цетиње – Kurir.mk

Готови резултатите од обдукцијата на масовниот убиец во Цетиње, еве колку куршуми завршиле во неговото тело

Ивона Петрова — Mon, 22 Aug 2022 09:42:46 +0000

Обдукциските наоди од телото на масовниот убиец од Цетиње, Вук Бориловиќ (34) ги потврдија неофицијалните информации. Тој, како што објавуваат медиумите, се здобил со повреди во телото од пет испукани куршуми. Од кој куршум настрадал, дали од полицискиот или од соседот Ненад, ќе утврди истрагата која е во тек. Ова се е наведено во одговорот на Вишото јавно обвинителство во Подгорица за „Вјести“. Оттаму објаснуваат и дека се уште не им се доставени резултатите од обдукциите на десетте жртви на Бориловиќ. Резултатите од неговата обдукција во обвинителството биле предадени во петокот, на 19 август, една недела по трагедијата во Цетиње. -Вишото јавно обвинителство во Подгорица, по повод случувањата во Цетиње во континуитет презема бројни мерки и работи се со цел целосно расветлување на настанот. По наредба на обвинителството направена е обдукција и денеска е доставен наодот од телото на В.Б. од кој се заклучува дека е наведено дека лицето се здобило со повреди во пределот на телото од пет испукани проектики. Обдукциските наоди на другите лица се уште не се доставени, како ни наодите од другите вештачења. Дури по доставувањето на сите наоди, вештачења и дсобирање на сите докази ќе може да се донесе одлука за предметот, одговориле од обвинителството. Во предметот во својство на граѓани биле сослушани повеќе лица, меѓу кои и Ненад. Во незапаметената трагедија животот го загубија: Данијела Радуновиќ (51), Александра Радуновиќ (52), Милан Митровиќ (37), Рајко Дрецун (56), Димитрије Дрецун (81), Даница Дрецун (74), Горан Ѓуришиќ (54), Наташа Пејовиќ Мартиновиќ (35), М.М. (11) и М.М (8).

Инспекторите плачелe врз убиените деца во Цетиње, затоа и истрагата траела подолго од вообичаено: Додека бидат живи нема да гo заборават овој случај!

Тале Кристо — Sat, 20 Aug 2022 08:35:27 +0000

Потресни сцени на невино убиените деца и другите жртви во Цетиње не ги оставиле рамнодушни ниту припадниците на полицијата и истражителите додека точно пред седум дена вршеле увид на местото на злосторот откако монструмот Вук Бориловиќ, вооружен излегол на улица и сеел смрт. Плачеле гледајќи го хоророт кој што го направил масовниот убиец. Солзите неможеле да ги задржат ниту инспекторите со повеќедецениско искуство, па и затоа увидот траел повеќе од вобичаено. Она што го виделе, велат додека се живи нама да го заборават. -Тоа се сцени кои никого неможат да остават рамнодушен, не кријат инспекторите кои биле на терен. Да потсетиме, триесет и четиригодишниот Вук Бориловиќ уби десет лица, а рани шестмина, а според официјалните податоци, во петокот околу 15 часот и 30 минути, Бориловиќ влегол во станот на своите станари и на вратата ја убил единаесетгодишниот М., па неговиот три години помлад брат, а потоа ја застрелал нивните мајка – Наташа Пајовиќ Мартиновиќ – низ прозорецот.

САМО НЕМОЈ ДА МЕ УБИЕШ: Исповед на бабичката (88) која го преживеала масакрот во Цетиње! (ФОТО)

