четвртфинале – Kurir.mk

Хрватска во четвртфиналето на Мундијалот

Ивона Петрова — Mon, 05 Dec 2022 17:48:51 +0000

По речиси три часа игра на теренот, Хрватска се пласираше во четврфиналето од Светското првенство во Катар. По регуларните 90 минути натпреварот беше со изедначен резултат 1:1, а ниту продолженијата не го одредија патникот во следната фаза од Мундијалот. Хрватска обезбеди место во четврфиналето по изведувањето на пеналите, а по три промашени на Јапонија беше јасно кој е победникот на натпреварот. Хрватска е во четвртфиналето, а таму ќе игра со подобриот од мечот Бразил - Јужна Кореја.

Македонскиот тенисер Калин Ивановски се пласираше во четвртфиналето на турнирот во Мадрид

Тале Кристо — Thu, 24 Nov 2022 14:46:16 +0000

Македонскиот тенисер, Калин Ивановски продолжува со одличните настапи, сега реди победи на турнирот во Мадрид, откако во осминафиналето го совлада шпанскиот тенисер Молино. Ивановски за еден час и десет минути со 2-0 во сетови го победи шпанскиот тенисер Молино и се пласираше во четвртфиналето на турнирот во Мадрид. Ивановски релативно лесно го совлада противникот, првиот сет го доби со 6-4, а во вториот беше подобар со 6-2. Македонецот денеска има уште една задача во Мадрид, од 12 часот настапува и на турнирот во двојки, ќе се бори за пласман во полуфинале.

Извлечени двојките за четвртфиналето во Лигата на шампионите

Дарко Андоновски — Fri, 19 Mar 2021 11:36:05 +0000

Во седиштето на Европската фудбалска федерација (УЕФА) во Нион попладнево се одржа жрепката за четвртфиналето и полуфиналето во Лигата на шампионите. Двојките се: 1. Реал Мадрид – Ливерпул 2. Манчестер сити – Борусија Дортмунд 3. Баерн Минхен – Пари Сен-Жермен 4. Порто – Челзи. Во полуфинаето ќе играат подобриот од првиот и четвртиот пар и победниците од втората и третата двојка. Првите натпревари од четвртфиналната фаза ќе се одржат на 6 и 7 април, реваншите на 13 и 14 април. Првите полуфиналиња се закажани за 27 и 28 април, реваншите за 4 и 5 мај. Финалето ќе се одржи на 29 мај во Истанбул на „Олимпискиот стадион Ататурк“.

Извлечени двојките за четвртфиналето во фудбалскиот Куп на Македонија

Магдалена Андонова — Tue, 27 Oct 2020 12:46:36 +0000

На денешното извлекување во „Куќа на фудбалот“ беа одредени двојките за четвртфиналето од фудбалскиот Куп на Македонија. За место меѓу најдобрите четири екипи ќе одлучуваат натпреварите: Академија Пандев – Шкупи Струга Трим Лум – Ренова Беласица – Македонија Ѓ.П. Силекс – Шкендија. Ќе се игра само еден натпревар, без реванши. Средбите се закажани за 25 ноември 2020 година. (MИА)

ПСЖ го слави 50. роденден, вечер тимот игра четвртфинале во ЛШ

Магдалена Андонова — Wed, 12 Aug 2020 09:56:03 +0000

Фудбалскиот клуб Пари Сен-Жермен денес одбележува 50 години од формирањето. На јубилејниот роденден, ПСЖ вечер се среќава со Аталанта во четвртфиналето од Лигата на шампионите. Низ својата историја, клубот го освои францускиот шампион девет пати, Купот на земјата 13 пати и Лига купот девет пати. Парижаните имаат и девет француски Супер купа. Во 1996 година, Пари Сен-Жермен стана победник на Купот на куп победниците. Амбициите на францускиот првак оваа сезона се да ја освојат Лигата на шампионите. Прва пречка кон таа цел е тимот од Бергамо. Вечерашниот натпревар со Аталанта ќе се игра во Лисабон со почеток во 21 часот. (МИА)

Оформени паровите за четвртфиналето од Лигата на Европа

Магдалена Андонова — Fri, 07 Aug 2020 07:27:15 +0000

По одигрувањето на натпревари од 1/8-финалето во Лига Европа, сите парови за 1/4-финалето на турнирот се веќе јасни. Вчера, Севиља, Баер (Леверкузен), Базел и Вулверхемптон се квалификуваа за оваа фаза од турнирот, придружувајќи се на Интер, Манчестер Јунајтед, Шахтјор (Доњецк) и Копенхаген. Како што е познато, до крајот на турнирот натпреварите ќе бидат на неутрален терен во Германија, а победниците ќе бидат утврдени на еден натпревар. Натпреварите од 1/4-финалето се закажани за 10 и 11 август. Еве ги паровите за четвртфиналето: Манчестер Јунајтед – Копенхаген Интер – Баер Леверкузен Шахтјор Доњецк – Базел Вулверхемптон – Севиља Вака изгледаат паровите за полуфиналето: Вулверхемптон или Севиља – Манчестер Јунајтед или Копенхаген Интер или Баер Леверкузен – Шахтјор или Базел. (МИА)

