Чевли – Kurir.mk

Кејт Мидлтон носи чевли во три различни броеви, а има и добра причина за тоа

Ристе Здравков — Wed, 23 Aug 2023 12:51:22 +0000

Од година во година, Кејт Мидлтон привлекува внимание со изборот на обувки. Понекогаш, всушност, се чини дека салонките на нејзините омилени дизајнери Џанвито Роси, Еми Лондон и Џими Чу и прилегаат како направени за неа, а друг пат може да се види како избраните чевли изгледаат прилично удобно, иако често се модели со висина на потпетица од околу 10 сантиметри. Затоа, ниту трите различни броеви на чевли не се случајност. Нејзиниот избор варира помеѓу големини 38, 38,5 и 39. Причината не е само потребата за удобност на некој јавен настан и фактот што понекогаш стои на штикли многу долго – по некое време, чевли кои се убави и ѝ прилегаат облека стане “притисок” за нозете. Имено, откриено е дека изборот на нејзината големина варира по бренд. На пример, чевлите Џими Чу на принцезата од Велс (таа наводно поседува најмалку 15 пара чевли од тој бренд), секогаш се со големина 38,5. Кога принцезата носи чевли Руперт Сандерсон, таа избира модели во 38, додека сандали на LK Bennett, модел „Агата“, кои се со широк нос и машна одзади, до глуждот, секогаш нарачува бројка 39. „Познатите често се подготвуваат за црвени теписи или други настани и избираат поголеми чевли за да избегнат плускавци. Плус, се е до тоа како се чувствуваат чевлите кога ќе ги пробате и одите во нив, наместо да се придржувате до вашата вообичаена големина. Италијанските чевли често се поголеми – секогаш земам половина големина помала“, вели тој и додава дека проблемот со премногу простор на местото каде што се ставаат прстите во чевелот се решава со вата. „Некои ѕвезди се познати по тоа што ги полнат прстите на нозете со облоги како памучна вата“, вели Рејчел Стори. Од друга страна, важна е и сезоната. Во лето изберете поудобни чевли, барем за една големина поголеми, бидејќи стапалата и глуждовите отекуваат од жештината, особено кај високите потпетици. Сопругата на принцот Вилијам земала и некои модни трикови од бабата на нејзиниот сопруг, кралицата Елизабета. Во нејзините подоцнежни години, Елизабет секогаш носеше мокасини со ниски потпетици направени по мерка на лондонскиот чевлар Anello & Davide. Кејт, како и покојната кралица, исто така избира живописни бои и често испраќа одредена порака со изборот на облека и додатоци.

Нови чевли се купуваат навечер

Ивона Петрова — Tue, 23 May 2023 09:26:24 +0000

Многу жени веруваат дека меѓу многуте различни видови модели обувки во плакарот, тешко е да се одлучи за еден чифт. Тоа некако зависи од модниот стил и вкус, но, се чини, жените се согласуваат дека најлоши чевли се оние неудобните и што предизвикуваат плускавци. Се случува вообичаено - купувачката „се вљубува“ во чифт чевли, но откако ќе ги обуе првпат дома, сфаќа дека ѝ се неудобни и не може да направи чекор повеќе во нив. Следи прашањето - како не го сфатила тоа при пробувањето во продавницата? Постои начин да се избегне таа непријатна случка - со купување чевли во вистинско време. Тајната е во разликата во часот и времето од денот кои влијаат на тоа. Имено, нозете се менуваат во текот на денот. Наутро воопшто, човекот се чувствува посвежо, пропешачил помалку и стапалата не му / ѝ се отечени. Тоа значи дека ако наутро ќе му / ѝ одговара помал број. Но, подоцна дента, тоа се менува. Нозете се поуморни, а една од последиците се отечени стапала. Не е тешко да се погоди - тогаш ќе одговара поширок калап на чевелот и поголем број. Затоа советот гласи - нов чифт чевли се купува во последната третина од денот - колку подоцна, толку подобро. На тој начин новите чевли ќе Ви одговараат преку целиот ден, т.е. ќе бидат поудобни и нема да создаваат плускавци.

ФОТО: Оригами балетанките и здолништата на „Прада“ се вистински хит

Ивона Петрова — Wed, 08 Mar 2023 17:40:09 +0000

Италијанската модна куќа „Прада“, на неодамнешната модна недела во Милано ја воодушеви публиката со интересна комбинација на текстил и јапонската уметност на оригами. Необични детали од свила, памук, кожа најдоа свое место на облеката, а изгледаат неверојатно интересно на чевлите.

View this post on Instagram

A post shared by Prada (@prada)

Оригами балетанките и здолништата на „Прада“ веќе станаа голем хит, судејќи по социјалните мрежи.

