чамец – Kurir.mk

Најмалку 11 загинати при превртување на чамец близу Порторико

Тале Кристо — Fri, 13 May 2022 07:20:37 +0000

Најмалку 11 лица загинаа при превртување на чамец со мигранти, северно од ненаселениот остров Десечео, близу западниот брег на Порторико. – Досега, спасени се 31 лице, соопштија локалните власти. Не се знае колку луѓе биле во чамецот, а меѓу спасените се 20 машки и 11 женски лица. Хеликоптер на американската царина и гранична полиција забележал превртен чамец и набргу почнала акцијата за спасување. Најмалку осум Хаиќани се во болница, не се знае националноста на останатите лица во чамецот. Во регионот, мигранти од Хаити и од Доминиканската Република бегаат од насилството и сиромаштијата во своите држави. Американската крајбрежна стража и доминиканската морнарица во саботата спасија 68 мигранти во преминот Мона, подрачје меѓу Порторико и Доминиканската Република. – Овие патувања се навистна опасни. Бродовите се небезбедни, преоптоварени и немаат опрема за спасување, истакна Кастродад.

Нова несреќа со чамец со мигранти во Егејското море, најмалце четворица загинати

Магдалена Андонова — Fri, 24 Dec 2021 08:31:27 +0000

Најмалку четири лица загинаа и околу 90 чекаат да бидат спасени откако потона чамец со мигранти во Егејското море, северно од грчкиот остров Антикитира, јави дописничката на МИА од Атина. Според грчките медиуми несреќата се случила вчера, а мигрантите преку европскиот број за итни случаи 112 побарале помош и рекле дека во едрилицата со која се превезувале имало околу 100 лица, по што започнала спасувачката акција на грчката крајбрежна служба. Биле извлечени четири безживотни тела, а околу 90 лица успеале да стигнат до мал карпест ненаселен остров каде што чекаат помош. Веројатно е дека чамецот тргнал од Турција, а крајната дестинација била Италија, исто како и чамецот што потона во вторникот во близина на островот Фолегандрос. Ова е втора несреќа за неколку дена со загинати мигранти во Егејското море. Во вторникот вечерта потона брод со бегалци и мигранти, беа спасени 13 лица, загинаа тројца, а се уште, непознат е бројот на исчезнати. (МИА)

Во близина на Лефкада откриен чамец со околу 30 мигранти, уапсени четворица криумчари

Магдалена Андонова — Fri, 13 Nov 2020 10:53:21 +0000

Крајбрежната служба од грчкиот остров Лефкада во морскиот дел во близина на копното, открила чамец со околу 30 мигранти, меѓу кои и шест деца, објавија грчките медиуми, јави дописничката на МИА од Атина. Паралелно, биле уапсени и четири лица, со украинско потекло, кои веројатно се криумчари. Мигрантите биле префрлени на копно, а со помош на локалните власти ќе се спроведат потребните процедури поради мерките за заштита од коронавирусот. (МИА)

Чамец со 36 бегалци и мигранти пристигна на грчкиот остров Лезбос

Дарко Андоновски — Sun, 17 May 2020 12:40:43 +0000

На грчкиот остров Лезбос рано утрово од турското крајбрежје пристигна чамец со 36 бегалци и мигранти, а како што е веќе пракса, 14 дена ќе бидат сместени во специјален простор- карантин, наменет за новите пристигнувања, со цел да се изолираат, поради Ковид-19 и да не се мешаат со оние кои престојуваат во прифатните центри, јави дописничката на МИА од Атина. Според грчките медиуми, се очекува претставници од Националната организација за јавно здравје да ги тестираат бегалците и мигрантите пред да бидат префрлени во карантин. Од почетокот на месецов, ова е трет чамец што пристигнува на Лезбос. Пристигнаа вкупно 70 бегалци и мигранти во два одвоени случаи, 51 мигрант на 6 мај и 19 лица на 10 мај. При анализираните примероци, во вторникот беше соопштено дека две лица од првата група се заразени со новиот коронавирус, иако немале никакви симптоми.

