30 години успешна приказна на Центро Унион и Favorit

Ивана Ефремовски — Fri, 28 Feb 2020 15:45:04 +0000

Favorit. Наш бренд. Ваш бренд. Оваа недела беше во знакот на македонската компанија Центро Унион. По повод 30 годишнината од нејзиното постоење, компанијата приреди прослава за која долго ќе се зборува. Семејствата, бизнис партнерите и клиентите на Центро Унион, заедно со добра музика и вкусна храна, наздравија за успесите кои се постигнати благодарејќи на макотрпната работа во изминатите 30 години. Македонија има наш бренд! Ваш бренд! Со доделување на плакети на најзаслужните за успесите кои се постигнати, Центро Унион им се заблагодари за придонесот, со што им даде мотив за продолжување на соработките и постигнување на уште поголеми резултати. Насмевките на лицата на присутните докажаа дека компанијата Центро Унион со својата скромност и приземност уште долго време ќе биде лидер во својата област. Започнувајќи од нула, основачот на Центро Унион, Зоран Станојевски, имајќи цврста идеја, силна желба и поглед кон иднината, успева да го реализира својот сон за основање на компанија со сопствен бренд, кој ќе стане лидер на пазарот. Триесетгодишната работа на Центро Унион се должи на посветеност и скромност на основачите, кои во најтурбулентниот период за нашата држава успеаја да се пробијат помеѓу светските брендови за бела техника. Рамо до рамо со издигнатите светски брендови, како Samsung, Beko, LG, и уште многу други препознатливи имиња, Центро Унион со Favorit станува лидер домашниот пазар, како и многу препознатлив на меѓународниот пазар. Центро Унион продолжува со испишување на успешната приказна, сега под јасната слика за успех на првиот директор на Центро Унион, Тијана Станојевска Ристевска, која што влева доверба кај партнерите и соработниците. Прославата за успешната приказна на Центро Унион можете да ја проследите на видеото во прилог:

Центро Унион прослави јубилеј: 30 години трговија за најдобрите

Дарко Андоновски — Sun, 23 Feb 2020 12:34:15 +0000

Една од најстарите македонски фирми, Центро Унион, синоќа во хотел Мериот во Скопје, прослави 30 години постоење. Центро Унион е приказна за македонски семеен бизнис, родното место на брендот FAVORIT и компанија зад која што се кријат безброј достигнувања. Иако компанијата има постигнато глобални успеси, нејзините основачи ги краси скромност и дисциплина, без кои што не би можеле да ја водат компанијата низ тешките економски години. Скромноста и посветеноста на основачите се отсликува најпрво во нивното лого. Во 1990 година, кога се основала компанијата, тие немале капитал за да платат дизајнер за логото да има различни верзии. Затоа тие до ден денес го немаат променето, сакајќи да се сеќаваат на борбата низ годинитениз кои Центро Унион претставува доверба, професионалност, авторитет, моќ и лојалност. Синоќа, заедно со семејствата, бизнис партнерите и клиентите, Центро Унион во хотел Мериот, приреди прослава за која што долго ќе се зборува во бизнис круговите. Низ вкусна храна и убава музика, како лидер во областа во која што е, компанијата оддаде признанија на соработниците, заблагодарувајќи им се за придонесот со надеж за долга соработка и во иднина. На присутните се обратија и основачот на компанијата, Зоран Станојевски и првиот директор на компанијата, Тијана Станојевска Ристовска, која што во третата декада на компанијата ја отсликува движечката сила на тимот. „Од сѐ срце сакам да им се заблагодарам на сите оние коишто беа дел од оваа приказна, на една од првите приватни компании во Македонија. Горд сум што од канцеларија со едно биро, денес имам можност да се гордеам со меѓународни достигнувања. Основајќи ја компанијата со сопругата Ленче, сакавме да создадеме нешто за себе, за нашето семејство, за нашите вработени и општеството. Среќни сме што докажавме дека бизнисот нуди можности за секого. Уште во 1990 година, силно верував дека оној што има идеја, визија и желба, може да најде начин на кој што ќе го оствари својот сон. Мојот, сега веќе реализиран сон се вика ФАВОТИР и со задоволство ќе кажам дека тоа е наш, ваш, домашен бренд. Овој значаен 30 годишен јубилеј на Центро Унион би сакал да го посветам на сите вас, кои помогнавте да се издигне брендот FAVORIT, на мојата сопруга Ленче и особено на мојата ќерка Тијана, која е иднината на оваа успешна приказна“, изјави пред присутните основачот на Центро Унион, Зоран Станојевски. Наредно, пред присутните гости во хотел Мериот, се обрати и Тијана Станојевска Ристовска, првиот директор на Центро Унион, лицето коешто ќе ја воведе компанијата во уште поголеми успеси на професионален развој и достигнувања. „Центро Унион е мојот дом каде што пораснав, научив многу и ќе продолжам да се надоградувам како раководител. Да се биде дел од тимот на оваа компанија е огромно задоволство, додека пак да се земе збор на триесетгодишен јубилеј претставува голема среќа. Центро Унион и Favoritќе продолжат да ги следат трендовите и да носат успеси како на домашниот, така и на меѓународниот пазар“ – изјави Тијана Станојевска Ристовска, по што го повика тимот на Центро Унион да и се придружи на сцена заблагодарувајќи му се за секој подвиг. Овој значаен јубилеј на Центро Унион е доказ дека дисциплинираната работна сила, храброста, трудот, безрезервното вложување во она во кое што се верува, лојалноста према соработниците и клиентите, грижата, негата и вербата во својот бренд, секогаш дава плод за восхит.

центро унион – Kurir.mk

30 години успешна приказна на Центро Унион и Favorit

Центро Унион прослави јубилеј: 30 години трговија за најдобрите