чарли шин – Kurir.mk

Кавгата меѓу Чарли Шин и продуцентот Чак Лоре е минато – еве што подготвуваат заедно

Ивана Ефремовски — Mon, 24 Apr 2023 09:05:30 +0000

Американскиот глумец Чарли Шин, се чини, се помирил со продуцентот Чак Лоре, создавачот на „Два ипол мажи“ кој го отпушти сред таа култна серија. Според наводите, Шин добил улога во претстојната хумористична серија во подготовка - „Како да се биде обложувач“ (How to Be a Bookie), што ќе се емитува на стрим-сервисот „Ејч-би-о макс“. Серијата, создадена од Лоре, а во која глуми комичарот Себастијан Манискалко, беше најавена лани во октомври и првично ќе има осум епизоди. Шин, инаку, глумеше во исклучително популарната серија „Два ипол мажи“, што Лоре ја создаде заедно со Ли Аронсон. Комичарот тогаш беше еден од најплатените ТВ-глумци, но поради несоодветното однесување на Шин, цела низа скандали, тепачки со продуцентите и борба со зависноста, режисерот Лоре реши „да го убие“ неговиот лик и да го отстрани од серијата. (МИА)

Чарли Шин не го одобрува профилот на ќерка му на „Онлифанс“

Ивона Петрова — Tue, 14 Jun 2022 08:59:40 +0000

Откако Семи Шин на Инстаграм го промовираше профилот на интернет-платформата за возрасни, „Онлифанс“ вчера, нејзиниот татко Чарли Шин го сподели своето несогласување на изборот на девојката што од неодамна е полнолетна. – Не го одобрувам ова. Но, бидејќи не можам да го спречам тоа, ја повикав да остане елегантна, креативна и да не си го жртвува нејзиниот интегритет, додаде тој, изјави Чарли за „Е!“. Ѕвездата од „Два и пол мажи“, исто така, рече дека профилот на Семи бил создаден додека биле во куќата на неговата поранешна сопруга Дениз Ричардс. – Таа сега има 18 години и живее со нејзината мајка. Ова не се случи под мојот покрив, рече Чарли. Дениз потврди дека Семи сама одлучува за себе. – Семи има 18 години, а оваа одлука не беше заснована на тоа во чија куќа живее. Сѐ што можам како родител е да ја водам и да ѝ верувам на нејзиното расудување, но таа сама избира што ќе прави, рече Дениз. Инаку, во февруари, „Бонд девојката“ призна дека односот со ќерка ѝ не е најдобар и Семи во тоа време живеела со Чарли. Но, потоа, Дениз, која ѝ е мајка и на Лола Шин (17) со Чарли, и на Елоиз (10), се пофали за „неверојатниот“ Ден на мајката, со коментар – „Многу ми значи“.

Поранешната сопруга на Чарли Шин е уапсена со полна торба дрога

Ивана Ефремовски — Wed, 17 Jul 2019 11:54:45 +0000

Додека нејзиниот поранешен сопруг, Чарли Шин е на пат кон опоравување и оттргнување од лошите навики, се чини дека неговата поранешна сопруга Брук Мулер е далеку од тоа. Некогашната сопруга на Шин, Брук Мулер со која имаат и двегодишни близнаци е уапсена во недела поради поседување на торба полна со различни видови на дрога. Брук Мулер досега била апсена повеќе пати за поседување на нелегални супстанци, најчесто кокаин.

Чарли Шин со емотивна порака се прости од Лук Пери

Ивана Ефремовски — Tue, 05 Mar 2019 10:25:44 +0000

Чарли Шин на својот профил на Твитер објави емотивна порака посветена на неговиот колега и драг пријател Лук Пери, кој почина неколку дена откако имаше мозочен удар. „Секоја ситуација ја правеше подобра, мој човеку. Твојата елеганција, твојот памет, шарм, големото срце кои нè воодушевуваа во безброј прилики, како и твојата самодоверба. Почивај во мир добар господине. Чест ми е што те познавав сите овие години“, напиша Чарли Шин.

