четвртфиналисти – Kurir.mk

Познати сите четвртфиналисти во ракометната Лига на шампиони

Дарко Андоновски — Fri, 31 Mar 2023 08:07:09 +0000

Унгарски Веспрем и дански ГОГ Гудме се последните патници во четвртфиналето во Лигата на шампиони во ракомет. Веспрем синоќа во реваншот од осминафиналето во унгарската пресметка го порази ПИК Сегед со 38-33, потврдувајќи ја убедливата победа од 36-23 од првиот натпревар, додека Гудме во реваншот од данската осминафинална пресметка го победи Алборг со 32-24 и ја надомести негативата од 28-30 од првиот дуел. Претходно пласман меѓу осумте најдобри европски ракометни екипи обезбедија Кил, ПСЖ, Барселона, Висла Плок, Магдебург и Киелце. Четвртфинални двојки се ПСЖ – Кил, Барселона – Гудме, Магдебург – Висла Плок и Киелце – Веспрем. Првите натпревари се на програмата на 10 и 11 мај, додека реваншите една недела подоцна. Фајнлфорот ќе се игра на 17 и 18 јули во Келн.

Лигата на шампиони утре ги добива првите четвртфиналисти

Дарко Андоновски — Mon, 08 Mar 2021 21:28:13 +0000

Првите реванш осминафинални натпревари во Лигата на шампиони (ЛШ) се на програмата утре, кога Јувентус го пречекува Порто со негатива од 1:2 од првиот натпревар, додека Борусија Дортмунд со предност од 3:2 е домаќин на Севиља. Пауло Дибала и Родриго Бентакур поради повреди нема да бидат во составот на Јувентус, но тренерот Андреа Пирло се надева дека Џорџо Кјелини и Матијас де Лихт навреме ќе се рехабилитираат за дуелот со португалскиот шампион. Порто, исто така, има повредени играчи во своите редови, вклучувајќи го дефанзивецот Пепе. Борусија Дортмунд во првиот натпревар ја совлада Севиља со 3:2, со двата гола на Ерлинг Халанд, но во германскиот тим се појави загриженост минатиот викенд, откако норвешкиот голгетер предвреме го напушти дерби натпреварот против Баерн Минхен поради повреда. Од друга страна, Севиља е во лоша форма и загуби три од последните четири натпревари пред дуелот со Борусија Дортмунд.

Познати сите четвртфиналисти во Копа Америка

Дарко Андоновски — Tue, 25 Jun 2019 06:17:51 +0000

На фудбалскиот Куп на Америка кој се одржува во Бразил со одигрувањето на натпреварите од 3.коло во групата-Ц заврши првата фаза по која познати се осумте селекции кои ќе играат во четвртфиналето. Тоа се двете првопласирани од трите групи, како и две репрезентации кои завршија на третото место и се со подобар биланс од другата третопалсирана. Во четвртфиналето одат: Бразил, Венецуела и Перу (А-група); Колумбија, Аргентина и Парагвај (Б-група) и Уругвај и Чиле (Ц-група). Ноќеска во последното коло од групата Ц, Уругвај го победи Чиле со 1:0, додека Еквадор и Јапонија ремизираа 1:1. Во четвртфиналето ќе играат: Бразил – Парагвај (Порто Алегре, 27 јуни) Венецуела – Аргентина (Салвадор, 28 јуни) Колумбија – Чиле (Сао Пауло, 28 јуни) Уругвај – Перу (Ресиве, 29 јуни).

Аргентина и Колумбија четвртфиналисти во Купот на Америка

Дарко Андоновски — Mon, 24 Jun 2019 06:13:18 +0000

Колумбија како првопласирана и Аргентина која заврши на втората позиција во групата Б ќе играат во четвртфиналето на Копа Америка. Двете селекции ноќеска забележаа победи и ја оправдаа фаворитската улога. Аргентина во Порто Алегре го совлада Катар со 2:0. Головите ги постигнаа Мартизнез и Агуеро. На дуелот во Салвадор, Колумбија благодарение на Гуелар го совлада Парагвај со 1:0. Конечен поредок во Б-групата: Колумбија 9 бода, Аргентина 4, Парагвај 2, Катар 1. Вечер во 1 часот по полноќ се играат последните натпревари од групната фаза во Ц-групата: Чиле – Уругвај Еквадор – Јапонија.

Познати сите четвртфиналисти во одбојкарската Лш за жени

Дарко Андоновски — Wed, 27 Feb 2019 08:45:56 +0000

По одигрувањето на последното коло од групната фаза познати се осумте екипи кои ќе играат во четвртфиналето од Лигата на шампионите во одбојка за жени. Од секоја група во следната фаза одат првопласираните, како и трите најдобро второпласирани екипи. Победници на групите се: Вакифбанк, Екзахибаши, Новара, Скандиччи и Фенербахче. Трите најдобро второпласирани се: Динамо Москва, Штутгарт и Конељано. Жрепката за четвртфиналето ќе се одржи на 1 март.