чист воздух – Kurir.mk

Изготвен 5-годишен план за квалитет на амбиенталниот воздух во Битола

Ивана Ефремовски — Thu, 24 Feb 2022 12:12:18 +0000

Општина Битола доби нов петгодишен план за квалитет на амбиентниот воздух, кој треба да го олесни понатамошниот процес на работа на оваа проблематика, со спроведување на конкретни мерки и постапки кои ќе ја намалат загаденоста и ќе ја подобрат состојбата со животната средина. Планот кој беше образложен на денешната презентација е изработен во рамките на проектот „Развивање и имплементација на здравствен индекс во прекуграничниот регион“, спроведуван од Центар за климатски промени и Министерство за животна средина и просторно планирање. Во денешното обраќање, градоначалникот Коњановски, ја потенцира подготвеноста на општината за понатамошна имплементација на низа мерки, меѓу кои и тие кои се дел од програмата за животна средина. Годинава, буџетот за оваа програма е двојно поголем од минатогодишниот и изнесува 9.500.000 денари. „Сакам да изразам посебна благодарност до сите Вас кои активно бевте вклучени во изготвувањето на петгодишниот План за квалитет на амбиентниот воздух за Битола, кој верувам дека ќе биде од големо значење за општината, а посебно ќе даде придонес во работењето на одделението кое ја третира проблематиката поврзана со заштитата на животната средина. Општина Битола, како пилот општина вклучена во овој проект, очекувам дека ќе може да имплементира многу од добиените насоки, препораки и заклучоци содржани во планот, при изработката на локалниот еколошки акционен план, зелениот катастар и другите стратешки документи кое се непходни за ефикасно делување на локалната самоуправа во делот на справувањето со штетните последици од различни загадувачи. Низата мерки кои ги предвидовме и во годишната програма на општината, исто така очекувам да дадат позитивен ефект како врз намалувањето на емисијата на штетни гасови во воздухот, така и врз подигнувањето на јавната свест, истакна градоначалникот. Во овој контекст, планирани се повеќе видови на поддршка, како: -Субвенции за набавка на велосипеди. -Субвенционирање на колективни згради за поставување на енергетски ефикасни фасади и уредување на дворни места. -Субвенции за чистење на оџаците, како и други проекти кои од една страна вклучуваат енергетска ефикасност, но истовремено влијаат и на квалитетот на воздухот. -Ви посакувам успешна работа и очекувам понатамошна добра соработка помеѓу општината и министерството. Како општина остануваме отворени и достапни за реализација на нови проекти во понатамошниот период, кои верувам ќе донесат добри резултати за целата општина и тоа не само за аспектите кои го третираат проблемот на загаденост на воздухот, туку и во делот кој се однесува и на заштита на водите и почвата, рече градоначалникот Тони Коњановски на денешната презентација.

Пренџов до СДСМ: Ветувавте здрава животна средина, а животот на граѓаните не ви значи ништо

Ивана Ефремовски — Wed, 14 Jul 2021 15:21:50 +0000

Ветувавте чист воздух, ветувавте здрава животна средина, а на секој буџет и ребаланс, се помалку и помалку има средства за истата, порача денес од Собранието пратеникот Љупчо Пренџов. -Видовме власта што мисли за амандманот, 150 милиони денари се околу два ипол милиони евра на 4 милијадри и 200 милиони евра Буџет. 2 ипол милиони евра за да 25.000 домакинства ширум Република Македонија добијат филтри на оџаците, зборуваме за оние кои што се греат на дрва и друг цврст отпад, за да се намали загадувањето. Па ќе ве потсетам, и лани го зборував истото, на бранот на амбиентален воздух на власт дојдовте во Скопје. Барам да дискутираме, да излезете од СДСМ на оваа говорница и да им кажете на граѓаните дека не ви се даваат ниту два ипол милиони евра за да имаме почист воздух, и ова не е популистички амандман. Два ипол милиони евра за само 25.000 домакинства да бидат иницијална каписла, за во иднина секој оној кој што се грее на дрва да добие соодветен филтер и да не ја загадува околината. Да не се лажеме почитувани колеги, сиромаштијата во Македонија не само што нема да се намалува, ќе се зголемува. Обама да го донесеме да ја води државата, на ова дереџе на кое што вие ја донесовте нема да може да ја намали сиромаштијата. Сиромаштијата ќе се зголемува бидејќи сте вие неспособни, додаде Пренџов. Пренџов ги замоли СДСМ во пресрет на локалните избори, а во интерес на граѓаните, да излезат и да кажат зошто се против чист воздух. Тој им посочи на претставниците на владата: „Животот на нашите сограѓани за вас не значи ништо“!

