чипс – Kurir.mk

Се огласи компанијата Chips Way: Чипсот е уништен- еве за кого бил наменет

Катерина Бојаџиева — Fri, 04 Aug 2023 17:50:28 +0000

Српската компанија - Chips Way - /Чачак/, денеска соопшти дека целата пратка на нејзиниот чипс со вкус на пиперка, што била испратена до компанија во Хрватска, е уништена како мерка на претпазливост бидејќи анализата покажала дека нивото на канцерогената супстанција акриламид е повисоко од дозволеното. Компанијата во соопштението наведува дека информацијата за пратката на 33 палети ребраст чипс со вкус на пиперка во пакувања од 150 грама од својот клиент, компанијата Плодине, ја добила на 28 јули. „Веднаш по добивањето на информацијата, контактиравме со клиентот, известувајќи го дека целата пратка ќе биде уништена како мерка на претпазливост и дека стока за замена ќе биде испратена што е можно поскоро. Редовната испорака веќе започна оваа недела. Имајте предвид дека овој производ е наменет исклучиво како бренд за хрватскиот пазар, за еден купувач“, се наведува во соопштението. Компанијата изјави дека врши редовни анализи на своите производи, како и дека континуирано е предмет на контрола на надлежните органи. Европскиот систем за брзо предупредување (RASFF) претходно објави дека високо ниво на акриламид е пронајдено во чипсот со вкус на пиперка произведен во Србија, а хрватскиот државен инспекторат потврди дека тоа е производителот Chips Way.

ОТКРИЕНО Е ИМЕТО НА КАНЦЕРОГЕНИОТ ЧИПС ОД СРБИЈА Сте грицкале ли некогаш ваков чачански чипс со вкус на пиперка?

Ристе Здравков — Fri, 04 Aug 2023 12:40:55 +0000

Познато е името на српскиот чипс во кој беше детектирано високо ниво на канцероген акриламид, а кој требало да се продава во продавниците низ Хрватска. Како што обави Државниот инспекторат на Хрватска, станува збор за „Chips Bits & Bytes Rebrasti Paprika 150 g.“ од произведителот „Chips Way d.o.o.“ од Чачак, Србија. Чипсот бил уништен во Хрватска уште пред да се најде на рафтовите во супермаркетите. Како што објавија некои медиуми, Хрватската агенција за храна објави дека се проценува дека присуството на акриламид во храната може да го зголеми ризикот од развој на рак кај сите возрасни групи. Акриламидот најчесто се наоѓа во леб, пржени компири, чипс, житарки за појадок, бисквити, крекери и во кафе. Засега сѐ уште е непознато дали и на македонскиот пазар има ваков српски чипс во кој е откриено високо ниво на акриламид, но како што изјави дректорот на Агенцијата за храна и ветеринарство (АХВ), Николче Бабовски, во тек се проверки. Според Бабовски, ако евентуално се потврди дека го има кај нас, производот ќе биде повлечен.

Дали во Македонија го има српскиот канцероген чипс со пиперки?

Ристе Здравков — Fri, 04 Aug 2023 11:42:54 +0000

Во тек се проверки дали на македонскиот пазар има српски чипс во кој е откриено високо ниво на акриламид, изјави за МИА директорот на Агенцијата за храна и ветеринарство (АХВ), Николче Бабовски. Според Бабовски, ако евентуално се потврди дека го има кај нас, производот ќе биде повлечен. Во меѓувреме, активно се следи и кога РАСФФ системот за брзо предупредување на ниво на ЕУ ќе нотира дека чипсот е забранет. -Во РАСФФ системот за брзо предупредување на ниво на ЕУ се уште не е нотирано дека овој производ е забранет и дека треба да се повлече од пазарите, а дали е кај нас влезен или не, веќе проверуваме, истакна Бабовски. На хрватска граница е стопирана пратка на чипс со вкус на пиперка, произведен во Србија, во кој е утврдено високо ниво на акриламид. Ова го објави и Европската комисија на својата официјална веб-страница.

