Чизми – Kurir.mk

ЌЕРКАТА НА ЧОЛИЌ ВО ЧИЗМИ ОД 2.500 ЕВРА – кога ќе ги видите и вие ќе полудите, но кога ќе дознаете од каква кожа се направени нема да ви биде сеедно! (ФОТО)

Дарко Андоновски — Sat, 23 Sep 2023 08:49:14 +0000

Здравко Чолиќ и неговата сопруга Александра имаат две ќерки – Уна и Лара, кои се многу активни на социјалните мрежи. Познато е дека Уна е некој кој многу патува на луксузни дестинации, а носи и брендирана гардероба, а сега и помладата Лара тргна по стапките на својата сестра. Таа се заканува да стане вистинска модна икона. Нејзината најнова модна комбинација привлече големо внимание на Инстаграм.

Имено, заедно со елегантен црн фустан на едно рамо, Лара носеше скапи чизми од модната куќа „Живанши“ наречени „чизми од ајкула“, кои чинат околу 2.500 евра. Патем, овој модел беше многу популарен пред речиси 10 години, но подеднакво е актуелен и денес.

Црвените „кловновски“ чизми не се само интернет-шега, ќе чинат околу 300 евра (ФОТО)

Катерина Бојаџиева — Fri, 10 Feb 2023 10:31:12 +0000

Во медиумите деновиве се појавија фотографии од девојка која носи необично големи црвени „кловновски“ чизми, па овој дизајн скоро веднаш стана хит на социјалните мрежи. Чизмите за коишто многумина мислеа дека се добра шега и послужија како основа за низа други „меме“-досетки и колажи, всушност, се нов производ од уметничкиот колектив „МСЦХФ“ (MSCHF) од Њујорк, САД. Тие наскоро, т.е. на 16 февруари ќе бидат објавени за интернет-продажба. Според првичните информации, чизмите чинат 350 американски долари (околу 326 евра). Иако луѓето се навикнати на необичните креации на овој уметнички состав, овие обувки веќе се нарекуваат „чизми за кул цртан 3-Д свет“. Некои забележаа и дека овие чизми воопшто не се практични, на пр., за возење автомобил, но и секојдневието воопшто. Дали интернет-критичарите се во право, ќе се види наредниов период.

Најпопуларните, но и најомразени чизми добија нов детаљ – сигурно повторно ќе се заљубите во нив (ФОТО)

Дарко Андоновски — Wed, 09 Nov 2022 21:28:42 +0000

Откако станаа популарни пред дваесетина години, УГГ чизмите станаа дел од речиси сечиј стајлинг и секоја зимска сезона се враќаат во ново руво. И понатаму во фокусот е мини верзијата која од минатата есен редовно ја гледаме на нозете на многу трендсетерки, а ваквите обувки сега добија и нов детаљ – платформа. Без разлика што на многу луѓе не им се допаѓа ваквиот дизајн, оние кои ги носат тврдат дека нема други обувки кои се толку топли и удобни. Веројатно својата популарност им ја „должат“ токму на практичноста и удобноста.

View this post on Instagram

A post shared by ✍🏻🤓패션 뉴스 요약 ⭐️ 데패뉴😎💅🏻 (@dailyfashion_news)

Од друга страна, најновиот модел со платформа од 5 сантиметри веќе го носат мнгу славни личности меѓу кои и Бела Хадид и Елса Хоск. Овој модел на чизми стана популарен и кај нас и во земјите од регионот. Се чини дека и оваа зима многу дами нема да се откажат од својот пар иако љубителите на елеганцијата и класиката ги критикуваат, а според некои мажи, ова се најгрдите обувки.