L.P. you made every situation better, my man. your elegance your wit your charm and your giant heart, inspired and enchanted so many of us, on countless occasions, with brilliant aplomb. R.I.P good sir. i am truly honored to have known you all of these years. ©️ ❤️
— Charlie Sheen (@charliesheen) March 4, 2019

Снаата на Чарли Шин е Македонка и го прави најубавото македонско вино и пиво во Америка

Катерина Бојаџиева — Wed, 06 Feb 2019 20:03:24 +0000

Тетовчанката Соња Магдевски е сопруга на Емилио Естевез, брат на контроверзниот актер Чарли Шин. Таа веќе со години е дел од популарното американско актерско семејство. Со својот сопруг Емилио живеат во Малибу, Калифорнија. Но Соња е далеку од холивудскиот живот. Македонката од Тетово во Америка ужива во правење вино, а од пред некое време и крафт пиво. Заедно со Естевез поседуваат многу хектари плантажи каде што одгледуваат најквалитетно грозје. Сопственици се на винаријата „Каса Думез“ и на крафт пиварата „Бабис Бир Емпориум“. Покрај тетовското, Магдевски има и ресенско потекло. По професија е магистер по новинарство, а како хоби го работи блогот „Малибу“. Нејзините фамилијарни бизниси, винаријата и крафт пиварата се прогласени за дел од најбрзорастечките бизниси во Америка. Емилио и Соња се толку страствени љубители на виното, за што доказ е и нивниот прв состанок. -На нашиот прв љубовен состанок јас копав дупки, а Соња садеше лозови гранки, вели Естевез. Во многу прилики славното семејство се дружи заедно со роднините на Соња од Македонија, а браќата Шин се големи обожаватели на македонска ракија и специјалитети. Тие дури и знаат по некоја пцовка на македонски. Емилио за разлика од Чарли Шин е многу смирен и фамилијарен човек и тоа е она што ја натерало Соња да се заљуби во него на снимањето на филмот „Боби“ во 2006 година. Емилио пред бракот со Соња, беше во брак со пејачката Пола Абдул, а кратко беше верен и со Деми Мур. Тој има две деца од Кари Сејли. А од 2006 година е во брак со Соња.

ФОТО: Се омажи екс сопругата на Чарли Шин, актерот поканет на свадбата

Ивона Петрова — Tue, 11 Sep 2018 06:21:24 +0000

Поранешната сопруга на славниот актер Чарли Шин, Дениз Ричардс, повторно стапна на лудиот камен во својата 47 година. Венчавката била одржана на Малибу, а на истата присуствувале само најблиските членови на семјството и мал круг на пријатели. Дениз судбоносното „ДА“ го извори со својот партнер, актерот Арон Фајперс, а Чарли бил поканет на прославата. Тој сепак не се појавил, но на младенците им посакал се најубаво во заедничкиот брачен живот. За потсетување Чарли и Дениз се венчаа во 2002 година и во брак беа 4 години. Имаат две ќерки Лолу Роуз (13) и Сем (14).

Беше најславен актер, а денес нема пари ниту за алиментација: Холивуд му сврте грб на Чарли Шин

Ивана Ефремовски — Fri, 03 Aug 2018 07:55:59 +0000

Чарли Шин е се помалку баран од продуцентите на филмови и серии, па веќе, се чини, не може да плаќа алиментација за четирите деца со двете поранешни сопруги - Дениз Ричардс и Брук Мјулер. Шин (52), кој има две ќерки со Ричардс и два сина близнаци со Мјулер, тврди дека не може да најде стабилна работа, оти во повеќе погледи е „ставен на црната листа“ од страна на забавната индустрија. Освен четирите малолетни деца, Шин има уште една ќерка со неговата девојка од средно, Пола Спирт, со која бил пред повеќе од 30 години. Во минатото, тој имаше проблеми со дрога, алкохол и проститутки, а пред неколку години лекарите открија и дека е ХИВ позитивен. Во февруари годинава глумецот стави на продажба неколку од неговите луксузни живеалишта. (МИА)