Ова се градовите кои имаат најчист воздух во Европа

Ивона Петрова — Mon, 21 Jun 2021 11:57:13 +0000

Шведскиот град Умео, финскиот Тампере и португалскиот Фуншал имаат најчист воздух во Европа, според Европската агенција за животна средина (ЕЕА). Градови со најзагаден воздух се Нови Сонк во Полска, Кремона во Италија и Славонски Брод во Хрватска. Жителите на повеќе од половина од 323 градови во кои се мери квалитетот на воздухот во текот на 2019 и 2020 година дишат загаден воздух, а повеќето од нив се наоѓаат во Полска и Италија. Постојат 127 градови со добар квалитет на воздух, што значи дека на тие места нивото на ситни честички прашина со дијаметар помал од 2,5 микрометри (ПМ2,5) е под граничната вредност од 10 микрограми на метар кубен воздух, утврдено од Светската здравствена организација. Во првите десет градови, со концентрација ПМ2,5 под пет микрограми на метар кубен, има уште два града во Шведска – Стокхолм и Упсала, три града во Естонија – Талин, Нарва и Тарту, како и норвешки Берген и Саламанка во Шпанија. Европската унија постави 25 микрограми PM2,5 на метар кубен како годишна гранична вредност. Сите градови кои имаат повисоко ниво на PM2,5 отколку што се класифицирани во категоријата градови со многу слаб квалитет на воздухот. Во оваа категорија има пет градови во Полска, Хрватска и Италија.

Менкиноска: Градоначалникот Наумоски ветуваше чист воздух во Ѓорче Петров, а сега оваа општина е една од најзагадените по сите параметри

Тале Кристо — Tue, 05 Jan 2021 14:59:24 +0000

Градоначалникот на општина Ѓорче Петров, Александар Наумоски во својата програма „Живот во Ѓорче Петров за сите” имаше предвидено низа мерки и ветувања со кои би се обезбедило чиста вода за пиење и чист воздух, но ништо од тие ветувања не стана реалност, изјави на денешната прес-конференција Наташа Менкиноска од ВМРО-ДПМНЕ. Наумоски се обврзуваше на постојано и навремено чистење на депониите и каналите, изградба на колекторски систем, пречистителни станици, регионални фабрики за третман на цврстиот комунален отпад и инвестирање во енергетски ефикасни објекти. После неколку години власт од страна на СДСМ сликата во општината е сосема поинаква. Нема реализација на ниту еден проект за заштита на животната средина, дивата депонијата во Ново Село е една од најголемите во државата, каналот за наводнување во село Орман е дисфункционален, а општината не превзема ништо за да го реши тој проблем. Општината Ѓорче Петров е една од општините со најзагаден воздух и попараметритенамернатастаницанаМинистерствотозаживотнасредина и попараметритенамернатастаница„МојВоздух“. Во време на светска пандемија жителите на село Кучково беа оставени цело лето без вода за пиење. Лажни беа сите ветувања на градоначалникот. Со ваквото неодговорно владеење уште еднаш се докажа дека на градоначалникот Наумоски не му е важен животот на граѓаните, истакна Менкиноска.

