центар – Kurir.mk

Жена повредена во сообраќајка во центарот на Скопје

Катерина Бојаџиева — Mon, 30 Oct 2023 19:20:57 +0000

Во центарот на Скопје доцна попладнево се случила сообраќајна незгода во која со повреди се здобила жена, која е пренесена во комплекс клиники „Мајка Тереза" за укажување помош. Од МВР информираат дека увидот е во тек, а според првичните информации мотоцикл удрил во жената пешак.

Талески: Герасимовски во Центар не реализира ниеден ветен капитален проект – општината се дави во смет и владее урбанистички хаос

Ивана Ефремовски — Mon, 30 Oct 2023 11:15:41 +0000

Општина Центар го има еден од најнеспособните градоначалници во Република Македонија. Тој е слика и прилика како СДС владее во Македонија. Градоначалникот Горан Герасимовски, кој дојде на оваа позиција како наследник на Богдановиќ и Жерновски наместо да го среди урбаниот хаос во Центар, продолжи таму кај што застанаа неговите претходници. СДС и неговите коалициски партнери веќе десет години раководат со оваа општина и состојбите во неа се директно нивна одговорност, реагира Мартин Талески, член на ОК на ВМРО-ДПМНЕ - Центар. -Влегувајќи во третата година од својот мандат Герасимовски нема ни отчет за сработеното, ниту па нешто конкретно се работи на терен. Градоначалникот изборно се обврза на подобрување на хигиената во општината, а Центар денес е повалкан од било кога. Сведоци сме на нечисти улици и паркови како никогаш досега. Во општина Центар владее урбанистичко дивеење, а локалната власт е нем набљудувач на тоа што секојдневно им се случува на центарци. Дивоградби никнуваат, се узурпира јавниот простор на граѓаните, а општина центар молчи и ништо не презема. Се што вети Горан Герасимовски остана на хартија затоа што е неспособен и неодговорен. Иако списокот на ветени проекти е долг, во оваа пригода потсетуваме на капиталните нереализирани, а ветени проекти, за кои граѓаните на Центар секојдневно сведочат, вели тој. Талески потенцира дека граѓаните уште чекаат на двете ветени градинки во населбите Пролет и Маџир Маало. -Првата во Пролет, која согласно изборната програма требаше да биде завршена до крајот на 2022 година е далеку од конечна реализација. Втората градинка во Маџир Маало после повеќе од две години се уште не е ни започната. Нема ништо и во делот на обезбедување повеќе паркинг места за центарци. Се уште не е ни во почетна фаза изградбата на ветената катна гаража во блокот згради спроти ПУИК во Дебар Маало, ниту е поставен ветениот монтажен паркинг со 296 паркинг места на локацијата на ПУИК. Беше ветена и изградба на општинска административна зграда, хортикултурно и партерно уредување на просторот каде што се постојните бараки. И овој проект остана само на хартија. Вакви објекти во интерес на граѓаните не се градат, ама затоа кога се работи за згради и бизнис интереси, тогаш тука нема застој. Односно мораториумот во Центар умре и владее урбанистички хаос. Заборави на ветувањата за хумано живеење во Центар и затоа сега гледаме хипер урбанизација во делот на поранешна Треска и други локации каде што се предвидува цели „градови“ да никнат. Поминаа цели две години од мандатот на Герасимовски во лага. Ниту реализација на проектите, ниту подобрување на квалитетот на животот за центарци. Време е после една деценија СДСМ да биде казнета од граѓаните на Центар. Важно е Центар да има локална самоуправа која ќе се грижи за граѓаните, вели тој.

Жена истепана во угостителски објект во центарот на Скопје

Тале Кристо — Mon, 23 Oct 2023 14:30:19 +0000

Денеска (23.10.2023) во 02.30 часот во СВР Скопје, Е.Р.(37) од Скопје пријавила дека во угостителски објект на подрачјето на Центар со тврд предмет била физички нападната од Е.Т.(женско лице). Се преземаат мерки за расчистување на случајот.

Тепачка во угостителски објект во центарот на Скопје

Тале Кристо — Fri, 13 Oct 2023 17:30:25 +0000

На 12.10.2023 во 19.00 часот во СВР Скопје, Д.Ј.(36) од Скопје пријавил дека околу 11.00 часот пред угостителски објект на подрачје на Центар, поради претходно недоразбирање и нерасчистени должничко-доверителски односи, бил физички нападнат од Ѓ.Т., кој му упатил и закани. Се преземаат мерки за расчистување на случајот, по што ќе следува соодветен поднесок.

ВНИМАВАЈТЕ, ГУЖВА ВО ЦЕНТАР: Мотоцикл се судри со автомобил со косовски таблички (ФОТО)

Дарко Андоновски — Mon, 09 Oct 2023 10:51:52 +0000

Сообраќајна несреќа се случи во овие моменти на раскрсницата кај зградата на „Нова Македонија“ и ЕУ Инфо центарот во Скопје. Во сообраќајната несреќа учествувале мотоцикл и автомобил со косовски регистарски таблички. Засега не е позната состојбата на возачите или патниците и во автомобилот и на моторот. Повеќе детали во текот на денот...