Високо ниво на канцерогена супстанца е откриен во чипс произведен во Србија

Ристе Здравков — Fri, 04 Aug 2023 09:22:25 +0000

На хрватската граница бил откриен прехранбен производ произведен во Србија со високо ниво на канцероген акриламид. Како што е потврдено од европскиот систем за брзо предупредување во трговијата со храна, високо ниво на акриламид е откриено во чипсот со вкус на пиперка, произведен во Србија. Производот, како што пренесуваат медиумите во соседствот не влегол на хрватскиот пазар и истиот бил уништен. Земјата на пријавување е Хрватска, а известувањето се однесува на Хрватска и Србија, јавува „N1“ Загреб. Акриламидот најчесто се наоѓа во леб, помфрит, чипс, житарки за појадок, бисквити, крекери и кафе. Според хрватската агенција за храна, се проценува дека присуството на акриламид во храната може да го зголеми ризикот од развој на рак кај сите возрасни групи.

„Тајната на неговата вечна младост“ стана вирален хит низ светот – еве што јаде Бред Пит среде финалето на Вимблдон за да биде млад и на 60 години (ВИДЕО)

Дарко Андоновски — Tue, 18 Jul 2023 10:40:58 +0000

Холивудската актерска ѕвезда, големиот заводник Бред Пит привлече огромно внимание на финалето на тенискиот Грен слем во Вимблдон со својот младешки изглед, но и со видеото каде беше фатен како јаде чипс Камерите го уловија мегапопуларниот актер како ужива во вкусен чипс, а видеото набрзо стана вирално, пишува Тпортал.

#WimbledonFinal Brad Pitt pic.twitter.com/QRg7R9Tys9
— Famous movie quotes 🖖🏾 (@Nimbus001) July 16, 2023

Во коментарите под видеото објавено на Твитер, се појавија бројни досетки и шеги на тема изборот на грицки на актерот. Многумина на шега тврдеа дека можеби тоа е тајната на неговиот добар изглед, истакнувајќи дека и самите ќе почнат да уживаат во чипсот секој ден. „Се обидувам да видам каков чипс јаде за да ја дознаам тајната на неговата вечна младост“, беше еден од најпопуларните коментари. Покрај изборот на храна, Бред Пит уште еднаш привлече големо внимание со својот младешки изглед, поради што е тешко да се поверува дека во декември ќе наполни 60 години. Познатиот актер блесна во лежерна и толку елегантна комбинација од сина поло кошула и свилена сина кошула заокружена со очила за сонце.

Како да се ослободите од постојаниот ГЛАД и желбата за ГРИЦКИ?

Ристе Здравков — Sat, 15 Apr 2023 19:20:33 +0000

Чувствувате голем глад, иако сега јадевте, изедовте обилен оброк или нешто „грицнавте“? Дознајте каде грешите и ослободете се од причините за константен глад. Премногу зашеќерени пијалоци Засладените пијалоци како газирани сокови, леден чај и слично, полни се со високофруктозен пченкарен сируп. Фруктозата го залажува мозокот, односно му испраќа на телото сигнали дека е гладно, иако сме јаделе доволно. Воедно, стручњаците препорачуваат дека просечната жена не би смеела да конзумира повеќе од 100 калории на ден од дополнителен шеќер од било кој извор, а мажот не повеќе од 150 калории. Го прескокнувате појадокот Оваа навика некому можеби му изгледа како добар начин за губење на килограмите, но истражувањата го сугерираат спротивното – појадокот е неизоставен дел од дневната исхрана. Доколку не појадувате во периодот од два часа по будењето, подоцна ќе се чувствувате уште погладно, а тоа пак доведува до прејадување и постојано грицкање на секаква (најчесто нездрава) храна што ќе ви дојде под рака. И така се до вечера. За да ослабете, јадете умерено и не го прескокнувајте појадокот. Појадокот благо ви го зголемува нивото на шеќер и инсулин за да имате доволно енергија во текот на денот, а со тоа и помала желба за храна. Избегнувате салати Користа од консумирањето на салати е огромна. Богати се со фолати кои се одлични во борбата со вишок на килограми, заморот и депресијата. Салатите се исто така полни со витамин К кој е регулатор на инсулинот и хранлива материја која помага во отстранувањето на чувството на глад – поради него ќе се чувствувате сити со часови. Малку вода Дехидрираноста обично создава чувство на глад, па доколку тукушто сте јаделе, а сеуште чувствувате глад испијте чаша млака вода.

