четири лица – Kurir.mk

Кривична пријава против четири лица за узурпација на недвижности и бесправна градба

Катерина Бојаџиева — Mon, 04 Apr 2022 16:59:43 +0000

ОВР Дебар поднесе кривична пријава против Н.Б.(88) од дебарското село Џепиште, Ј.Б.(62) и С.А.(41), двајцата од Скопје и М.Х.(33) од Дебар, поради постоење основи на сомнение за сторени кривични дела „узурпација на недвижности“ и „бесправна градба“, соопшти Министерството за внатрешни работи. – Пријавените, во текот на 2021 година, на различни катастарски парцели во месноста „Манастирец“, атар на општина Центар Жупа, покрај реката Црни Дрим и езерото Шпилје, сопственост на Македонска православна црква, Дебарско – кичевска епархија, бесправно изградиле објекти при што Н.Б. се стекнал со противправна имотна корист од 150.480 денари, Ј.Б. со 106.920 денари, С.А. со 33.660 и М.Х. со 466.527 денари, посочуваат од МВР.

Најмладиот на 16, најстариот на 20 години: Полицијата уапси четири лица, еве што пронајде кај нив при претресот

Дарко Андоновски — Fri, 02 Jul 2021 08:44:26 +0000

На 01.07.2021 во 23.50 часот од страна на полициски службеници од Одделението за криминалистичка полиција Гостивар на ул.„Карагач“ во Гостивар лишени од слобода се М.Д.(19) од Гостивар, Ј.М.(20) од с.Речане, и двајца малолетници на возраст од 16 и 17 години од Гостивар, кај кои е пронајдена марихуана. Тие се приведени во Полициска станица Гостивар за понатамошна постапка. По документирање на случајот против нив ќе биде изготвен поднесок.

Уапсени четири лица од Штип, краделе шини за изградба на мост

Тале Кристо — Mon, 28 Jun 2021 15:42:49 +0000

Фатена е организирана криминална банда, која крадела шини за изградба на мост. Штипските полциски службеници од слобода лишиле четири лица, на возраст од 38 до 51 година, сите од Штип. Портпаролот на СВР-Штип Гордана Панајотова во писменото соопштение наведува дека околу 19.30 часот во атарот на село Пенуш, со употреба на сила и погоден предмет лицата пресекле и одзеле шина која требало да се користи за изработка на мост. Во интерес на истрагата не се открива дали материјалот е украден од мост кој во моментов се гради или, пак, станува збор за веќе изграден. Најден е и материјал, кој бил подготвен за транспорт. Шините биле примамливи за крадците, бидејќи е висока цената на железото, кое се користи во градежништвото. Од полицијата наведуваат дека се работи на комплетирање на случајот по што против крадците ќе биде поднесена соодветна кривична пријава.

Во деловна зграда во Калифорнија убиени се четири лица, меѓу нив и едно дете

Тале Кристо — Thu, 01 Apr 2021 06:32:19 +0000

Четири лица загинаа, а едно е повредено при оружен напад во бизнис зграда југоисточно од Лос Анџелес, Калифорнија, соопшти рано утрово американската полиција. Меѓу убиените има и дете за кое не се знае зошто се наоѓало во момент на инцидентот во просториите на деловната зграда. Напаѓачот е ранет како одговор на полицијата која излегла на местото на инцидентот. Детали за мотивот за нападот засега не се познати. Десет лица беа убиени во напад во супермаркет во американската држава Колорадо минатата недела, додека осум лица загинаа од истрели од огнено оружје пред две недели во државата Џорџија.

Приведени четири лица фатени при кражба

Тале Кристо — Sun, 14 Feb 2021 12:20:56 +0000

На подрачјето на Мирковци од страна на полициски службеници од Полициско одделение Мирковци вчера во 17.10 часот лишени се од слобода Р.Н.(54), И.М.(22) и двајца малолетници, затоа што биле фатени на лице место како извршуваат кривично дело кражба од деловен субјект, соопшти Министерството за внатрешни работи. Како што додаваат украдените предмети најдени кај нив се вратени на сопственикот, а по документирање на случајот ќе следуваат соодветни поднесоци.

Маж нападнал со нож четири лица во центарот на Братислава

Магдалена Андонова — Mon, 27 Jul 2020 12:28:16 +0000

Четири лица се повредени во напад со нож што се случил утрово во Братислава, соопшти денеска портпаролот на службата за вонредни ситуации Алена Крчова. Меѓу повредените е и еден тинејџер, а како што соопшти полицијата, напаѓачот е уапсен. Жртвите се пренесени во болница во Братислава и никој не е во сериозна состојба, додаде Крчова. Универзитетската болница соопшти дека примила три лица со сериозни повреди и дека веднаш биле оперирани, но никој не бил во опасност по живот. Тинејџерот бил пренесен во детска болница. (МИА)

Четири нови смртни случаи од коронавирус во Македонија

Тале Кристо — Thu, 30 Apr 2020 11:56:10 +0000

Министерството за здраство информираше дека како причина од Ковид-19 во изминатите 24 часа во Македонија починаа четири лица. Како што се наведува во извештајот на Клиниката за инфективни болести и фебрилни состојби почина пациент од Скопје на возраст од 62 години, а во ГОБ „8 септември“ почина пациентка од Гостивар на 59 години. Во денешниот извештај на Институтот се евидентирани и две починати лица од околината на Куманово, на возраст од 72 и 79 години, пациентка која се лекувала во домашни услови и пациентка која се лекувала на инфективното одделение во болницата во Куманово.

Предлог казни од по 2 000 евра за четири лица од Штип кои го нарушиле полицискиот час

Тале Кристо — Fri, 10 Apr 2020 11:20:56 +0000

Основното јавно обвинителство Штип поведе постапка и поднесе предлози за издавање казнени налози од по 2 000 евра за четири лица кои го нарушиле полицискиот час. – Сите обвинети во одделни кривично правни настани пеш се движеле низ градот иако во сила бил полицискиот час, воведен со одлука на Владата на Република Северна Македонија за да се сузбие ширењето на опасната заразна болест предизвикана од коронавирусот, стои во соопштението од ОЈО. Обвинителството со предлозите за издавање казнени налози побара од судот на обвинетите да им изрече парични казни во износ од по 100 дневни глоби, секоја од нив во висина од по 20 евра во денарска противвредност. Лицата се товарат дека сториле кривичното дело „непостапување според здравствени прописи за време на епидемија“ од член 206 став 1 од Кривичниот законик.

Четири лица настрадаа во налет на торнадо во САД

Дарко Андоновски — Sun, 14 Apr 2019 17:31:05 +0000

Четири лица настрадаа во налет на торнадо во јужниот дел на САД. Вкупно 13 такви бури ги погодија Тексас и Мисисипи. Повеќе куќи и деловни објекти во Висконсин и Хамилтон, Мисисипи, се оштетени, а дел од потрошувачите останаа без електрична енергија. Претходно беше соопштено дека две деца починале, а десетици луѓе биле повредени од торнадо во Френклин, Тексас. Во болница се примени 25 лица, со повреди од различен степен. Повеќе од 150.000 домови и деловни објекти останаа без струја во Тексас, Мисисипи, Мисури, Алабама и Луизијана.