череп – Kurir.mk

Овој тест за личноста ја открива идеалната професија за вас: Она што прво го забележувате ја одредува вашата кариера од соништата

Ристе Здравков — Wed, 06 Oct 2021 08:10:00 +0000

Дали работите работа што искрено ја сакате или сте „залутале“ во област што не ве исполнува? Секој во одреден момент од својот живот треба да се вработи. Во зависност од семејството, околината, животните околности, некои го прават тоа порано, а некои подоцна. Во секој случај, на повеќето луѓе им е заедничко дека, ако имаат среќа еднаш, ако не повеќе од еднаш во животот, се запрашуваат што би можеле да прават и која работа е идеална за нив. Ако сеуште барате професија во која би можеле да постигнете врвни резултати, оваа оптичка илузија може да открие во која насока треба да оди вашата кариера. Се што треба да направите е да ја погледнете фотографијата и да запомните што прво забележавте. И не заборавајте – никогаш не е доцна да работите на вашите скриени таленти и да пробате нешто ново! 1. Ако прво забележавте полжав… Идеалната професија за вас е нешто што има врска со луѓето. Уживате да го поминувате времето и да комуницирате со што е можно повеќе луѓе во текот на денот. Иако првото нешто што може да ми падне на ум ќе биде работа со човечки ресурси, тоа сигурно не е единствената опција. Всушност, секоја работа за која ќе ги користите вашите гласовни и комуникациски вештини со поголем број луѓе ќе биде идеална. Најдобрите работни места за вас се менаџер за човечки ресурси, администратор, наставник, возач на автобус, стјуард, келнер, социјален работник… 2. Ако прво го забележавте черепот… Ако черепот е она што прво ви го привлече вниманието, вие сте личност која треба да направи кариера во областа на уметноста. Можеби веќе сте пејач, актер, писател и сте го нашле својот животен повик. Ако тоа не е така, размислете и длабоко во себе сигурно ќе ја пронајдете насоката во која треба да ја започнете кариерата. Најдобрите работни места за вас се сликар, пејач, професор по уметност, педагог, новинар, дизајнер… 3. Ако прво ја забележавте мапата… Вие сте некој што треба да ја вклучи вашата аналитичка страна во работата. Може да работите како инженер, да се бавите со наука или да работите во областа на архитектурата. Најдобрите работни места за вас се даночен советник, адвокат, професор по математика…

Пронајден е череп на изумрен вид на крокодил

Магдалена Андонова — Sun, 30 May 2021 16:50:40 +0000

Откриен е череп на крокодил стар осум милиони години во централна Австралија, за кој се верува дека припаѓал на истребен вид, соопштија тамошните научници. Черепот беше пронајден уште во 2009 година, на околу 200 километри од Алис Спрингс на северната територија и се смета дека припаѓа на непознат род на влекачи Бар, пренесува Би-Би-Си. Д-р Адам Јејтс, виш кустос за земни науки во Музејот и уметничката галерија на Северната територија, рече дека черепот е убедливо најдобриот примерок на крокодил од родот Бару што е пронајден досега. Тоа ни кажува за нови видови за кои не знаевме дека ја населуваат централна Австралија. Малку е изненадувачки што крокодилите живеат во реките на централна Австралија", рече тој. Како што е наведено, овој вид крокодил имал бројни анатомски разлики од другите крокодили. - Тоа е најсилниот член на родот Бару. Има особено големи заби, па дури и помал број на заби, рече Јејтс. Бар е дел од изложба во Музејот на северната територија и уметничката галерија, а черепот од 2009 година не е дел од изложбата, иако е изложен реконструиран 3Д печатен крокодилски скелет. Постојат низа причини зошто откритието само што излезе на виделина. Прво на сите, да се подготви фосил како овој, треба долго време да се исчисти и поправи. - За време на откривањето, не беше препознаено дека станува збор за нов вид на Бару, но се сметаше дека е еден од Бару за кој веќе знаеме, рече Јејтс.

Познат идентитетот на жртвата чиј череп беше пронајден во Долно Дупени, скопјанец обвинет за убиство

Ивана Ефремовски — Tue, 04 Aug 2020 16:27:36 +0000

СВР Битола - Одделението за криминалистичка полиција, во соработка со Единицата за крвни и сексуални деликти од Секторот за општ и насилен криминал во БЈБ и Одделението за крвни и сексуални деликти - СВР Скопје во соработка со ОЈО Битола, изминатиов период превзедоа низа истражни дејствија поради постоење на основано сомнение за сторено кривично дело "убиство" по член 123 став 1 од кривичниот законик, извршено во околината на селото Долно Дупени - Ресен. Имено на 27 и 28 јули пронајдени се череп и остатоци од човечки труп во распаѓање во околината на селото Долно Дупени. Пронајдените остатоци од телото се подигнати и по наредба на ОЈО Битола се предадени на Одделението за судска медицина при ЈЗУ Клиничка болница Битола, каде беше извршена обдукција,при што се утврди дека смртта била насилна со испукување проектил од огнострелно оружје во пределот на задниот дел на главата. Извршена е и идентификација на жртвата, и се утврди дека се работи за лицето М.А. (53) од околината на Скопје. Како резултат на преземените истражни дејствија се утврди дека делото е сторено на ден 30.06.2020.година, а како сторител на делото е осомничено лице од Скопје. Врз основа на резултатите од истрагата, од страна на ОЈО Битола поднесен е предлог за определување мерка притвор за осомниченото лице, а од страна на судија на предходна постапка при Основен суд Битола за осомниченото лице е определена мерката притвор. И покрај определениот притвор се продолжува со превземање дејствија за целосно расветлување на настанот.

„Астероидот на смртта“ наскоро ќе помине покрај Земјата

Ивона Петрова — Tue, 30 Oct 2018 21:53:42 +0000

Пред 3 години кометата во вид на череп накратко поминала покрај Земјата, на 31 октомври. Сега се врати. Астероидот, официјално наречен „2015ТВ145“, ќе биде најблизу до Земјата на 11 ноември. Научниците од НАСА првпат го забележале во 2015 година. Тие сметале дека станува збор за мртов астероид кој ја изгубил својата светлина по долгото патување низ Сончевиот Систем. – Откривме дека објектот одразува околу 6 отсто од светлината што ја добива од Сонцето – вели научникот Вишну Реди од Институтот за планетарни науки. Кога првпат поминал, астероидот ја минал Земјата на растојание од 500.000 километри – или малку подалеку од Месечината. Оваа година ќе биде уште подалеку: 40 милиони километри, па астрономите и љубителите на вселената ќе можат да го набљудуваат со телескоп, но ќе се гледа само мала точка на светлина. – Следната повозбудлива средба ќе биде на 31 октомври 2088 година, кога астероидот ќе се приближи до Земјата на околу 20 Месечеви растојанија – вели истражувачот Томас Милер. Сега можеби ќе изгледа различно. Астероидите може да ја променат формата кога патуваат низ вселената. Во 2015 година астероидот се приближил доста блиску до Земјата, со што бил „потенцијално опасен“.