View this post on Instagram

A post shared by Prada (@prada)

Моделите се носат во секоја пригода. - Оваа колекција е инспирирана од идејата за убавина. Но, секогаш кога зборуваме на некоја тема, јас и Мијуча се обидуваме да излеземе од дадените шаблони и да следиме што им треба на луѓето. Затоа во колекцијата имаме елегантни здолништа за посебни пригоди, како што се свадби, кои лесно стануваат секојдневие на облека - изјави Раф Симонс.

View this post on Instagram

A post shared by Prada (@prada)

Чистачите на чевли во САД се надеваат дека нивниот занает нема да исчезне

Тале Кристо — Tue, 07 Mar 2023 09:48:11 +0000

Чистењето чевли на јавни места има долга историја во САД - уште во 1860-тите, новинарот и писател Хорејшо Алџер го прослави американскиот сон за успех „од партали до богатство“ со својата книга „Парталавиот Дик“... Патниците на големата железничка станица „Пен стејшн“ во Њујорк, имаа(т) обичај да седнат на столче за чистење чевли, да се одморат и да го разлистаат својот весник додека чистачите чучнати пред нив посветено, вешто и професионално им ги полираат обувките до совршенство. Таа традиција денес е речиси исчезната во САД. Корона-пандемијата, работата на далечина и популарноста на полежерните „спортски чевли“ коишто не се од кожа - се само дел од современите причини за тоа. Службата за статистика во САД последен пат го наведе чистењето чевли како занает во 2007 година, кога биле избројани само 30 вакви места. И поширокиот пазар за услуги, на пр. за поправка на чевли, е намален за 23 отсто од 2013. до 2023 година, покажуваат податоците на статистичкиот институт „Нилсен“. Нисан Кајмов сѐ уште има своја „тезга“ на „Пен стејшн“. Тој, како што рече, пред пандемијата полирал од 80 до 100 чифта чевли дневно, а сега, од вторник до четврток има 30 - 50 муштерии, а во понеделник и петок уште помалку. Тој смета дека масовната работа од дома е главната причина за тоа. - Сè додека луѓето не се вратат на работа, проблемот нема да се реши. Муштериите се вработени луѓе кои секојдневно патуваат во Њујорк... На крајот сѐ тоа ќе се врати во нормала, се надевам, но никогаш не се знае!, рече Кајмов. Луѓето, велат, доаѓаат пред сѐ заради посјајни чевли, но и за малку разговор и опуштање пред или по работниот ден. Овој занает се прослави ширум светот преку филмовите.

Неколку причини зошто мачките ги сакаат чевлите на сопствениците

Ивона Петрова — Wed, 25 Jan 2023 14:51:07 +0000

Сопственици на мачки, дали вашите миленици се опседнати со чевлите што ги носите? Ги мирисаат, ги газат , спијат во нив или во нивна близина. Зошто мачките толку многу ги сакаат вашите чевли? Постојат неколку причини зошто мачките се толку фасцинирани од обувките. Познат мирис За мачката, сетилото за мирис е веројатно најважното од сите нејзини сетила. Тоа е четиринаесет пати посилно од човечкото, а мачката има двојно повеќе миризливи рецептори во нејзиното ткиво од луѓето. Мачките се природно љубопитни и истражуваат нови мириси, но тие исто така ќе бараат познати ароми и ќе направат да се чувствуваат безбедно и опуштено. Територија што ја сака Мачките создаваат и лачат феромони за мирис во жлездите низ целото тело, вклучувајќи ги и образите. Кога ќе го трие лицето од вас или некој предмет, таа остава свој белег како да сака да каже: „Јас сум бил овде и порано“. Ова му припаѓа на мојот простор и ме прави да се чувствувам безбедно“. Мачките постојано ќе се враќаат на предметите на кои оставиле мирис. Допирањето на чевлите и спиењето на нив е начин мачката да покаже дека сака нешто ваше и дека тоа е нејзина сопственост. Комфорна зона Предметите што го имаат вашиот мирис - облека, чевли, ќебиња итн. - можат да ја утешат мачката во некои ситуации. Спиењето на чевлите би можело да биде нејзин метод за самосмирување додека сте отсутни. На овој начин таа ќе се чувствува како постојано да е покрај неа. Не се лутете ако мачката ви ги поместува чевлите: тоа го прави само за да биде „со вас“ додека не се појавите дома после работен ден.

