четврта доза – Kurir.mk

Италија почнува кампања за четврта доза вакцина за лица над 60 години

Ивона Петрова — Tue, 12 Jul 2022 07:21:30 +0000

Италија наскоро ќе започне кампања за четвртата доза од вакцината против Ковид-19 за лицата над 60 години, изјави италијанскиот министер за здравство Роберто Сперанза, откако е добиено одобрување од здравствените агенции на Европската унија. Сперанца рече дека Владата веќе им дала зелено светло на 20-те регионални администрации на Италија да започнат кампања за администрирање на четвртата доза од вакцината, по одобрение од Националната медицинска агенција АИФА. „Сите научни докази… покажуваат дека дополнителната доза на вакцината во голема мера може да ги зашт ти луѓето од хоспитализација, особено изнемоштените и постарите лица”, изјави Сперанца за државната телевизија „РАИ”. Во Италија овој месец е забележано зголемување на бројот заразени со Ковид-19. Бројот заразени минатата недела за првпат од февруари надмина сто илјадина дневна основа, а се забележува и зголемување на бројот на хоспитализирани лица.

Германија предлага четврта доза од вакцината во ЕУ

Тале Кристо — Tue, 29 Mar 2022 11:20:21 +0000

Европската унија да препорача четврта доза од вакцината против Ковид-19 за лицата постари од 60 години, изјави германскиот министер за здравство, Карл Лаутербах денеска на состанокот на министрите за здравство во Брисел. Посочувајќи на податоци од Израел, тој нагласи дека е неопходно итно да се даде препорака за да се намали ризикот од смрт поради инфекција, пренесува „Ројтерс“. Лаутербах додаде дека очекува вакцина прилагодена на новите варијанти да биде достапна дури наесен.

Кризниот штаб во Србија даде препорака да се дадат четврта и петта доза од вакцината: Еве за кого конкретно се однесува

Магдалена Андонова — Thu, 10 Mar 2022 17:18:13 +0000

На седницата на Кризниот штаб денеска беше дадена препорака да се дадат четвртата и петтата доза од вакцината против коронавирусот. Ќе се воведе четврта или втора зголемена доза на вакцина за сите оние над 18 години. Посебно се препорачува за ранливите групи граѓани, како и за оние кои поради вакцината која не е препознаена во сите земји, не можат да патуваат. Вакцините се препорачуваат за сите луѓе на возраст над 18 години и за оние со поголем ризик, како што се оние постари од 60 години кои имаат хронично заболување.

Шведска препорачува четврта доза вакцина за оваа категорија на граѓани

Тале Кристо — Mon, 14 Feb 2022 10:19:22 +0000

Шведската здравствена агенција во понеделникот објави дека луѓето на возраст од 80 и повеќе години треба да примат втора дополнителна доза на коронавирус, или вкупно четири дози вакцина за зајакнување на имунитетот. Препораката важи и за лицата кои живеат во домови за стари лица, како и за оние кои живеат дома, но ги посетува стручен кадар кој им помага во секојдневните активности. Втората бустер доза треба да се даде не порано од четири месеци по првата бустер доза, се вели во соопштението на здравствената агенција, според „Ројтерс. Шведска забележа рекорден број на нови инфекции претходно оваа година, што се припишува на брзото ширење на омикронот. Тамошните власти планираат да ги отстранат ограничувањата и да ги намалат тестирањата веќе овој месец, потпирајќи се на засилувачките дози, како и на фактот дека омикрон предизвикува поблаги симптоми, што го намалува притисокот врз здравствениот систем. Но, инфекцијата сè уште се шири. Здравствената агенција известува дека во последните недели има зголемен број на случаи меѓу групите со зголемен ризик од развој на потешки форми на болеста, како што се луѓето кои живеат во домови за стари лица. -Зголемената доза ја подобрува заштитата. Затоа веруваме дека луѓето над 80 години и постари ќе имаат корист од втората засилена доза, рече шведскиот главен епидемиолог Андерс Тегнел.

Четвртата доза вакцина штити од потешка форма на Ковид-19

Тале Кристо — Mon, 24 Jan 2022 09:57:35 +0000

Четвртата доза на вакцина против Ковид-19 што ја примиле лица постари од 60 години ги прави трипати поотпорни на сериозен облик на болеста од луѓето кои примиле засилувачка доза, соопшти израелското Министерство за здравство. Министерството додаде дека четвртата доза, или вториот бустер, двојно ја зголеми отпорноста на инфекција во истата возрасна група, во споредба со луѓето кои примиле три дози од вакцината. Израел овој месец почна да ја дава четвртата доза од вакцината на Фајзер/Бајонтек на лица постари од 60 години.

