Чикаго Булс – Kurir.mk

Горан Драгиќ доби отказ од Чикаго булс

Бошко Тасиќ — Wed, 01 Mar 2023 05:31:18 +0000

Словенечкиот кошаркар Горан Драгиќ ќе може како слободен играч да ја избере следната дестинација во кариерата откако неочекувано доби отказ од тимот на Чикаго Булс. Иако од таборот на „биковите“ во изминатите седмици стигнуваа информации дека сериозно се смета на Драгиќ, денеска следеше шок за 36-годишниот плејмејкер. Словенецот сезонава настапуваше по 15 минути по натпревар, во просеk имаше 6,4 поени на секоја средба, но „биковите“ се решија на ваков чекор откако на плејмејкерската позиција го доведоа и Патрик Беверли.

Патрик Беверли потпиша за Чикаго Булс

Бошко Тасиќ — Wed, 22 Feb 2023 05:53:34 +0000

Американскиот кошаркар Патрик Беверли потпиша договор со Чикаго Булс, пренесува американскиот „ЕСПН“. 35-годишниот Беверли кој е роден во Чикаго досега немаше играно за Булс. Беверли сезонава играше за Лејкерс просечно постигнувајќи по 6,4 поени, 3,1 скок и 2,6 асистенции по натпревар. Искусниот кошаркар на 9. февруари премина во Орландо Меџик, но неколку дена подоцна беше јасно дека договорот веднаш ќе биде раскинат. Чикаго во моментов е на 11. место на Источната конференција со 26 победи и 33 порази.

Зек Лавин заминува од Чикаго

Бошко Тасиќ — Fri, 23 Dec 2022 06:17:26 +0000

Неколку НБА екипи, вклучувајќи го и Њујорк никс, се интересираат дали Чикаго ќе го стави кошаркарот Зек Лавин на трансфер листата. Булси лошо ја започнаа сезоната, победувајќи на 12 од 30 натпревари. Според „Атлетик“, Лавин е незадоволен од моменталната состојба во клубот. Играчот не се согласува со раководството на Булс и не може да ги реши несогласувањата со Демар Дерозан на теренот и покрај личните разговори меѓу играчите. Оваа сезона Лавин има просек од 21,8 поени, 4,4 скока, 4,1 асистенции и 1,2 украдени топки по натпревар. Минатото лето тој потпиша нов договор на 5 години за 215 милиони долари.

Лонзо Бол можеби ќе ја пропушти цела сезона

Ивана Ефремовски — Thu, 15 Dec 2022 11:10:28 +0000

Плејмејкерот на Чикаго булс, Лонзо Бол, би можел да ја пропушти целата сезона 2022/23 поради проблеми со коленото. Според инсајдерот на „ESPN“, Адријан Војнаровски, во моментов нема „гаранција“ дека Бол ќе игра во актуелната сезона. Биковите се уште се надеваат дека Лонзо ќе се врати во февруари по Ол-стар натпреварот. -Многу ќе зависи од тоа каде е Чикаго во тој момент, рече Војнаровски. Бол пропушти 47 натпревари во последната регуларна сезона во НБА поради повреда на коленото. Во септември тој беше подложен на артроскопско чистење на левото колено, но сепак чувствува непријатност. (МИА)

Драгиќ нов играч на Чикаго Булс

Бошко Тасиќ — Thu, 04 Aug 2022 07:02:23 +0000

Словенечкиот кошаркарски репрезентативец Горан Драгиќ ја продолжува кариерата во НБА лигата како нов челен на екипата на Чикаго Булс. Драгиќ го најави минувањето во Булс на почетокот на јули, но сега е објавено дека кошаркарот ќе потпише едногодишен договор во вредност од 2,9 милиони долари. Во редовите на Чикаго, Словенецот доаѓа од тимот на Бруклин Нетс, а претходно во НВА играше и за Феникс Санс, Хјустон Рокетс, Мајами Хит и Торонто Репторс, За 36-годишниот Драгич ова е 15-та сезона во најсилната кошаркарска лига на светот. Во тој период просечно постигнуваше по 13,7 поени по натпревар. Минатата сезона во Нетс имаше просек од 7,5 поени и 4,1 асистенции по меч.