Пронајдено мртво исчезнатото дете по судирот на чамец со мигранти и брод на грчката крајбрежна служба

Дарко Андоновски — Wed, 23 Oct 2019 09:55:29 +0000

Спасувачките екипи го пронајдоа безживотното тело на тригодишното дете од Сирија кое се водеше како исчезнато по судирот на чамец што пренесувал бегалци и мигранти со патролен брод на грчката крајбрежна служба во морскиот дел, источно од островот Кос, jави дописничката на МИА од Атина. Спасувачката акција продолжува за пронаоѓање на уште едно исчезнато лице, маж од Сирија. Во чамецот што од турското крајбрежје се упатил кон Грција, имало 34 лица, а од грчката крајбрежна служба соопштуваат дека од спасените, седум, меѓу кои и бремена жена, биле пренесени во болницата на Кос. Од седуммината, двајца се повредени, а останатите петмина превентивно биле префрлени во болница. Според првичните информации од грчката крајбрежна служба, инцидентот се случил во целосна темнина, чамецот со бегалци и мигранти немал никаква сигнализација, а никое од лицата што се превезувале не носло елек за спасување. За време на судирот, бродот на крајбрежната служба бил на редовна патрола во морскиот дел.

Татко и неговите мали деца загинаа во превртен чамец кај познат грчки остров

Ивана Ефремовски — Thu, 07 Mar 2019 10:31:41 +0000

Татко и неговите четири и пол годишни синови близнаци загинаа откако чамецот со кој што се превезувале, се превртел во текот на ноќта источно од грчкиот остров Самос, објавија грчките медиуми, јави дописничката на МИА од Атина. Во чамецот, во кој имало 12 лица, бегалци и мигранти, веројатно тргнал од Турција, а се превртел далеку од брегот. Грчката крајбрежна служба која пристигнала да помогне забележала и извлекла од морето 11 лица, додека по едно лице започнала потрага. Меѓу извлечените лица биле и двете момчиња кои починале додека траело нивното префрлање. Подоцна, било пронајдено и телото на нивниот татко, кој веројатно се удавил во обид да ги спаси неговите синови. Непознато е дали меѓу спасените девет лица, кои биле префрлени на грчкиот остров Самос, е и мајката на загинатите момчиња. Во спасувачката акција учествувале еден брод од крајбрежната служба, спасувачки брод, брод на Фронтекс и хеликоптер на воената поморница. Во друга акција, во близина на малиот остров Фармакониси, во текот на ноќта грчката крајбрежна служба спасила 11 бегалци и мигранти.

Спасен човек кој паднал од чамец во Смилковското езеро

Дарко Андоновски — Sat, 11 Aug 2018 14:45:16 +0000

Петмина пожарникари извлекоа човек кому му се превртел чамецот попладнево во Смилковското езеро. Командирот на Бригадата за противпожарна заштита, Ѕвонко Томевски за САКАМДАЖАМ.МК вели дека во 13:26 било пријавено дека во Смилковско езеро се превртел чамец со човек, а целата интеревенција завршила во 14,30 часот. Човекот, кој е во средни години, е префрлен со Итна медицинска помош и е во стабилна состојба, вели Томевски.

Сакал со автомобилот да го истовари чамец во вода во Грција: Поради оваа „ситна“ грешка му смееше цела плажа (ФОТО)

Матеја Петровски — Tue, 07 Aug 2018 15:35:35 +0000

Еден турист во Кавала во Грција, вчера остана заглавен во морето, во плиткиот дел кога со автомобил влезе во вода како би истоварил чамец. Наводно, во прашање е државјанин на Бугарија кој за својот автомобил закачил чамец, а кога сакал со него да се повози направил несекојдневен потег. Тој со колата влегол во плиткото и го оставил чамецот во вода, но кога сакал да излезе со колата останал заглавен. Мокриот и мек песок го направил своето, поради тоа што автомобилот поради својата тежина потонал. Посетителите на плажата на сите начини се обидувале да му помогнат на возачот, а многумина и се прашувале како воопшто овој потег можел да му падне на глава, затоа што исходот бил очигледен. На крајот заглавениот автомобил го извлекол трактор, кој бил пратен на плажата, па се добро се завршило. Сепак фотографиите од оваа случка се проширија низа социјалните мрежи. -Да не сакал со автомобилот до дома, да ги избегне границите. Преку море, е само еден од коментарите кои биле дадени на социјалните мрежи.