Студија од Израел покажува дека четвртата доза од вакцината против коронавирусот обезбедува ограничена заштита од Омикрон

Магдалена Андонова — Mon, 17 Jan 2022 21:08:22 +0000

Медицинскиот центар Шеба во близина на Тел Авив денеска ги објави резултатите од прелиминарната студија која покажува дека четвртата доза од вакцина против коронавирус обезбедува само ограничена одбрана од новиот вид на коронавирус Омикрон. Во декември во таа болница почна вакцинацијата на повеќе од 270 здравствени работници со уште еден бустер. Вакцина на Модерна примија 120 луѓе и 154 на Фајзер/Бионтек. Сите претходно биле вакцинирани трипати со вакцината на Фајзер. Клиничките испитувања открија малку повеќе антитела отколку по третата вакцина, минатата година, но тоа не го спречи ширењето на сојот Омикрон. (МИА)

Во Израел одобрија четврта доза вакцина против Ковид-19 за постари од 60 години и медицински персонал

Дарко Андоновски — Mon, 03 Jan 2022 08:48:39 +0000

Израел одобри четврта доза од вакцина против Ковид-19 за сите луѓе постари од 60 години и медицинскиот персонал, соопшти синоќа премиерот Нафтали Бенет. На прес-конференција Бенет рече дека Министерството за здравство ја одобрило одлуката два дена по одобрувањето на четвртата доза за групи со висок ризик. – Бранот со Омикрон е тука и треба да се заштитиме, изјави Бенет. Набргу по почетокот на вакцинацијата на ризичните групи, директорот на Министерството за здравство Нахман Еш ја одобри четвртата доза за лицата во домовите за стари и изнемоштени. Покрај тоа, Израел во четвртокот ја прими првата пратка таблети против коронавирус од фармацевтската компанија „Фајзер“ во време кога бројот на заразени продолжува да расте поради сојот Омикрон. Во изминатите денови Израел бележи голем пораст на инфекции, но засега не е потврдено ново зголемување на хоспитализираните. Израелските власти вчера потврдија 4.206 нови случаи на коронавирус за 24 часа и зголемување за 195 отсто за една недела, што може да го зголеми притисокот врз здравствениот систем. – Наскоро можеме да предвидиме 50.000 нови случаи на ден, предупреди Бенет, повторувајќи го повикот за масовна вакцинација. Во земја од 9,2 милиони жители во која повеќе од половина веќе добиле засилена, т.н. бустер доза, потешки случаи на болеста се присутни кај невакцинираните, велат надлежните.

Израел ја пролонгира имунизацијата со четврта доза вакцина против Ковид-19

Ивона Петрова — Fri, 24 Dec 2021 07:00:05 +0000

Израелското Министерство за здравство синоќа соопшти дека се пролонгира имунизацијата со четврта доза вакцина против Ковид-19 за лицата над 60 години. Генералниот директор на Министерството за здравство, Нехман Аш треба да ја одобри кампањата за вакцинација со четврта доза, а сега се проучуваат податоците од Велика Британија, кои навестуваат дека сојот омикрон предизвикува помалку сериозна болест за разлика од делта. Изрелската Телевизија Канал 13 објави дека ако има повеќе такви информации, Аш можеби нема да ја поддржи препораката од 28 декември лицата постари од 60 години, здравствените работници и ризичните групи граѓани да примат четврта доза вакцина против Ковид-19. Израел е на пат да стане прва земја во светот каде поединечни групи граѓани ќе бидат имунизирани со четврта доза.

Наскоро четврта доза вакцина против Ковид-19, четири месеци по третата

Тале Кристо — Thu, 23 Dec 2021 10:09:01 +0000

Велика Британија разгледува предлог да даде четврта доза од вакцина против Ковид-19, која би можела да се прими четири месеци по третата засилувачка доза, со цел да се запре ширењето на сојот омикрон. Германија и Израел веќе ја разгледуваат таа опција. Давањето на вториот сет засилувачки дози го разгледуваат британските експерти од Мешовитиот комитет за вакцинација и имунизација, објави „Телеграф“.

Израел е првата земја во светот што ја воведува четвртата доза од вакцината

Магдалена Андонова — Wed, 22 Dec 2021 08:37:03 +0000

Израелскиот премиер Нафтали Бенет даде инструкции да почнат подготовките за давање четврта доза вакцина против коронавирус за одредени групи од населението. Панел здравствени експерти препорачаа четврта доза вакцина за постарите од 60 години, ризичните групи и медицинскиот персонал. Со тоа Израел ќе стане првата земја во светот што ќе дава четврта доза на дел од населението. Се предвидува четвртата доза да се дава најмалку четири месеци по третата доза. За да стапи во сила претстои да биде одобрена од директорот на Министерството за здравство Нахман Аш. (МИА)