Драгиќ потпиша за Чикаго

Бошко Тасиќ — Mon, 04 Jul 2022 18:45:19 +0000

Словенечкиот кошаркарски репрезентативец Горан Драгиќ потпиша едногодишен договор со Чикаго. Тој ќе има годишна плата од 2,9 милиони долари, а како што пишуваат американските медиуми, клучна улога за негов трансфер одиграл црногорскиот центар Никола Вучевиќ. Драгиќ (36) вториот дел од минатата сезона го мина во Бруклин, а претходно играше за Торонто, Мајами, Феникс, Басконија, Хјустон, Феникс, Олимпија, Мурсија и Слован. Со репрезентацијата на Словенија го освои златниот медал на ЕП 2017 во Турција.

Дерозан втора вечер по ред со тројка во последната секунда за победа на Булс (ВИДЕО)

Бошко Тасиќ — Sun, 02 Jan 2022 08:50:38 +0000

Демар Дерозан стана херој на Чикаго Булс, откако на неверојатен начин ја заврши годината и ја почна новата, станувајќи првиот кошаркар во НБА историјата кој постигнал две тројки во последите секунди две вечери едноподруго. На 31 декември, тој имаше тројка за 108:106 и победа над Индијана пејсерс, а за помалку од 24 часа подоцна преку двајца противнички кошаркари постигна тројка за 120:119 победа над Вашингтон Визардс. Со ова тој се израмни со Мајкл Џордан и Тони Кукоч со најмногу одлучувачки тројки во последните секунди Тој го заврши мечот со 28 поени, 9 асистенции и 5 скока, а Булси ја продолжија фантастичната серија за да се лидери на Истокот со 24-10 скор. https://twitter.com/i/status/1477471515339755522 НБА РЕЗУЛТАТИ Милвоки – Њу Орлеанс 136:113 Детроит – Сан Антонио 117:116 Вашингтон – Чикаго 119:120 Бруклин – ЛА клиперс 116:120 Хјустон – Денвер 111:124 Јута – Голден стејт 116:123

Лаури Марканен од Чикаго во Кливленд

Бошко Тасиќ — Sat, 28 Aug 2021 07:19:07 +0000

Финскиот кошаркарски репрезентативец Лаури Марканен е трејдуван во Кливленд Кавалирс, објави инсајдерот Адријан Воинаровски. Марканен ќе биде дел од тројниот договор, во кој учествуваат Чикаго и Портланд. На оваа размена, Марканен се сели во Кливленд, Чикаго го добива Дерик Џонс, идниот пик на Портланд од првиот круг на Драфтот и идниот избор на Кливленд од втората рунда на Драфтот. Портланд, пак, го доби Лери Ненси Џуниор како дел од оваа размена. Марканен беше избран за 7-ми „пик“ на НБА драфтот во 2017 година од Чикаго. Тој имаше просек од 13,6 поени, 5,3 скокови минатата сезона и беше еден од најдобрите кај Булс. Новиот договор на Марканен е за четири години, од кој би требало да заработи 67 милиони долари.

Никола Вучевиќ трејдуван во Чикаго Булс

Бошко Тасиќ — Thu, 25 Mar 2021 16:35:11 +0000

Црногорскиот репрезентативец, Никола Вучевиќ е трејдуван од Орландо во Чикаго Булс, пренесува добро познатиот кошаркарски новинар Адријан Војнаровски. Освен Вучевиќ, Орландо го трејдуваше и Ал-Фарук Амин, исто така во Булс, а од Чикаго кон Флорида ќе тргнат Ото Портер, Вендел Картер и два пика од првата рунда на драфтот, еден од оваа година, а другиот од 2023. 30 годишниот Никола Вучевиќ во Орландо помина дури девет години. Во клубот пристигна во 2012 година, а претходно беше дел од Филаделфија во сезоната 2011/12. Оваа сезона има одличен учинок од 24.5 поени, 11.8 скокови и 3.8 асистенции по натпревар, а беше дел и од „Ол-Стар“ натпреварот.