чоколадо – Kurir.mk

Рецепт за чоколадни мафини од тиква

Ивона Петрова — Tue, 24 Oct 2023 17:29:10 +0000

Совршена комбинација на состојки. Состојки: – 300 гр пире од тиква – 220 гр брашно - 100 гр сечкано чоколадо – 100 гр шеќер – 120 мл масло – 60 мл млеко - 2 јајца - 1 лажичка цимет - 1 лажичка прашок за пециво – 1 лажичка сода бикарбона - прстофат сол Подготовка: Во сад ставете ги брашното, прашокот за пециво, сода бикарбоната, циметот и солта, измешајте и оставете ги на страна. Во друг сад прво додадете шеќер, јајца, масло и пирето од тиква, па мешајте додека не се соединат сите состојки. Додајте ја подготвената смеса од суви состојки во влажната и матете со блендер додека не добиете мазна и хомогена смеса. Додадете го чоколадото и промешајте. Вклучете ја рерната на 180 степени. Во калап за мафини ставете ги корпите и рамномерно наполнете ги додека не се потроши целата смеса. По желба одозгора можете да ставите уште малку чоколадо. Калапот се става во загреана рерна и се пече околу 20 минути.

Чоколадна саксија! Направете го ова одлично уживање со само 3 состојки (РЕЦЕПТ+ВИДЕО)

Ристе Здравков — Mon, 18 Sep 2023 07:45:33 +0000

Сѐ што ви треба за ова чоколадно задоволство е сладолед, бисквити и чоколадо. СОСТОЈКИ: -Чоколадо -Сладолед по ваш избор -Чоколаден бисквит

View this post on Instagram

A post shared by My kitchen menus 🍛🍰🍲 (@my_kitchen_menus)

Чоколадно совршенство со јагоди! Ако сакате да импресионирате, ова е вашиот кец во ракавот (ВИДЕО)

Ристе Здравков — Tue, 29 Aug 2023 07:38:08 +0000

Мелени бисквити, какао, чоколадо, јагоди и уште неколку состојки ќе ви го дадат овој превкусна колач. Ако сакате да направите десерт што ќе ве собори од нозе, а лесно се прави, ова чоколадно совршенство со јагоди е токму тоа. Состојки: 1 пакување мелени бисквити 1 лажица какао 100 гр путер од кикирики 300 гр јагоди За кремот: 300 гр полуслатко чоколадо (да нема висок процент на какао, за да не биде многу горчливо) 400 мл кокосово млеко Подготовка: Измешајте ги бисквитите, какаото и путерот од кикирики, па печете на 180 степени 10 минути. Потоа направете крем од растопено чоколадо и кокосово млеко. На печениот колач наредете ги јагодите (исечени на половина), па прелијте со кремот и оставете ги во фрижидер да се стегне.

View this post on Instagram

A post shared by Daniela Choma 🍭 (@danichoma)

Црното чоколадо може да го намали ризикот од губење на помнењето, сугерира студија

Ристе Здравков — Tue, 27 Jun 2023 07:33:11 +0000

Во светот на слатките, темното чоколадо ја држи здравата страна на храната. Откриено е дека моќните соединенија скриени во чоколадото – особено темната сорта, таканаречените флаваноли – ја зголемуваат меморијата. Истражувачите од универзитетите Харвард и Колумбија открија дека придобивките доаѓаат од консумирање 500 милиграми флаваноли секој ден, во форма на суплементи. Сепак, независните експерти за исхрана и превентивна медицина тврдат дека оваа количина е „лесно остварлива“ преку исхраната. Флаванолот го има во темното чоколадо, но и во јаболката, бобинките и зелениот чај. – Ова е навистина важна студија која покажува дека дозата на флавоноиди наречени флаваноли е клучна за подобрување на меморијата во мозокот што старее – рече професорот Ајдин Касиди од Универзитетот Квин во Белфаст и додаде: – Дозите потребни за овие подобрувања на здравјето на мозокот се лесно остварливи. На пример, една шолја чај, шест коцки темно чоколадо, неколку порции бобинки и јаболка заедно би дале околу 500 милифрами. Во студијата објавена во списанието „The Proceedings of the National Academy of Sciences“ учествувале повеќе од 3.500 возрасни лица, во просек во 70-тите години. Повеќето веќе јадат здрава исхрана богата со флаваноли. На учесниците им бил даден или дневен додаток на флаванол од 500 милиграми или лажна пилула во текот на три години. Во текот на студијата, волонтерите направиле неколку тестови за меморија и пополниле анкети за нивната исхрана. Резултатите од меморијата само малку се подобриле за групата која земала апчиња флаванол. Но, поголеми придобивки беа забележани кај подгрупата на луѓе кои имаа лоша исхрана и мала потрошувачка на флаваноли на почетокот на студијата. Резултатите од нивната меморија се подобриле за околу 10 проценти повеќе од нивните врсници кои земале плацебо, покажале резултатите. Истражувачите, сепак, нагласија дека земањето флаваноли „нема ефект врз луѓето кои немаат недостаток на ова соединение“. Професорот Адам Брикман, невропсихолог од Универзитетот Колумбија, тврди дека наодите „ја зголемуваат можноста за користење храна или додатоци богати со флаванол за подобрување на когнитивната функција кај постарите лица“. Професорот Гантер Кунле, експерт за исхрана и наука за храна од Универзитетот во Рединг и ко-истражувач на студијата, рече дека резултатите „сугерираат дека има оптимална количина на флаваноли во исхраната“, што е околу 500 милиграми дневен внес. Но, не сите се согласуваат со ова. Проф. Дејвид Кертис од Универзитетскиот Колеџ во Лондон додаде дека студијата не обезбедила докази дека зголемувањето на внесот на флаванол е корисно и дека нема потреба некој да размислува за промена на исхраната во светлината на нејзините наоди, пренесува „Dailymail.co.uk“.