ЧИПС ОД РЕРНА! Омилената закуска – повкусна и поздрава од онаа од продавница

Ристе Здравков — Fri, 18 Nov 2022 17:17:02 +0000

Компирот нема многу калории, но е богат со влакна, калиум и витамини Ц и Б, па е одлична заштита од кардиоваскуларни болести. Затоа, можете да направите домашен чипс, кој ќе биде повкусен од купечкиот во продавница Состојки: четири големи компири две лажици масло крупна морска сол малку мелен пипер Подготовка: Загрејте ја рерната на 200 степени. Излупете ги компирите, исечете ги на најтенките можни прстени, а потоа измијте ги, исцедете ги и исушете ги со крпа. Ставете ги во плех обложен со хартија за печење, прелијте со масло, сол, и зачинете со мелен бибер. Наредете ги во еден слој и печете во рерна 45 минути со повремено вртење.

Подобар од купечки: Домашен чипс (РЕЦЕПТ)

Ристе Здравков — Wed, 26 Oct 2022 19:24:56 +0000

Пробајте Состојки 3 големи компири сол по вкус суви билни зачини по вкус За пржење: масло по потреба Подготовка Излупете ги компирите, добро измијте ги и исечете ги на тенки парчиња со машина за лупење компири. Убаво измијте го уште еднаш, ставете вода да бидат сите компири во водата и оставете да отстојат еден час (за да излезе скробот од компирот). Исцедете ги компирите, распоредете ги на чиста кујнска крпа, покријте ги со друга чиста кујнска крпа и оставете добро да се исцедат. Пржете на врело масло додека не поруменат. Готовиот чипс ставете го на хартија за печење, а потоа на кујнска хартија за да се исцеди вишокот маснотии. Чипсот ставете го во соодветен сад, зачинете по вкус (посолете и измешајте во сув зачин), измешајте и послужете.

Веќе нема ни да помислите да купите: Направете сами домашен чипс

Магдалена Андонова — Tue, 23 Aug 2022 13:35:58 +0000

Состојки: компир 1 лажица оцет масло (за пржење) Добро исчистете ги компирите и исечете ги на тенки кришки. Се става во соодветен сад, се прелива со вода и се додава една лажица оцет. Оставете да отстои 1 час, па истурете ја таа вода и истурете нова, но сега без оцет. Оставете го околу час и половина. После тоа убаво исцедете ги компирите и ставете ги на крпа да ја впие целата течност. Загрејте го маслото и додадете по еден лист. Потребни се неколку секунди за да се пржи. Посолете по вкус.

Конечно одговор: Зошто ќесите од чипс се полупразни?

Ивона Петрова — Sun, 03 Jul 2022 20:25:01 +0000

Многумина мислат дека станува збор за измама на производителите, кога се работи за пакувањата на чипс или други грицки. Ќесите се полупразни, но производителите намерно го прават тоа, но не за да заштедат или измамат. Имено, на овој начин грицките се штитат од потенцијална штета при транспорт. Додека се преместуваат ќесите од едни во други магацини, продавници и слично, ќесите се редат една над друга. Токму празниот простор ги штити грицките од прекумерно кршење и уништување. Од друга страна во амбалажата се наоѓа азот, а не воздух. Бидејќи кислородот може да предизвика расипување на компирот, ќесичките се полнат со азот. Тој ги одржува намирниците свежи и крцкави. Азотот не е штете, дури 78 проценти од воздухот кој го дишеме содржи азот.