ВМРО-ДПМНЕ: Хаосот во Македонија се плаќа со човечки животи

Тале Кристо — Mon, 17 Aug 2020 07:47:43 +0000

Институциите се целосно нефункционални, бидејќи прв и единствен интерес на Заев и неговите најблиски соработници е личното богатење. Затоа владее хаос и неизвесност, а на две недели до почетокот на учебната година стотици илјади семејства не знаат дали и како ќе се прганизира наставата, стои во соопштението на ВМРО-ДПМНЕ. Состојбата со коронавирусот е загрижувачка. секојдневно се бележат нови заразени и нови починати. уште позагрижувачки е однесувањето и рамнодушноста на власта за целовкупната состојба. Нови кластери се отвораат, како што е состојбата во психијатриската болница во Демир Хисар. Бројот на активни случаи од 3.021 граѓани заболени со корона е поразителен. Македонија во август месец е високо на рангот на држави кои имаат најголем број на заразени на сто илјади жители со дури 594 случаи, далеку пред дел од земјите од регионот. Системот на здравството не функционира со СДСМ на власт, состојбите во болниците и начинот на кој се третираат пациентите се мизерни, граѓани кои се негативни се ставаат во самоизолација или во карантин. ВМРО-ДПМНЕ на многу наврати посочуваше дека мерките за превенција треба да бидат во примарен фокус, за да може да се стави крај на ширењето на вирусот, но власта со недостатокот од знаење и својата неспособност дозволи вирусот да земе се поголем замав. Филипче и СДСМ со своите политики не знаат каде тераат, а безидејноста ја гледаме од почетокот на кризата до сега. Неспособноста за одлучување и превземање на одговорност во грижата за учениците, неизвесноста која се одолговлекува само го зголемува нетрпението кај родителите, и покажува дека Филипче и СДСМ немаат никаква идеја што да прават. Македонија е негативен пример за регионот и Европа и на врвот на земјите кои неуспешно се справуваат со коронавирусот, велат од ВМРО-ДПМНЕ.

ВМРО-ДПМНЕ: Промашените мерки и промашената стратегија на Владата се плаќаат со чoвечки животи

Тале Кристо — Mon, 25 May 2020 06:50:17 +0000

Неспособноста на Владата се повеќе се гледа. Македонија во последно деноноќие има 37 новозаболени, а Словенија 4 дена по ред нема заболен од Ковид-19, се вели во соопштението на ВМРО-ДПМНЕ. Република Македонија урива рекорди на заразени од Ковид – 19 во регинот, велат од партијата. Во продолжение интегрално ви го пренесуваме соопштението на ВМРО-ДПМНЕ: Додека во регионот државите се фалат како неколку денови немаат новозаразени, Македонија е на врвот по заразени. Националниот институт за јавно здравје на Словенија објави дека во земјата четврти ден по ред не е регистриран ниту еден нов случај на заразен со коронавирусот. Освен тоа Словенија прогласи пред некое време и крај на корона кризата. Во Хрватска последното деноноќие имаат само еден новозаболен од Ковид-19. Кај нас досега се направени околу 25.000 тестирања што е три пати помалку во однос на Словенија која има 74.419, а Хрватска 61.482. Додека во регионот главна тема е справувањето со економските последици, во Македонија сеуште се бројат новозаболени лица, лица кои добиваат решенија за самоизолација и изолација. Овој податок говори дека Владата предводена од СДСМ наместо да се фокусираат на здравствени мерки, гледа како да ја спаси политичката кариера на Зоран Заев. Сето ова се должи на задоцнети и несоодветни мерки. Се поочигледно е дека Филипче и СДСМ доживеаја фијаско во справувањето со корона вирусот. Со СДСМ и Заев единствено добивме хибриден режим, неспособност, криминал и сиромаштија.

човечки животи – Kurir.mk

ВМРО-ДПМНЕ: Хаосот во Македонија се плаќа со човечки животи

ВМРО-ДПМНЕ: Промашените мерки и промашената стратегија на Владата се плаќаат со чoвечки животи