Чави Хернандез – Kurir.mk

Чави Хернандес потпишува нов договор со Барселона

Бошко Тасиќ — Tue, 30 May 2023 04:44:12 +0000

Фудбалскиот клуб Барселона и тренерот Чави Хернандез се близу до продолжување на соработката. Според најавите, двете страни ги договориле условите уште на крајот на месец март. Сепак, тогаш самиот Чави побарал финалните преговори да се одложат за по крајот на сезоната. Неговата желба била да се фокусира само на фудбалот, а сега откако клубот ја освои шампионската титула, време е за финализација на договорот. Финансиите и останатите бирократски работи никогаш не биле проблем, па така Чави и Барселона бргу постигнаа договор. Во наредните денови се очекува потписот и официјализација на продолжената соработка.

Чави: Има сомнежи за офсајдот? Нема дилеми, нема полемики

Бошко Тасиќ — Mon, 20 Mar 2023 05:27:16 +0000

Чави Хернандез слави и во второто „Ел Класико“ во Примера оваа сезона откако триумфираше против Реал Мадрид со 2-1. По натпреварот гласни беа мадридските медиуми, кои ја апострофираа изјавата на Анчелоти, кој се сомнева во снимката и поништениот гол на Асенсио заради недозволена позиција. Реал за кратко поведе со 1-2, а по одлуката на ВАР-собара, Барса имаше подобар финиш и извојува победа од 2-1. „Има дилеми за офсајдтот? Па, тоа е егзактна одлука. Навистина сум изненаден од изјавата на Анчелоти. Дали има офсајд или не, со присуството на ВАР, нема повеќе дилеми. Што се однесува до натпреварот мислам дека Барса беше подобар противник. Видов задоволни лица во соблекувалната, но има уштe дванаесет кола. До овој момент освоивме само еден трофеј, Суперкупот на Шпанија, па затоа мора да ја сопреме секоја еуфорија“, порача тренерот на Барселона. Чави Хернанез.

Чави: Јас сносам целосна одговорност за грешките на играчите

Дарко Андоновски — Thu, 13 Oct 2022 07:29:32 +0000

Тренерот на Барселона, Чави, ја презеде вината за ремито со Интер (3:3) во Лигата на шампионите. – Игравме со добар став, но ако не успее одбраната, тогаш не успевам и јас. Ако грешат Пике, Бускетс, Педри или Дембеле, тогаш грешам и јас како тренер. За грешките на играчите сносам целосна одговорност. Во вториот дел не одигравме како што треба, изјави Чави. По нерешениот исход, каталонскиот фудбалски гигант остана само со теоретски шанси да ја мине групната фаза. По четири кола во Ц-групата во Лигата на шампионите, Баерн Минхен е прв со 12 бода, Интер има седум, Барселона четири, Викторија Плзењ е последна без освоен бод.

Чави: Ла Лига не заостанува зад Премиер лигата

Магдалена Андонова — Thu, 14 Apr 2022 16:56:13 +0000

Реал Мадрид и Виљареал, кои оваа недела изборија пласман во полуфиналето во Лигата на шампиони, ја покажаа силата на Ла Лига, оцени денеска тренерот на Барселона, Чави. Реал во четвртфиналето го елиминираше актуелниот европски првак Челзи, додека Виљареал сензационално го совлада Баерн Минхен. – Тоа што се случи во вторникот покажува дека Ла Лига не заостанува многу зад Премиер лигата, изјави Чави. – Без разлика на сè, Ла лига секогаш ќе биде Ла Лига и е многу конкурентна. Ги гледав двата натпревари. Јас сум фудбалски навивач. Патем речено, Виљареал сега е голем клуб, зарем не? Сега сите би требало да го ставите на својата листа на големи клубови, додаде Чави. (МИА)

Чави: Лигата на шампионите покажува дека Ла Лига не заостанува многу зад Премиер лигата

Магдалена Андонова — Wed, 13 Apr 2022 17:45:46 +0000

Тренерот на Барселона, Чави, ги спореди Премиер лигата и Ла Лига во текот на четвртфиналните средби во тековната сезона. Синоќа шпанските Реал Мадрид и Виљареал, ги елиминираа премиерлигашот Челзи, односно бундеслигашот Баерн и се пласираа во полуфиналето на елитното фудбалско натпреварување. – Вчерашните настани докажуваат дека Ла Лига не е толку далеку зад англиската Премиер лига. Напротив, Шпанското првенство секогаш ќе остане силно. Ги гледав двата натпревара. Јас сум фудбалски љубител. Впрочем, крајната цел на Барселона е враќање во Лигата на шампионите. Што се однесува до Виљареал, сега може да се смета за голем клуб, нели? Тој треба да биде вклучен во списокот на големи клубови, изјави Чави. Вечер (почеток 21 часот) уште еден шпански клуб има шанса да се пласира во големата четворка. Во Мадрид, Атлетико го пречекува Манчестер сити. Англичаните на првиот натпревар победија со 1:0. (МИА)