Тијана Ајфон ги покажа скапите брендирани чизми, а со ова признание налути многумина! (ФОТО)

Ивана Ефремовски — Thu, 20 Oct 2022 12:38:51 +0000

Старлетата и од неодамна дизајнерка Тијана Максимовиќ, попозната по прекарот Ајфон, не престанува да ја изненадува јавноста со своите постапки, а последната предизвика лавина од коментари. Имено, Тијана на социјалните мрежи покажа скапи чизми за кои тврди дека платила цело богатство, но никогаш не ги облекла. Таа објави и видео од чизми кои чинат неверојатни 2.400 фунти или околу 328.600 динари. На коментарот дека купила вакви чизми, а се пофали дека не ги носи, доби бројни критики. Коментираат дека е безобразно што така се фали дека буквално фрлила над 300.000 додека најголем дел од луѓето немаат ни за основни трошоци.

МВР се пофали: Нови 8.550 пара високи специјални чизми – Удобни, лесни и издржливи

Ивона Петрова — Fri, 29 Apr 2022 07:51:40 +0000

Министерството за внатрешни работи денеска соопшти дека континуираното вложување во современа опрема на припадниците на македонската полиција е еден од приоритетите. -Деновиве во магацините на МВР, врз основа на потребите на Министерството за внатрешни работи, a согласно планот за материјално-техничко унапредување на условите за работа на полициските службеници, вклучително и специјалните единици на МВР, пристигна набавката од 8550 високи специјални чизми со врвен квалитет. Од нив 550 пара се за припадниците на Единицата за брзо распоредување, а 8000 за останатите припадници на полицијата. Вкупната вредност на набавката изнесува нешто над 46 милиони денари без вклучен ДДВ, односно со единечна цена на пар од 5390 денари без вклучен ДДВ, се наведува во соопштението. Од МВР додаваат дека со ова се комплетираат испораките од спроведените јавни набавки на униформа во 2021 година, а се дел од инвестициите во полицијата коишто важат како најголеми по опфатот на служби досега. -Во изминатиот период биле распределени 16.000 летни и зимски панталони и здолништа, ремени и 8.000 зимски јакни. Претходно, сите организациони единици добија униформи, при што униформираната полиција доби по 10.000 пара полувисоки чевли, како и чевли со подебел ѓон, по 10.000 кошули зимски и летни, со долг ракав и со краток ракав, по исто толку летни и зимски капи и ремени, 6.950 машки и 1050 женски маици со кратки ракави со јака. Приправниците добија 670 комплети униформи, а обезбедени се и 2.330 парчиња флоуресцентни елеци. За Одделот за заштита на определени личности и објекти во рамки на БЈБ обезбедени се 427 цивилни одела и по 427 цивилни кошули и обувки, а униформи и опрема за воздухопловен персонал доби и Хеликоптерската единица кој се состоеше од зимска летачка јакна и заштитен комбинезон, се наведува во соопштението.

Новите проѕирни чизми на Карлеуша со сребрени детали се „лудило“, а цената е “ситница“

Ристе Здравков — Sat, 27 Nov 2021 13:13:57 +0000

ЈК на својот Инстаграм профил објави видео каде од кутијата вади нов пар D&G потпетици, а нивниот изглед е само за смели дами Поп ѕвездата Јелена Карлеуша се пофали со новите чизми кои се вистински предизвик, но и моден хит оваа сезона. Сосема различни, проѕирни, со сребрени детали и цирконски натпис на брендот, се чизмите кои Јелена им ги покажа на своите следбеници. Карлеуша е позната по тоа што е една од ретките јавни личности на регионалната сцена која знае да претстави вакви впечатливи модни парчиња. И овој пат пејачката избра бренд за кој е потребно да се издвои голема сума на пари, а цената на овие чизми е околу 60.000 денари.

