Чави Ернандес – Kurir.mk

Чави официјално потпиша нов договор со Барселона

Бошко Тасиќ — Sat, 23 Sep 2023 05:23:18 +0000

Како и што се најавуваше во претходните денови, Чави Ернандез постигна нов договор со Барселона. Актуелниот договор на Чави со Каталонците истекуваше на крајот на актуелната сезона, но сега двете страни се договорија да ја продолжат соработката за уште една година. „Фудбалскиот клуб Барселона и Чави Ернандез постигнаа согласност за продолжување на соработката до 30. јуни 2025 година со опција за продолжување на уште една дополнителна година“, објави Барселона.

Чави: Не ни треба замена за Алба, потребен ни е играч на местото од Бускетс

Бошко Тасиќ — Sun, 28 May 2023 05:09:41 +0000

Тренерот на Барселона Чави Ернандес изјави дека имаат играчи на позицијата лев бек, но тенки се онаму каде што играше Бускетс им треба дефанзивен играч за врска.

Барселона останува без свои двајца легендарни фудбалери, Алба и Бускетс кои го напуштаат клубот ова лето. „Нема да купиме нов лев бек ова лето да го замени Алба, ги имаме Балде и Маркос Алонсо“, вели Чави. „Потребна ни е замена за Бускетс. Тоа ќе зависи од ситуацијата со финансискиот фер плеј. Сакам паметен, посветен пивот кој добива дуели“.

Чави: Презадоволен сум, би останал во Барса до крајот на животот

Бошко Тасиќ — Sat, 20 May 2023 04:41:42 +0000

Тренерот на Барселона Чави Хернандез зборуваше на прес-конференцијата пред натпреварот со Реал Сосиедад. Новиот шампион на Шпанија стигна до 27. титула во историјата и ја прекина тригодишната доминација на мадридските тимови. Чави беше запрашан од новинарите за неговото гледиште околу тековната сезона, на што тренерот возврати со големо задоволство и беше навистина среќен од успехот на својот тим. „Сто пати сум кажал дека за мене Барселона е мој дом. Тука израснав, созреав како играч, освоив сè што можев, а сега ја имам и честа да сум тренер на овој славен клуб. Имавме страшна сезона, успеавме да се издигнеме во многу тешка година за Барса и да се закитиме со трофејот. Примера за нас професионалците е премногу важно натпреварување. Знам дека навивачите беа разочарани по елиминацијата во Лигата на шампионите, но да ја освоиш титулата во ваква конкуренцина е навистина голем подвиг. Јас сум презадоволен и мислам дека би можел до крајот на животот да останам овде. Секогаш ќе бидам достапен и расположен за Барселона“, изјави харизматичниот тренер на каталонскиот гигант. Барселона успеа да ја освои титулата во Примера на пет кола до крајот. Каталонците сосема заслужено стигнаа до 27. шампионски трофеј во историјата, а нивната одбрана беше навистина фантастична и досега прими само тринаесет голови. Со неколку квалитетни засилувања, Барса може догодина повторно да биде сериозен фактор во Лигата на шампионите, но тоа ќе зависи од финансиската стабилност на клубот.