Чави пред „Ел Класико“ : Реал е како камелеон

Бошко Тасиќ — Sun, 20 Mar 2022 08:22:22 +0000

Вечерва на програмата е второто „Ел Класико“ дерби во шпанската Примера оваа сезона, а воедно и второ за Чави Ернандес како тренер на Барселона со оглед на тоа што веќе се сретна со вечниот ривал во Супекупот. Во својата најава за натпревот Чави призна дека неиграњето на Карим Бензема е голем хендикеп за Реал, но и покрај тоа, се обиде да објасни зошто тимот на Карло Анчелоти ќе биде фаворит на овој дуел. – Реал Мадрид е како камелеон, не знаеш како ќе игра. Не знаете дали ќе ве притиска горе, или ќе направи блок и ќе игра на контри. Не знаеме што не чека, ние ќе се обидеме да ја имаме топката што е можно подолго и да го примениме сопствениот стил. Мора да бидеме подготвени за се. Нема подобро сценарио од ова за да ја потврдиме добрата форма. Треба да покажеме карактер, да го прикажеме нашиот стил. Сепак, пред натпреварот, ќе кажам дека Реал и натаму е фаворит. Тоа го велам бидејќи Реал игра на домашен терен и поради фактот што е сигурен лидер во првенството, – порача Чави.

Чави: Бесен сум и лут

Бошко Тасиќ — Sun, 05 Dec 2021 09:12:40 +0000

Чави Ернандес го претрпе првиот пораз како тренер на Барселона, откако неговиот тим загуби на „Камп Ноу“ на натпреварот во Примера кој требаше да послужи како добра подготовка за клучниот меч против Баерн Минхен во Лигата на шампионите.

Ернандес не го криеше разочарувањето по првиот пораз, особено поради фактот што со видео анализи им посочи на своите фудбалери дека најголемата опасност доаѓа преку транзициите и контрите на Бетис.

– Кога изгледаше дека сме најдобри на теренот, примивме гол. Примивме гол од контра и мора да бидеме многу подобри во тој аспект. Не можеш да заспиеш на нивна контра, мора да се спречат такви опасности навреме. Знаевме од каде доаѓа опасноста, работевме со видео анализа на нивните акции и мораше да спречиме таков гол. Добивме преголема казна за натпреварот кој го одигравме и затоа сум бесен и лут, – порача Чави, кој вели дека сите во Барселона треба да му помогнат на Мемфис Депај. – Мора да му помогнеме на Мемфис да ја научи и да ја сфати нашата игра. Тој ни помага и се отвора во празен простор, но едноставно не го наоѓаме во прав момент. Мора да бидеме поагресивни и во нападот, бидејќи во дефанзива станавме поагресивни откако сум тука, – изјави Чави.

ВИДЕО: Барселона на „Камп ноу“ го промовира новиот тренер Чави

Ивона Петрова — Mon, 08 Nov 2021 14:08:59 +0000

Чави од денес и официјално е нов тренер на Барселона. Каталонскиот клуб одржа официјална презентација на својот поранешен играч, која се одржа на стадионот „Камп ноу“. Назначувањето на Чави на тренерската функција беше објавено на 6 ноември. Договорот е со важност до летото 2024 година. Тој на оваа функција го замени Холанѓанецот Роналд Куман.

The moment has arrived pic.twitter.com/OkSunDBzRk
— FC Barcelona (@FCBarcelona) November 8, 2021

Предтходно, Чави беше на чело на катарски Ал-Сад. Чави најголемиот дел од кариерата го помина играјќи за Барселона како играч од средниот ред. Има осум титули во шпанското првенство и четири купа од Лигата на шампионите.

Ал-Сад не сака пари, постави само ЕДЕН УСЛОВ за да го пушти Чави

Ристе Здравков — Thu, 04 Nov 2021 15:47:38 +0000

Барселона води преговори со Ал-Сад околу доведувањето на Чави Хернандез на тренерската позиција. Катарскиот клуб не сака така лесно да го пушти својот предводник. Меѓутоа, според пишувањата на шпанските медиуми, парите не се проблем во разговорите меѓу двете страни. Се очекуваше Каталонците да платат десет милиони евра, но на крај Ал-Сад постави изненадувачки услов. Планот на управата е да ја убеди Барса да се согласи на пријателски меч во иднина. Тие сметаат дека тоа е подобро, од добивање паричен надоместок за младиот шпански стратег. Нема сомнеж дека Чави наскоро ќе го води поранешниот клуб. Останува само да се договорат деталите за да биде потврден неговиот кам-бек на „Камп Ноу“.