чанта – Kurir.mk

Жена си ја загубила чантата, но ќе се покае што ја најдоа: Поради тоа што го имала внатре сега ќе има проблем

Ивана Ефремовски — Fri, 15 Sep 2023 19:39:50 +0000

Надворешната канцеларија за криминалистички работи Струга поднесе кривична пријава против Б.К.(28) од Ресен, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“. На 07.08.2022 во ОВР Струга, од граѓанин била пријавена пронајдена женска чанта со пари, лични документи дробилка и марихуана, која и припаѓала на пријавената.

Чанта мала колку зрно сол на аукција продадена за 63.750 долари

Катерина Бојаџиева — Mon, 03 Jul 2023 10:43:10 +0000

Чанта „мала колку зрно сол“ е продадена на аукција за 63.750 американски долари. Она што е занимливо е тоа што, за да се види дизајнот на чантата, потребен е микроскоп, бидејќи таа има димензии 657 на 222 на 700 микрометри, пренесува Би-би-си. „Има големи чанти, нормални чанти и мали чанти, но ова е последниот избор во минијатуризацијата на чантите... Доволно е тесна за да се протне низ иглено уво... Оваа чанта е толку мала што ќе Ви треба микроскоп за да ја видите“, велат од креативниот тим „МИСЧФ“ од Бруклин кој стои зад чантата, познат по своите необични креации. Меѓу тие „изуми“ се и чевли кои содржат човечка крв, патики со света вода во табаните, колонска вода што мириса на „ВД-40“ средство против влага во автомобилите, како и огромни црвени кловновски гумени чизми. Уметничкиот колектив овојпат реши да го одведе „трендот на мали чанти“ до крајност. Чантата го има логото на „Луј Витон“, но предметот нема никаква врска со тој бренд. Жолтиот „моден новитет“ е направен од фотополимерна смола со помош на технологија за 3-Д печатење што често се користи за изработка на мали модели и структури.

Скопјанец нападнат и ограбен

Ивана Ефремовски — Mon, 05 Jun 2023 18:51:26 +0000

На 05.06.2023 во 00.40 часот во СВР Скопје, М.Д.(37) од Скопје пријавил дека околу 00:10 часот на бул.„Јане Сандански“ едно лице физички го нападнало и му одзело чанта со лични документи и предмети. Се преземаат мерки за расчистување на случајот.

„БОЛИ ГЛАВА ОД ЦЕНАТА“ – Дара Бубамара чекаше шест месеци за да го има ова во гардероберот, ниту вие нема да верувате колку пари е! (ФОТО)

Дарко Андоновски — Tue, 23 May 2023 19:00:38 +0000

Српската пејачка Дара Бубамара обожува да троши пари на патувања, автомобили, гардероба, а сега се пофали и со новата чанта која има вртоглава цена. Пејачката на својот Инстаграм профил сподели со следбениците дека има нова чанта од марката „Хермес Биркин“ која чини ни малку ни повеќе 14.000 евра. Чантата е кожна, а името го добила по актерката Џејн Биркин и на пазарот е присутна повеќе од 20 години. Дара Бубамара инаку во својот орман има веќе неколку модели од овој бренд, а цената на секоја варира од материјалот од која е направена. Грубо речено цените на моделите се движат од 9 илјади до 150 илјади евра, а чантите се достапни во одредени термини во продавниците на Хермес. Дара Бубамара за овој модел чекала дури шест месеци, а тоа го потврди и за српските медиуми. -Портокаловата боли, точно е да ја чекав шест месеци, вели таа. Инаку таа парите од своите настапи не ги штеди за да се поднови со некое луксузно парче облека.

Оваа ЧАНТА ВО ОБЛИК НА МЕЧЕ изгледа добро се додека не ја погледнеме нејзината ЦЕНА

