човечки органи – Kurir.mk

Откопувала гробови и тргувала со човечки органи, наставничка од скопско училиште се пријавила во полиција

Ивона Петрова — Fri, 08 Nov 2019 11:18:22 +0000

Наставничка по географија од едно скопско основно училиште самата во полиција се пријавила дека препродава органи, дека откопува гробови и дека преработува месо од починати во ќебапи. Ваква службена белешка надлежниот полициски службеник од единицата за имотни деликти и малолетничка деликвенција поднел во полициската станица во Чаир на 22ри, минатиот месец. Во службената белешка до која Press24 стигна преку свои извори во полицијата стои дека истиот ден, околу 10 часот наутро во полициската станица во Чаир дошла жена и почнала да зборува нелогични работи. „Од моја страна беше прашана за што сака да разговара при што истата појасни дека работи како наставник по географија и дека сака да појасни дека истата потекнува од индијанско племе од Невада и дека како мала е донесена од нејзиниот сегашен татко кој е човеколик мајмун и заедно со директорот на училиштето во кое што работи, кој исто така е човеколики мајмун се занимаваат со разни кривични дела (продавање на органи, откопување на мртви од гробишта и преработка на месото во ќебапчиња, организирање на атентати по нарачка и прикривање на лица кои се водат умрени а сеиви, за што наведе пример дека Тоше Проески го кријат во училиштето каде го претставуваат како ... и работи како наставник по физичко.“ стои меѓу другото во записникот. По ова, полицискиот службеник ја прашал наставничката која има близу 50 години дали е при здрава свест и дали има проблеми со здравјето по што таа појаснила дека Нема никакви проблеми со здравјето. По ова, надлежниот полициски службеник констатирал дека таа не пријавува кривични дела од неговата област на имотни деликти, го повикал сменоводителот и му го препуштил случајот. Каков епилог имал овој случај се уште нема информација, па не можеме да потврдиме се потврди дали споменатата наставничка навистина е вклучена во образовниот процес и доколку е, какво знаење им пренесува на децата.

Приштински болници илегално тргувале со човечки органи

Дарко Андоновски — Fri, 07 Jun 2019 13:45:53 +0000

Поради сомневање за нелегална трговија со човечки органи, инспекција привремено затвори четири болници во Приштина, и против 17 здравствени работници и персонал поднесе кривични пријави. Сите тие предмети се во истражна постапка. Нора Красниќи, в.д. главен инспектор за здравство во косовското Министерство за здравство, изјави дека при инспекцијата во тие приватни болници утврдила дека се вршеле нелегални активности. Здравствената инспекција, заедно со косовската полиција, спроведе инспекции во некои приватни болници со лиценца за давање услуги во областа на медицинското оплодување. Портпаролот на полицијата изјави дека Одделението за спречување трговија со човечки органи во инспекцијата утврдило низа криминални дела, незаконска трансплантација и трговија со човечки органи во тие болници.

Срцето држи цена: Еве колку чинат човечките органи на пазарот

Катерина Бојаџиева — Sat, 27 Jan 2018 08:48:21 +0000

Повеќе од еден милион годишно луѓе чекаат пресадување на органи кои се набавуваат од легалниот и од илегалниот пазар. Eве какви се цените на органите и за кои има најголема побарувачка. Од живи луѓе крв чини 270 евра, коса 55 евра за 2,5 см, коскена срж 18.000 евра за еден грам, Сурогат матка од 16.000 до 65.000, бубрег чини од 15.000 до 100.000, а срцето држи цена и не се спушта под 150.000 евра, но цената достигнува и до половина милион евра. Од починати лица цените се пониски и тоа, рожница за 19.000 евра, слезина за 90.000 евра, лигаменти 2.000 евра, а кожа 8 евра за 2,5 см.