 часот го гаснеле пожарот во општина Бутел, на улица „Ферид Бајрам“, каде горела сува трева. Изгаснат е пожарот во близина на автопат Скопје- Велес, каде гореше сува трева и дрва. На оваа локација интервенирале тројца пожарникари со едно противпожарно возило од 21:50 до 22:50 часот. ЦУК утрово информира дека се изгаснати пожарите во општините Градско, Ресен, Битола, Прилеп, Охрид, Тетово и два пожара во Куманово. Во општина Градско, во село Ногаевци горела ниска вегетација, шавар, багрем, и јасика. Пожарот е изгаснат од пет пожарникари со едно противпожарно возило, во период од 14:00 од 18:15 часот. Во село Курбиново, Ресен горела ниска вегетација и јаболкови насади. Интевенирале 15 пожарникари од ТППЕ Ресен со пет противпожарни возила, едно возило за дотур на вода од комунално претпријатие, едно возило и осум вработени од Национални шуми, едно возило и четворица ренџери од Ренџерска служба, едно возило и двајца вработени од Национален парк – Пелистер, едно возило и еден вработен од општина Ресен и месното население. Се интевенирало синоќа, од 20:45 до 00:45 часот. Се работи за површина од десет хектари. Изгаснат е пожарот во Битола, кај стариот млин на патот Битола – Прилеп, каде гореше стрниште. Пожарот го гаснеле двајца пожарникари со едно противпожарно возило. ЦУК информира дека се изгаснати и пожарите во село Горно Агларци, општина Новаци, во село Варош, општина Прилеп, во село Пештани, општина Охрид. Изгаснат е пожарот во Тетово, кај селата Беловиште кон Куново, каде горела сува трева. Интервенирале тројца пожарникари со едно противпожарно возило и четворица вработени од Национални шуми – Шар. Во близина на автопатот Скопје – Куманово горела ниска вегетација, а од 19:20 до 20:25 часот интервенирале тројца пожарникари со едно протвпожарно возило. Изгаснат е пожарот во Куманово, кај Пчински пат, каде горела сува трева. Од 14:10 до 16:00 часот интервенирале тројца пожарникари со едно противпожарно возило.

Активен еден пожар во охридско, во последното деноноќие изгаснати 20 пожари

Ивона Петрова — Tue, 09 Aug 2022 06:26:10 +0000

Центарот за управување со кризи (ЦУК), информира дека утрово има еден активен пожар. Во последното деноноќие изгаснати биле 20 пожари. Активен е шумскиот пожар во охридско, помеѓу селата Вапила и Расино. Гори деградирана шума, досега се опожарени околу 12 хектари површина. -Противпожарната единица Охрид и денес е на терен со 1 возило и 6 пожарникари. Од утрово од 05,00 часот на терен се вкупно околу 50 луѓе. Пожарот гори на три страни и се прават напори за негово обиколување, но поради тешкиот терен гасењето оди отежнато, велат од ЦУК. Во однос на изгаснатите 20 пожари, се интервенирало на неколку локации во струмичко, скопско, кумановско, Градско, Теарце, Свети Николе, кичевско, битолско, Старо Нагоричане, Крива Паланка..

ВИДЕО: Активни неколку пожари предизвикани од гром

Ивона Петрова — Sun, 24 Jul 2022 19:44:23 +0000

Центарот за упрваување со кризи информира за неколку пожари вечерва предизвикани од гром. Во кумановско кај Кока гори сува трева, с.Проевце, а кај Ловечки дом гори борова шума. Пожарите се предизвикани од удар на гром. Во кичевското село Туин гори сува трева и нискостеблеста шума. Помаѓу селата Голозинци и Лисиче, Општина Чашка, кај Велес, гори сува трева и нискостеблеста шума. Екипите се излезени на терен и интервенираат во нивното гаснење. И овој пожар е предизвикан од удар од гром, наведуваат од ЦУК.

Зошто вчера кај Галичник не интервенираа авионите на Дирекцијата за заштита и спасување?

Дарко Андоновски — Mon, 03 May 2021 08:51:19 +0000

Центарот за управување со кризи во текот на вчерашниот ден детално информираше за преземените активности по алармот за запалената борова шума во близина на куќите над селото Галичник. Ја добивме информацијата дека армиските хелокоптери биле таму, но не можеле да интервенираат поради силниот ветер. Но, остана отворено прашањето каде беа „ер-тракторите“. Дирекцијата за заштита и спасување поседува два „ер-трактори“, авиони за гаснење пожари. Од Центарот за управување со кризи ја добивме информацијата дека била побарана интервенција на „ер-тракторите“, но немаме одговор од ДЗС зошто не полетале двата авиона за гаснење на пожари. Во очекување на официјална информација, неофициално, авионите веќе подолг период се на сервис, па затоа немало никаков одговор на барањето за интервенција над Галичник.