Ристе Здравков — Thu, 23 Mar 2023 14:31:53 +0000

Мечињата остануваат мотив кој ги инспирира дизајнерите на луксузните модни куќи – по чантата како плишано мече на Balenciaga која предизвика скандал и сериозно го наруши угледот на до неодамна најпопуларниот бренд во светот, Gucci сега играше на сигурно и претстави чанта во форма на детско мече без контроверзни карактеристики. Сепак, ова плишано мече привлекува големо внимание поради својата цена. Минијатурната чанта е покриена со рачно нанесени кристали, а монограмот на Гучи го краси центарот. Со тенок златен ланец, златен нос и минимален простор за складирање на работите, нејзината цена е 48.770 илјади евра и ја има само во бутиците на Гучи. Иако неверојатно високите цени на луксузните модни додатоци одамна не се новина во светот на високата мода, со некои парчиња – како оваа клач чанта и иако секој предмет има свој купувач – тешко е да се замисли кому навистина му треба ваков вид на инвестиција. Од друга страна, со оглед на тоа што е едно од последните парчиња дизајнирани од Алесандро Микеле за куќата, сигурно ќе се најде во рацете на љубителите на креативната визија на италијанскиот дизајнер. Повеќе како статусен симбол и украс во раката, а помалку како функционална чанта, ова кичесто плишано мече, претпоставуваме, ќе биде и додаток на изгледот на црвениот тепих на амбасадорите на Гучи.

Не е сеедно како ги одржувате: Пет важни правила за нега на КОЖНИ ЧАНТИ

Ристе Здравков — Fri, 24 Feb 2023 10:04:30 +0000

Кожните производи одамна се знак за добар вкус и богатство. Понекогаш е тажно да се види убаво облечена девојка како оди по улица со грда истрошена кожна чанта. За да не ви се случи истото, научете да се грижите за вашата омилена чанта – и секогаш ќе изгледате добро со неа. Грижата за кожна торба е многу едноставна процедура, бидејќи главната работа е да се разбере што може и што не може да се направи. Прво правило Првото нешто што и треба на кожата е кислород. Во никој случај чантите не треба да се чуваат во кабинети под слоеви од други ташни или работи, а особено не ставајте кожни чанти во торба или ќеса, бидејќи материјалот на чантата нема да „дише“. Второ правило Друга работа што и е потребна на чантата е повремено да ја навлажнувате со специјални креми и спрејови кои можат да и дадат сјаен изглед, како и да го одржат материјалот мек. Сигурно нема да биде проблем да купите специјална крема за вашата чанта во продавниците на вашиот град. Консултантите ќе ви кажат како најдобро да ја подмачкате вашата кожна чанта. Имајте предвид дека не треба да користите раствори со висока содржина на алкохол за да ја избришете чантата. Трето правило Трето, бидете внимателни со сонцето. Обидете се да ја чувате торбата подалеку од директна сончева светлина. Покрај тоа, и директна светлина од електричната сијалица може да биде штетна за чантата. Четврто правило Грижата за кожна чанта исто така вклучува и внимателност при сушење – не оставајте ја во близина на грејач. Кога бришете прашина, користете сува крпа, бидејќи влагата може да биде штетна за торбата. Ако е можно, заштитете ја кесата од влага, но тоа е исклучително тешко бидејќи е тешко да се сокрие од снег и дожд, а уште повеќе да се спречи торбата да се навлажни. Петто правило Советите за грижа за кожна чанта може да варираат. Но, исто така е важно само да ја почитувате големината на торбата и количината на она што го ставате во неа. Обидете се да не ја наполните торбата со многу работи, бидејќи тоа може да предизвика да ја изгуби формата, рачките на чантата може да се истегнат. Кога ја чувате чантата, можете да ја наполните со стуткан весник за да ја задржи формата.

Mу дава втор живот на отпадот: Нова чанта од кожа од лушпи од грозје на Стела Мекартни

