чашка – Kurir.mk

До 17 часот во Чашка гласале 52,14 отсто од избирачите

Магдалена Андонова — Sun, 31 Oct 2021 17:17:23 +0000

Во општина Чашка до 17 часот на гласање излегле 52,14 проценти од 6171 избирач запишани во Единствениот избирачки список, на 30 избирачки места во општината, информира ОИК Чашка. Оттаму соопштија дека досега изборите се одвиваат во фер и демократска атмосфера без никакви инциденти.

Мицкоски: Секој од вас нека си го постави прашањето дали живеете најдобро, одговорот кажува каква одлука треба да донесете на 17-ти октомври

Тале Кристо — Sat, 09 Oct 2021 19:05:04 +0000

Лидерот на ВМРО-ДПМНЕ Христијан Мицкоски на вечерашниот митинг во општина Чашка на граѓаните им порача да си го постават прашањето дали сега живеат најдобро, додавајќи дека тој одговор кажува каква одлука треба да донесат на 17-ти октомври. Секој еден од вас треба да одговори на прашањето дали живеете најдобро? Тој одговор го слушам дека е не насекаде низ Македонија дека не само што луѓето не живеат најдобро, туку никогаш не било полошо, Овие избори се локални, но со едно суштинско и подлабоко значење, бидејќи од вашиот избор, од вашата одлука зад параванот зависи колку сакате да се променат работите. Изборот се сведува на тоа дали ќе ја дозволите нивната ароганција со која ви велат дека се најдобри, тогаш кога се најлоши, да продолжат разочарувањата, неисполнетите ветувања, убавите лажни зборови кои носат болна иднина, или заедно ќе почнеме процес на промени, вели Мицкоски. Ќе дадете шанса да создаваме заедно новa, поубава иднина заoснована на реални потреби и да покажеме сите заедно дека зборот вреди. Да го менуваме системот, да не се потргнуваме настрана пред оние кои не знаат, не можат и не сакаат да ја видат Македонија успешна, рече Мицкоски.

Здравевски: Две нови индустриски зони за нови работни места, јавно претпријатие за локални патишта, реконструкција на сите основни училишта во Чашка