Фијаско на Заев и со аерозагадувањето- не мрдна со прст за почист воздух

Дарко Андоновски — Tue, 24 Nov 2020 18:01:41 +0000

Европската Комисија вчера го презентираше редовниот извештај за состојбата со аерозагадувањето во кој се вели дека здравјето на жителите во Македонија е сериозно загрозено поради загадениот воздух што покажуваат и последните бројки на извештајот. Ваквата состојба за жал резултира со висока стапка на прерана смрт пред сѐ поради високата концентрација на ПМ2,5 честички во воздухот. Ова е уште една потврда дека Владата и покрај бројните ветувања за почист воздух, не мрднала ниту со прст за решавање на овој горлив проблем кој за жал е пресуден за многу прерано згаснати животи. Скоро сите мерки кои беа најавувани од страна на Владата и Министерството за животна средина се неуспешни и заборавени. Актуелната Влада како опозиција беше многу гласна и критични настроена кон претходната кога стануваше збор за аерозагадувањето и велеше дека го има решението за прочистување на воздухот кое треба да почне со смена ва власта. Но откако дојде на власт како да заборави на сите оние ветувања, а мерки кои беа најавени се се нефункционални и како што се вели во извештајот на ЕК и понатаму ситуацијата е алармантна. Како клучен проблем во оваа насока во извештајот се спомнува начинот на загревање на домаќинствата што не е непознат и за институциите на државата, но и покрај тоа што беа најавени бројни мерки во оваа насока истите не беа реализирани. Според податоците од публикацијата „Потрошувачка на енергенси во домаќинствата“ и оваа грејна сезона во Македонија, скоро две третини од граѓаните ќе се греат на дрва како најисплатлива варијанта. За решавање на овој проблем беше најавен и проектот со инвертерите кој бомбастично беше најавуван од Владата, но на крај остана нереализиран, а ваучерите наменети за оваа цел останаа неподелени. Неуспешни беа и мерките кои се предвидуваа преку „Планот за чист воздух“ кој исто така помпезно се најавуваше од страна на Владата но резултати не стигнаа бидејќи повеќето од мерките кои беа предвидени во овој план кој требаше да резултира со 50% почист воздух до 2020 не се реализираа. Не профункционира ниту мерката за еколошките налепници кои имаа за цел да ги категоризираат возилата според степенот со кој загадуваат. И покрај што беше најавена уште од лани изгледа дека процедурата за истата е заборавена, па од Министерството за економија не знаат да одговорат до кај е процедурата за истата.

