чешиново облешево – Kurir.mk

Претрес во Општина Чешиново – Облешево, пронајдени пушка и муниција

Тале Кристо — Tue, 06 Dec 2022 12:44:38 +0000

На 05.12.2022 во с.Лепопелци, Општина Чешиново – Облешево, полициски службеници од ОВР Кочани го лишиле од слобода Б.Г.(55) од с.Бурилчево. При претрес во неговиот дом, извршен со судска наредба, биле пронајдени и одземени една ловечка пушка и три куршуми калибар 16мм. Тој бил задржан во полициска станица и по целосно документирање на случајот против него ќе биде поднесена соодветна пријава.

Ангелов: Создаваме нова иднина – Ќе се насочиме на развој на алтернативниот и бањски туризам, секое едно населено место во Чешиново – Облешево ќе добие инфраструктурно поврзување

Магдалена Андонова — Thu, 30 Sep 2021 16:24:04 +0000

Кандидатот за градоначалник на ВМРО-ДПМНЕ, за Општина Чешиново-Облешево, Далибор Ангелов, на денешниот митинг истакна дека изминатите четири години се случи стагнација на општината, а се што добија граѓаните беше само неисполнети ветувања, токму затоа потенцираше дека граѓаните заслужуваат локална власт која ќе одговори на нивните потреби, ќе донесе развој и подобра иднина за сите. - Одлуката која ќе ја донесете ќе се одрази на иднината на сите граѓани на општината и долгорочно ќе ја одреди насоката во која општината ќе се развива, рече Ангелов. Тој истакна дека во неговата програма има проекти позади кои стои и кои навистина ќе ги реализира и се темели само на она што е реално и остварливо а тоа е: Ќе направиме пристап до инфраструктура за секој граѓанин, чиста и здрава животна средина, квалитетно образование за нашата младина, развој на земјоделието, поддршка на земјоделците, развој на претприемништво, развој на алтернативен и бањски туризам, урбанизација на сите населени места и многу други проекти кои се од приоритетно значење за сите граѓани, изјави Ангелов. Тој нагласи жителите на Чешиново-Облешево можат да бидат сигурни дека се што ветува ќе оствари и дека уште како член на Советот се соочил со нивните проблеми и потреби, токму затоа како градоначалник ќе има можност да делува и истите да ги реши. - Ќе ги вклучам сите граѓани по принципот на неселективност, без привилегираност со иста мерка да го решиме секој предизвик бидејќи сум убеден дека тој е вистинскиот и единствениот начин да создадеме нова иднина. Општината е Ваша, Ваш е и изборот. Иднината на општината е во наши раце затоа заеднички Да создадеме нова иднина подобра и посреќна за сите нас, потенцираше Далибор Ангелов.

Митинг на ВМРО-ДПМНЕ во Чешиново – Облешево

Тале Кристо — Thu, 30 Sep 2021 15:20:24 +0000

ВМРО-ДПМНЕ денеска ќе одржи четири митинзи за претстојните локални избори. Првиот со почеток од 17:30 часот во Чешиново-Облешево - локација во „Паркот на Штркот“ во Чешиново, а на истиот ќе се обрати претседателот на ВМРО-ДПМНЕ проф. д-р Христијан Мицкоски.

Ангелов: Приоритет што ќе го направам е воспоставување на водовод и канализација во Чешиново – Облешево

