часовници – Kurir.mk

Спречен шверц на 20 рачни часовници од познати модни брендови (ФОТО)

Катерина Бојаџиева — Thu, 28 Sep 2023 07:46:45 +0000

Дваесет часовници во вредност од 178.050 денари со потпис на познати модни брендови се запленети од страна на царинските службеници по извршена контрола на автомобил со македонски регистарски таблички на граничен премин Ново Село. Часовниците се откриени во картонска кутија за која лицето кое управувало со автомобилот изјавило дека е пратка со лекови која ја испратил негов пријател за болно дете. По откривање на непријавените часовници лицето, инаку македонски државјанин, изјавило дека истите се купени од Швајцарија. Одземените часовници ќе бидат предадени во Агенцијата за управување со одземен имот, а против лицето е поднесена соодветна пријава за прекршување на царинската регулатива. Царинската управа и натаму во рамки на своите надлежности спроведува активности за поддршка на легалната економија и сузбивање на сивата економија.

КВАЛИТЕТОТ БИЛ ТОЛКУ ВИСОК ШТО ЕДВАЈ ГИ ПРЕПОЗНАЛЕ – 2.100 лажни часовници наменети за Македонија запленети и уништени во Германија!

Дарко Андоновски — Fri, 02 Dec 2022 14:43:21 +0000

Повеќе од 2.100 фалсификувани луксузни часовници во транзитна пратка за Северна Македонија се запленети во четвртокот на аеродромот во Франкфурт, јави дописникот на МИА од Белград.. По запленувањето се појавија сомнежи за автентичноста на ваквите вредни предмети кои пристигнале со пратка од Хонг Конг. Дванаесет пакети биле на пат кон Северна Македонија, а биле транспортирани преку аеродромот во Германија. -Да беа оригинали, часовниците би вределе околу 176 милиони евра, се вели во соопштението на царинската служба, пишува Дојче веле. Цариниците ги пронашле часовниците во октомври, но квалитетот на фалсификуваните часовници бил толку висок што царинската служба побарала мислење од 11 производители на луксузни часовници. -Често лажните часовници не можат да се препознаат на прв поглед, а единаесет изворни производители го потврдија сомнежот дека се работи за фалсификати, изјави Кристи Штрас, портпаролка на царината на аеродромот во Франкфурт. Таа додаде дека лажните часовници веќе се уништени. Минатата година главниот царински оддел во Франкфурт покрена постапки за дури 8.958 гранични заплени. Царинските службеници запленија часовници, лекови, телефони, електроника, облека, обувки, но и производи за лична нега и играчки за деца.

КАВГА ЗА ЧАСОВНИЦИ И ЧАНТИ: Екс сопругата на Тоти го напуштила домот со неговата колекција „Ролекси“, фудбалерот ги бара назад

Ивона Петрова — Thu, 13 Oct 2022 08:14:33 +0000

Фудбалерот Франческо Тоти тврди дека неговата поранешна сопруга, водителката Илари го напуштила нивниот стан со неговите скапоцени часовници Ролекс, пишува британски Тајмс. -Се што таа мора да направи е да ги врати часовниците и се ќе биде во ред, вели близок извор на Тоти. Нивните адвокати не сакаа да ја коментираат оваа кавга и како таа ќе се одрази врз нивните три деца. Тоти наводно по разделбата ја земал нејзината колекција вредни чантички, од кои една е над 4.000 фунти. Италијанските медиуми претходно пишуваа Тоти ја изневерил Илари со Ноеми Бочи со која е виден во еден ресторан во Торино. -Не сум единствен, ниту бил што бил неверен, кратко тогаш прокоментира фудбалерот.

Часовниците од времето на Советскиот сојуз сега вредат цело богатство (ВИДЕО)

Ивана Ефремовски — Thu, 10 Feb 2022 14:39:33 +0000

Во светот на колекционерите постои вистинска побарувачка за часовници од времето на Советскиот сојуз. Достигнуваат цена од неколку илјади долари на Ebay . Меѓу десетиците брендови се бараат Победа и Ракета, како и Командирские, Секонда, Слава, Стрела и Восток. Кога Советскиот Сојуз се распадна во 1991 година, ја остави економијата во хаос. Граѓаните бараа начини да дојдат до пари, а нивната можност беа часовниците. Советските фабрики за часовници произведувале од 30 до 50 милиони часовници.Русите пред 30 години ги продавале часовниците по тежина за само 5 долари за килограм. Некои пак копале низ купишта часовници барајќи злато да се стопи и продаде.