Тале Кристо — Sat, 09 Oct 2021 18:45:58 +0000

Кандидатот за градоначалник од ВМРО-ДПМНЕ, за општина Чашка, Зоран Здравевски, вечерва на митингот во Чашка, истакна дека општината Чашка повеќе нема да биде приватна сопственост како до сега, туку ќе има две нови индустриски зони за нови работни места, јавно претпријатие за локални патишта, реконструкција на сите основни училишта, крај на дивите депонии, урбанистички планови за сите населени места, меѓународен фолклорен фестивал и многу повеќе за решавање на сите проблеми на граѓаните во општина Чашка. -Ви ветувам како иден градоначалник на Општина Чашка дека мој приоритет ќе биде вработувањето и изнаоѓање егзистенција на младите, општината повеќе нема да биде приватна сопственост, туку сите заедно ќе придонесеме за нејзино разубавување, истакна Здравевски. Здравевски ги наброи проектите кои гарантира дека ќе ги реализира во Чашка и тоа: -Формирање на јавно претпријатие на сите локални патишта, на територија на општина Чашка, со формирање на јавното претпријатие ќе се обезбеди редовно, навремено, тековно и зимско одржување на локалната патна мрежа на територијата на општина Чашка; -Преку реконструкција на постоечките водоснабдителни системи и изградба на нови водоснабдителни системи ќе се подобри водоснабдувањето во населените места; -Ќе се изработи проектно техничка документација за сите населени места каде има проблем со водоснабдувањето; -Од годишната програма за комунална инфраструктура ќе се одвојат финансиски средства за тековно одржување на канализацискиот систем во следните села: Оморани, Мартолци, Лисиче, Богомила, Теово, Согле и населба Чашка; -Ќе изградиме фекална канализација и прочистителна станица во Горно и Долно Јаболчиште; -Исто така максимално ќе се вложиме да ставиме крај на дивите депонии ширум општината, а за таа цел ќе формираме редарска служба и засилено присуство на комунален инспектор за целата територија на Чашка; -Ќе спроведеме субвенционирање на енергетски фасади и сончеви колектори, со што ќе се намалат електричните трошоци на училиштата, детските градинки и полициските станици; -Исто така во координација со идната централна власт планирани се минимум 2 до 3 индустриски зони, кои во значителна мера ќе го поддржат економскиот развој, за овие зони ќе се изработи планска документација, во истите ќе никнат нови инвестиции кои ќе придонесат намалување на невработеноста; -Ќе ги реконструираме сите постоечки основни општински училишта и во истите ќе обезбедиме најмодерна опрема, како што треба да поседува едно училиште во дваесет и првиот век, а ќе и воведеме награди за 5 најдобри ученици од основното образование, средното образование и за петмина студенти во вредност од една просечна плата; -Ќе обезбедиме услови за проширување на детската градинка Бамби во населба Чашка; -Ќе адаптираме најмалку еден објект кој е во сопственост на општината во противпожарна станица, а ќе се заложиме и за набавка на противпожарна опрема за потребите на противпожарното друштво; -За младите ќе ги реконструираме и изградиме нови фудбалски игралишта; -Ќе организираме меѓународен фолклорен фестивал Чашка; -Конечно ќе обезбедиме урбанистичко планска документација за секое населено место во општината, со што ќе се создадат услови за откуп на градежно земјиште,негова трансформација и завршување на процесот на легализација на бесправно изградените објекти; -Ќе се стремиме кон изградба и одржување на земјоделски пристапни патишта, организирање на саем за здрава храна, како и организирање обука на земјоделците; -Планираме и адаптирање на општински објекти во народна кујна каде сиромашното население ќе може да обезбеди најмалку еден топол оброк и уште многу други проекти кои ќе придонесат за подобро утре на сите жители на општина Чашка. Тој го запраша актуелниот градоначалник каде се парите и зошто не е реализиран проектот за водоснабдување во село Горно Јаболчиште, ,зошто се чекаше 4 години за да започне со изградба на канализација во Оморани за која исто така имаше готов проект со обезбедени средства, зошто го чекаше крајот на својот мандат за да отпочне со бетонирање на улици како во населбата така и во селата? – праша Здравески. -Замислете градоначалникот живее толку скромно што дури ангажирал градинар за да му го одржува неговиот двор. Не сакам ни да помислам колку финансиски средства се спечалени на наш грб со наша пот, за градоначалникот да си го збогати својот возен парк. Време е власта да ја вратиме на народот, затоа што тоа е единственото место каде треба да припаѓа. Доста е со лаги, време е за промени, време е за проекти, време е за победи, рече Здравески. Здравески ги повика граѓаните на Чашка за се ова да биде реализирано да ја дадат поддршката на ВМРО-ДПМНЕ на 17-ти октомври да ја одберат домаќинска општина, со заокружување на бројот 7.

СЛЕДЕТЕ ВО ЖИВО: Митинг на ВМРО-ДПМНЕ во Чашка

Ивана Ефремовски — Sat, 09 Oct 2021 17:31:09 +0000

ВМРО-ДПМНЕ и денеска ја продолжува предизборната кампања пред локалните избори закажани за 17-ти октомври. Имено, денес со почеток од 19:30 часот ВМРО-ДПМНЕ и Коалицијата имаат митинг во Чашка. Настанот можете да го следите во живо на линкот во продолжение:

Kандидатот за градоначалник на СДСМ избркан од село, граѓаните со свирежи кон него (ВИДЕО)

Ивана Ефремовски — Thu, 30 Sep 2021 12:50:58 +0000

Со викање и исвиркување беше пречекан кандидатот за градоначалник од СДСМ во Јаболчиште, општина Чашка. Граѓаните кои беа собрани вака го покажаа својот револт кон него. -Албанците го избркаа кандидатот на СДСМ за општина Чашка од селото, се наведува во описот на видеото објавено на социјалните мрежи.

Мисајловски во Чашка: Граѓаните се мотивирани, подготвени за локалните избори и нова голема победа

Ивана Ефремовски — Tue, 20 Jul 2021 19:34:02 +0000

Пратеникот и потпретседател на ВМРО-ДПМНЕ, Владо Мисајловски, заедно со Игор Здравковски денес ги посети жителите на Мелница во општина Чашка. „Во духот на празникот Курбан Бајрам им посакавме здравје, среќа и благосостојба во домовите, како и желби за поуспешен и подобар живот за нив и нивните најблиски. Исто така одржавме и седница на ОК заедно со членовите на ОК Чашка, кои се мотивирани и подготвени за локалните избори и нова голема победа“ - истакна Мисајловски по средбите со граѓаните.

