часовник – Kurir.mk

Теодора доби уникатен подарок од својата менаџерка: Ова парче чини вртоглава сума (ФОТО)

Ивана Ефремовски — Thu, 05 Oct 2023 07:24:31 +0000

Пејачката Теодора Џехверовиќ доживеа вртоглав успех, а за тоа најмногу и е благодарна на својата менаџерка Сандра која и купила подарок за седумгодишна соработка. Теодора доби скап часовник кој веднаш им го покажа на своите фанови на социјалната мрежа Инстаграм, а со фотографијата напиша колку и значи овој подарок. - Се договоривме ова да биде подарок за седум години од нашата соработка. Отидов да пробам часовник што ми се допаѓа на 3.10, но бидејќи тогаш не работеше, ниту времето, ниту датумот не беа точни, а на него беше ни помалку ни повеќе, бројот седум! Судбина, напиша пејачката и додаде: -Сега, сакам бескрајно да се заблагодарам за овој подарок. Не затоа што ова е скап подарок, туку затоа што е купен од срце и затоа што знам дека ќе ми кажеше дека заслужувам само вакво нешто. Те сакам. Инаку, часовникот што го доби Теодора е „rolex lady-datejust“, а чини неверојатни 18.950 евра.

ФОТО: Ванда Нара се пофали со новиот Ролекс од 40.000 евра

Ивона Петрова — Mon, 11 Sep 2023 17:01:31 +0000

Сопругата и агент на познатиот фудбалер Мауро Икарди, Ванда Нара се пофали со златен часовник вреден 40.000 евра. Ванда на својот Инстаграм профил покажа луксузен златен часовник Ролекс. Станува збор за моделот Day-Date од новата колекција, кој се одликува со зелен бројчаник и препознатлив ребрест прстен. Со оглед на тоа што Rolex има своја топилница, часовникот има најквалитетна легура од 18-каратно злато. Таа само неколку дена пред тоа го покажа својот Mercedes G класа чија цена се движи од 140 до 270 илјади евра. „Заљуби се во некој што те гледа како јас во мојот Мерцедес“, напиша Ванда покрај фотографијата од возилото.

Ниту на најблиските: Овие две работи не треба да ги позајмувате никогаш

Ивана Ефремовски — Mon, 21 Aug 2023 19:38:05 +0000

Треба да бидете внимателни со позајмувањето и подарувањето работи од куќата, но и личните предмети. Иако можеби не знаете, постојат работи кои никогаш не треба да ги позајмувате! Се верува дека со тоа повикувате негативна енергија и лоша среќа. Не е добро да ги позајмувате вашите папучи на други, се верува дека тоа може да донесе проблеми на работа, застој во професионалното напредување. Ако не ви се допаѓа гостите кои се шетаат по дома по чевли, набавете неколку пара од најтенките папучи, како хотелски, кои би можеле да им ги понудите веднаш штом ќе пристигнат. Конечно, фенг шуи вели дека не треба никому да позајмувате часовник. Кога ќе го вратите на раката, со себе ќе ја донесете сета лоша енергија што може да му пречи на личноста, особено ако е во лоша фаза.

Луксузен украс на раката на Лепа Брена: Ова парче чини над 33.000 евра (ФОТО)

Ивана Ефремовски — Tue, 23 May 2023 18:28:17 +0000

Фолк ѕвездата Лепа Брена е позната по својот елегантен стил и скапите ткаенини од луксузни брендови, кои ги купува низ целиот свет, бидејќи многу патува. Брена неодамна се појавила на еден настан, а модниот додаток на нејзината рака веднаш бил забележан. Таа носи часовник од луксузна марка Rolex, а моделот што го носи Брена е Daytona Cosmograph кој содржи жолто злато и е обложен со црни керамички детали. Како што е наведено на официјалната страница на овој бренд, цената на споменатиот часовник е 33.250 евра, а истиот часовник се наоѓа и на една од фотографиите на Инстаграм на познатата пејачка.

Штетни последици од поместувањето на часовникот

Тале Кристо — Mon, 27 Mar 2023 11:13:01 +0000

Часовниците викендов се префрлија од зимско на летно сметање на времето. Но, последниве неколку години сѐ поголем број лекари се против тоа „поместување на стрелките“... Се верува дека тоа е причина за своевидно нарушување на спиењето и предизвикува тн. социјална нерамнотежа во спиењето. Оваа појава се јавува како последица на десинхронизација на внатрешниот и надворешниот ритам на будност и сон. Притоа луѓето обично имаат несоница, прекумерна поспаност или и двете, што обично завршува откако „внатрешниот часовник“ ќе се прилагоди, т.е. „ќе се ресетира". Истражувањата покажаа дека „социјалната нерамнотежа во спиењето“ предизвикува дијабетес, ја зголемува и опасноста од срцеви заболувања и мозочен удар, го влошува расположението, вклучително и на можна депресија и негативно влијае на дигестивниот и ендокриниот систем. Според стручњаците, тоа може дури и да го намали животниот век. „Доказите го поддржуваат усвојувањето стандарден систем за времето во целата година што се усогласува со деноноќниот ритам на луѓето и обезбедува здравствени придобивки“, се вели во извештајот на Американската академија за медицина на спиењето. Поради овие последици, оваа институција ја повика Владата на САД да го откаже менувањето на времето. Сенатот го усвои овој предлог во март 2022 година, но Претставничкиот дом ја поништи таа одлука.