Чист воздух луксуз за граѓаните и оваа година

Магдалена Андонова — Mon, 16 Nov 2020 14:58:42 +0000

Министерот Насер Нуредини прифаќа дека „Планот за чист воздух“ не ја постигнал целта, но дали некој ќе сноси одговорност за тоа. Нуредини, во интервју за Радио Слободна Европа призна дека и покрај тоа што потрошиле 220 милиони денари не успеале да го намалат загадувањето на воздухот како што се предвидуваше во „Планот за чист воздух“ кој помпезно беше најавуван и промовиран од страна на власта, но не кажа дали конечно некој ќе сноси одговорност за ваквите несоодветни политики и пропаднати проекти бидејќи граѓаните се надеваат на нив и чекаат конкретни резултати кои за жал ги нема. - Тоа е нешто во кое инвестираме. За 2018 година имавме буџет од 120 милиони денари, буџетот за 2020-та, беше уште дополнителни 100 милиони денари. Одредени училишта и градинки ги реновиравме, ги направивме повеќе ефикасни, исто така и одредени јавни институции. Дали постигнавме 50 проценти намалување? За жал сѐ уште не постигнавме. Причината поради која не постигнавме е поради фактот дека треба да промениме многу во системот за загревање во нашата земја, рече Нуредини. Причината која ја наведе за ваквиот неуспех е дека требало да се промени многу во системот за загревање во нашата земја, а од тука пак се враќаме на неуспешноста на „Планот за чист воздух“ бидејќи решевањето на овој проблем преку едукација и и финансиска поддршка на граѓаните беше приоритетна цел на истиот што за жал не е реализирана. Како друг многу важен проблем во загадувањето министерот Нуредини ги спомна и возилата кои според него во периодот кога имаше полициски час се виде дека голем дел од загадувањето го причинуваат автомобилите. - Една од клучните работи која всушност ја дознавме, за жал, поради ситуацијата со ковид-19, кога имавме полициски часови, всушност дознавме дека дефинитивно сообраќајот и транспортот значително придонесуваат кон загадувањето. Тоа значително се намали за време на полициските часови, рече Нуредини заборавајќи дека и во оваа насока одамна требаше да се спроведат мерки и да се регулира увозот и користењето на половни автомобили и воведувањето на еколошките налепници за категоризирање на возилата, мерка која одамна требаше да се воведе но како што изгледа е уште една од низата пропаднати мерки на Владата, а од Министерството за економија кое требаше да ја спроведат не знаат ни до каде е процедурата за истата. Нуредини призна и дека некои мониторинг станици не работат, а и сктивниот мониторинг беше исто така една од примарните цели кои ги предвидуваше „Планот за чист воздух“ од кој по се изгледа дека не е спроведена ниту една точка, но кажа и дека се прават напори за истите да проработат до крајот на годината.

„Пред избори Марин и Шилегов ветуваа ајро, ајро, чист воздух за Аеродром, по избори дишат смрт, наместо воздух“

Ивана Ефремовски — Tue, 10 Nov 2020 19:15:33 +0000

Советничка група на ВМРО-ДПМНЕ во Град Скопје порачува: Пред избори Марин и Шилегов ветуваа ајро, ајро, чист воздух за Аеродром, по избори дишат смрт, наместо воздух. Во продолжение следува интегрален текст од нивното соопштение: „Зимата уште не дојдена, Аеродром се гуши. Секоја вечер нивото на загаденост на воздухот е 4 – 5 пати над дозволеното, ова се податоци кои ги покажува мерната станица во Лисиче. Златко Марин и Петре Шилегов кои дојдоа на власта, јавајќи на бранот дека ќе го намалат загадувањето на воздухот и ќе го подобрат неговиот квалитет, три години ништо не направија. Нема нови зелени површини, нема инвестиции во енергетски ефикасни објекти во ниту една општина на територија на град Скопје, како што првично беше ветувано, нема ниту еден проект за подобрување на квалитетот на воздухот. Ситуацијата ја влошуваат дивите депонии, кои ги има на секаде, а за кои градот, иако признава дека се проблем, ништо не прави за да ги дислоцира. Шилегов и Марин се што прават е во насока на бавно труење на скопјани и аеродромци. Шилегов и Марин стоеја позади Заев кога тој ветуваше чист воздух за Аеродром, викаше на цел глас, ајро, ајро, чист воздух за Аеродром. А сега наместо чист воздух аеродромци дишат смрт. Затоа потребна е одговорност“.

Колариќ: СДСМ и Шилегов ветија алпски воздух, а повеќе пари издвоија за набавка на лубриканти

