чоколади – Kurir.mk

Лесен рецепт за превкусни бисквити: Овој десерт ги освои сите кои го пробаа

Ивана Ефремовски — Tue, 03 May 2022 14:51:01 +0000

Овој рецепт е за сите оние кои обожуваат чоколадо – брзи, лесни, вкусни и крцкави чоколадни бисквити со кафе кои дефинитивно ќе ве освојат. Потребни состојки (за 20 бисквити):

1 1/2 шолја (за кафе) сенаменско бело брашно
1/2 шолја какао
1 пециво
3 супени лажици путер, омекнат
1 шолја шеќер
2 големи јајца
1/2 шолја корнфлекс со чоколадо
2 супени лажица горко филтер кафе

Начин на подготовка: Рерната загрејте ја на 220 степени. Во длабок сад, заедно измешајте ги брашното, какаото и пецивото. Во друг сад измешајте ги путерот и шеќерот со вилушка, додека не се стопи. Потоа, мешајќи го путерот, додавајте ги јајцата, едно по едно и мешајте сѐ додека не се соединат. Сувите состојки (брашно, какао, пециво) додавајте ги полека во садот со течните состојки. Мешајте додека целата смеса не се соедини. На крајот, додадете ги кафето и чоколадираните корнлекси. Целата смеса измешајте ја со раце, поделете ја на два дела и формирајте ролати. Ролатите ставете ги во калап со хартија за печење. Печете 30 минути. Откако ќе се испече бисквитот, почекајте десетина минути да се излади и потоа од него сечете помали бисквити, со должина по ваша желба. Калапите ставете ги уште 10 минути да се печат и потоа извадете ги.

Ултра брзи и неодоливи: Направете сами чоколади кои ќе ги обожавате

Ристе Здравков — Fri, 25 Feb 2022 12:25:01 +0000

Овој рецепт е идеален доколку немате многу време или ако сте почетник. А вкусот е фантастичен! Состојки: 200 гр кокос 100 гр млеко во прав 100гр шеќер во прав 150 мл слатка павлака 150 гр темно чоколадо лажица масло Подготовка: Соединете ги сите состојки од списокот, освен темното чоколадо и оставете ги во фрижидер половина час. Растопете го темното чоколадо на пареа. Извадете ја смесата од фрижидер и рачно обликувајте ја во чоколади. Потоа прелијте ги со растопено чоколадо.

Додека луѓе умираат Шекеринска набавува млечни чоколади за 15 милиони денари

Ивана Ефремовски — Wed, 11 Nov 2020 15:13:15 +0000

Македонскиот народ живее во страв и неизвесност. На свој грб ја чувствува здравствената криза со коронавирусот, но и големата економска криза која ја зафати Македонија. Најголем дел од народот живее во сиромаштија и едвај скрпува крај со крај. Нема термини за тестови, па граѓаните се во страв и за своето здравје секојдневно соочувајќи се со фрапантните бројки на заразени и починати. Ама на министерката за одбрана Радмила Шекеринска и дојде до купување на чоколади. И тоа не било какви чоколади, туку од 15 милиони денари. Имено, на 03.11.2020 е објавен оглас за јавна набавка: Предмет на договорот за јавна набавка е: Чоколадо млечно за потребите на Армијата. Проценета вредност без ДДВ: 12.304.762,00 Набавката со вклучен ДДВ ќе чини 14,8 милиони денари! Додека луѓе умираат, молат за лечење и тестирање, немаат пари ниту за леб, Шекеринска како приоритет за набавка која ја врши Министерството за одбрана има чоколади од 15 милиони денари!

Швајцарските чоколади отсега посјајни и шарени

Ивана Ефремовски — Fri, 20 Dec 2019 09:48:55 +0000

Швајцарските научници пронајдоа начин како чоколадото да изгледа шарено, и тоа без додавање посебни состојки. Истражувачи од Федералниот технолошки институт на Швајцарија открија метод за втиснување посебни структури на површината на чоколадото што би го направило посветкаво и „да сјае како виножито”. -На тој начин, производот ја менува бојата како камелеон, се вели во соопштението. „Чоколадото виножито“ е подготвено за индустриско производство, а преговорите со големите производители на слатки се во тек. (МИА)

Фатени на дело: Двајца скопјани си крадат чоколади од маркет во Маџари (ВИДЕО)

Катерина Бојаџиева — Mon, 29 Jan 2018 10:27:47 +0000

Познат скопски маркет на социјалните мрежи објави видео на кое се гледа како двајца муштерии без никаков срам крадат чоколади. -Додека се трудиме и го вложуваме својот максимум за да ве задоволиме вас, нашите верни потрошувачи, има луѓе кои сакаат да просперираат со крадење и не уназадуваат во нашите амбиции да константно се подобруваме за вас. Бидејќи нема друг начин и полицијата нема решение за ваквите луѓе, од сега ќе ги објавуваме снимките од кражбите во нашите маркети, напшаа од скопскиот маркет на својот Фејсбук профил.