чаршија – Kurir.mk

Очевидци: „Никој да не мрдне“, со фантомки влегоа во кафулето и им пукаа во глава

Ивона Петрова — Mon, 06 Mar 2023 21:28:41 +0000

Пет лица облечени во униформи со фантомки на глава влегле во кафуле во Старата скопска чаршија, ги таргетирале сега двајцата убиени и им пукале во глава, велат за „Макфакс“ очевидци на престрелката во Стара скопска чаршија која се одигра вечерва и во која беа убиени две лица, а еден е повреден и пренесен во болница. Според информациите на „Макфакс“ кога вооружената група влегла, викала никој да не мрдне, посочувајќи дека станува збор за рација. Во моментот на пукањето, немало многу луѓе во барот. Освен убиени, има и неколку повредени лица. Двајцата убиени биле во одделен дел на кафулето односно во горниот дел на објектот, во засебна канцеларија, каде што вооружената група ги затекнала. Овие неофицијални информации засега не можат да се потврдат, бидејќи од МВР велат дека се работи на настанот и со повеќе детали ќе излезат подоцна.

Драма во Стара скопска чаршија: Несогласувањата ги решавале со проектили

Ивана Ефремовски — Tue, 13 Jul 2021 14:14:05 +0000

СВР Скопје поднесе кривична пријава против М.Ч.(25) од Скопје, поради постоење основи на сомнение за сторено кривично дело „предизвикување на општа опасност“. На 23.06.2021 околу 21:30 часот, пред угостителски објект во Стара чаршија во Скопје, по претходно вербална расправија помеѓу М.Е.Е.(30) од Турција, пријавениот, oд една страна, и оштетениот Т.Б.(29) од Турција, К.С. (22) и уште неколку лица, М.Ч. испукал од пиштол во правец кон К.С. и Т.Б., по што и М.Е.Е. испукал неколку проектили од пиштол кон Т.Б., нанесувајќи му повреди во пределот на потколеницата.

ЈО со детали за обидот за уб*ство во Чаршија

Ивона Петрова — Fri, 25 Jun 2021 09:54:42 +0000

Основното јавно обвинителство Скопје донесе Наредба за спроведување истражна постапка против 30-годишен државјанин на Република Турција со живеалиште во Скопје кој е осомничен за кривично дело – Убиство од член 123 став 1 во врска со член 19 (обид) од Кривичниот законик. -Осомничениот, на 23 јуни, пред кафе-бар во Старата скопска чаршија, се обидел да лиши од живот едно лице, по претходна расправија и физичка пресметка. Осомничениот и уште неколку други неидентификувани лица дошле на наведената локација, го нападнале оштетениот, удирајќи го со тупаници по главата и телото. Во еден момент осомничениот извадил пиштол и испукал три проектили кон оштетениот, нанесувајќи му огнено-стрелни повреди во десната потколеница, информираат од Обвинителството. Бидејќи постојат околности кои упатуваат на опасност од бегство, можност осомничениот да влијае врз сведоци или да се обиде да го доврши кривичното дело, надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор.

Попова: Ако се е по пропис, зошто шверцерски се тргна калдрмата и се гради бетонско здание од некогашната Менада?

Ивана Ефремовски — Wed, 15 Apr 2020 11:41:23 +0000

Власта на шверцерски начин во ек на полициски час ја извади калдрмата од Старата скопска чаршија - симболот на Скопје. Без да ги праша скопјани, без да го праша еснафот, без да ги праша лицата кои живеат во непосредна близина на чаршијата, сама во стилот на авторитарна власт реши да руши во време на корона криза, реагира Ирена Попова, советник во Советот на Град Скопје. -За власта ништо не е свето, ниту спомените на занаетчиите, старите скопјани, ниту пак на сите оние луѓе кои со години овде живеат и творат, а чаршијата им е неразделен дел од животот. Пред да бидат преземени било какви дејствија кои значат трајно менување на ликот на чаршијата, власта морала да спроведе јавна расправа. Оние кои што велеа дека ќе дебатираат за се, сега покажуваат дека не дебатираат за ништо, прават како што сакаат, без да ги прашаат граѓаните. Ваквото постапување отвора сомнеж дека владата и локалната самоуправа кријат нешто. Затоа ги повикуваме на јавен увид да ги достават сите документи и јавноста да се увери дали се гради по планот. Воедно додека корона профитерот Шилегов најавува дека ќе го руши Скопје 2014-та тука заедно со неговата централна власт руши плочник, а целата влада и инспекторот се неми пред градежната џунгла и здание што се гради кај некогашната Менада. И за ова Шилегов молчи, молчи и министерството за култура, вели таа. Попова обвинува дека Шилегов и министерството за култура мижат и на десетици дивоградби среде чаршијата. -Дали тие го преспиваат оваа незаконие затоа што штитат бизнис интереси, и дали тие се на нивниот платен список? Вонредната состојба и полицискиот час не смеат да се злоупотребуваат и да се практикува самоволие од страна на власта. Македонија е држава на македонските граѓани, без разлика дали сме во вонредна состојба или не. Никој не е над граѓаните тие го имаат последниот збор. Одговорност за секаква злоупотреба ќе има. Министерството за култура должи одговори, а веќе одамна Шилегов должи оставка, порачува советничката.

ФОТО: Оштетени десетина корпи за ситни отпадоци во Старата скопска чаршија

Ивана Ефремовски — Sun, 19 Jan 2020 11:12:31 +0000

Непознати сторители деновиве скршиле и опожариле десетина нови корпи за одлагање ситни отпадоци во Старата скопска чаршија, што ЈП Комунална хигиена-Скопје во октомври 2019 година ги постави на барање на Здружението на занаетчии на Чаршијата, со цел да се подигне нивото на хигиената на оваа фреквентна туристичка локација во центарот на градот. -При поставувањето на корпите за ситни отпадоци упативме порака дека од граѓаните очекуваме со својот однос и постапки што подолго време да ги сочуваат функционални и неоштетени, а денеска апелираме веднаш да престане уништувањето на опремата на ЈП Комунална хигиена-Скопје, имајќи го предвид фактот дека во текот на 2019 година се опожарени 137, а од почетокот на новата година дури шест контејнери за одлагање на комуналниот отпад, изјави директорот на ЈП Комунална хигиена-Скопје, Абдусамед Шабани.