чиле – Kurir.mk

Силен земјотрес со јачина од 5,7 степени го погоди Чиле

Ивана Ефремовски — Fri, 15 Sep 2023 19:11:50 +0000

Силен земјотрес со јачина од 5,7 степени според Рихтеровата скала денеска погоди област во близина на северниот брег на Чиле. Епицентарот на земјотресот бил на 121 километар западно од градот Копиапо. Земјотресот се случил на длабочина од 4,9 километри. (МИА)

Силен земјотрес во Чиле

Ивона Петрова — Thu, 07 Sep 2023 06:09:53 +0000

Земјотрес со јачина од 6,5 степени според Рихтеровата скала е регистриран во близина на брегот на централниот дел на Чиле. Земјотресот бил на мала длабочина од околу 10 километри. Засега нема извештаи за жртви или материјална штета.

Силен земјотрес од 6,3 степени го стресе Чиле

Ивона Петрова — Thu, 30 Mar 2023 18:23:01 +0000

Земјотрес со јачина од 6,3 степени според Рихтеровата скала ја погоди областа во близина на брегот на Чиле, соопшти Европскиот медитерански сеизмолошки центар (EMSC). Земјотресот се случи во областа Мауле. Епицентарот бил на длабочина од 15 километри, а други информации засега нема.

Заедничка кандидатура на четири земји за организација на СП во фудбал

Бошко Тасиќ — Wed, 08 Feb 2023 05:39:01 +0000

Аргентина, Чиле, Парагвај и Уругвај во вторникот официјално поднесоа заедничка кандидатура за домаќинство на Светското првенство во 2030 година, барајќи турнирот да се врати „таму каде што е роден фудбалот“, 100 години по одржувањето на првото Светско првенство во Монтевидео. За време на церемонијата во Аргентинската фудбалска асоцијација (АФА), на официјалните лица од четирите земји им се придружи Алехандро Домингез, претседател на Јужноамериканската фудбалска конфедерација (КОНМЕБОЛ), кој рече дека се надева оти ФИФА може да покаже „гест на почит“ кон регионот ќе и дозволи да биде домаќин на турнирот. „Светското првенство во 2030 година не е само уште едно Светско првенство, тоа заслужува да се слави, со јубилеј по повод 100 години“, рече Домингез. „Ние веруваме дека ФИФА има обврска да го почитува споменот на оние кои дојдоа пред нас и веруваа во големината и го направија првото светско првенство“. Претседателот на АФА, Клаудио Тапија додаде: „Како светски шампиони, го започнуваме овој проект кој е сон на сите Јужноамериканци. Не само за стогодишнината од првото издание, туку и поради страста со која го живееме фудбалот“.

Чиле славеше над Саудиска Арабија во првиот меч од Президент купот

Ристе Здравков — Wed, 18 Jan 2023 17:30:06 +0000

Репрезентацијата на Чиле ја победи Саудиска Арабија со 26-23 во првиот меч од Президент купот во кој играат губитниците од првата фаза на СП 2023. Чилеанците славеа на крилата на Ервин Фечтман кој постигна 8 гола, а капитенот Салинас се истакна со 5 гола. Кај Арабија 7 погодоци постигна Ал Абдулали. Во оваа група 1 се уште Јужна Кореја и Уругвај кои вечерва ќе играат меѓу себе. Во другата група е Македонија со африканските репрезентации Мароко, Тунис и Алжир. Ние го отвараме Купот со мечот со Алжир утре од 15:30 часот.

Двајца загинати во големите пожари во Чиле, изгореа 110 хектари шума и пристаништа

Тале Кристо — Fri, 23 Dec 2022 07:47:56 +0000

Најмалку две лица загинаа во големите пожари што избувнаа во крајбрежниот град Вентанас во Чиле. Две лица изгореа во шумски пожар јужно од Вентанас во близина на градот Виња дел Мар, кој зафати околу 110 хектари шума и изгоре околу 200 куќи, се наведува во соопштението на Министерството за внатрешни работи на Чиле. Друг пожар избувна во пристаништето Вентанас, кое и припаѓа на државната рударска компанија Коделко. Во пожарот во пристаништето нема повредени, соопшти Коделко. Во соопштението на компанијата за производство и дистрибуција на електрична енергија АЕС Андес, која управува со термоцентралата на јаглен во близина на пристаништето, се наведува дека компанијата ги презема сите мерки пожарот да не ги зафати инсталациите на електраната. Се додава дека блокот два од електраната, кој е најблиску до пожарот, е исклучен поради безбедносни протоколи, додека другите блокови работат нормално.

Земјотрес со јачина од 5,5 степени го погоди Чиле

Дарко Андоновски — Wed, 02 Nov 2022 08:43:25 +0000

Земјотрес со јачина од 5,5 степени според Рихтеровата скала денеска ја потресе Антафагаста, соопшти Европскиот медитерански сеизмолошки центар. Епицентарот на земјотресот бил на длабочина од 140 километри, на 22 километри од градот Калама. Чиле е најголемиот светски производител на бакар, а операциите на оваа индустрија се концентрирани токму во регионот Антафагаста.

Силен земјотрес го стресе Чиле

Магдалена Андонова — Tue, 18 Oct 2022 09:41:37 +0000

Земјотрес со јачина од 5,6 степени според Рихтеровата скала денеска го погоди чилеанскиот регион Кокимбо, соопшти Европско-медитеранскиот сеизмолошки центар. Епицентарот на земјотресот бил на длабочина од 20 километри, јавува Ројтерс.

Се уште нема информации за евентуални жртви или материјална штета.

ФИФА ја отфрли жалбата на Чиле

Ивана Ефремовски — Sat, 17 Sep 2022 09:38:56 +0000

Меѓународната фудбалска федерација (ФИФА) ја отфрли како неоснована жалбата со која Чиле бараше Еквадор да биде исклучен од претстојното Светско првенство во Катар, а на негово место да настапи чилеанската репрезентација. ФИФА го отфрли тврдењето на Чиле дека еквадорскиот репрезентативец Бајрон Кастиљо, всушност, е Колумбиец и немал право на настап за Еквадор во осумте натпревари во јужноамериканските мундијалски квалификации. ФИФА соопшти дека „врз основа на доставените документи жалбената комисија одлучила дека Кастиљо има трајно еквадорско државјанство во согласност со правните статути на државата“. Фудбалската федерација на Чиле може да ја обжали пресудата на ФИФА до Судот за спортска арбитража во Лозана, кој може да организира расправа и до донесе пресуда во рок од девет недели колку што преостануваат до почетокот на Мундијалот. (МИА)

ВИДЕО: Мистериозна дупка длабока 200 метри се појави во близина на рудник

Ивона Петрова — Tue, 02 Aug 2022 17:36:22 +0000

Властите во Чиле започнаа истрага за мистериозната дупка со пречник од околу 25 метри која за време на викендот се појавила во рударско подрачје на северот од земјата. Геолозите започнале со инспекција на дупката која е длабока околу 200 метри, а се отворила во близина на кандскиот рудник за бакар „Лундин Мининг“. Медиумите во Чиле објавиле снимки од воздух на кои се гледа огромниот отвор во земјата. Националната служба з геологија и рударство ја забележала дупката во саботата, по што веднаш биле испратени екипи. -Постои значителна одалеченост, од околу 200 метри до дното. Не откривме никаков материјал, но видовме присутност на голема количина вода, изјавил директорот на службата Давид Монтенегро. Соопштено е дека подрачјето до влезот на рудникот се затвора.