ЕУ ќе не храни, а НАТО од Дардишта ќе не брани

Љупчо Цветановски — Mon, 08 Nov 2021 11:41:06 +0000

Нов ден, нова поучна зезанција и наравоучение. Не е „Мачорот в чизми“, по ново „ДУИ в чизми“ да ти било или „Педагогот в чизми“ можеби? „ДУИ в опозиција“, поверојатно. Види-види, што дознавме викендов, ДУИ да ти оделе на избори во чизми?!?!?! Ајдееее, нелогично, нели? Арно ама, така самите си кажаа. Правдајќи ја Дардишта за милитаристичката порака во која госпожата се закани со војна ако одат в опозиција, потсетувајќи дека чизмите им биле на таван, интегративците на Али мудро срочија: -Дардишта не се заканува со војна, туку со избори! Вака, во основа, гласеше соопштението од Мала Речица, сериозно... А пацифистистката, мирољубивата гласачка в чизми напиша: „Сѐ уште ги имаме чизмите на таван во старата куќа, за час ги вадиме белите патики. Ние не сме сираци, ние сме никнале после војна. Не играјте со оган, затоа што на крај сами ќе изгорите во него.“ Значи, сега е јасно. Како ќе препознете партиец/гласач на ДУИ на избори? Епааа, лесно. Носи чизми пустиот. Нив ги чувале само за избори. Нешто ко адут, „коњак“ ли им било, суеверие некое тоа. Ццццц... Не, не е фан на „Мачорот в чизми“ и не сакала Шкодране да ни се закани со војна, не сакала да каже дека македонска крв пак ќе потече ако ДУИ падне од власт, не, немала ниет да срочи дека некој пак ќе црта по грбови на работници, дека некој ќе ги врзува за столбови и ќе детонира објекти со нив, не сакала да каже дека ќе има нови силувања, мачења, киднапирања, убиства, егзекуции. Бидете мирни, Дардишта само сакала да каже дека нејзините сопартијци милуват чизми како дел од обавезниот интегративен аутфит при гласање. Внимавајте добро следниот пат на Алија и на Артан Нежни, можеби под панталоните ќе им ги препознаете војничките чизми... Освен што „старата куќа“ е заменета со хациенди, гарант и срушена заедно со чизмите, уште една небулоза која произлезе од милитаризмот „зелен“ на Шкодране. Против кого ќе се бори женската? Па нели сме членка на НАТО? Па нели не убедуваа северџаните дека Алијанската се грижи не само за надворешната, туку и за внатрешната безбедност на своите членки? Значи, Дардишта „ќе го пука“ на НАТО? Ајдееее, нова статива од госпожата во калаш вљубена. И башка, кога пишуваш дека некој си игра со оган, тоа на гласачките ливчиња ли се однесува? Евеее, работа за Даште и ДИК. Десетто, една работа што ми текна. Значи ли ова дека фингерпринт машините ги одучија Дуевци од носење чизми, па затоа имавме вакви нормални резултати на последниве избори? Или, тоа значеше дека некој си ги менувал чизмите при гласање, па во истите високи обувки многумина на различни гласачки места оделе и ниски финти изборни правеле? Уште еден проблем. Нелогично, ама сега истите тие чизми да ти биле многу броеви поголеми за довчерашните носители на истите. Се смениле условите, „пораснале“ и оние околу нив. Само Шкодране и Павле Богоевски останале исти. Таа се заканува со војна, Павле со уривање на новата влада со шарена „револуција“... Аман бе дечки, ајде малку поинвентивно, смислете нешто ново, „стара финта, нова будала“ е ептен излитена фора, а и никој веќе не пие нафта, скапа е... Интересно, европската басна „Мачорот в чизми“ е приказна за мачка која со лаги, измами и сплетки сака да се стекне со моќ и богатство за да ја освои раката на принцезата за неговиот господар кој немал ниту имот ниту потекло. Не, не бил педагог. Една разлика, а многу сличности. Овде некој се служел со истото (башка конфликт) за да дојде до бордови, 6 министри, 106 директори, 206 члена во Управни одбори, илјадници рамковно вработени партијци, илјадници тендери. И сето тоа под превезот на борба за слобода и човекови права. Грдо, нели. Секоја сличност е случајна, но мачорот имал убава намера, а ДУИ не бадијала толку добро се согласуваат со Заевци. Бизнисот и лукративноста така добро ги спојуваат и опишуваат, ко две страни на една паричка се. И сега, е сега боли паѓањето од власт, нели. Епа, боли. А ревизиите? Е, тие ќе болат уште повеќе. А по нив, топли чизми многу да ти помагале при престој во некои места со високи ѕидини, институции кои кубуреле зиме со греењето. Аирлија...

