церебрална парализа – Kurir.mk

Ѓорѓиевски го отвори новото клупче за Здружението на родители на деца заболени од церебрална парализа, чии трошоци ќе ги покрива тој и својот кабинет од личните примања

Тале Кристо — Fri, 08 Jul 2022 13:49:20 +0000

Под мотото ,,Секое дете е различен цвет, а заедно прават прекрасна градина” денес градоначалникот на општина Кисела Вода Орце Ѓорѓиевски, го предаде клучот на новото клупче за дружење, едукација и ресоцијализација на Здружението на родители на деца заболени од церебрална парализа. Ова е прилагоден простор за кој нема да се плаќа никаков надоместок, ниту за користење на просторот, ниту за тековните трошоци за користење на истиот, бидејќи ќе ги покрива лично тој и неговиот кабинет од своите лични примања. - Најпрво, сакам да истакнам дека ова беше мое ветување кон нив и затоа денес заеднички ги отвораме вратите на овој клуб кој ќе биде нивно ново катче во кое времето ќе го поминуваат низ дружба, забава и едукација. Воден од грижата да се обезбедат подобри услови за овие дечиња со кои лично уживам да го поминувам моето време со нив, ова ново катче комплетно ги исполнува сите услови за квалитетен престој, вклучувајќи маси за надвор и внатре, столчиња, кујна и кујнски апарати, инвертер, дидактички и работни материјали, мебел итн. Се обврзав дека ќе обезбедам позитивни услови за развој на овие дечиња и стојам на мојот збор. Затоа што, секој жител е еднаков и треба да пружиме еднакви шанси. Затоа што, Кисела Вода е за сите луѓе - додаде Ѓорѓиевски. Клубот се наоѓа на ,,Христо Татарчев" 47д, Расадник.

Светски ден на лицата со церебрална парализа

Ивона Петрова — Wed, 06 Oct 2021 05:46:47 +0000

Националниот сојуз на лица со телесен инвалидитет на Македонија – Мобилност Македонија денеска во „Даре Џамбаз“ во Скопје ќе го одбележи Светскиот ден на лицата со церебрална парализа. – На 6 Октомври целиот свет го одбележува Светскиот ден на лица со церебрална парализа. Тоа е ден кога се преземаат активности со цел подигање на јавната свест за проблемите со кои се соочуваат лицата со церебрална парализа и потребата од подобрување на нивните права за независен, самостоен и целосно интегриран живот во општеството, истакнаа од „Мобилност.“ Претставници од „Мобилност Македонија“, Кабинетот на претседателот на Владата, Министерството за труд и социјална политика, Министерството за образование, Народниот правобранител и Фондот за здравствено осигурување ќе се обратат пред лицата со церебрална парализа и нивните родители, чиј број заради почитување на мерките за заштита од ширење на корона вирусот ќе биде ограничен.

Факти за церебралната парализа кои ќе ве натераат на размислување

Ивана Ефремовски — Thu, 25 Mar 2021 18:52:04 +0000

Неколку факти за церебрална парализа (ЦП) кои ќе ве натераат на размислување: ЦП главно ги погодува децата. Бројките се вознемирувачки. Едно од четири деца со ЦП не е во можност да зборува, едно од три деца не може да оди, едно од две деца се соочува со некоја форма на ментална или интелектуална попреченост и едно од четири деца има епилепсија. ЦП ги погодува доенчињата. Едно од 500 новороденчиња е родено со церебрална парализа. Скоро половина од луѓето со ЦП се родени предвреме. Церебрална парализа стигматизира. Во многу општества ширум светот, луѓето со ЦП се чуваат необразовани и скриени од остатокот на популацијата во заедницата.

Светски ден на лицата со церебрална парализа

Ивона Петрова — Tue, 06 Oct 2020 05:20:16 +0000

По повод 6 Октомври – Светскиот ден на лица со церебрална парализа, Националниот сојуз на лица со телесен инвалидитет на Македонија – Мобилност Македонија денеска ќе одржи настан за подигање на јавната свест за проблемите со кои се соочуваат овие лица. Светскиот ден на лица со церебрална парализа, како што посочуваат од Сојузот, е ден кога се преземаат активности со цел подигање на јавната свест за проблемите со кои се соочуваат лицата со церебрална парализа и потребата од подобрување на нивните права за независен, самостоен и целосно интегриран живот во општеството. На настанот е најавено присуството на претставници од Кабинетот на претседателот на Владата, Министерство за труд и социјална политика и Фондот за здравствено осигурување. Бројот на присутните ќе биде ограничен согласно протоколите за почитување на мерките за заштита од ширење на коронавирусот.