Катерина Бојаџиева — Thu, 22 Dec 2022 12:09:08 +0000

Новата чанта „Ес-вејв“ (S-Wave) на Стела Мекартни е меѓу првите парчиња од брендот, коешто користи материјал направен од лушпи од грозје. Ова може да доведе до широко распространета и одговорна потрошувачка на рециклирани и биоразградливи производи. – Кога ја пронајдов оваа опција со остатоците од грозје, бев многу возбудена – не само затоа што се набавува во близина, од винарии блиску до местото каде што се рачно изработени нашите додатоци, туку му дава и втор живот на отпадот, изјави Макартни за списанието „Мери Клер“ (Marie Claire). Откако Стела Макартни го објави својот бренд во 2001 година, таа избегнува животинска кожа и крзно, правејќи ги алтернативните опции задолжителни. Изумот е резултат на долгогодишно истражување и развој, еден од повеќето новотестирани материјали без животински состојки, т.е. ги заменува досега вообичаените кожа и крзно. Љубителите на вино знаат оти сокот од грозјето се цеди до последната капка. Остатоците од грозјето потоа може да се користат за други материјали. Кога тие се комбинираат со други состојки, како што се природните влакна, резултатот е – нешто налик кожа, само добиена од грозје. Според Саманта Муро, основач на „Планет оф д грејпс“ (Planet of the Grapes) – компанија којашто развива и произведува кожа од грозје, ова е процес кој сè уште е во развој. Процесот вклучува собирање на цврстите остатоци од грозјето, нивно ситнење и истурање на цврстиот материјал. Ова е слично на производство на хартија. Експериментирањето со разни видови грозје и различни начини на производство значи дека производот постојано се подобрува. Со новиот дизајн, се чини, дизајнерката е на добар пат растенијата да ги претвори во „најмоќната состојка во модата“. Новата „Ес-вејв“ чанта е елегантна и со меки рабови, со метално копче во облик на „S“. Дизајнерката Мекартни вели дека инспирацијата ја црпи од минимализмот од 90-тите, комбинирајќи ги класичните облици со иновативните, нови материјали.

Ќерката на Жељко Митровиќ ја покажа новата „хит чанта“ која е сон на секоја модерна девојка – сите ја сакаат, но од цената се онесвестуваат (ФОТО)

Дарко Андоновски — Fri, 18 Nov 2022 11:59:08 +0000

Ќерката на Жељко Митровиќ, Кристина Митровиќ од секогаш била стилизирана од глава до пети, а за тоа сведочат и нејзините фотографии на социјалните мрежи. Последна во низа фотографија е од еден ресторан каде позира во златна комбинација која совршено и одговара со крзнената чанта од познатиот бренд „Диор“. Модната комбинација која таа ја сподели на Истаграм е речиси сон на многу девојки, особено чантата која ни повеќе ни помалку, на попуст во овој момент чини 3.665 евра, додека вистинската цена се движи околу 6.300 евра. Инаку Кристина е свршена за милијардерот од Русија Илија, а со него често споделува како ужива во вистински луксуз, се возат во приватни авиони и посетуваат егзотични дестинации низ целиот свет.

Овие работи никако не треба да ги носите во чантата, привлекуваат сиромаштија

Ивона Петрова — Sat, 15 Oct 2022 18:54:05 +0000

Непотребните работи ја крадат енергијата и прават хаос. Се што не ви е потребно извадете го од чантата, а хаосот средете го. Парите треба да ги чувате само во паричникот, а не во преградите низ чантата. Фенг шуи означува дека парите рафрлени низ чантата привлекуваат сиромаштија, недостаток на финансии и поставуваат енергетска блокада на патот на развојот. Многу жени во чантите носат стари карти, непотребни хартии и сметки кои ги чуваат. Се верува дека тие ве враќаат во минатото, привлекуваат оптеретување. Ова симболично значи дека со себе ги носите старите проблеми и непотребни грижи, односно дека живеете во минатото. Уредна чанта носи хармонија, а се верува дека работната чанта треба да биде средена, високо квалитетна и издржлива. Чантата не треба да биде претешка, не треба да ја чувате на под бидејќи привлекува лоши финансии.

Цеца со чанта од кожа од ној го привлече целото внимание, особено тоа што го имаше на нозете вреди цело богатство – ретко кој го има ова на себе (ФОТО)

Дарко Андоновски — Wed, 17 Aug 2022 20:26:23 +0000

Пејачката Светлана Цеца Ражнатовиќ, која редовно носи брендирани парчиња облека за кои долго се зборува, важи за една од најстилските дотераните дами на балканската и светската јавна сцена. Секогаш е облечена по најнова мода, а се чини дека чантите и’ се нејзината најголема страст. По онаа направената од крокодилска кожа вредна 80.000 евра, Цеца покажа и нова – овојпат од кожа од ној. Станува збор за чанта на познатиот моден бренд „Диор“, чија вредност е околу 10.000 евра. Ова модно парче е направено по нарачка и ретко кој го поседува. Таа на својот Инстаграм објави фотографија од зелената чанта која е направена од кожа од ној, а на фотографијата се најдоа и влечки од познат бренд чија цена е 500 евра.