НАПРАВЕТЕ ЧОКОЛАДНО СУФЛЕ Доколку сакате да биде меко, тогаш треба да направите ЕДНА РАБОТА (ВИДЕО)

Ристе Здравков — Thu, 22 Jun 2023 07:33:35 +0000

Чоколадното суфле е по потекло од Франција, а доколку сакате да биде глатко и воздушесто, тогаш треба посебно да ги изматите жолчките и белките. Состојки: 2 лажици млеко 1 лажица слатка павлака 75 гр шеќер 60 гр темно чоколадо 2 јајца 1 белка од јајце 1/4 лажичка сол 30 гр незасладено какао во прав 45 мл вода Повеќе: 200 мл слатка павлака 1 лажица шеќер во прав + за посипување Подготовка: Во тенџере измешајте ги млекото и слатката павлака, па варете додека не зоврие. Тргнете од оган, па додадете го ренданото или искршеното чоколадо и мешајте додека не се растопи. Додадете какао и вода, измешајте и варете кратко на пареа. Потоа извадете го и оставете да се излади неколку минути. Одвојте ги жолчките од белките, па во чоколадната смеса додајте ги изматените жолчки и измешајте. Изматете ги белките со прстофат сол, а потоа додадете го шеќерот и матете додека не добиете цврст шлаг. Додадете ја оваа во чоколадната смеса и нежно измешајте. Земете калапи со иста големина, намачкајте ги со путер и посипете ги со шеќер. Истурете ја смесата во калапот и наредете ги калапите на тава. Печете во загреана рерна на 190°C околу 13-15 минути. Изматете ја слатката павлака со шеќерот во прав. Суфлето извадете го од рерна и посипете го со шеќер во прав, па се украсете го со изматената слатка павлака. Послужете веднаш.

Десерт што се топи во уста (РЕЦЕПТ+ВИДЕО)

Ристе Здравков — Mon, 12 Jun 2023 07:41:14 +0000

Летото е пред нас, а доколку сакате да им приредите вкусно уживање на гостите, тогаш можете да подготвите кремаст чоколаден десерт со фил од вишни. Состојки: 200 гр чоколадни наполитанки 70 гр цреши 110 мл вода 15 гр желатин 1/2 лимон 220 гр шеќер За глазурата: 100 гр млечна чоколада 80 гр путер Подготовка:

