четири жртви – Kurir.mk

Четири жртви од коронавирусот во Белорусија, фудбалските натпревари и натаму ќе се играат

Тале Кристо — Sat, 04 Apr 2020 13:28:19 +0000

Пациентите со коронавирус во Белорусија се веќе 351, 4 починале, а оние во критична состојба се 11. Сепак, локалните власти немаат намера да го запрат фудбалот и да пуштаат фанови на стадионите. Ова го увери генералниот секретар на Федерацијата, Александар Жардетски во интервју за „ЕСПН“ и „Марка“. Два натпревари вчера го започнаа третото коло, а денес средбите продолжуваат. „Нема причина да се прекине првенството“, вели Жардетски. – Ние ја следиме состојбата секој ден, им веруваме на нашите здравствени работници. На стадионите има лекари кои ги мерат температурите на луѓето и следат какви било симптоми. Одлуката за евентуално сопирање ќе ја донесат самите навивачи“. Неодамна, претседателот на Белорусија, Александар Лукашенко препорача пиење водка и миење раце со неа. – Никој не зборува за овој вирус. Луѓето треба да возат трактори и да работат на нивите. Тоа лечи секаков вид вирус, додаде шефот на државата. Сепак, сите првенства за јуниорите и дамите беа запрени во земјата.

Вкупно четири жртви во напад во Акапулко

Дарко Андоновски — Mon, 22 Jul 2019 06:08:14 +0000

Вооружен напаѓач уби четири мажи и рани седум лица во популарен бар во мексиканскиот град Акапулко, што е уште еден во низата насилни инциденти во некогашното гламурозно одморалиште на брегот на Тихиот Океан. Обвинителството на државата Гереро соопшти дека жртвите биле жители на Акапулко и оти е уапсен еден осомничен. Форензичарите на местото на злосторството пронашле 21 чаура. Локалните медиуми јавија дека нападот се случил во локалот „Мистер бар“ кој се наоѓа во таканречената златна зона, на една од широките градски авении, спроти луксузни хотели на брегот. Полицијата испрашала сведоци за да утврди дали се работи за напад или караница меѓу гости. Локалните власти неколку дена претходно во Акапулко покренаа безбедносна операција на почетокот од туристичката сезона. Во државата Гереро и Акапуко е регистриран пораст на насилството и бројот на убиства, што е причина за пад на бројот на туристи во градот кој некогаш беше многу популарна дестинација меѓу холивудскиот џет сет.

Најмалку четири жртви при уривање на зграда во Бахреин

Дарко Андоновски — Wed, 10 Oct 2018 08:50:45 +0000

Најмалку четири лица загинаа, а 20 се повредени при уривање на зграда во главниот град на Бахреин, Манама. Министерството за внатрешни работи соопшти дека на лице место биле пронајдени три тела, а четвртото лице починало во болница. Несреќата се случила во предградието на Манама, Салманија.