Ивона Петрова — Tue, 07 Sep 2021 08:22:43 +0000

Напредокот е најдобар заштитник на принципите, тоа е и главната цел заради која работиме. Да градиш, тоа е тежок и спор процес, тоа е и должност која бара посветеност и одговорност. Меѓутоа во Чешиново – Облешево имаме сосема поинаква ситуација. Секојдневно иселување на младите, а основните егзистенцијални проблеми на граѓаните како водоснабдување и одвод на води, пристап до патна инфраструктура останаа нерешени, истакнува кандидатот за градоначалник на Општина Чешиново-Облешево од ВМРО-ДПМНЕ, Далибор Ангелов. Вели дека во 21 век со СДСМ и со Горанчо Крстев – Грга, Чешиново – Облешево изглед како во среден век, со бунари и јами, со основен проблем за чиста вода за пиење и канализација. Срамно и недостоинствено. -Горанчо Крстев – Грга им вети, тој им ветуваше чиста вода за пиење, ветуваше водовод во сите места, и еве по четири години се уште вода се пие од бунари, вода со сомнителен здравствен квалитет. Чифлик, Спанчево, Соколарци имаат ама како да немаат канализација. Грга не им ја пушти во употреба. И по четири години нема пречистителна станица. А, замислите и тој е од Спанчево, барем за своите соседи да направеше нешто во овие четири години. Ако нема ниту вода, ниту канализација со што ја задолжи општината со околу пола милион евра? Пола милион евра, а нема ниту вода, ниту канализација, а за друго да не зборуваме. Ова е исклучително богат крај, општина со многу можности, општина со топлотни извори, широки полиња, крај со можност за брз и висок развој, посочува Ангелов. Тоа со Грга и СДСМ видовме дека е невозможно. Единствено ги интересира општинската каса, за вработување на своите блиски и партиската војска. Ама и тоа го плаќате од ваш џеб. Ова е приоритет и прва работа што јас Далибор Ангелов ќе ја направам веднаш и без одлагање, доколку ја добијам вашата доверба се обврзувам дека ќе сторам се за да приклучам водовод и канализација, дека сите вие граѓани нема да имате повеќе чувство на срам пред вашите роднини и пријатели од Македонија и пошироко заради условите во кои што СДСМ и Горанчо Крстев – Грга ве оставија. И нема да застанам тука, заедно со вас ќе работам и ќе ги реализирам проектите и ќе работам на решавање на проблемите на сите граѓани. Време е општината да биде во сервис на граѓаните. А, не како досега да служи само за делење плати за неработење со пари од вашиот данок. Време е за работа, време е општина Чешиново – Облешево да биде вистинско посакувано место за живеење. Време е повторно да се гордеете со вашата општина. Време е за Македонија за сите луѓе.

Ангелов: Ќе застанам во ист ред со сите вас и заеднички да се поведеме на патот кон остварување на една нова позиција

Магдалена Андонова — Fri, 20 Aug 2021 13:55:34 +0000

Почитувани сограѓани,пријатели Да се добие довербата за да се биде кандидат за Градоначалник претставува голема чест но и голема обврска. Тоа е должност која бара посветеност и одговорност, тоа е обврската која јас ја прифаќам. Напредокот е најдобар заштитник на принципите, тој е и главната цел заради која работиме. Да градиш, тоа е тежок и спор процес, тоа е тешка повеќегодишна задача. Но, јас секогаш велам да се гради во интерес на граѓаните. Пред нас се многу предизвици. Целта е една, подобра иднина за сите граѓани на општина Чешиново-Облешево. Обврска моја ќе биде, да сум дел од вас и да помагаме јас и мојот тим околу секој ваш проблем. Моја должност е да се потрудиме заеднички да ги решаваме проблемите. Низ моето животно искуство научив да бидам решителен, но и трпелив. Проблемите никнуваат од сите нас, но проблемите и се решаваат од сите нас. Цврсто ве уверувам дека на сите проблеми со кои се соочувате ќе им излегувам во пресрет и ќе ги решавам заедно со вас. Мојата општина е моето секодневие. Мојата општина е дел од мојата држава. Не е сеедно каква утре ќе биде таа. Мојата општина не смее да биде помалку развиена од секоја друга соседна и не смее да биде занемарена во ниту една сфера на нејзиното работење. Сите заеднички ќе се заложиме за нејзино вклучување во сите современи текови и заеднички да ја изградиме за нашето поквалитетно функционирање. Ќе застанам во ист ред со сите вас и заеднички да се поведеме на патот кон остварување на една нова позиција. Со почит, Далибор Ангелов Кандидат за Градоначалник на ВМРО-ДПМНЕ на општина Чешиново-Облешево Фејсбук објава на Далибор Боро Ангелов

Кочанските земјоделци протестираат: Се чуствуваме изманипулирани од државата, до сега немаме добиено ниту денар