Чави: Им кажав на играчите дека најдобро ќе биде да се повлечеме

Бошко Тасиќ — Mon, 15 May 2023 04:30:01 +0000

Чави Ернандес се покажа како тренерот кој ја враќа стартата слава на Барселона, бидејќи каталонскиот гигант се врати на победничкиот трон и ја освои титулата во Ла Лига по пауза од четири години. Легендарниот капитен на Барса ја освојува првата титула во домашното првенство како тренер на омилениот клуб, па по големата победа над Еспањол со која беше заверен трофејот, Чави не заборави да потенцира дека овој успех е голем и носи со себе напорна работа која трае од минатата година. – Чувството е неверојатно, завршивме голема работа. Ова започна уште во јули, напорно работевме 10 месеци, многу се жртвувавме и еве каде стигнавме. Го заслужуваат сите во клубот, навивачите и играчите. Оваа титула ни дава стабилност и сигурност за она што следи. Ја заверивме титулата со извонреден натпревар, бевме фантастични вечерва. Во првиот дел бевме брилијантни, но на крајот се опуштивме откако го решивме победникот. Овој трофеј му дава стабилност на проектот и тоа е многу добро за сите нас. Ја остваривме примарната цел и тоа е најважно. Ќе славиме со играчите, а потоа и со семејството, – изјави Чави, кој даде коментар и за инвазијата на навивачите на Еспањол, кои ја спречија прославата на теренот. – Ги сфаќам играчите, прославата е нормална во вакви ситуации, но исто така сфаќам дека не сме во својот дом и не може да се покаже непочитување. Им реков на играчите дека најдобро ќе биде да се повлечеме во соблекувалните, – открива тренерот.

Чави: Резултатот кажува нешто што не се случи на теренот

Бошко Тасиќ — Thu, 06 Apr 2023 04:04:45 +0000

Чави Ернандес влезе во вечерашната битка со Карло Анчелоти со три победи на претходните три дуели, но интересно беше тоа што Италијанецот беше убеден во триумф на „Камп Ноу“. По голот на Винисиус пред крајот на првиот дел, Реал Мадрид заигра со огромна самодоверба и Карим Бензема постигна хет-трик во вторите 45 минути за убедливи 0:4, пораз кој е убедливо најтежок за Чави како тренер на Барса. – Ова ќе биде тешка ноќ за поднесување, за мене и за сите навивачи на Барселона. Ни преостанува да се натпреваруваме во Ла Лига и ќе мора да реагираме после овој тежок пораз. Се натпреварувавме многу повеќе од тоа што го кажува резултатот. Резултатот е премногу висок за тоа што го прикажавме, резултатот кажува нешто што не се случи на теренот. Во првото полувреме бевме многу добри, но Реал искористи една транзиција и погоди за 0:1. Вториот гол беше тоа што не уби и мора да бидеме самокритични. Второто полувреме беше многу лошо и немавме идеја, – гласи првата изјава на Чави по „Ел Класико“ полуфиналето во Копа дел Реј.

Чави објасни зошто Реал се уште е фаворит на „Ел Класико“

Бошко Тасиќ — Wed, 05 Apr 2023 04:32:49 +0000

Чави Ернандес победи на последните три пресметки со Карло Анчелоти и може да влезе со голема самодоверба во една „Ел Класико“ пресметка, но тренерот на Барселона смета дека Реал Мадрид останува фаворит за пласман во финалето на Копа дел Реј. Барса победи на првиот меч во шпанската престолнина со резултат 0:1, но иако Чави верува во својот тим, не пропушти да нагласи зошто Реал го гледа како фаворит за пласман на завршниот меч. – Навистина сметам дека Реал се уште е фаворит за пласман во финалето. Тоа го велам поради добри причини, кажете ми кога Реал Мадрид последен пат бил елиминиран во довмеч? Поради тоа сметам дека тие се уште се фаворити и покрај предноста од 0:1. Притисокот е кај нив, мора да победат и сигурно ќе влезат максимално мотивирани. Истото ќе важи и за нас, имаме играчи кои ни недостасуваат, но планот останува ист. Сакаме да го контролираме мечот и да ги анулираме нивните најдобри играчи. Очекувам да бидат агресивни, ќе излезат да извршат пресинг. На првиот меч беа суперирни, но ќе се обидеме да се справиме како што знаеме. Ќе бидат повредени после последните резултати, ќе имаат желба за одмазда поради тоа што загубија на последните три меча и мора да бидеме подготвени за тоа, – изјави Чави пред утрешниот реванш на „Камп Ноу“.