Ова е состојбата денеска во земјата по обилните врнежи од дожд

Ивона Петрова — Thu, 14 Jan 2021 09:30:58 +0000

Центарот за управување со кризи информира за состојбата по обилните врнежи од дожд во земјата која се однесува до 8:30 часот денеска. Битолски регион Во општина Битола има опаѓање на нивото на река Драгор (околу 40-45 см) и во моментот не постои опасност за излевање на реката на местото каде што беше саниран насипот кај пумпната станица на ЈКП Водовод Битола. Од ЈКП Водовод известуваат дека дежурните вработени во пумпната станица редовно ја контролираат состојбата. Во текот на вчерашниот ден ЈП Битолско Поле испрати една градежна машина (багер) за расчистување на коритото на Велушка река која беше излеана и ја имаше поплавено живинарската фарма во с. Породин. Работите на исцрпување на водата од халите на фармата се завршени и водата е комплетно исцрпена. Снабдувањето со електрична енергија и вода се одвива нормално и без проблеми. Струмички регион Во опш. Радовиш, по врнежите од дожд, на Река Сирава на вливот на Река Плаваја, каде е оштетен преминот на патниот правец со с. Подареш и с.Смиланци е прооден само за теренски возила. На овој патен правец можни се одрони и свлечишта како последица од големата влажност на земјата. Преминот на патниот правец с.Подареш – с.Смиланци ќе биде саниран веднаш штом ќе се создадат услови за работа , односно по повлекувањето на водата. Велешки регион Се забележува намалување на нивото на реката Вардар во Велес, со оглед на тоа што врнежите престанаа, а тенденцијата е и понатаму нивото да опаѓа и стабилизирање на нивото на водостојот. Уредениот кеј на Вардар кај Мало мовче, поточно долното ниво на шеталиштето е поплавено, тоа се случи кога беше ударниот бран односно највисоко ниво на река Вардар. Кумановски регион На подрачјето на општина Ранковце во село Ветуница има изместено 2 пропусти на две места на Ветуничка Река, има однесен мост на регионален пат во село Ветуница кај м.в.Маркова Куќа на Ветуничка река, Претставници од општината и од ЈП Водостопанство Кумановско липковско поле - ПЕ Крива Паланка ќе преземат активности за санирање после намалување на нивото на водата. Во село Гиновце, општина Ранковце, има дотечено суводолица (дол) и водата се има излеано на локален земјен пат и кон неколку ниви во близина, надлежните од ЛС Ранковце во текот наа денот или наредните денови ќе преземат мерки за санирање на состојбата. Во село Псача, општина Ранковце на м.в. Стара брашнара водата од Крива Река има прелеано мост (изграден од шасија). Мерки ќе се преземат, после намалување на нивото на водостојот. Во опш.Кратово поради врнежите водата од градскиот водовод е заматена, па поради хлорирање имало прекини во некои делови од градот. Кај с.Куклица поради излевање на Крива Река отежнато е поминувањето преку мостот на реката. Сообраќајот на патниот правец с.Крилатица - с.Ранковци не се одвива поради оштетување на мостот на Крива Река.

Седница на Главниот штаб за управување со кризи

Ивона Петрова — Mon, 23 Nov 2020 06:18:38 +0000

Главниот штаб за управување со кризи при ЦУК денеска ќе одржи седница на која ќе биде разгледан планот на Министерството за здравство, кои објекти треба да се обезбедуваат. Како што изјави за МИА в.д. директорот на ЦУК, Стојанче Ангелов, Армијата при обезбедувањето само ќе и асистира на полицијата и ќе биде на своите позиции без оружје. -Ние веќе добивме од Министерството за здравство план на објекти кои треба да се обезбедуваат. Ќе го разгледаме и ќе го дадеме на МВР да го операционализира. Ќе побараме од соодветните служби на Министерството за внатрешни работи, во делот на обезбедување да изготват план – дали се прифаќаат сите точки, дали е доволно покривање во една смена или 24 часа. Врз основа на тоа, ќе предвидат луѓе кога би ротирале во три смени. Тогаш ние ќе ја имаме вистинската слика, објасни Ангелов. Акцискиот план, потсети, се уште не е поминат и одобрен од Управувачкиот комитет, затоа не може да се процесуира, а треба да помине и на Влада. -Тоа не значи никакво пролонгирање. Но, Владата носи конечна одлука и врз основа на тоа, како и врз основа на закон и подзаконски акти претседателот ќе нареди употреба на Армијата, но без оружје. Армијата само ќе и асистира на полицијата и не смее самостојно да презема дејствија без полициски службеник со полциски овластувања. Армијата служи за обезбедување на стратешките објекти, на здравствените објекти и магацините од делот на здравството кои имаат лекови, опрема и други медицински материјал, ќе му биде поддршка на здравството да може да функционира безбедно. Сакаме да превенираме за сите да се чувствуваат безбедно, и пациентите и докторите и медицинскиот персонал, воопшто сите граѓани, објасни в.д. директорот на ЦУК.