Совети од стоматолози за како да ја изберете ВИСТИНСКАТА ЧЕТКА ЗА ЗАБИ: На неколку работи треба да обрнете внимание

Ристе Здравков — Sun, 03 Sep 2023 14:05:09 +0000

Редовното и правилно четкање на забите е единствениот начин да се спречи и кариес и болести на непцата. Како што истакнуваат стоматолозите, редовното четкање на забите ги отстранува наслагите од храна и бактериите од површината на забот кои предизвикуваат кариес. Иако многу луѓе мислат дека миењето заби е едноставна процедура, правилното четкање и изборот на четка за заби се од клучно значење. Ви носиме три совети од стоматолози на кои треба да внимавате при изборот на четка за заби. 1. Меки влакна Секоја четка за заби што ќе ја изберете треба да има меки влакна. Четките за заби со меки влакна се понежни за вашите заби и непца. Четките со тврди влакна можат да отстранат повеќе наслаги, но можат да предизвикаат и повлекување на непцата. Ова може да го оштети коренот на забот и да ја зголеми чувствителноста на студ, топлина и одредени видови храна и пијалоци. 2. Мала глава Што се однесува до обликот на главата, постојат обични или мали. Се препорачуваат четки за заби со помала глава (како дијамант), бидејќи можат да стигнат до тешко достапни места, како што се задните заби. Обликот на главата треба да биде удобен во устата. 3. Електрична четка за заби Иако рачната четка за заби е добра, електричната четка за заби може подобро да ги отстрани наслагите од вашите заби. Може да допре до тешко достапните места на вашата вилица. Покрај тоа, многу електрични четки за заби имаат тајмер од две минути, кој може да послужи како потсетник за тоа колку долго треба да ги четкате забите. Дополнителни совети Заменете ја четката за заби на секои 3 месеци или кога влакната покажуваат знаци на абење. Истрошената четка за заби нема добро да ги исчисти вашите заби. Освен вистинската четка за заби, најважно е правилно и доволно долго да ги миете забите (најмалку две минути, два пати на ден наутро и навечер).

Дали ја МОКРИТЕ ЧЕТКАТА пред нанесување на паста? Еве зошто е важно тоа да го правите кога ги миете забите!

Ристе Здравков — Wed, 23 Nov 2022 08:19:08 +0000

На кој тип на личност припаѓате вие - оние што ја мократ четката пред да ја нанесе пастата или откако ќе ја нанесете? Експертите велат дека не е сеедно по кој редослед ќе го направите тоа. Според Луис Марион, пародонтолог и професор на Универзитетот во Пенсилванија, прво треба да ја намокриме четката за заби. – Сувите влакна, дури и ако четката е супер мека, имаат силна абразивна моќ. Абразијата на забите, односно трошењето на тврдото забно ткиво и повлекувањето на непцата заради тоа, е голем проблем што го гледаме секојдневно, особено кај помладата популација. Ако ја намокрите четката само откако ќе нанесете паста за заби, влакната веројатно нема целосно да се навлажнат. Ова не е голем проблем ако сте навикнати да ги четкате забите со лесни и нежни движења. Сепак, повеќето луѓе не го прават тоа – истакнува овој експерт. Марион исто така предупредува дека конецот треба правилно да се користи пред да се мијат забите. На овој начин, забниот конец ја извлекува нечистотијата насобрана меѓу забите. Ако прво ги измиеме забите, ќе имаме чувство на чистота и свежина во устата, но кога ќе извадиме парче храна што се изгубило меѓу забите, целото искуство ќе се расипе. За крај, не заборавајте да го четкате јазикот, а сè завршете со плакнење на устата.

четка – Kurir.mk

Совети од стоматолози за како да ја изберете ВИСТИНСКАТА ЧЕТКА ЗА ЗАБИ: На неколку работи треба да обрнете внимание

Дали ја МОКРИТЕ ЧЕТКАТА пред нанесување на паста? Еве зошто е важно тоа да го правите кога ги миете забите!