Шанса за Центар ја помеша математиката, ДУП-от Буњаковец не предвидува 33.000 жители

Super Admin — Fri, 06 Oct 2023 10:19:50 +0000

(Комерцијална објава) Шанса за Центар сериозно ја помеша математиката со жителите кои ќе се вселат во ДУП-от Буњаковец каде спаѓа и комплексот на поранешната фабрика Треска. Вчера излезе со сериозни лаги и невистини во кои тврдат дека во ДУП-от Буњаковец ќе има 33.000 жители, наспроти планираните 12.500, бројка која побуди сериозна паника кај граѓаните. Шанса за Центар алудира на пренаселеност во комплексот Треска очигледно поради тоа што чувствува силен револт откога Уставниот суд им ја отфрли иницијативата за оценување на уставноста на Деталниот урбанистички план (ДУП) за Буњаковец во кој спаѓа и просторот на „Треска“, недозволиво е да се манипулира со бројки во вакви размери кои создаваат паника кај граѓаните поради што манипулираат со граѓаните. Имено, според сите податоци кои досега излегоа од Општина Центар на парцелата на поранешната фабрика Треска треба да се изгради комплекс од вкупно 6 блока, при што најмалиот е со вкупна површина од околу 3900 м2, додека најголемиот 8920 м2. На целиот комплекс предвидено е да има околу 20 станбени објекти во кои влегуваат повеќе градежни парцели, што е за над 30% помалку од бројот на објекти што го дозволува актуелниот ДУП кој во јавноста се нарекува наполитанки. Според досега објавеното максималната катност на овие 20 згради е П+5 или максимална висина од 16 метри, што пак е далеку помалку од околните објекти во тој реон, како и од поголемиот дел згради на централно подрачје. Во рамки на комплексот, предвидени се 1350 станови, наспроти обвинувањата дека во овој комплекс се предвидуваат и повеќе од 2500 станови. За овие 1350 станови според регулативите потребно е да се испроектираат 1400 паркинг места, меѓутоа според информациите од општината инвеститорите предвидуваат 20% повеќе од пропишаната бројка и целосно сообраќајно решение со паркирање во рамки на парцелата. И најважното комплексот предвидува домување за најмногу 4000 жители, односно околу 16.500 жители за целиот ДУП Буњаковец, а не 33.000 како што тврди Шанса за Центар. Шанса за Центар ги дуплира бројките за да создаде паника кај жителите. Шанса за Центар да престане да си игра, да седне и убаво да ги пресмета бројките и конечно да пласира вистини, а не лаги.

Претрес во скопски Центар, приведен дилер, пронајден кокаин

Ивана Ефремовски — Thu, 05 Oct 2023 06:35:11 +0000

На 04.10.2023 полициски службеници од СВР Скопје, Единица за недозволена трговија го лишија од слобода М.Н.(58) од Скопје. По претходно преземени мерки и активности и добиена судска наредба беше извршен претрес во дом и дополнителни два објекта кај М.Н., на подрачјето на Центар, при што е пронајден кокаин, подготвен за улична продажба и три дигитални ваги. Лицето е приведено и задржано во полициска станица и по документирање на настанот ќе биде поднесена соодветна кривична пријава.

Без вода дел од Центар

Тале Кристо — Sat, 16 Sep 2023 07:30:34 +0000

Поради уличен водоводен дефект од ф-80мм на ул. „Аминта Тети“ бр.3 во населба Центар, изутрина од девет часот без вода се дел од корисниците од бул. „Илинден“, на потегот од Градски парк до Влада. Прекинот на водоснабдувањето ќе трае до завршување со работните активности, најави ЈП „Водовод и канализација“.

Малолетници истепале свој врсник во центарот на Скопје

Тале Кристо — Wed, 06 Sep 2023 14:52:00 +0000

На 05.09.2023 во 21.00 часот во Полициската станица Центар, Д.Б.(41) од Скопје пријавил дека околу 19.45 часот на подрачје на Центар, неговиот малолетен син бил физички нападнат од четири малолетници. Се преземаат мерки за расчистување на случајот.

Нападнати и повредени тројца малолетници во Центар

Ивана Ефремовски — Fri, 01 Sep 2023 18:54:12 +0000

На 31.08.2023 полициски службеници од СВР Скопје привеле 16-годишен малолетник поради основано сомнение дека извршил кривично дело разбојништво во обид. Настанот се случил на 28.08.2023 околу 20:30 часот кога во трговски центар на подрачје на Центар, заедно со уште едно лице со остар предмет нападнале тројца малолетници од Скопје и им нанеле повреди. Против малолетникот ќе биде поднесена соодветна пријава.