Тале Кристо — Fri, 19 Aug 2022 08:52:12 +0000

Масакрот кој што се случил на 12 август во Цетиње го преживеала 88-годишната Даринка Целебиќ, која иако повредена, успеала да избега преку прозор и да спаси жива глава. Во исповед, после излегувањето од болница во детали го опишува она што се случи тој црн ден, кога се сретнала оци во очи со масовниот убиец од соседството. -Бев дома кога дојде. Одеднаш се појави на тераса, само ме гледаше и му реков: „Немој да убиеш“, „Немој да пукаш во мене“. Потоа ја подигна раката со оружјето, пукаше и ме рани, и му реков: „Ти убиј ме, но оставиги жените кои беа кај мене“, потоа Милена (76) ја погоди во рака, а за Славица не знам каде, вели Даринка. Таа откри и како успеала да побегне од рацете на масовниот убиец. -Зедов еден пешкир, па излегов преку прозорец, боса и поминав преку старата фабрика додека не стигнав во болница. Таму слушнав се кого убил. Ќе ме убиеше и мене доколку не побегнев. Сигурно! Славица и МИлена седеа кај мене, а кога почна да се пука им реков дека „Ова нема да помини добро“, открива виталната старица како се снашла во моментите кога билаа соочена со смртта. Да потсетиме, триесет и четиригодишниот Вук Бориловиќ уби десет лица, а рани шестмина, а според официјалните податоци, во петокот околу 15 часот и 30 минути, Бориловиќ влегол во станот на своите станари и на вратата ја убил единаесетгодишниот М., па неговиот три години помлад брат, а потоа ја застрелал нивните мајка – Наташа Пајовиќ Мартиновиќ – низ прозорецот.

Потресни сцени од Цетиње: Граѓани запалија свеќи за трагично загинатите сограѓани (ФОТО)

Магдалена Андонова — Mon, 15 Aug 2022 19:07:07 +0000

Граѓаните на Цетиње вечерва се собраа на Градскиот плоштад за да запалат свеќи и да им оддадат почит на жртвите од трагедијата што во петокот го снајде овој црногорски град. Триесет и четиригодишниот Вук Бориловиќ уби десет лица, а рани шестмина. Несреќните жртви беа погребани вчера во Цетиње. Најмладиот од нив имал само осум години, а најстариот 81 година. Да потсетиме, според официјалните податоци, во петокот околу 15 часот и 30 минути, Бориловиќ влегол во станот на своите станари и на вратата ја убил единаесетгодишниот М., па неговиот три години помлад брат, а потоа ја застрелал нивните мајка - Наташа Пајовиќ Мартиновиќ - низ прозорецот.

Мајката на убиецот од Цетиње: „Јас сум без душа, не знам дали ќе преживеам“

Магдалена Андонова — Mon, 15 Aug 2022 17:17:59 +0000

Два дена по инцидентот во Цетиње, каде што загинаа 11 лица и шест се повредени, Светлана Бориловиќ која му е мајка на убиецот Вук Бориловиќ даде коментар за српски „Телеграф“. Светлана кажа дека Вук ги загубил нервите и сè направил несвесно. Несреќната жена тврди дека ништо не покажувало дека ќе се случи трагедија. „Јас сум без душа и не знам дали ќе ја преживеам оваа болка. Како можеше ова да ми се случи од моето дете, цел град и земја да ја завие во црно!? Зошто сине? Постојано се прашувам, а одговор нема да добијам“, вели Светлана. Светлана, исто така, кажа дека Вук не бил во лоши односи со ниту една од жртвите и не ѝ е јасно зошто ова се случило.

Човекот кој го уби монструмот од Цетиње е приведен на распит во Обвинителството

Магдалена Андонова — Sun, 14 Aug 2022 18:34:35 +0000

Ненад Калуѓеровиќ од Цетиње е на распит во својство на граѓанин во Вишото државно обвинителство, пишува Вијести. Првиот човек на Вишото државно обвинителство Лепа Меденица потврди дека тој се одѕвал на телефонскиот повик на обвинителството. Калуѓеровиќ е поврзан со убиството на масовниот убиец Вук Бориловиќ. Да потсетиме, Вук Бориловиќ во петокот уби 10 лица во населбата Медовина во Цетиње, а потоа беше ликвидиран. Полицијата не утврдила дали тој бил убиен од истрел од соседот Ненад Калуѓеровиќ, ниту пак дали било пукано во правец на Бориловиќ од нејзините службеници. Инаку Калуѓеровиќ до денеска беше во бегство поради страв дека ќе мора кривично да одговара за убиство на монструмот. Од друга страна, жителите на Цетиње му се благодарни , бидејќи велат дека ако не бил тој, кој знае колку луѓе ќе убиел монструмот, кој речиси еден час убивал свои роднини и сограѓани со ловечки карабин во нивните домови или на улица.