Темното чоколадо помага за побрз метаболизам

Ивона Петрова — Wed, 26 Apr 2023 11:25:29 +0000

Познато е дека чоколадото - темното, но не и млечното чоколадо, се смета за здраво уживање. Истражувањата потврдија дека, на пример, може да помогне во согорување повеќе калории. Темното чоколадо со 70 отсто или поголем удел какао, е богато со растителни соединенија наречени флавоноиди и флаваноли, што се поврзува со помала можност од срцеви заболувања. Американското здружение за срце забележува дека јадењето темно чоколадо веројатно е поврзано и со помала опасност од отпорност на инсулин и висок крвен притисок. Истражувањата укажуваат и на когнитивни придобивки, како што се подобрување на протокот на крв во мозокот, подобро помнење, побрза обработка на податоците и поубаво расположение. Научен труд објавен во „Интернејшнал журнал оф егзерсајз сајенс“ (International Journal of Exercise Science), го испитува ефектот на мала количина темно чоколадо врз потрошувањето енергија кај жените за време на одмор и во вежбање. Така, 18 жени во добра форма, одбрани по случаен избор, биле поделени во две групи - на едната ѝ е дадена 20 грама темно чоколадо, а на другата еднаква калориска количина бело чоколадо. Сѐ тоа требало да се јаде секој ден во 28-дневното тестирање. Испитаничките не биле свесни за фактот дека темното чоколадо е тестот, а белото е само плацебо-ефект. Вежбите вклучувале возење велосипед во место со два различни интензитета. Испитувањата покажаа дека учесничките кои јаделе темно чоколадо доживеале скоро 10 отсто зголемување на метаболичката стапка во мирување, наспроти никакво зголемување кај групата со белото чоколадо. Занимливо, темното чоколадо немало никакво влијание врз потрошувањето енергија за време на кој било интензитет во циклусот. Иако може да се претпостави дека кофеинот во чоколадото може да биде причина за зголемен метаболизам, написот вели дека дневната доза темно чоколадо - приближно четири парчиња, била премала за неговата содржина кофеин да игра значајна улога во исходот. Поверојатно е дека флавоноидите во темното чоколадо стимулираат зголемен метаболизам, според истражувачите. Тие посочуваат дека натамошните истражувања може да ја откријат и расветлат улогата на темното чоколадо во енергетскиот баланс, контролата на тежината и на телото воопшто.

Чоколадно совршенство кое постојано ќе сакате да го подготвувате (ВИДЕО)

Ристе Здравков — Tue, 18 Apr 2023 11:37:35 +0000

Малку чоколадо, бисквити, кикирики и уште неколку состојки ќе бидат доволни за да го направите овој десерт. Се што ви треба е: 400мл млеко 120гр шеќер рендан портокал 40гр какао 150 гр путер 400 гр бисквити 100 гр сечкани ореви 80гр млечна чоколада 80гр кикирики 50гр бело чоколадо 10мл растително масло Подготовка:

ПОЛНЕТО ЧОКОЛАДНО ЈАЈЦЕ! Најубавиот велигденски колач со додаток на малини (ВИДЕО)

Ристе Здравков — Wed, 12 Apr 2023 13:13:53 +0000

Доколку сакате да имате богата трпеза за Велигден, тогаш можете да направите вкусен чоколаден колач во форма на јајце. Состојки: чоколадо јајцевидно поголемо овошје (на пример диња) 150 гр крем сирење 1 лажичка екстракт од ванила 50 гр шеќер во прав 2 супени лажици сок од лимон 1 лажица желатин 50 мл вода 150 мл слатка павлака 2 лажици џем по желба овошје за декорација Подготовка: Растопете го чоколадото, а дињата во облик на јајце завиткајте ја во проѕирна фолија. Потопете ја до половина во растопеното чоколадо, па оставете да се стегне. Исечете ја проѕирната фолија, извадете ја дињата, а потоа и фолијата. Желатинот измешајте го со вода и оставете го да набабри. Во сад измешајте ги крем сирењето, ванилата, шеќерот во прав и сокот од лимон. Соединете со миксер, па додајте го желатинот што сте го стопиле на пареа и слатката павлака. Изматете и истурете во чоколадното јајце. Израмнете и ставете во фрижидер да се стегне. Потоа на средината од филот направете мало дупче со лажица и истурете го џемот, па украсете со малини.

Тоблероне веќе никогаш нема да биде исто, еве што се менува кај познатото чоколадо

Ивона Петрова — Mon, 06 Mar 2023 15:57:59 +0000

Во иднина, познатиот швајцарски планински врв Матерхорн нема да се најде на амбалажата на чоколадото Тоблероне, бидејќи дел од производството е пренесено од таа земја. Пакувањето на чоколадото во форма на пирамида со препознатливиот врв на Алпите ќе претрпи промени и редизајн, а ќе го содржи и потписот на основачот. Американската компанија Монделез објави дека сликата на планината висока 4.478 метри ќе биде заменета со генеричка слика. Од 2017 година се применуваат строги правила за „швајцарски карактеристики“. Според овие правила, не е дозволено користење на национални симболи за промоција на млечни производи кои не се произведуваат само во Швајцарија. За другите прехранбени производи, условот е 80 отсто направен во Швајцарија. Во изјавата дадена за Би-Би-Си, Монделез рече дека преместува дел од своето производство надвор од Швајцарија за да „одговори на растечката побарувачка ширум светот и да го развие брендот Тоблероне во иднина“. Тоблероне, чоколадо во форма на планина, направено од швајцарско млеко со мед и нугат од бадем, првпат беше пуштено во продажба во 1908 година во Берн. Монделез најави дека Берн „е важен дел од нашата историја и ќе продолжи да биде таков во иднина“.