НОВИТЕ ЧЕВЛИ ВИ СЕ ТЕСНИ? Постои трик како да ги направите поудобни! (ВИДЕО)

Ристе Здравков — Tue, 13 Sep 2022 13:02:30 +0000

Носењето нови чевли за прв пат може да биде пекол, особено кога ќе сфатите дека требало да купите број поголеми. Но, не грижете се, постои идеално решение и за тоа За да го решите овој проблем, се што ви треба е фен за коса, пар обични чорапи и пар најдебели чорапи што ги имате. Ако немате дебели зимски чорапи, ќе послужат и два пара обични. Облечете ги двата пара чорапи и обидете се да ги облечете новите чевли. Потоа вклучете го фенот и насочете го топлиот воздух кон делот од чевелот каде што притисокот е најсилен. Исклучете го фенот за коса кога ќе почувствувате дека чевлите ви се олабавуваат под ударот на топлината. Потоа одете додека чевлите целосно не се изладат, па соблечете ги. Облечете ги повторно, но без дополнителниот пар чорапи, за да видите дали ќе бидат поудобни. Ако не, повторете ја постапката. Експертите за чевли забележуваат дека овој трик не треба да го користите на чевли од чувствителни материјали. Ова првенствено се однесува на обувките направени од пластика и други синтетички материјали.

Јелена Ѓоковиќ во комбинација која воодушевува, еден скап детаљ на сите им “падна“ во очи (ФОТО)

Ивана Ефремовски — Thu, 30 Jun 2022 14:50:16 +0000

Сопругата на познатиот тенисер Новак Ѓоковиќ, Јелена Ѓоковиќ, на социјалните мрежи го сподели своето ново издание. Таа се одлучила за црвено-бела комбинација на облека, а еден детаљ на сите познавачи на модата веднаш им го зеде вниманието. Станува збор за нејзините чевли од познат бренд кои чинат речиси 1.000 евра. Не ја исправи косата, како што често прави, а позираше со насмевка на лицето. - Вимблдон! - накратко напиша Јелена во описот на фотографиите.

View this post on Instagram

A post shared by Jelena Djokovic (@jelenadjokovicndf)

Вашите чевли непријатно мирисаат? Овие совети многу ќе ви помогнат!

Ивана Ефремовски — Tue, 10 May 2022 21:01:38 +0000

Непријатните мириси во обувките, особено по неколкучасовно носење, тешко се поднесуваат, но лесно ќе се ослободите од нив доколку примените некои од овие совети. Истурете неколку лажички сода бикарбона во чевлите и распоредете ги по целата внатрешност. Оставете да делува преку ноќ или барем неколку часа, а потоа исчистете темелно. Сода бикарбона ги убива бактериите и габите и ја апсорбира влагата. Ставете кесички чај во чевлите или патиките преку ноќ. Тие ќе ги апсорбираат влагата и мирисите. Посипете масло од лаванда или некое друго есенцијално масло со интензивен мирис во чаша ориз и истурете го во чевлите. Оризот ќе ја апсорбира влагата, а есенцијалното масло ќе го неутрализира мирисот.

Тест на потсвеста: Изберете чевел и откријте како изгледате во машките очи

Ристе Здравков — Tue, 08 Feb 2022 09:24:37 +0000

Работите кои најмногу не привлекуваат можат да кажат многу за нас, но и за тоа како другите не доживуваат Веруваме дека многу пати во животот сте слушнале дека „костумот не го прави човекот“, меѓутоа, многумина веруваат дека облеката и чевлите кои сакате да ги носите кажуваат многу за вас. Модните експерти и познавачите на човечката психа се согласија дека чевлите, во повеќето случаи не ги бираме само така и дека всушност откриваат многу работи за сопственикот. Не случајно некои жени претпочитаат сандали со високи потпетици во јаки бои, додека други претпочитаат „помирни“ тонови. Овој едноставен тест ќе ви помогне да дознаете како изгледате во машките очи, а се што треба да направите е да изберете една од четирите чевли, секако водени од интуицијата. Чевла број 1 Вие сте личност која плени со својот изглед. Мажите сакаат да бидат во ваше друштво бидејќи секогаш сте отворени за комуникација и сте многу духовити. Силната боја на чевлите е одраз на вашата независност и „карпест“ карактер, но и на личност која нема никакви стравови. Вашата женственост нема граници, а софистицираноста е главното правило на вашиот стил. Во очите на мажот кој сака независни жени, вие сте јасен пример за тоа како жената треба да изгледа и да се однесува. За оние кои се потрадиционални, вие сте фатална дама, во која лесно се заљубуваат, но и брзо бегаат. Потпетица број 2 Доколку ја изберете оваа темна чевла, со затворени прсти, мажите ве гледаат како недостапна жена, иако не сте. Повеќето од нив се плашат да ви пријдат бидејќи мислат дека никогаш не би можеле да го најдат патот до вашето срце. Ве сметаат за интровертна личност, која не може и не сака да флертува. Ќе бидете вистинска среќничка, ако меѓу господата има некој кој ќе разбере дека вие сте всушност личност желна за љубов и дека долго време го чекате вашиот „принц на бел коњ“. Сепак, само најхрабрите ќе имаат трпение и волја да го „стопат“ срцето на „снежната кралица“ и да се капат во морето на љубовта што го носите во себе. Чевла број 3 На мажите им оставате впечаток на слатка, романтична и нежна девојка. Сепак, вие ја имате моќта на околината, а особено на мажите да им и го покажете „лицето“ кое ви одговара во даден момент. Мажите често мислат дека можат да ви пријдат и дека сте лесен „плен“, но прилично се изненадени кога ќе сфатат дека сте „тврдина“ која тешко се освојува. Вашата отвореност и ведриот дух, но и провокативното однесување, често ги гледаат како отворена покана за флерт, па се изненадени кога ќе сфатат дека тоа не е баш така. Потпетица број 4 Дамата која ги избра овие чевли во очите на мажот изгледа како жена која има високи барања. Точно знаете што сакате од животот и самоуверено се движите кон своите цели. Мажите често ве гледаат како самодоволни и не се сигурни дали воопшто ви се потребни. Често мислат дека сте вообразени и недостапни, а не разбираат дека тоа е навистина само одбранбен механизам на душата која копнее по нежност. Веројатно имате многу додворувачи, но и високи критериуми, па почесто ја избирате осаменоста отколку врската.

