Чашуле – Kurir.mk

Чашуле: 111-то место според Транспаренси Интернешнл, според „Економист“ во Македонија владее хибриден режим, и се турка на сила попис, дел од „добрите“ политики на Заев

Тале Кристо — Mon, 08 Feb 2021 09:52:50 +0000

На сила го донесоа Законот за попис, сега на сила ќе го спроведат пописот. Но изгледа и дека таму нешто не им штима. Еве, претседателто Пендаровски кој збор не кажа, додека се носеше Законот и веднаш го потпиша указот со кој стапи на сила, неделава изјави дека не било ништо страшно ако пописот се одложи за некој месец, рече Коле Чашуле во својата емисија „Седмица“. Чашуле додаде дека по изјава на Пендаровски и Заев срамежливо се согласи со него. -Па, чекајте малку, нели светските милијардери едвај чекаат да се преброиме за да ги инвестираат своите милиони тука. Ние сега ќе го одложуваме пописот, за месец - два? Немојте ви се молам. Шегата на страна, не знам дали нешто не им оди според план или едноставно видоа дека во сред епидемија пописот и не е возможен, еве како што видовме Хрватска го одложи својот, па сега и нашиве нешто се заплеткаа. Навистина, не знам. Ама затоа се согласувам со барањето на опозицијата, пописот да се одложи до 2022 година. Ако можевме да преживееме без него речиси две децении, нема да биде ништо страшно ако почекаме уште една година, истакна Чашуле. Чашуле посочи дека ако пописот се закаже за 2022 година како опозицијата што бара, тогаш нема да постои ризик за граѓаните каков што сега има поради пандемијата. -Ама, не тоа важи за нормални демократски држави, ние не сме таква. Еве, дека не сме таква ни стигна и светско признание од „Економист“ дека во Македонија владее хибриден режим, рече Чашуле. Чашуле додад дека поради СДСМ, Македонија е ставена во групата на хибридни режими и е на ниво со Боливија, Сенегал, Црна Гора, Уганда, Либан итн. Со резултатот 5.89, земјава бележи пад според индексот на демократија во последниве четири години во однос на претходните години кога резултатот бил над 6. И овој извештај стигна пред само една недела, откако претходно Македонија се најде и на разочарувачкото 111-то место на непопуларната листа на Транспаренси Интернешнл, според индексот на корупција. А, тоа е најнизок ранг што Македонија го има откако се мери коруцијата во земјава. -Значи кратко и јасно, падот во двата извештаи е регистриран, за време на владеењето на СДСМ и Заев, нагласи Чашуле.

Чашуле: Најглупавото образложение за вакцините што сум го чул, е она на Шекеринска која вели “можевме да набавиме, ама нејќевме граѓаните да ги направиме заморчиња”

Тале Кристо — Mon, 01 Feb 2021 12:24:29 +0000

Новинарот на ТВ Алфа, Коле Чашуле во својата последна емисија “Седмица” на тема корона изрази збунетост околу изјавите на премиерот Заев и министерот за здравство Венко Филипче за набавката на Ковид вакцините. -Дали некој знае што се случува? Знае ли некој да ми објасни од каде сме нарачале вакцини, што сме платиле, што сме нарачале, кој ќе испорача и како? Јас искрено не. Според нивните изјави, очекуваме 883 илјади дози вакцини од Ковакс системот. Дел ете веќе сме платиле, плус наводно сме договориле директно и со “Фајзер” за уште 800 илјади вакцини и првите требало да стигнат во февруари. И што би рекле во “Топ шоп” тоа не е се! Грците ни ветиле вакцини, Бугарите ни ветиле, а Србите ни дадоа ама не можеме да ги внесеме. Според последните информации, Владата дури го задолжила министерството за здравство да набави 200 илјади вакцини од Кина. А ќе преговараме и со Русија. Како и да е, сето ова е празен муабет. Факт е дека е веќе февруари, а во Македонија нема пристигнато ниту една доза од било која вакцина. Ако почекаме уште малце ќе треба да ни набават и вакцини против беснило, бидејќи веќе сме при крај со нервите и недај боже некој ќе збесне. Додека стигнат вакцините кај нас ќе не фати лето. Цел свет ќе биде вакциниран, а ние ќе останеме земја во карантин. Така да, власта со сите нивни советници целосно потфрлија. И на крај, најглупавото образложение што сум слушнал е изјавата на Шекеринска. Наводно, вакцините не биле испитани доволно, што значи владата не штитела од фараматевтски компании да не се вршело тестирање врз граѓаните, да не сме биле заморчиња, вели Чашуле.

Чашуле: Бугарија бара нов Преспански договор со кој ќе се избрише придавката „македонски“

Тале Кристо — Mon, 14 Dec 2020 10:25:16 +0000

Бугарија бара целосно Македонија да се откаже од историјата се до 1944 година. Да се откажеме ние како Македонци од Св. Кирил и Методиј, од Цар Самуил, од Илинденците, од Гоце Делчев, да признеме дека нашиот македонски јазик е само дериват односно дијалект на бугарскиот јазик. Да се откажеме од идентитет и целосно да ја отфрлиме или избришеме придавката македонски, истакна вчера Коле Чашуле во својата емисија „Седмица“ на Алфа телевизија. Чашуле додаде дека Преспанскиот договор има улога во развојот на договорот со Бугарија. Софија сака свој Преспански договор. Односно го сака членот 7 со кој се дефинира потребата на придавката „македонски“ сега во бугарски контекст. -А, според Преспанскиот договор придавката „македонски“ како ознака за јазикот, културата, традицијата, обичаите е лимитирана и ограничена. Со други зборови е дефинирана. Односно со тој веќе договор нас ни е начнат идентитетот и истиот деформиран. Грција уште тогаш доби од нас односно Заев се откажа од целата историја се до седми век до населувањето на Словените. А, успеа и географски да ја одвои. Се на грчката северна граница е со различен идентитет кој ете не е македонски туку е на Република Северна Македонија, дообјасни Чашуле. Чашуле посочи според Преспанскиот договор и Бугарија бара да се откаже Македонија од се што е до 1944 година. Да се избрише терминот „македонски“ како придавка за јазик, култура, обичаи, музика и сл. Практично прогласувајќи го за бугарско. А, географски придавката да има општ регионален карактер, а се преку нивната западна граница во денешницата да биде на Република Северна Македонија. Затоа Борисов толку навивал да Заев го потпише Преспанскиот договор.