Чави: Наша победа би била голем удар за Реал

Бошко Тасиќ — Sun, 19 Mar 2023 06:58:27 +0000

Барселона го пречекува Реал Мадрид во најновото издание на „Ел Класико“, овојпат во рамките на шпанската Ла Лига. Тренерот на Каталонците Чави Ернандес знае дека овој натпревар нема да го одлучи шампионот, но е свесен дека бодовите се повеќе од важни. – Ако победиме, тоа ќе биде голем удар за противникот. Нема да биде решавачки, но голем удар. Ќе се обидеме да доминираме на теренот за разлика од последното соочување, но и Реал сигурно ќе биде поофанзивно настроен. Слушам дека на некого не му е јасно како сме задоволни со победа од 1:0. Само тој што не играл фудбал, не сфаќа што значи кога против себе имаш квалитетен тим. Победата со 1:0 е одличен резултат, – истакнал Чави.

Чави: Сакаме да покажеме дека Барселона може со секого

Бошко Тасиќ — Thu, 23 Feb 2023 05:28:13 +0000

Манчестер Јунајтед и Барселона денес го играат реваншот во Лига Европа. Тренерот на каталонците Чави Ернандес посочи која ќе биде главната цел на неговите избраници. -Јунајтед во моментот е еден од најдобрите тимови на Европа. Ова е најдобриот тим на Манчестер Јунајтед во последните години и тоа го покажуваат неодамнешните резултати. Тие внесоа многу карактер и интензитет во играта, страст, ритам, она што го покажаа во првиот натпревар. И ние ќе мора да го сториме истото, да покажеме карактер и да веруваме во нашиот начин на игра. Тоа е совршено сценарио во кое можеме да покажеме дека Барса може да се натпреварува и со еден од најдобрите европски тимови, -рече Чави и додаде: -Сè уште не можеме да кажеме дека Барса се вратила. Ќе видиме утре, дали сме промениле или не. Сè уште сме во Лигата на Европа и го добивме најтешкиот противник во плеј-офот. Но тука сме, нè чека голем испит, порача Шпанецот.

Чави: Ние секогаш ги анализираме судиите

Бошко Тасиќ — Thu, 16 Feb 2023 05:43:11 +0000

Барселона го мечот против Манчестер Јунајтед во Лига Европа, а во пресрет на истиот дојдоа обвинувања за корупција за сума од 1.4 милиони евра која била исплатена на шоранешниот потпретседател на техничката судиска комисија на Шпанската фудбалска федерација, Жозе Марија Енрикез Негреира. Во Барселона се мирни по овие вести, па со свој став се обрати тренерот Чави Ернандез кој максимално застана зад клубот. -Се обидувам да се фокусирам на фудбалот, но овој клуб има вакви приказни. Ми беше кажано дека имаме јавна изјава (соопштение) и го следам она што го вели клубот. Ова се случуло во годините кога не бев инволиран во клубот, но секогаш ќе ја бранам институцијата.Ние секогаш ги анализираме судиите од внатрешна перспектива. Проверуваме како ја водат играта, дали се комуникативни или не … тоа се работи на кои работиме од многу одамна, но на внатрешно ниво, -рече Чави.

Чави за Левандовски: Не би го менувал за никого во светот

Магдалена Андонова — Mon, 03 Oct 2022 19:49:48 +0000

Тренерот на шпанскиот фудбалски гигант Барселона, Чави Ернандес, изјави оти полскиот напаѓач Роберт Левандовски е незаменлив во редовите на каталонскиот клуб. –Не би го менувал Роберт за никого во светот. Искуството е пресудно. Тој е зрел, а неговиот начин на игра им помага на младите фудбалери, посочи Чави во изјава за шпанските медиуми. Левандовски дојде во Барселона во летниот преоден рок и на девет натпревари во сите конкуренции досега постигна 12 голови. –(Левандовски) има освоено сè, но во Барселона дојде како скромен човек. Тоа што тука го работи е извонредно. Тој, на пример, работи за екипата и му помага на стручниот штаб. Навистина е извонреден фудбалер , додаде Чави. (МИА)