Со низок процент имунизирани неизбежен четврти бран на Ковид-19 во Србија, алармира државниот секретар во МЗ

Дарко Андоновски — Thu, 08 Jul 2021 08:01:50 +0000

Државниот секретар на Министерството за здравство на Србија, Мирсад Ѓерлек, денеска изјави дека одговорот на младите на вакцинацијата против Ковид-19 е незадоволителен, бидејќи изнесува само 17,2 проценти, и дека мора да се забрза во текот на летото. – Со толку низок процент на имунизација на младите и со делта сој што ќе ја покаже својата сила само за еден месец или два, едвај можеме да чекаме мирна есен и неизбежен е четвртиот бран, што веројатно ќе дојде пред есента, изјави тој за РТС. Според него, во Србија досега се вакцинирани 2.416.560 возрасни граѓани на Србија, што е 48,4 проценти. Ѓерлек напомена дека оние кои не се вакцинирани, играат „рулет со опасен вирус“ целосно непотребно, бидејќи имаме „милиони дози на вакцини“. На прашањето за Делта сојот, тој рече дека во Србија се регистрирани два случаја пред неколку дена и дека состојбата се следи.

Дали Франција ја очекува четврти бран на Ковид-19?

Магдалена Андонова — Wed, 30 Jun 2021 10:34:50 +0000

Франција, најверојатно, ќе има четврти бран на Ковид-19, како резултат на повторување на случаите предизвикани од Делта варијантата на вирусот, првично откриена во Индија, изјави водечкиот научен советник на Франција, професорот Жан-Франсоа Делфрејси. Сепак, Делфрејси денеска додаде дека воведувањето на вакцината против Ковид-19 ќе помогне во ублажување на влијанието на овој нов бран на вирусот, за кој многу медицински експерти сметаат дека може да ја погоди Франција до септември или октомври. – Мислам дека ќе имаме четврти бран, но тој ќе биде многу поумерен од претходните три бранови, бидејќи нивото на вакцинација е поинакво од порано, изјави Делфрејси за француското радио. Францускиот епидемиолог Арнауд Фонтанет, кој исто така ја советува француската Влада за научни прашања, за БФМ ТВ изјави дека очекува бројот на заразени со Ковид-19 во Франција повторно се зголемува во септември или октомври. Министерот за здравство Оливие Веран на почетокот на неделава рече дека Делта варијантата на вирусот, поради чија стапка на ширење во светот некои земји повторно воведоа ограничувања за патувања, сега опфаќа околу 20 проценти од случаите во Франција. (МИА)

четврти бран – Kurir.mk

Со низок процент имунизирани неизбежен четврти бран на Ковид-19 во Србија, алармира државниот секретар во МЗ

Дали Франција ја очекува четврти бран на Ковид-19?