Оваа задача ги полуде сите: Од овие часовници само еден е вистински, ќе погодите ли кој?

Ивана Ефремовски — Fri, 22 Nov 2019 12:32:13 +0000

Нова загатка опседнува преку Интернет и никој не можеше да најде решение, иако тоа ни е “пред носот“. Задачата е прилично едноставна. Вие гледате два часовника на сликата. Сепак, едниот е вистински, а другиот е играчка. Можете ли да одлучите со еден поглед кон сликата кој часовник е вистински? Решението е толку едноставно. Доколку не се одлучите, ние ви го даваме решението подолу. Прво пробајте сами да одговорите. Часовникот од левата страна е играчка. Јасно може да се види дека иглата е предолга за да може да заврти цел круг.

Ова не го заборавајте никако: Започнува зимското сметање на времето

Дарко Андоновски — Mon, 22 Oct 2018 13:02:01 +0000

Викендот 28-ми кон 29-ти овој месец во Македонија ќе почне зимското сметање на времето. Стрелките на часовникот ќе се поместат, а согласно донесената одлука во Европа да се укине промената на времето, во Македонија се следи процесот на усвојување на предлог директивата и претстои усогласување на националното законодавство на РМ и определување на начинот на транспонирање на ЕУ директивата. Иако биоритамот полесно се приспособува на поместување на часовникот назад отколку напред, сепак, несоницата и понатаму останува како најчеста нус-појава. Идејата за поместување на времето ја осмислил иноваторот Бенџамин Френклин кој ја изнел пред своите колеги во 1784 година, бидејќи му пречело што губиме многу дневна светлина. Предложил напролет да се поместува часовникот напред, но идејата не му заживеала. Во почетокот на 20 век идејата први ја прифатиле Германците, а во бивша Југославија влегла дури во 1983 година. Додека северниот дел на планетата преминува на зимско, јужниот дел оди на летно сметање на времето. Поместувањето на часовникот може да ја наруши хормоналната слика што предизвикува низа тегоби како што се мигрени, нервоза и депресија. Поради враќање на часовникот наназад, луѓето губат енергија и повеќе ги чувствуваат временските прилики. Освен редовно вежбање и избегнување тешки оброци, важно е да воспоставите ритам на спиење. Ако порано сте легнувале во 23 часот, сега е најдобро да заминете на спиење во 22 часот. Одбегнувајте ги попладневните дремки зашто телото ќе мисли дека времето не се променило и приспособувањето ќе оди потешко и побавно. И уште нешто – не заборавајте на витаминот Д, кој е многу важен за здравјето, а спречува и остеопороза, депресија… Затоа запомнете дека во зима, поради недостаток на сончева енергија, може да се појави негов недостаток. Во исхраната вклучете намирници како риба, жолчки од јајца, сирење, млечни производи… Зимското сметање на времето трае до последниот викенд во март.

Уништија часовници вредни 590 милиони долари: Оваа швајцарска компанија донесе шокантна одлука, но причината е оправдана (ВИДЕО)

Матеја Петровски — Fri, 25 May 2018 12:40:44 +0000

Швајцарската компанија „Ричемонт“ која стои зад брендови како што се „Картије“ и „Монтбланк“, пред скоро време откупи и уништи луксузни часовници вредни околу 590 милиони долари. Причина за тоа? Токму тие распродажби, на кои часовниците стануваат проценети како багатела. Оваа компанија започна со интересна пракса, кога прво верувале дека распродажбите го успоруваат азискиот пазар и ги пренесуваат нивните производи на сивиот пазар, на кој можат да ги продаваат неавторизирани препродавачи по неверојатно ниски цени. Кога нивните часовници би биле достапни, евтини и без сјајна репутација, тоа секако би ја уништило нивната вредност и ексклузивност. Овој пат, познатата холдинг компанија ги откупи сите модели од европскиот пазар, вклучувајќи и брендови како што се Пиаџет, ИВЦ, Вачерон Константин. Часовниците кои се откупени ќе биде растурени и рециклирани. Оваа пракса секако не е идеална гледајќи од потрошувачката страна и донекаде се срамно тоа што овие компании го прават, но од друга страна, тие се борат за зачувување на репутацијата на брендовите и нивото на цената. Најважното прашање кое можеме сега да го постави е што е впрочем иднината на луксузната часовничарска индустрија, ако земеме во предвид поспориот пласман и драстични чекори на кои брендовите од овој реон се одлучуваат.