Братот на двете жени убиени во масакрот во Цетиње побара да биде ослободен Ненад: „Ве молам тој човек да не биде обвинет“

Магдалена Андонова — Sun, 14 Aug 2022 17:20:37 +0000

По комеморативната седница, која денеска се одржа во Цетиње, со потресни зборови зборуваше Тиодор Радуновиќ кој во масакрот ги загуби двете сестри Мила и Александра Радуновиќ. Со насолзени очи и видно потресен испрати барање до претставниците на властите, Ненад Калуѓеровиќ од Цетиње, кој го застрела убиецот Вук Бориловиќ, да биде ослободен од секаква одговорност и властите да не го товарат за кривично дело. Радуновиќ повика да се ослободи од одговорноста, како што рече, „човекот што го прекина крвопролевањето во Цетиње“. - Ве молам децата што ги има тој човек да не останат без татко по втор пат, ве молам, ве молам, тој човек да не биде обвинет, рече Радуновиќ и рече дека тоа е херојски чин. Додека Радуновиќ зборуваше, од салата се слушна одобрување „Така е!“, а на крајот со аплауз за поддршка на неговото барање.

ПОГРЕБАНИ НАТАША И НЕЈЗИНИТЕ СИНОВИ! Цетиње завиено во црно, таткото со последен поздрав: „Ангели мои, чекајте ме доаѓам брзо кај вас“ (ФОТО+ВИДЕО)

Магдалена Андонова — Sun, 14 Aug 2022 14:26:31 +0000

На гробиштата во Бајице кај Цетиње денеска беа погребани триесет и петгодишната Наташа Мартиновиќ и нејзините двајца малолетни синови Машан (11) и Марко (8). Освен семејствата Мартиновиќ и Пејовиќ, што е моминско презиме на несреќната Наташа, од нив се прости и градоначалникот Никола Ѓурашковиќ и бројни граѓани на Цетиње. Милош Мартиновиќ со трогателна порака се прости од сопругата Наташа и двата сина кои Вук Бориловиќ ги уби на Цетиње. - Ти благодарам за се што направи за Машан и Марко. Се обиде да ги спасите од олошот што ве уби ни криви ни должни. Цел живот се бореше за нив и сега повторно сте заедно. Тој во некрологот објавен во весник испрати трогателна порака до неговите синови: - Ангели мои доаѓам брзо кај вас, чекајте ме, ве сакам.

Нови информации за состојбата на повредените во ужасот во Цетиње

Ивона Петрова — Sun, 14 Aug 2022 13:44:56 +0000

Во Клиничкиот центар Црна Гора на лекување се наоѓаат три пациенти од кои еден е животно загрозен поради здобиените повреди во масовното пукање во Цетиње пред два дена. Пациентот кој бил сместен на Клиниката за неврохирургија е отпуштен и е на домашно лекување. -Останатите тројца пациенти се уште се сместени на интензивното одделение од кои двајца се надвор од животна опасност, додека третиот пациент и натаму е во тешка состојба поради здобиените повреди и во моментов животот му е загрозен, велат од Клиничкиот центар. Во Цетиње денеска во 10 часот беше одржана комеморативна седница за трагично загинатите. Попладнево се одржуваат погребите на осум жртви.

Милош се прости од сопругата и синовите убиени во Цетиње: Ти благодарам, се обиде да ги спасиш од злобникот

Ивона Петрова — Sun, 14 Aug 2022 10:35:28 +0000

Црногорските весници денеска се полни со некролози и последен поздрав до жртвите од масакрот кој во петокот се случи во Цетиње. Милош Мартиновиќ со трогателна порака се прости од сопругата Наташа и синовите Машан и Марко кои живееле како потстанари кај напаѓачот Вук Бориловиќ. -Ти благодарам за се што направи за Машан и Марко. Се обиде да ги спасиш од злобникот кој ве уби ни криви, ни должни. Се бореше целиот живот за нив и сега повторно сте заедно, стои во последниот поздрав од Милош. Наташа и нејзините синови ќе бидат погребани денеска на локалните гробишта. Покрај нив, погребани денеска ќе бидат и Милан Митровиќ, како и Димитрије, Даница и Рајко Дрецун, но Горан Ѓуришиќ кој е вујко на убиецот, а настрадал обидувајќи се да го вразуми.