Дарко Андоновски — Sat, 17 Aug 2019 11:33:31 +0000

Производителите на ориз од кочанскиот регион претпладнево излегоа на двочасовен протест и со земјоделска механизација во селото Облешево ја блокираа едната коловозна лента од магистралниот пат Кочани – Штип. На тој начин, како што рекоа, го изразуваат незадоволството што ресорното Министерство се уште не им ги исплатило парите од интервентната мерка за предадена оризова арпа. – Се чувствуваме изманипулирани од државата, затоа што минатата година ни беше ветено дека до 30 мај годинава ќе добиеме по пет денари од килограм арпа, како дополнителна поддршка за ниските откупни цени. До денеска немаме добиено ниту денар, а новата жетва е на прагот. Брзавме да го предадеме оризот за да го запазиме рокот, а останавме и без пари и без ориз. Некои од земјоделците немаа средства да си купат ѓубре и заштитни препарати за овогодишната производна сезона. Затоа, бараме во текот на наредната недела да ни бидат исплатени парите од интервентната мерка – истакна Здравко Арсов, земјоделец од селото Облешево. Производителтие на ориз нагласија дека денешниот протест е предупредувачки и ако не ги добијат парите, ќе следуваат поризгорозни мерки за искажување на незадоволството. – Подготвени сме да ги блокираме и двете ленти од патот, затоа порачуваме дека е потребна брза реакција од Владата. Со оглед што наскоро ќе почне жетвата на оризот од новата реколта, очекуваме и покачување на откупните цени, односно 25 денари за килограм арпа и 50 денари за белиот ориз. Не бараме ништо повеќе од она што ни беше ветено – истакна Драгољуб Гаврилов, земјоделец од Чешиново. Претставници на земјоделските здруженија од Кочанско неодамна имаа средба во Министерството за земјоделство, при што една од главните точки на кои се разговарало е и исплатата на интервентната поддршка. Изразија надеж дека парите ќе ги добијат навреме за да можат да се подготват за новите жетвени активности.

Кривична пријава за К.Л., поранешен градоначалник на Чешиново-Облешево

Дарко Андоновски — Mon, 23 Apr 2018 10:40:30 +0000

Полицијата поднесе кривична пријава против К.Л. (40) кој во својство на градоначалник на општина Чешиново-Облешево искроистувајќи ја својата службена положба и овластување за време на својот мандат во четири случаи ја злоупотребил својата службена положба. Министерството за внатрешни работи информира дека во првиот случај во периодот од 11 април 2013 година до 1 ноември 2017 година 39 пати ги управувал службените патнички моторни возила "Пежо 207" и "Шкода Октавиа" сопственост на Општина Чешиново – Облешево без патни налози и истите ги користел за патување во странство за приватни цели. Во вториот случај во периодот од 2014 и 2015 година во повеќе наврати ги пречекорил границите на своето службено овластување на тој начин што им овозможувал на лица вработени во општина Чешиново Облешево и други лица да полнат гориво од бензинската пумпа "Еуропетрол ДОО" Чешиново во нивните сопствени возила на сметка на Општината со што предизвикал дополнителна материјална штета во вкупен износ од 50.450 денари. Во третиот случај горепријавениот во четири наврати во текот на 2015 година давал наредба на лице вработено во Општина Чешиново Облешево да полни бензин во туби и истите да ги носи кај пријавениот на домашна адреса, за истиот да го танкира своето приватно возило со што предизвикал материјална штета во износ од 4.634 денари и во четвртиот случај ја злоупотребил својата службена положба и овластување на начин што без да склучи договор за давање на донација донирал гориво од вкупно 113 литри во износ од 5.502 денари на Х.Р. наводно за одржување на патека за моторџии во село Уларци постапувајќи спротивно на Законот за донации и за спонзорство во јавните дејности оштетувајќи го Буџетот на општината во вкупен износ од 5.502 денари. Инаку, во периодот од 2013 до 2017 година пријавениот во својство на градоначалник со повреда на законските прописи за совесно постапување при вршење на овластување им овозможил на вработените во општината, но и за себе, да се користат службените возила за приватни цели без при тоа да се води уредна евиденција односно патен налог за целта на патувањето и евидентирање на измината километража и потрошено гориво. Со службеното патничко моторно возило "Пежо 207" кое пријавениот го користел во првите три години од мандатот како негово службено возило за изминати 162.271 километри потрошени се 765.094 денари, пари од општинскиот буџет за гориво, додека пак со службено возило "Шкода Октавиа" се поминати 63.879 километри за временски период од околу една година односно од набавка на возилото ставање на истото во функција на општината на 19.10.2016 до 01.11.2017 година, при што се потрошени 151.121 денари за гориво , без при тоа да се состави ниту еден патен налог со што ќе се оправда патувањето на потрошеното гориво . Со сите овие дејствиа К.Л. го оштетил буџетот на општина Чешиново –Облешево со вкупна сума од 976.801 денари.