четворица – Kurir.mk

Четворица новозаболени и еден починат од Ковид-19 во Струмица

Тале Кристо — Sat, 18 Jul 2020 19:44:35 +0000

Пациентка на 61-годишна возраст, која се лекувала на клиниките во Скопје, е вториот регистриран смртен случај од овој регион, а има и четворица нови позитивни на Ковид-19, информира директорот на Центарот за јавно здравје во Струмица, Петре Витанов. -Новозаразените се на различна возраст. Двајца се од две села од Струмичко, а имаме и две лица позитивни на 81-годишна возраст од Дом за стари лица во Радовиш, кои се по потекло од Струмица. Едниот е пренесен на клиниките во Скопје, а вториот е во болницата во Штип, рече директорот Витанов. На подрачјето, кое го покрива Центарот за јавно здравје досега се регистрирани 28 инфицирани од коронавирусот. Од нив двајца се починати, 12 се активни, а останатите се излекувани. Со денешните нови тројца, пак, бројот на инфицирани во Радовиш порасна на 13 активни пациенти.

Четворица тетовци обвинети за непочитување на полицискиот час

Тале Кристо — Thu, 30 Apr 2020 12:52:06 +0000

Основното јавно обвинителство Тетово обвини четири лица поради непочитување на полицискиот час. Обвинетите, соопштија од ОЈО Тетово, се движеле пеш или со возила низ градот, во време кога во сила била забраната за движење на населението на територијата на Република Северна Македонија. Со тоа дејствие, обвинетите го сториле кривичното дело – Непостапување според здравствени прописи за време на епидемија од член 206 став 1 од Кривичниот законик. За обвинетите, Основното јавно обвинителство Тетово со Предлогот за издавање казнен налог побара од судот да им изрече парични казни во износ од по 100 дневни глоби, стои во соопштението.

Еден загинат, четворица тешко повредени, викендот 24 сообраќајки во Скопје

Дарко Андоновски — Mon, 22 Apr 2019 06:43:32 +0000

Мотоциклист загина, четири лица се тешко повредени, а 14 се здобиле со лесни телесни повреди, во 14 од вкупно 24 сообраќајки регистрирани изминатиот викенд на подрачјето на СВР Скопје. Со поголема брзина од дозволената се движеле 54 возачи. Од сообраќај се исклучени 39 возачи, од кои 34 пред да се стекнат со право на управување возило, четворица возачи почетници, еден под дејство на алкохол. Исклучени се и 22 нерегистрирани возила. За непрописно паркирање се изречени 95 мерки, а „пајакот“ кренал 55 возила. Санкционирани се и шест пешаци кои поминале коловоз надвор од пешачки премин, петмина возачина кои не дале првенство на минување на пешаци на обележан пешачки премин, десет за неправилно престигнување, 15 кои не носеле сигурносен појас, 32 за зборување на мобилен при возење