цевковод – Kurir.mk

Папазов: Општина Кочани доби потисен цевковод во должина од 2.2 километри во вредност од 44.5 милиони денари

Тале Кристо — Mon, 11 Apr 2022 11:13:51 +0000

Општина Кочани доби потисен цевковод во должина од 2.2 километри во вредност од 44.5 милиони денари, изјави денеска кочанскиот градоначалник Љупчо Папазов. Почитувани, денес се наоѓаме во комплексот Бунарски систем на комуналното јавно претпријатие Водовод – Кочани, каде го објавуваме завршувањето на проектот за изградба и реконструкција на главниот потисен цевковод во должина од 2.2 километри во вредност од околу 44 ипол милиони денари. Со што добиваме еден стабилен систем за водоснабдување, ги намалуваме загубите и во делот на можноста за земјоделците да пристапат до своите земјоделски површини со почеток на сезоната за наводнување, се покриени со датумот за извршување на нивните активности, рече Папазов. Папазов очекува бенефитите од овој проект да ги почувствуваат граѓаните, комуналното јавно претпријатие Водовод, како и општината Кочани. -Обврската на Општина Кочани беше да ја спроведе постапката на експропријација на трасата по која се изведуваше овој проект, и обврска ќе биде заедно со изведувачот на работите да се вратат парцелите во првобитната состојба. Ваква проекција се реализира еднаш во 50 години и очекувам бенефитите да ги почувствува и комуналното јавно претпријатие Водовод, општината Кочани и граѓаните на општина Кочани, додаде Папазов.

Пецаков: Се поставува 400 метри цевковод во населба „Шипокно“

Тале Кристо — Tue, 22 Mar 2022 12:13:31 +0000

Екипи на ЈП „Водовод“, по налог на Општина Охрид, изведуваат градежни активности за поставување на 400 метри цевковод во населба „Шипокно“. Вредноста на зафатот изнесува 1 милион и 700 илјади денари. Средствата се одвоени од буџетот на Општина Охрид. Со овој зафат значително ќе се подобри водоснабдувањето во населбата, информираше преку социјалната мрежа на Фејсбук градоначалникот на општина Охрид Кирил Пецаков.

Дел од гевгелиско без вода поради дефект на главниот цевковод

Ивона Петрова — Wed, 28 Feb 2018 12:15:33 +0000

Дел од гевгелиско е без водоснабдување поради дефект на главниот цевковод со пречник од 200 милиметри, во реонот на поранешната конзервна фабрика „Зора“. Водоснабдувањето е во прекин кај корисниците од хотелот „Нар“, селото Мрзенци, индустриската зона „Блокотехна“ и Негорските минерални бањи, потврдија од Јавното комунално претпријатие во Гевгелија. Екипите за отстранување на лоцираниот дефект на терен излегле по 10 часот откако се создале минимум временски услови за работа и се уште се на терен до конечно санирање на штетата од дефектот. Комуналците интензивно работат на отстранување на дефектот и велат дека до завршување на работното време, штетите ќе бидат санирани и дека наведените места ќе добијат нормално водоснабдување од регионалниот водоводен систем.