чифлик – Kurir.mk

Се распаѓа мостот на патниот правец кој ги поврзува селата Умлена и Чифлик во Пехчево

Тале Кристо — Wed, 03 Mar 2021 14:15:07 +0000

Се распаѓа мостот на патниот правец кој ги поврзува селата Умлена и Чифлик во Пехчево. Жителите револтирани бараат да се оствари најавата за негова санација, бидејки како што велат мостот во секој момент може да се сруши. -Околу шест месеци движењето по овој оштетен мостот преставува опасност како по учесниците во сообраѓајот така и по населението. Поради топењето на снегот мостот пропаѓа и прашање на време е кога ќе се сруши, вели Димче Беќарски, жител на селото. Мостот е изграден далечната 1975 година, но проблемот според Беќарски е што при неговата изградба не се користела арматура, поради што како што додава е потребна итна негова реконструкција. Од локалната самоуправа во Пехчево информираат дека се запознаени со случајот. Во нивниот одговор се вели дека документацијата е подготвена и дека многу скоро поправката на мостот ќе биде извршена. Мештаните во својата реакција бараат и рехабилитација на патниот правец од село Чифлик кон село Умлена, ветување кое според нив се уште не е остварено од страна на локалните власти.

Поведена истрага против двајца за пронајдено оружје и муниција во Чифлик

Магдалена Андонова — Sun, 06 Dec 2020 10:39:14 +0000

Основното јавно обвинителство Скопје донесе Наредба за спроведување истражна постапка против две лица за кривично дело – Неовластено изработување, држење, посредување и тргување со оружје или распрскувачки материи од член 396 став1 од Кривичниот законик. На 5 декември бил извршен претрес во домовите на двајцата осомничени во селото Чифлик, при што кај првиот осомничен било пронајдено огнено оружје – пушка Mannlicher STEYR M-95 со калибар 7,9 мм како и 75 куршуми од тој калибар. Кај вториот осомничен, пак, била пронајдена рамка за автоматска пушка со калибар 7,62Х39 мм. За двајцата осомничени на возраст од 57 и 67 години, надлежниот јавен обвинител до судијата на претходна постапка при Основниот кривичен суд Скопје достави предлози за определување мерка притвор. Ваквиот предлог беше поднесен бидејќи постојат околности кои упатуваат на опасност осомничените да се дадат во бегство или да го повторат делото.

Претрес во Чифлик и Ржаничино, пронајдено оружје

Магдалена Андонова — Sat, 05 Dec 2020 10:18:33 +0000

Денеска Одделот за криминалистичка полиција - Сектор за недозволена трговија со дрога, оружје и опасни материи во координација и заедничка акција со полициски службеници од СВР Скопје – Единица за недозволена трговија со дрога, а врз основа на претходно издадена наредба за претрес од судија на претходна постапка од Основен кривичен суд Скопје, извршија претрес во дом и други простории во с.Ржаничино и с.Чифлик, скопско, кај С.Л.(57) и кај М.Л.(67), и двајцата од с.Чифлик. При претресот кај М.Л. се пронајдени ловна пушка „штаер“ кал.7,9 мм и 75 куршуми калибар 7,9 мм., додека кај С.Л. се пронајдени 30 куршуми кал. 7,65x39 мм., една празна рамка за автоматска пушка и 6 патрони ловна муниција. Лицата се лишени од слобода, а по комплетно расчистување и документирање на случајот, против нив ќе бидат поднесени соодветни поднесоци.

Жена предизвикала пожар и направила штета од 4 милиони денари во Чифлик

Предраг Кукиќ — Wed, 19 Dec 2018 14:17:30 +0000

Полицијата поднесе кривична пријава против жителка на село Чифлик, пехчевско, која предизвикала пожар при што била предизвикана штета од 4 милиони денари. Против M.М.(60) е поднесена пријава за кривично дело предизвикување на општа опасност. Според информациите на полицијата, таа на 12 октомври во село Чифлик на место викано Лаките, запалила оган, од кој настанал пожар кој почнал неконтролирано да се шири, со што била предизвикана значителна опасност по животот и телата на луѓето и на имотите и материјална штета од околу четири милиони денари.