Чиро Блажевиќ – Kurir.mk

Чиро Блажевиќ: Плачев во последните 15 минути од натпреварот

Бошко Тасиќ — Sat, 17 Dec 2022 18:22:55 +0000

Чиро Блажевиќ во 1998 година на Хрватите им ја донесе првата бронза на Светските првенства, денеска „коцкестите“ повторно се трети во светот. „Ова ме врати во живот. Во последните 15 минути од натпреварот веќе плачев од среќа бидејќи видов дека не ни можат ништо, дека победуваме и влегуваме меѓу најголемите фудбалски велесили“, вели Чиро Блажевиќ за „Индекс“. По завршувањето на натпреварот селекторот Далиќ му ја посвети победата токму на Чиро Блажевиќ. „Ние го заслуживме тоа. Сакам да му се заблагодарам на Далиќ и на неговите херои, неговите витези кои го освоија ова трето место на еден горд, хрватски начин. Секоја им чест. Слушнав кога Далиќ ми ја посвети победата, тоа многу ми значи. Јас се направив во свое време, тој сведочеше на тоа и му благодарам за се“. Чиро Блажевиќ кој веќе има 87 години, веќе извесно време води битка со рак и неколкупати веќе изјави дека ги живее последните денови од неговиот живот.

Легендарниот Чиро Блажевиќ изјави дека е во тешка здравствена состојба

Бошко Тасиќ — Sun, 05 Sep 2021 09:17:56 +0000

Легендарниот фудбалски тренер Мирослав Чиро Блажевиќ (85) објави дека повторно му е дијагностициран карцином. Поранешниот селектор на Хрватска ја соопшти лошата вест за време на интервју за словенечки „Спортклуб“. „Драги пријатели Словенци. Нашата љубов е безгранична. Ти ме сакаш мене и јас те сакам тебе, но морам да ти кажам една тажна вест. Многу сум болен“, рече Блажевиќ. Во 2004 година му беше дијагностициран рак на простата, но тогаш успеа да го победи. „Ако наскоро не бидам таму, а веројатно нема да бидам, сакам да ја искористам оваа прилика и да ја искажам својата љубов и да ги поздравам сите мои пријатели во Словенија. Им велам дека треба да бидат горди што се Словенци. Достигнавте цивилизациско ниво за кое ние Хрватите чезнееме. За жал, морам да ја кажам католичната работа - збогум. Збогум драги мои Словенци. Жал ми е. Многу сум песимистичен“, изјави прославниот фудбалски тренер.