Фенг шуи правило: Часовникот никако не смеете да го поставите на ова место во домот

Ивона Петрова — Tue, 31 Jan 2023 08:43:44 +0000

Првото и основно правило е да го поставите часовникот во просторија каде има најмногу активности. Ова е дневната соба во која членовите на семејството најмногу комуницираат и во која поминуваат најмногу време. Исто така, добра опција е да го поставите часовникот во работната соба или канцеларијата. Корисно е да имате часовник кој ќе покажува колку време сте поминале на работа. Има едно место кое не е добро место за чување часовник: во спалната соба. Таа соба се користи исклучиво за одмор, како и за постигнување сексуална енергија, каде времето е најмалку важно. Најдобро е часовникот да го поставите во дневната соба или во посебна просторија, каде што сите, па и гостите, ќе можат да го видат. Има уште некои места каде според правилата на фенг шуи е добро да се чува часовник. Тоа се детската соба, како и просторијата за хранење на бебето. Најдобро е да користите само часовници кои немаат нишало или звук, туку дигитални. Кај поголемите деца се користат часовници за децата да не доцнат на училиште, па добро е да поставите еден и во нивната соба. Часовниците кои се украсени со слики од четирите годишни времиња или кои ги прикажуваат сонцето и месечината, денот и ноќта се одлична комбинација за привлекување позитивна енергија кај децата. Никогаш не ставајте го часовникот на овие места Никогаш не треба да го ставате часовникот на ѕидот спроти влезната врата. На исток, според традицијата на фенг шуи, главниот елемент е дрвото. Затоа часовниците од метал никогаш не се поставуваат на ѕидовите, а најдобра замена за нив се оние од дрво, камен или пластика. Поради одредениот ритам што се слуша за време на работата на механичките часовници, не го чувајте во спалната соба. Ритамот на срцето и часовникот што го слушате е различен и предизвикува неправилно чукање на срцето и нервоза на луѓето во таа просторија. Не чувајте скршени часовници или часовници без батерии. Според обичаите на Фунг Шуи, скршените часовници внесуваат лоша енергија во домот.

Луј Витон дизајнираше чанта со албанското знаме – цената вртоглава, кога ќе ја видите ќе се подразмислите дали ја сакате (ФОТО)

Дарко Андоновски — Mon, 09 Jan 2023 10:06:20 +0000

Еден од најпопуларните луксузни брендови „Луј Вуитон” пуштил во продажба чанти на кои стои албанското национално знаме. Информацијата на Фејсбук ја сподели албанскиот премиер Еди Рама, а потоа ја пренесоа и сите медиуми во државата. – Нова чанта на „Луј Вуитон” со најубавото знаме во светот, напиша Рама. Чантата која има типичен дизајн на „Луј Витон”, со албанското знаме чини 9.900 долари. Рама синоќа на социјалните мрежи објави дека еден од најпознатите производители на часовници во светот „Франк Мулер” од Швајцарија пуштил во продажба специјален модел на луксузен часовник изработен од челик и црн титаниум, со ликот националниот херој на Албанците Ѓерѓ Кастриот Скендербег.

Не заборавајте да ги поместите стрелките на часовникот: Вечерва почнува зимското сметање на времето

Ивана Ефремовски — Sat, 29 Oct 2022 20:32:39 +0000

По направените анализи Владата одлучи дека зимава, сепак, нема промена во досегашниот систем на сметање на времето, односно, како и секоја година во последната недела од октомври стрелките на часовникот ќе се поместат еден час наназад. Вечерва во три часот по полноќ стрелките на часовникот ќе се поместат еден час наназад, со што официјално ќе започне зимското сметање на времето. Владата пред неколку седмици го задолжи Министерството за економија да ги разгледа можностите околу евентуално продолжување на примената на летното сметање на времето, со цел дополнителни заштеди во општата потрошувачка на електрична енергија. Но, по направените анализи Владата одлучи дека зимава, сепак, нема промена во досегашниот систем на сметање на времето, односно, како и секоја година во последната недела од октомври стрелките на часовникот да се поместат еден час назад.

Дали знаете колку НАВИСТИНА трае еден момент? Имате три обиди и сигурно нема да погодите!

Ристе Здравков — Mon, 24 Oct 2022 18:20:52 +0000

Кога ќе кажете дека ќе бидете некаде или ќе направите нешто во еден момент, вообичаеното објаснување е дека мислите на многу краток временски период, да речеме неколку секунди. Сепак, веројатно не сте знаеле дека во еден момент моментот бил една од единиците за мерење на времето и дека се сметало дека трае дури 90 секунди! Зборот „момент“ првпат бил спомнат како единица време во 1398 година во познатиот англиски речник Оксфорд. Писателот Џон од Тревизор рекол дека има 40 моменти во еден час – што значи дека еден момент трае 90 секунди. Сепак, Оксфорд оттогаш ја смени дефиницијата во „за многу кратко време“. Точното значење на моментот како единица време датира од средниот век, кога движењето на сенката на сончев часовник покривало 40 моменти во сончевиот часовник. Должината на сончевиот час зависела од денот, кој исто така варирал од сезона до сезона. Во модерните времиња, должината на моментот никогаш не била фиксна, па сами одлучете која дефиниција повеќе ви одговара, средновековната или современата.

Украден Ролекс на француски градоначалник пронајден во златарница во Тирана

Ивона Петрова — Wed, 21 Sep 2022 06:39:32 +0000

Украден часовник Ролекс на градоначалник на општина во Франција, албанската полиција го пронашла во златарница во Тирана. Часовникот кој бил ставен на продажба во златарницата бил украден пред неколку години. При претрес во куќата на сопственикот на златарницата полицијата пронашла и огнено оружје. Други детали околу овој случај нема.