Атлетико Мадрид го „украде“ пред нос Аспиликуета на Интер

Бошко Тасиќ — Sat, 01 Jul 2023 06:57:03 +0000

Капитенот на Челси, Цезар Аспиликуета, ги договори личните услови со Интер, сѐ беше подготвено за трансфер, но се чини дека Шпанецот нема да оди во Милано, туку во Мадрид. Атлетико Мадрид ненадејно се вклучи во трката за искусниот дефанзивец, а членовите на неговото семејство, желни за враќање во Шпанија, наводно ја поддржуваат таа опција. Тренерот на Атлетико, Диего Симеоне го сака во својот тим. Аспиликуета се договори за двегодишен договор со Интер, но на крајот се случи голем пресврт, па дефанзивецот ќе потпише двегодишен договор со „јорганџиите“.

Аспиликуета уште две години во Челзи

Ивона Петрова — Fri, 05 Aug 2022 08:44:54 +0000

Шпанскиот дефанзивец Цесар Аспиликуета потпиша уште еден договор кој го врзува со Челзи до лето 2024 година, објави лондонскиот премиерлигаш на социјалните мрежи. Аспиликуета во Челзи дојде во август 2012 година од Марсеј и за време на деценискиот престој на Стемфорд бриџ како капитен ја предводеше екипата на повеќе од 200 натпревари. Шпанецот минатата сезона одигра 47 натпревари во синиот дрес и дојде до бројката од вкупно 476 натпревари. Медиумите го поврзуваа Аспиликуета овој преоден рок со Барселона, но 32-годишниот фудбалер на крајот одлучи да остане под тренерскиот ангажман на Томас Тухел. – Многу сме среќни што Цесар ќе остане во Челзи уште најмалку две години. Воодушевени сме што нашиот капитен со својот пример уште еднаш ја покажа својата приврзаност и лидерски способности, изјави претседателот и косопственик на Челзи, Тод Боли.

Цесар Аспиликуета – Kurir.mk

Атлетико Мадрид го „украде“ пред нос Аспиликуета на Интер

Аспиликуета уште две години во Челзи