чарлс – Kurir.mk

Месарница се пошегувала на сметка на Чарлс: Во понудата имаат колбаси наречени „Прстите на кралот Чарлс“

Ристе Здравков — Fri, 16 Sep 2022 19:29:11 +0000

Прстите на кралот Чарлс III се во очите на јавноста откако ја доби титулата по смртта на неговата мајка, кралицата Елизабета Втора. Имено, многумина биле загрижени за неговото здравје, бидејќи неговите прсти изгледаат многу отечено, но имало и такви кои решиле да се пошегуваат со неговиот изглед. Па така, месар од Нов Зеланд во понудата ставил колбаси кои ги нарекол „King Charles Fingers“. Од месарницата на социјалните мрежи објавиле фотографија од колбасите со натпис „King Charles Sausage Fingers“. Непосредно пред тоа објавиле и фотографија на која Чарлс наместо со прсти е фотошопиран со колбаси. Инаку, Чарлс своите прсти сам ги нарекол „колбаси“ најмалку двапати, вклучително и додека бил на турнеа во Австралија во 2012 година. За потсетување, доктор Герет Нај од Универзитетот во Честер, за магазинот „Дејли стар“ изјавил дека најверојатно се работи за артритис, автоимуна болест која предизвикува воспаление, односно отекување на прстите и зглобовите. Овој здравствен проблем најчесто се јавува помеѓу 45-та и 65-та година од животот.

ВИДЕО: Нервниот слом на Чарлс Трети во живо: Кралот повторно ги изгуби нервите, па почна да пцуе и колне сè што постои – причината е бизарна

Ристе Здравков — Wed, 14 Sep 2022 13:46:57 +0000

Снимка на која британскиот крал Чарлс Трети ја потпишува декларацијата за стапување на тронот стана најгледана во светот, а сето тоа поради фактот што монархот ги загубил нервите, иако се обидувал да ја задржи смиреноста додека им давал многу нервозни упатства на своите подредени и неговиот говор на телото – мимикрија и гестикулација, пренесуваат медиумите во светот. Имено, според написите, кралот сакал наместо него, други да го тргнат мастилото, а потоа имал проблеми и со пенкалото, а видеото наишло на бурни реакции. Многумина, се додава во медиумските анализи, однесувањето на Чарлс го оцениле како арогантно и биле изненадени што тој едноставно не ги отстранил од масата предметите што му пречеле. Чарлс Трети неодамна ја посети Северна Ирска во замокот Хилсборо за да се сретне со членовите на тамошното собрание и по тој повод, кон крајот на посетата, потпиша и книга наменета за тие цели. Церемонијата на потпишување не помина без проблеми, наведуваат медиумите. „Чарлс прво напиша погрешен датум, а потоа пенкалото му зададе нова главоболка. Имено, мастилото почнало да тече од пенкалото, што доста го налутило, а тој се ослободил од него луто давајќи и го на сопругата Камила. Таа пак била многу посмирена, но и се пожалила дека „прокиснува насекаде“, е истакнато во написите. По нејзиниот коментар, кралскиот помошник брзо дошол и го тргнал пенкалото од раката, но ништо не можело да го спречи „малиот нервен слом на Чарлс“, јавуваат агенциите. Во позадина, како што пишуваат, се слушал кралот како јасно вели: „Не можам да ја поднесам оваа проклета работа“ додека го брише мастилото од рацете со марамче. Тој револтирано додал дека тоа се случува „секој проклет пат“. Видеото предизвикало лавина реакции. „Доста му е од се“, „Човекот е олицетворение на стресот во моментов“, „Пенкалото не е во истиот тим со кралот“, „Само смири се човече“, „Ова пенкало ќе биде протерано од кралството утре“, се само некои од коментарите.

