чичко – Kurir.mk

Хрватско-српскиот филм „Чичко“ вечер на ИФФК „Браќа Манаки“ во Битола

Тале Кристо — Wed, 24 Aug 2022 08:05:55 +0000

Битола, 24 август 2022 (МИА)–Интернационалниот фестивал на филмската камера „Браќа Манаки“ продолжува со програмските содржини, а во рамки на натпреварот за златна, сребрена и бронзена „Камера 300“ вечер ќе биде емитуван хрватско-српскиот филм „Чичко“ во режија на Давид Капац и Андрија Мардесиќ, а кинематографер е Милош Јаќимовиќ. Хрватско-српскиот филм „Чичко“ светска премиера имаше на фестивалот Карлови Вари во Чешка, каде го доби признанието „Проксима“, потоа беше емитуван на филмскиот фестивал во Пула, Хрватска каде режисерите и сценаристи Капац и Мардесиќ беа наградени за филм со најдобро сценарио, а неодамна филмот беше емитуван и на Фестивал на европскиот филм во Палиќ, крај Суботица. Меѓународната презентација на „Чичко“ во кој главната улога ја толкува познатиот српски актер Предраг Мики Манојловиќ, продолжува вечер во Битола на ИФФК „Браќа Манаки“, каде според програмата ќе биде емитуван и италијанскиот филм во конкуренција „Осумте планини“ во кој кинематографер е Рубен Импенс.

Детали кои ќе ве потресат: Чичкото монструм од Скопје ќе одговара за малтретирање на деца

Ивана Ефремовски — Fri, 25 Sep 2020 09:17:11 +0000

Основното јавно обвинителство Скопје поднесе Обвинителен акт против 46–годишен скопјанец кој со умисла сторил две временски поврзани дејствија што претставуваат повеќекратно извршување на кривичното дело– Запуштање и малтретирање на дете од член 201 став 1 во врска со член 45 од од Кривичниот законик. Обвинетиот – чичко на оштетените две деца, на 28 јуни 2020 година прифатил доверена обврска од мајката на децата, да ги надгледува додека таа била отсутна. Но, тој грубо ја запоставил својата должност за грижа и воспитување, па започнал да ги малтретира доверените деца. Истиот ден, околу 12.30 часот, тој на дрво во близина го врзал 12-годишното момче за стапалото со внатрешна гума од мопед. Врзаното дете – лице со посебни потреби и неразвиена моторика, не можело да се ослободи, па кон него се приближила неговата 5-годишна сестра во обид да му даде шише со течност за да се напие. Во тој момент, обвинетиот го нападнал и девојчето, најпрвин вербално, а потоа и физички – удирајќи ја по лицето и нозете. Јавниот обвинител кој постапува во предметот до Основниот кривичен суд Скопје достави и посебен предлог за продолжување на определената мерка притвор за обвинетиот, имајќи предвид дека постои опасност од негово криење и бегство, а како близок роднина кој има постојани контакти со оштетените, постои и реална опасност да го повтори кривичното дело доколку се брани од слобода.

Короната донесе нова смрт во домот на Кеба- на семејството се уште им се свежи сеќавањата од претходната семејна трагедија (ВИДЕО)

Дарко Андоновски — Mon, 20 Jul 2020 08:17:21 +0000

Пејачот Драган Којиќ Кеба бил скршен поради смртта на неговиот чичко Р.К, инаку братот на неговиот татко. Чичкото на Кеба починал во болница како резултат на последиците од коронавирус. Патем, Кеба беше многу приврзан кон неговиот чичко, како и со неговиот син, кој почина на само 27 години во сообраќајна несреќа. Тогаш тој му ја посвети и песната „Мојот брате“.

Чичко го врзал за дрво внукот кој имал аутизам

Ристе Здравков — Mon, 29 Jun 2020 16:54:57 +0000

Притвор од 30 дена доби чичкото кој ги малтретирал внуците во Градски парк. Во Градскиот парк во Скопје вчера тој го врзал за дрво 10-годишниот внук, кој имал аутизам, а со прачка ја тепал неговата 10-годишна сестра. Случајот е пријавен од минувачи кои ги снимиле настанот, а Единицата за насилен криминал поднесе пријави до обвинителството за малтретирање и запуштање дете. Осомничениот 46-годишник едното дете го врзал со внатрешната гума од мопед за стеблото на дрво. Детето не можело да се ослободи, а неговата сестра се доближила до дрвото да му подаде шише за да се напие течност. Чичкото прво ја прекорил, а потоа ја удрил со шлаканица по лицето и со ластегарка по стапалата. Осомничениот е спроведен во Истражниот затвор во Шутка.

Насилство во семејството: Чичкото ги злоупотребувал внуците

Тале Кристо — Mon, 29 Jun 2020 13:51:32 +0000

Предлог за притвор и наредба за истражна постапка денеска донесе Основното јавно обвинителство Скопје против чичко кој ги малтретирал малолетните внуци кои му биле доверени на чување. Осомничениот ги врзувал и со ластегарка ги мавал по стапалата. Како што соопшти ЈО, на 28 јуни, осомничениот 46-годишник, со грубо запоставување на својата должност за грижа и воспитување, малтретирал две деца на кои им бил чичко. -Кога мајката на децата му ги оставила за да ги надгледува, осомничениот едното дете го врзал со внатрешната гума од мопед за стеблото на едно дрво. Детето не можело да се ослободи, па неговата сестра се доближила до дрвото да му подаде шише за да се напие течност. Осомничениот најпрвин ја прекорил, а потоа ја удрил со шлаканица по лицето и со ластегарка по стапалата, се наведува во соопштението на ЈО. Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор, поради опасност од бегство на осомничениот, можност тој да ја попречува кривичната постапка со влијание врз децата со кои е во крвно сродство, како и поради можност да го повтори делото.

Чичко на Башар ал Асад е осуден за перење пари во Франција

Тале Кристо — Wed, 17 Jun 2020 13:50:03 +0000

Чичко на сирискиот претседател Башар ал Асад, Рифат ал Асад, во Париз е осуден на четири години затвор за перење пари. Рифат ал Асад (82), кој живее во егзил откако неуспешно се обиде да ја преземе власта од неговиот брат Хафиз во 1984 година, е осуден за користење на сириските државни фондови за купување куќи и канцелариски вредни 90 милиони евра. Француски суд, исто така, одлучи да му го одземе целиот имот во Франција, како и имот во вредност од 29 милиони евра во Лондон. Помладиот брат на поранешниот сириски претседател Хафиз ал Асад негира дека сторил какви било злоупотреби, а неговите адвокати најавија дека ќе поднесат жалба. Тој не се појави на суд поради здравствени причини, но се наоѓа во Франција, пренесува Би-Би-Си.

Чичко нападнал внук- со возило се обидел да влезе во двор низ ограда

Дарко Андоновски — Sat, 20 Jul 2019 12:59:50 +0000

На 20.07.2019 во 00.15 часот во Полициското одделение Сарај, А.Ш.(36) од с.Љубин, скопско, пријави дека на 19.07.2019 околу 21.00 часот, додека бил во дворот од куќата на братучедот С.Ш. заедно со семејствата, неговиот чичко Е.Ш. со возило удрил во ѕидот од оградата, по што излегол и им упатил закани и се обидел да ги нападне. Е.Ш. бил приведен и по целосно расчистување на случајот против него ќе биде поднесена соодветна пријава, информираат од МВР.