членка – Kurir.mk

Македонска берза стана полноправна членка на Федерацијата на Евроазиски берзи

Тале Кристо — Thu, 03 Nov 2022 11:22:00 +0000

Одборот на Федерацијата на Евроазиски берзи (FEAS) на 28 октомври го одобри приемот на Македонска берза АД Скопје како полноправна членка на Федерацијата. Полноправното членство во FEAS овозможува целосно користење на сите придобивки и услуги што ги обезбедува оваа Федерација, како што се деловна и промотивна поддршка, размена на знаења и искуства, пристап до истражувања и публикации, можност за учество на настани во нејзина организација и слично, соопшти Македонска берза АД Скопје. Од 2016 година Македонска берза во FEAS беше со статус набљудувач.

Зеленски до ЕП: Докажете дека сте Европејци, Украина да биде еднаква членка во ЕУ

Тале Кристо — Tue, 01 Mar 2022 12:10:19 +0000

Претседателот на Украина, Володимир Зеленски, се обрати пред европратеници на вонредна пленарна седница на Европскиот Парламент и побара од Европската Унија да ја докаже својата заложба за европска Украина, јави дописничката на МИА од Брисел. Вонредната пленарна седница на Европскиот Парламент е денеска целосно посветена на агресијата на Владимир Путин врз Украина. Преку видео врска од Украина, Зеленски изјави дека сака од европратеницита да слушне дека го поддржуваат украинскиот проевропски избор. Украина вчера поднесе официјално кандидатура за членство во ЕУ. Европскиот Парламент денеска со огромно мнозинство ќе изгласа резолуција за поддршка на барањето за членство на Украина. -Сакаме да бидеме еднаква членка во Европа, верувам дека покажуваме дека сме тоа, ЕУ ќе биде многу посилна со Украина, а Украина без ЕУ ќе биде осамена. Ја докажавме нашата сила, и дека во најмала рака сме исти како и вас, така што сега докажете дека сте со нас, дека нема да нѐ напуштите, докажете дека сте навистина Европејци, им порача претседателот Зеленски на европратениците.

Дескоска: Република Македонија се уште не е спремна да биде членка на Европската Унија

Тале Кристо — Fri, 19 Jun 2020 19:03:01 +0000

Во емисијата „Топ Тема“ министерката за правда, Рената Дескоска зборуваше за тоа колку Република Македонија е подготвена да го примени законодавството нa ЕУ и европските стандарди во областа на правото и рече дека Република Македонија не е целосно спремна да ги имплементира сите стандарди и поради тоа не е членка на Европската Унија. -Ние како држава не сме целосно спремни да ги имплементираме сите стандарди бидејќи да бевме спремни ќе не примеа уште утре во ЕУ, истакна Дескоска.

Велика Британија повеќе не е членка на ЕУ

Тале Кристо — Sat, 01 Feb 2020 08:17:53 +0000

По долги процедури кои траеја повеќе од три години, Велика Британија на полноќ стана првата земја што ја напушти Европската Унија. Земјата ќе влезе во преоден рок на којшто се согласи со ЕУ, кој предвидува земјата да остане во ЕУ наредните 11 месеци. Иако ја напушта ЕУ, Велика Британија ќе продолжи да ги почитува нејзините закони и судови. Исто така, ќе продолжи да има претставници во институциите на ЕУ и ќе се состане со лидерите на ЕУ во преодниот период. Луѓето кои патуваат во Европа нема да чувствуваат никаква промена за време на транзицискиот период. Во втората фаза се очекуваат да настапат економски последици за двете страни. Она што ќе се промени е дека Британците нема да бидат во парламентот на ЕУ по овој период, ќе се смени бојата на нивните пасоши, Германија нема да ги доставува своите граѓани во Велика Британија кога ќе извршат злосторства, а Велика Британија ќе добие и нова валута – монети „брегзит“. Другите измени ќе бидат познати по 31 декември кога ќе помине периодот на транзиција.

Националниот младински совет на Македонија стана членка на Европскиот младински форум

Дарко Андоновски — Sat, 28 Apr 2018 14:22:01 +0000

Националниот младински совет на Македонија стана полноправна членка на Европскиот младински форум на Генералното собрание на овој форум што заврши денеска во Брисел. Со тоа, младите од Македонија преку НМСМ ќе добијат можност полноправно да одлучуваат за голем број младински политики со своите врсници од Европската Унија и Европа, наведуваат од организацијата. Европскиот младински форум (ЕМФ) е платформа составена од национални младински совети и меѓународни младински организации од цела Европа и брои 104 членки. Формиран во 1995 година, Европскиот младински форум е најголемото и највлијателното претставничко тело на младите во Европа кое активно учествува во креирањето на младинските политики, заедно со носителите на одлуки на европско ниво. Полноправното членството на НМСМ во Европскиот младински форум доаѓа по две годишно активно работење, следење на појавите, трендовите и политиките на европско и регионално ниво, постојан придонес кон европските и регионалните работни тела, како и проценка на организациските капацитети, наведуваат од Националниот младински совет.