чаши – Kurir.mk

Итно повлечени од продажба детски чинии и чаши од бамбус

Тале Кристо — Tue, 10 Jan 2023 16:34:44 +0000

Прибор за јадење кој најчесто го користат деца повлечен од македонскиот пазар. Станува збор за бамбус чинии, чашки, длабоки и чинии со прегради како и сетови од француски производител. Агенцијата за храна и ветеринарство добила предупредување од европскиот систем за небезбедна храна дека овие пластични производи кои содржат бамбусови влакна се потенцијален ризик по здравјето затоа што за повеќето адитиви од растителна основа, вклучително и бамбусот не е направена проценка за безбедност при нивна употреба во пластиката. „Пластичните производи што се продаваат како материјали за контакти со храна, кои содржат бамбус и други неовластени адитиви на база на растенија, не се во согласност со одредбите од Правилникот за посебни барања за безбедност на пластични материјали и производи што доаѓаат во контакт со храната,ој е усогласен со ЕУ Регулативата 1245/20 и која ја дополнува Регулативата (ЕУ) 10/2011 за пластични материјали во допир со храна“, информираат од АХВ. Сите кои имаат купено вакви производи, да не ги користат или да ги вратат на местото од каде се купени. Засега нема информација колкава количина од спорните производи е увезена и продавана на македонскиот пазар.

Откриена е тајната за “магичниот“ трик кој импресионира многумина

Ивана Ефремовски — Sat, 12 Jun 2021 17:40:21 +0000

Овој трик вклучува 4 транспарентни чаши. Секоја од нив е дупло поголема од претходната. Најмалата е полна со млеко. Магионичарот потоа го претура млекото во наредната чаша и чашата е целосно полна. Потоа го претура млекото во наредната, но и таа чаша е целосно полна и изгледа како млекото да го зголемува својот волумен.

Како функционира?

Во чашите има пластичен цилиндер кој остава доволно простор за млекото. Па млекото не го зголемува својот волумен, туку исполнува посебно направен простор.

Кој брои колку чаши вода се пијат во Собрание?

Катерина Бојаџиева — Tue, 23 Mar 2021 18:36:16 +0000

На официјалната страна на системот за јавни набавки е објавен оглас од страна на Собранието во кој ќе набавува минерална вода и чаши во износ од над 350.000 денари. Во делот на назив на договорниот орган стои Собрание на Република Северна Македонија, додека во предмет на договорот за јавна набавка стои минерална вода за пиење и пластични чаши. Вредноста на набавката изнесува 354.000,00 денари. Експертите велат дека непродуктивните трошења на институциите се недозвиливи во време на економска криза и на енормни задолжувања. Критичарите коментираат дека власта и оние кои ги водат институциите воопшто сериозно и одговорно не се однесуваат со парите на граѓаните. Власта пред да седне на владејачкото столче ветуваше транспарентно и домаќинско работење со парите на граѓаните, но во изминатите години тоа не е случај велат критичарите. Тие сметаат дека институциите трошат огромна количина на средства на непотребни работи токму во економска и здравствена криза и дека голем дел од тие средства може да се пренасочат за нешто што е круцијална потрреба во моментот на граѓаните. Инаку, владата ветуваше кратење на непродуктивните трошења и намалување на трошоците во институциите, но ништо од ова не се реализираше.

Беше на еден чекор до ремек-дело, но потоа стакло леташе на сите страни (ВИДЕО)

Ивана Ефремовски — Mon, 11 Mar 2019 16:51:13 +0000

На барменот му остана да сипе шампањско во уште само неколку чаши во пирамидата, кога целата структура се урна и се разлета на парчиња. Само една „непослушна“ чаша предизвика домино ефект со катастрофални последици, а баременот можеше само да гледа како неговото ремек дело се урива. Музичарите во позадината скокнале настрана, штитејќи се од срчите, освен еден виолинист, кој не престана да свири ни во тој момент. Како што пренесува рускиот сајт Лента.ру, кој го споделил видеото, инцидентот се случил на прославата на Меѓународниот ден на жената, во седиштето на државата „Сбербанка“ во Москва.

Започнале да кршат чаши и шишиња во угостителски објект во Кучково, па физички го нападнале газдата

Дарко Андоновски — Mon, 24 Sep 2018 11:31:26 +0000

На 24.09.2018 година во 00,40 часот во Секторот за внатрешни работи Скопје било пријавено дека во скопското село Кучково во угостителски објект дошло до нарушување на јавниот ред и мир помеѓу повеќе лица. Имено, на една од масите во објектот лицата кои седеле, започнале да кршат чаши и шишиња и на вработените им кажале дека ќе ја подмират штетата што ќе ја направеле. На тоа реагирал сопственикот А.Т.(25) од Скопје кој им кажал дека работното време завршува за 20 минути и дека треба да ја подмират сметката и да го напуштат објектот.Тогаш лицата започнале најпрво со чаши и пепелници да фрлаат кон А.Т. а потоа и физички го нападнале. Потоа дошле В.М.(21), М.К.(20), П.М.(29) и В.А.(26) сите од Скопје, но веднаш лицата започнале и кон нив да фрлаат шишиња и други предмети, а потоа и физички ги нападнале, по што го напуштиле местото на настанот. Нападнатите со возило на Итна медицинска помош биле пренесени во Градската општа болница “8-ми Септември“ за укажување на лекарска помош. По преземени мерки и активности, околу 02,15 часот пронајдени и приведени во Полициската станица Ѓорче Петров биле лицата: М.М.(26) од с.Кисела Јабука, Д.Б.(22) од с.Волково, И.Ј.(41), С.К.(30) М.З.(34) и Н.С.(20) сите од с.Кисела Јабука. По целосното расчистување и документирање на случајот ќе следат соодветни поднесоци.