Надеж за Стефан Ивановиќ кој боледува од церебрална парализа

Дарко Андоновски — Sun, 03 Nov 2019 18:34:25 +0000

Мала надеж во животот на Стефан Ивановиќ кој има од церебрална парализа.

Тој немаше струја со месеци поради неплатени долгови. По сторијата на Канал 5 компанијата ЕВН и Стефан потпишаа договор за исплата на долгот на рати, многу хмани луѓе му помогнаа да уплати седум илјади денари за да му биде вклучена повторно стурјата во неговиот дом. Стефан вели дека живее со седум илјади денари месечно и ги замолува општествено одговорните компании да му помогнат во исплата на долгот околу 200 илјади денари. Стефан живее сам, неговата мајка починала пред три месеци, нема семејство. Во наследство му останале големи долгови поради неплатени сметки. Тој верува дека ќе има помош и осамениот живот ќе му се промени. Секој кој сака да му помогне на Стефан може да му уплати средства на неговата жиро сметка: Стефан Ивановиќ Стопанска банка АД Скопје SWIFT: STOBMK2X IBAN MK 07200003261742653 ЗА ОД СТРАНСТВО ВО ЕВРА УПЛАТА 200002892730306 ЗА ВО МАКЕДОНИЈА УПЛАТА ВО ДЕНАРИ

Сам и со церебрална парализа, во темница, студена соба, со долг од над 200 илјади денари

Дарко Андоновски — Sat, 02 Nov 2019 18:47:26 +0000

Капата ја става не за да излезе надвор, туку за да легне да спие. Во собата каде е студено и едвај може да се седи неколку минути, а не пак да се преспие. 31 годишниот Стефан Ивановиќ од Чаир со месеци живее во темница бидејќи не може да го плати долгот кој изнесува над 200 илјади денари. Живее сам мајката му починала пред неколку месеци, објавува ТВ 21. „Боледувам од церебрална парализа. Болеста е проследена со спазми на долниот дел од мускулатурата. Понекогаш и горе се покачуваат, на горниот дел. Болеста е прогресивна. Фаќа замав, се повеќе и повеќе како стареам. Јас се трудам да не ги изоставам терапиите што ми се препишани од доктор. На секои шест месеци ми следува рехабилитација во катлановска бања.“, вели Ивановиќ. Стефан зема социјална помош од само 6 илјади денари, иако има попреченост и не е физички способен на работи. Нема доволно пари да купи ниту лекови. Целата сторија можете да ја погледнете на ТВ21 или ТУКА.

Херој на денот: Момче со церебрална парализа крена тег двојно потежок од него

Ивана Ефремовски — Mon, 01 Apr 2019 13:32:31 +0000

Момче тешко 45 килограми крена тег повеќе од двојно потежок од него и со тоа стана хит на интернет. Тегот тежи над 90 килограми. Сè тоа, според фановите на новата интернет-ѕвезда, е уште позначајно поради тоа што момчето има церебрална парализа. Повеќето коментари на Фејсбук одат во насока на тоа дека ако еден човек е доволно упорен и посветен, ништо не е невозможно и целта е секако на дофат.

Запознајте ја Вера – девојката борец, единствената ученичка со попреченост во гимназијата „Орце Николов“

Ивана Ефремовски — Fri, 13 Apr 2018 14:10:31 +0000

Неколку минути пред 13 часот во училишниот двор на скопската гимназија „Орце Николов“ во Скопје , звукот од тркалата на училишната торба го најавува доаѓањето на девојката со убаво бело лице и сини очи. Вера Апостоловска има 17 години и е втора година во гимназија. Во ова училиште таа е единствената ученичка со попречености. Нејзината сторија ја пренесува телевизија СИТЕЛ. Покрај проблемите коишто се појавуваат со моториката, Вера е активно вклучена во редовниот образовен систем со помош на асистивната технологија што многу и помага на училиште. Иако навидум се разликува од своите врсници, таа се едуцирала во редовно училиште и во учењето не заостанувала зад своите врсници. Вели дека многу сака да спортува, пешачи и вози велосипед, а ги совладала и сите предизвици на модерната технологија. Насмеана и со ведар дух, Вера е амбициозна тинејџерка со големи планови за иднината. Вера умее да работи на компјутер, пребарува на Интернет, се дружи, гледа спорт, сака мода како и секоја девојка. Или, Вера денес живее исто како и нејзините врсници. Видеото на СИТЕЛ погледнете го во продолжение