ЛШ: Роналдо го однесе Јуве во четвртфинале, Сити го уништи Шалке

Дарко Андоновски — Wed, 13 Mar 2019 06:36:56 +0000

Италијанскиот шампион Јувентус направи чудо и се пласираше во четвртфиналето во Лигата на шампиони, откако го победи со 3:0 Атлетико Мадрид во Торино. Така, со вкупен резултат од 3:2, „бјанконерите“ одат во следната фаза. Херој за домаќините беше Кристијано Роналдо, кој постигна „хет-трик“ во мрежата на Шпанците. Многу силен дуел одиграа уште дебитантот во турнирот Леонардо Спинацола и Федерико Бернардески, кој се пријави со асистенција и го изработи пеналот, од кој Роналдо го постигна последниот погодок во големиот судир. Така, за прв пат во својата историја, Јувентус продолжува понатаму откако го изгубил првиот натпревар со 0:2. Тимот од Торино ќе го дознае својот следен ривал во петокот, кога ќе се одржи ждребот. Манчестер Сити пак го уништи Шалке 04, откако му постигна неверојатни 7 гола на својот „Етихад“. На овој начин, „граѓаните“ ги елиминираа „рударите“ од Лигата на шампионите по вкупен резултат од 10:2 по двата натпревари и на крај тимот се квалификуваше за четвртфиналето на турнирот. Агуеро го отвори резултатот во 35 минута по пенал, а три минути подоцна повторно постигна гол за да го удвои водството на неговиот тим. Во 43-тата минута Сане исто така го запиша своето име меѓу стрелците и на полувремето се замина со 3:0. Стирлинг го зголеми водството на „граѓаните“ во 56-тата, додека Бернардо направи 5:0 во 71-та минута. Фоден исто така се запиша во листата на стрелците во 78-та, а Жесус го оформи конечниот резултат на 5 минути до крајот на натпреварот. Системот ВАР мораше да интервенира трипати – признатибеа два од головите на Сити, а еден гол беше поништен.

Јотовски избори четвртфинале на фјучрсот во Австрија

Дарко Андоновски — Wed, 11 Jul 2018 13:00:32 +0000

Најдобриот македонски тенисер Томислав Јотовски се пласира меѓу осумте најдобри на фјучрсот во австриски Крамзах. Македонецот кој е втор носител, попладнево за нешто помалку од три часа игра го победи Аргентинецот Ферим Тенти со 2-1, по сетови 6:1, 3:6 и 6:4. Наградниот фонд на турнирот изнесува 15.000 долари.

Бразил преку Мексико во четвртфинале

Дарко Андоновски — Mon, 02 Jul 2018 16:32:29 +0000

Фудбалската репрезентација на Бразил ја совлада соодветната селекција на Мексико со 2:0 во натпревар од осминафиналето на Светското првенство во Русија. Бразил ја потврди фаворитската улога на натпреварот, но и покрај неколкуте сериозни удари кон голот на Мексико првото полувреме заврши без погодоци. Во почетокот на вториот дел Нејмар во 51. минута му донесе водство на Бразил од 1:0, а Роберто Фирмино ја зголеми предноста и во 88. минута ги постави конечните 2:0. Бразил во четвртфиналето ќе се соочи со подобриот од вечерашниот натпревар меѓу Белгија и Јапонија.

Хрватска по пенали во четвртфинале

Ивона Петрова — Mon, 02 Jul 2018 06:05:48 +0000

Хрватска вчеравечер го доби „трилерот“ со Данска и се пласира во четвртфиналето на Светското фудбалско првенство. „Коцкестите“ дури по изведувањето пенали ја елиминираа Данска иако пред мечот важеа за големи фаворити. Резултатот по основните и дополнителните минути беше нерешен 1:1, а головите беа постигнати на самиот почеток. Данска поведе веќе во 1.минута преку Јоргенсен, изедначи Манџукиќ по само три минути. Шанса да го реши победникот пропушти Лука Модриќ чиј удар од 11 метри на пет минути до крајот на второто продолжение го одбрани Каспер Шмајел. Сепак, Модриќ успеа да го совлада Шмајхел во пенал серијата во која Хрватите погодија три пати, а Данците реализираа само два удари од белата точка. Во четвртфиналето Хрватска ќе игра во сабота на 7 јули, во Сочи против Русија. Токму домаќинот на Мундијалот, во првото вчерашно осминафинале исто така на пенали ја совлада Шпанија, откако резултатот по 120 минути беше 1:1.