Романец направи огромни чизми заради физичко растојание

Магдалена Андонова — Fri, 04 Dec 2020 08:17:59 +0000

Еден чевлар од Романија дошол на идеја да направи огромни чевли при првиот бран на пандемијата, коишто би помогнале во одржување физичко растојание… Потоа, тој создаде и цела нова „колекција“ слични зимски обувки за вториот бран. Григоре Луп, занаетчија од Романија, во мај ги направи чевлите со европски број 75, и вели дека неговите чевли се продаваат низ целиот свет и оти тоа му помогнало да ја зачува својата продавница во Клуж. Покрај стандардните нарачки, со Луп контактирале и уметнички изведувачи, вклучително и една белгиска танчерска група и американска рок-група. Повици пристигнувале и од луѓе кои носат поголем број чевли, па сакаа да им направи специјални чевли за нив. – Чифт чизми број 75, за вториот бран на пандемијата, чини 150 евра. Направени се од крзно и имаат подебели ѓонови и облоги, а за нивна изработка се потребни трипати повеќе кожа отколку кај обичен чифт чевли, вели Луп. Во Романија досега се заразени над 492.000 лица, додека како резултат на болеста животот го загубија 11.876 лица. Училиштата, театрите и рестораните во земјата се затворени, полициски час е во сила, а заштитните маски се задолжителни на сите јавни места.(МИА)

Мајка од пеколот: Го продала своето бебе за да си купи нови чизми

Ивана Ефремовски — Wed, 14 Oct 2020 12:36:52 +0000

Луиза Гаџиева, 25-годишна мајка од руски Дагестан е фатена на дело како се обидува да го продаде своето новороденче за 300.000 рубљи (околу 3.000 евра). Гаџиева објавувала огласи дека сака своето бебе да го даде на посвојување, но всушност станувало збор за прикриена продажба. Глумејќи купувачи, прво и пристапиле членови од здружението Алтернатива кое се занимава со борба против трговија со луѓе. -На сите начини се обидовме да и објасниме какви опасности го очекуваат детето и да ја убедивме да не го продава, велат од здружението, а пренесува Мирор. Но, нивните убедувања не наишле на плодна почва. На крајот се вклучила полицијата. Примопредавањето се случило во кафуле во центарот на градот, каде бебето го презеле полицајци кои глумеле купувачи. „Немојте да велите продажба и купување. Тоа звучи грдо. Можете да ме осудувате, ама јас не можам да се носам со ова“, рекла мајката која освен ова има уште три други деца. Откако и ги дале парите, го предала бебето и им дала признаница. Тврдела дека парите и требаат за капар за куќа. Но, истрагата открила многу пошокантна причина. „Врвот на цинизмот е нејзината преписка со сестра и, која била запознаена со се, а и рекла дека откако ќе го продаде детето ќе си купи чизми“, велат од полицијата. Откако е уапсена, го признала злосторството и во моментов е во притвор во Москва. -Детето е сместено на сигурно, објави полицијата.

Чизми на Наполеон Бонапарта продадени за 117.000 евра

Ивана Ефремовски — Sat, 30 Nov 2019 08:59:53 +0000

Чизмите, за кои се смета дека припаѓале на францускиот цар Наполеон Бонапарта, вчера се продадени на аукција во Париз за 117.000 евра, соопшти аукциската куќа „Друо“. Според француските историчари тие чизми Наполеон ги носел за време на егзилот на островот Света Елена, каде почина во 1821 година. По неговата смрт, чизмите ги наследил неговиот пријател од последните денови, маршал Бертран. Тој подоцна ги отстапил чизмите на вајарот Карл Марокети, кој ги користел како модел за скулптурата Наполеон на коњ, наменета за неговиот надгробен споменик. -Се уште има многу обожаватели на царството на Наполеон, напиша на Твитер аукциската куќа „Друо“ по продажбата на чизмите. Историчарите истакнуваат дека чизмите одговараат на описот што Наполеон го испраќал на кондураџијата Жак, кој работел во париски Монмартр. (МИА)