Еве кои привилегии ги добива новиот британски Крал

Ристе Здравков — Fri, 09 Sep 2022 16:39:10 +0000

На новиот крал Чарлс III. нема да му треба ниту пасош ниту возачка дозвола, но затоа ќе ги добие во сопственост на сите лебеди и есетри на територијата на Обединетото Кралство, една од малку невообичаените привилегии што ги ужива британскиот суверен. Кралот патува без документи за идентификација. За разлика од другите членови на кралското семејство, нему не му треба ниту пасош бидејќи тој документ на граѓаните им се издава од негово име. Од истите причини и шефот на британската монархија е привилегиран во управувањето со возила и е единствениот државјанин на таа земја кој нема возачка дозвола. Кралот никогаш не го дава својот глас на гласачките места: тој мора да биде целосно неутрален во политиката. Затоа, тој не може ниту да гласа, ниту да се кандидира на избори. Од друга страна, монархот е тој што ги отвора свикувањата на парламентот и го потврдува премиерот со кој редовно разговара. Мајката на новиот крал Елизабета Втора двапати годишно ги дувала свеќите на роденденската торта: првиот пат на роденденот на 21 април во кругот на семејството, а вториот пат на официјалната прослава што традиционално се одржува во втората сабота во јуни, што не е случајно, бидејќи прославата е поместена речиси на почетокот на летото, во обид да се избегнат несреќите од непредвидливите временски услови во Британија. Двојната прослава на роденденот не е ништо невообичаено во кралското семејство: прославите обично се организираат на друг ден од вистинскиот датум на раѓање, особено кога не е лето, а таков е случајот со новиот крал Чарлс III. кој е роден на 14 ноември 1948 година. Кралот не владее само со Британците. Веќе неколку векови, лебедите низ неговата татковина всушност се сопственост на британскиот монарх. Секоја година стручните служби внимателно ги бројат лебедите на Темза, а тоа е традиција која ќе биде заштитена. Британскиот монарх поседува и риби есетри, делфини и китови во водите околу Обединетото Кралство. Кралот има и свој поет. На секои десет години оваа чест да се биде кралски поет му се доделува на поет, а монархот го наградува со буре шери. Така, во 2019 година, Сајмон Армитаж, кој сега има 59 години, беше прогласен за „поет лауреат“. Тој ја наследи Керол Ен Дафи (66 години), првата жена што ја доби титулата од почетокот на традицијата која датира од 17 век, на таа почесна позиција. Дафи напишала песна за свадбата на принцот Вилијам во 2011 година, потоа за 60 години од владеењето на кралицата во 2013 година и за свадбата на принцот Хари и Меган во 2018 година. Тоа е чест, но и исклучителен маркетиншки профит во кој уживаат, на пример, францускиот шампањ и безалкохолниот пијалок Schweppes и голем број мали британски занаетчии чии брендови имаат привилегија да го испечатат кралскиот грб на нивните производи. Burberry, Jaguar, Land Rover и Samsung се некои од познатите светски брендови кои исто така ја уживаат привилегијата на кралскиот печат.

Полициска истрага против принцот Чарлс, се сомничи за донации од саудиски милијардер

Тале Кристо — Wed, 16 Feb 2022 14:12:29 +0000

Британската полиција започна истрага за наводите дека добротворната организација на принцот од Чарлс го прекршила Законот за чест и примила донации со цел да се обезбедат почести и државјанство за саудиски милијардер. -Одлуката уследи по проценката на писмото од септември 2021 година и медиумските извештаи во кои се наведува дека на организацијата и биле дадени донации со цел да се обезбедат почести и државјанство за саудиски државјанин, соопшти полицијата. Од полицијата додаваат дека извесно е дека ќе се спроведе подетална истрага, но дека досега никој не е уапсен ниту сослушан во врска со обвинувањата. Претходно медиумите во Британија пишуваа дека фондацијата на принцот Чарлс во моментоц е под истрага бидејќи неговиот главен помошник Мајкл Фосет (58) е обвинет дека на Махфуз Мареи Мубарак бин Махфуз му понудил титула витез, во замена за добротворни донации. Принцот Хари, исто така, се сретнал како милијардер во паб во Челзи во Западен Лондон, а еден саудиски милијардер претходно донирал 50.000 фунти во добротворната организација на принцот Хари. Меѓутоа, војводата од Сасекс неодамна ги прекина сите врски со Бин Махфуз бидејќи то, како што изјавии, бил „длабоко загрижен за намерите на саудјскиот донатор“.

Со ова и го скршил срцето на принцезата Дајана: Суровата шега на принцот Чарлс го распаднал бракот

Матеја Петровски — Thu, 13 Sep 2018 15:02:02 +0000

Откако се роди принцот Хари, принцот Чарлс се пошегувал на еден специфичен начин, само што не очекувал дека тоа ќе го скрши срцето на принцезата Дајана и ќе ги повреди нејзините чувства. Пред да се разведат Чарлс и Дајана, семејниот живот со нивните синови изгледал прилично блажен. Но сега веќе сите знаат многу повеќе детали. Проблемите се појавиле многу пред самиот развод. Случката која го започнала расколот меѓу нив се случил уште на роденденот на принцот Хари. Работите наводно биле поврзано со фактот дека Чарлс многу сакал ќерка. „АОЛ“ пренесува дека Чарлс очајнички сакал девојче, но Дајана знаела дека ќе добие син. Изворите велат дека таа тајно го чувала полот на своето дете, но пота кога Хари бил роден, Чарлс реагирал на посебен начин. Неговите зборови и го скршиле срцето. -Чарлс отсекогаш сакал ќерка, се сеќавала Дајана низ ретроспектива. -Хари беше момче , а неговиот прв коментар беше: О боже, момче е. Има дури и црвена коса. Принцот Чарлс очигледно мислел дека ваквиот коментар ќе го сфати како шала, но Дајана не го сфатила така, па наводно случката успеала уште повеќе да ја оддалечи.