Хороскопскиот знак открива: Какви чевли треба да носите

Катерина Бојаџиева — Tue, 14 Dec 2021 08:45:30 +0000

Честопати се прашуваме кои се нашите најповолни денови во месецот според хороскопот, како ќе се сложуваме со новиот партнер... Но, ѕвездите можат да ни го одредат и најсоодветниот модел на чевли според хороскопскиот знак. Овен На мултифункционалните личности како што сте вие, им се потребни удобни обувки со кои можете да продолжите да го водите својот динамичен живот. Од друга страна, овновите се познати како трендсетери, па не е ни чудно што обожаваат да носат патики. Бик Биковите сакаат скапи работи и многу често инвестираат во висококвалитетни парчиња и дизајнерски чели. „Nude“ чевлите се совршени за овој знак, бидејќи овие жени се родени лидери, а истовремено овие чевли се секси за вечерните излегувања. Близнаци На моменти исклучително социјални, на моменти интровертни, за близнаците се потребни чевли кои ќе ја задоволат нивната подвоена личност помеѓу диско кралица и книжен молец. Поради тоа, идеални чевли за нив се црни чевли со украси, кои одговараат за секоја пригода. Рак За смирените ракови идеални се плишаните чевли. Бонус поени ќе добиете ако ја изберете сината нијанса бидејќи тоа е бојата на вашиот знак. Лав На вашата силна и моќна личност и се потребни разиграни чевли со кои ќе го освоите светот. Силните и нападни бои се секогаш идеален избор за лавовите, а машничките се составен дел од нив. Девица За вас се идеални белите чевли, поради претераната педантност, а од друга страна во вас ќе се разбуди рокерската кралица кое е заспана веќе некое време. Вага Рамнотежата е вашето средно име, а наланите на пета се совршени за вас. Тие се идеална комбинација за кежуал и фенси изглед, точно тоа што ви треба во вашите неодлучни утра кога гледате во плакарот и не можете да се одлучите што да облечете. Шкорпија Таинствениите и секси шкорпии ги заслужуваат најчудните чевли, а оние со принт на змиска кожа се совршени за нив. Знаеме дека за нив е потребна храброст, но вам тоа не ви недостасува. Згора на тоа, овој принт поради својата неутралност може да се носи во секој период од годината. Стрелец Вие сте слободна душа и секогаш во потрага по нова авантура. За вас се идеални класичните сандали во сите облици, бои и височини. Тие се тренди, а тоа одлично се сложува со вашиот личен стил. Јарец Јарците се многу амбициозни и ангажирани. Секогаш трчаат од една на друга работа, од еден состанок на друг. На елегантните јарци совршено им прилегаат класичните салонки со шпиц. Боја? Воопшто не е важно бидејќи јарците го имаат во сите бои. Водолија Металик чевли се вистинскиот избор за нив, бидејќи водолиите не поднесуваат досада, што значи дека им се потребни доволно моќни чевли кои ќе го задоволат нивниот дух. Една предност на овие чевли е тоа што можете да ги комбинирате со различни парчиња облека без премногу размислување. Риби На вашата креативност и нема крај, што значи дека ви прилегаат чевли кои се вистинско мало ремек дело. „Kitten“ чевлите се многу популарни самите по себе, но слободно може да експериментирате со нив, избирајќи ги оние позабавните со принтови или неочекувани комбинации на бои.