Тале Кристо — Tue, 21 Jan 2020 20:20:43 +0000

СДСМ и Шилегов им ветуваа алпски воздух на Скопјани, а реално не е исполнето ништо, мерките се измислени, а пари за заштита на животната средина се издвоија исто колку што владата издвои и за лубриканти, вели Светлана Колариќ, советник на ВМРО-ДПМНЕ во Град Скопје, во емисијата „И што сега“ на МТВ. Колариќ истакна дека проблемот со немањето конкретни мерки не е само кај градоначалникот Шилегов туку проблемот е заеднички на владата и Шилегов, а и на останатите градоначалници на општините во градот Скопје. -Граѓаните знаат дека од буџетот за 2020 година кој што е 3,8 милијарди евра, на државно ниво, само 19 милиони евра во 2020 година, односно 0,5% се издвоени за заштита на животната средина. Земете ги статистиките од 2018 и 2019 година и ќе видите дека на крајот на 2018 година по медиумите кажаа дека е направен план за чист воздух, а беа планирани само 1,5 милиони евра што навистина претставува смешна сума, која не е ни за спомнување кога ќе споредам дека околу 1,5 милиони евра оваа влада одвои токму за лубриканти, потенцира Колариќ. Таа додаде дека градоначалникот на градот Скопје во својата програма понуди алпски воздух за многу кратко време, сигурно дека предвидел за 4 години дека скопјани ќе дишат воздух без смог, но во реалноста тоа не гледаме дека го исполнува. -Се што се предвиде во таа програма ништо не е реално исполнето сите мерки само да кажам дека само 2-3 % се застапени мерките се измислени. Од друга страна погледнете ги буџетите на скопските градоначалници на останатите општини ќе видите еден друг дел од приказната односно заспани трнорушки, нагласи Колариќ.

Урбана иновација за почист воздух: Кулата која влече смог доаѓа во Полска, ова е потребно и кај нас! (ВИДЕО)

Ивана Ефремовски — Thu, 16 Jan 2020 14:29:25 +0000

Кулата што влече смог од воздухот, по Холандија и Кина пристигнуваат во Полска. Холандската компанија „Studio Roosegaarde“, предводена од нејзиниот основач Даан Рузгард, започна серија урбани иновации кои комбинираат уметност и модерна технологија за создавање урбано и чисто опкружување. Меѓу иновациите беше и „кулата за смог“, првата правосмукалка за смог што наскоро ќе го најде своето место во Полска. Урбана иновација за почист воздух По првичното инсталирање во Ротердам и Амстердам, потоа во Пекинг во 2016-та година, првиот светски чистач на смог доаѓа во Краков, Полска, за да го реши проблемот со загаденоста во градот со употреба на технологија за јонизација. Кулата која влече смог е дел од проектот што го започна холандската компанија, предводена од дизајнерот и иноватор Даан Рузгард, кој има за цел да создаде почист воздух во урбаните области. Висината на оваа иновативна кула е 7 метри и има дебелината од 3, 5 метри. Користејќи технологија на јонизација, кулата привлекува и апсорбира штетни честички на смог и го враќа прочистениот воздух назад. Собраните честички на јаглерод што се оставени зад себе по прочистувањето на воздухот се компресирани и се користат за правење накит. Екстремно висока ефикасност Научниците од технолошкиот универзитет Ајндховен ја проучувале ефективноста на кулата „Роузгард“ и откриле дека може да зафати до 70% од честичките ПМ10 (суспендирани честички со дијаметар помал од 10 микрометри) и до 50% од честичките ПМ2,5 (суспендирани честички помалку од 2,5 микрометри во дијаметар) . Тестовите откриле дека кулата троши помалку електрична енергија од обичен бојлер. Откако беше инсталиран во Пекинг, кулата расчисти 30 милиони кубни метри воздух за 41 дена, што е десет пати поголема од обемот на Националниот стадион во Пекинг со капацитет од 80.000 гледачи. „SmogFreeTower“ наскоро доаѓа во Краков, поточно во Јордан парк во близина на Музејот за современа уметност, каде ќе се одржи изложба од 16-ти февруари до 15-ти април, на која се претставени прстени направени од собрани честички од јаглерод во веќе воспоставени кули. Извор: Ековјесник

ВО ЖИВО: Во Скопје се маршира за чист воздух (ВИДЕО)

Катерина Бојаџиева — Fri, 20 Dec 2019 17:03:47 +0000

Во Скопје во моментов се маршира за чист воздух. -Сакаме воздух!, извикуваат граѓаните.