Во Велес до 19 часот излезност од 48,28 отсто, Општина Градско со 54,86 и Општина Чашка со 57,7 проценти

Магдалена Андонова — Wed, 15 Jul 2020 18:26:54 +0000

Од вкупно 45 989 гласачи регистрирани на Единствениот избирачки список до 19 часот гласале 48,28 отсто или 22 203 гласачи на 84 избирачки места во Општина Велес. Како што информираат од ОИК, на сите 84 гласачки места гласањето се одвива во мир и демократска атмосфера и без инциденти. Во Општина Градско од вкупно 3136 гласачи на 11 избирачки места до 19 часот на гласање излегле 54,86 проценти или 1721 гласач. Како што информира за МИА Елена Смилкова, член ОИК Градско, на сите избирачки места гласањето се одвива во фер и демократска атмосфера и без инциденти. – Во Општина Чашка од вкупно 6 101 гласач на 30 избирачки места до 19 часот гласале 57,7 проценти од гласачите или 3512, информира за МИА Марјан Јовановски, претседател на ОИК Чашка. Тој посочи дека во сите избирачки места во Општина Чашка, изборите се одвиваат во фер и демократска атмосфера и без инциденти. Воедно од сите ОИК – Велес, Градско и Чашка ги повикуваат граѓаните кои се уште не гласале да го остварат своето граѓанско право на глас на избирачките места, кои се отворени до 21 часот вечерва. (МИА)

Пожар во Општина Чашка, гори багремова шума

Ивана Ефремовски — Wed, 28 Aug 2019 19:49:02 +0000

Шумски пожар избувна денеска околу 13 часот во близина на селото Ораовец, во Општина Чашка. Како што изјави за МИА командирот на Територијалната противпожарна единица од Велес Љупчо Лепидовски, од огнената стихија зафатена е површина од над 60 хектари. Гори багремова шума, нискостеблести растенија и трева. Пожарот оди високо по крошните на дрвјата. -Во гаснењето на пожарот учествуваат 40 луѓе од противпожарните бригади на Велес и Чашка, вработени во ШС Бабуна и ЈКП Дервен од Велес и Чашка со две цистерни и луѓе. Претходно во гасењето на пожарот беа вклучени и хеликоптери од Армијата, но поради слабата видливост во текот на ноќта, тие се повлекоа, изјави за МИА Лепидовски. Тој информира дека во моментов во опасност е една викендица што се наоѓа на почетокот, пред селото Ораовец. Додаде дека тие се на терен и ја штитат викендицата. Во гаснењето на пожарот се вклучени месното население и доброволци од Велес. (МИА)

Утре авионско прскање против комарци во општините Велес и Чашка

Ивана Ефремовски — Fri, 12 Jul 2019 17:26:02 +0000

Со контрола од стручно лице од Центарот за јавно здравје, утре во раните утрински часови од 5 до 6:30 часот во Велес и околината ќе се изврши трето авионско третирање против комарци. Како што информираат од Општина Велес, третирано ќе биде подрачјето на езерото „Младост“, селото Отовица, месноста Јарбош, течението на Вардар од север од Башино село низ Велес до вливот на реката Бабуна и село Горно Караслари. На запад границата на третираното подрачје започнува од населбата Превалец, преку населбата Керамидна кон фабриката „Киро Ќучук“ и селото Горно Оризари. Со третирањето ќе биде опфатено целото подрачје на градот и околината, како и целото течение на реката Вардар. И годинава активностите се спроведуваат на целото подрачје на езерото „Младост“ со непосредната околина. Во утрински часови од 5 до 8 часот утре на територијата на Општина Чашка, пак, ќе се изврши второто авионско прскање против комарци за оваа година. Како што информираат од Општина Чашка прскањето ќе биде со широкопојасен инсектицид одобрен од Бирото за лекови. И од двете општини со предупредување до пчеларите да ги затворат кошниците со пчели три до четири часа пред и по прсакањето, поради можност од дејство на средството за прскање на пчелните семејства. Доколку временските услови бидат неповолни авионското прскање во двете општини, како што се посочува, ќе се изврши наредниот ден на 14 јули. (МИА)

Жителите на Чашка тргнаа на антивладиниот протест пред Влада (ФОТО)

Даниел Василев — Sat, 02 Jun 2018 17:23:13 +0000

Жителите на општина Чашка организирано одат кон Владата на Република Македонија каде што вечерва во 20 часот ќе почне големиот антивладин протест, организиран од ВМРО-ДПМНЕ. Граѓани од сите градови доаѓаат да го искажат незадоволството од работата на Владата предводена од СДСМ и Зоран Заев.