чулев – Kurir.mk

Чулев со честитка по повод 11 Октомври: На овој ден се слави пожртвуваноста на македонскиот народ за слобода и за создавање на самостојна и независна држава

Тале Кристо — Sun, 11 Oct 2020 09:24:02 +0000

На сите граѓани им го честитам денешниот државен празник, Денот на народното востание на македонскиот народ - 11 Октомври. На овој ден се слави пожртвуваноста и решителноста на македонскиот народ за слобода и за создавање на самостојна и независна држава. Тој идеал нè води и денес во остварувањето на подобра сегашност за денешните и подобра иднина за наредните генерации. ❗️На денешен ден се потсетуваме дека љубовта кон татковината е важна и тоа е една од работите за кои треба да ги учиме и воспитуваме идните генерации. На овој голем празник, уште еднаш, да се потсетиме на заветот кој ни го оставија нашите предци, достојно и гордо да го чуваме ова парче земја, бидејќи тоа е сè што имаме, пишува во својата честитка поранешниот министер за внатрешни работи Наќе Чулев. https://www.facebook.com/NakjeChulev/posts/197859325074203

Чулев: Секое постапување кое е во спротивност со законот ќе биде санкционирано, а казната за избори кривични дела се движи до 10 години затвор

Тале Кристо — Tue, 14 Jul 2020 15:25:22 +0000

“Пред нас се уште едни значајни парламентарни избори, избори кои што, по правило треба да бидат празник на демократијата, доказ за функционирањето на уставно-правниот систем и се разбира најповеќе од се – чин на декларирање на слободната волја и право на изјаснување на секој наш граѓанин. За жал, овојпат, изборниот процес ќе се одржува во една, би рекол - крајно деликатна состојба – актуелната пандемија од “ковид 19“, во околности условени од фактот дека безбедноста и заштитата на здравјето на граѓаните се приоритет број еден.“ Ова денес, меѓу другото, го истакна министерот за внатрешни работи Наќе Чулев на прес конференцијата во министерството за внатрешни работи а посветена на спроведувањето на претстојните парламентарни избори. На почетокот од своето излагање пред медиумите министерот Чулев информираше за неколку тековни активности на министерството што се одвиваа деновиве токму во насока на заштита на законитоста на изборниот процес и спречување на обиди за крешење на изборните норми и правила. “Првиот случај се однесува на СВР Велес, каде во текот на вчерашниот ден од страна на полициски службеници извршен е претрес на дом кај лицето А.М. (35) при што се пронајдени и одземени еден мобилен телефон и повеќе листови од тетратки на кои имало рачно испишан список од околу 250 лица со лични податоци и матични броеви. По насока на јавен обвинител од ОЈО Велес, лицето е лишено од слобода поради сомневање за извршено кривично дело “Поткуп при избори и гласање“ по чл. 162 од КЗ и со истото во просториите на СВР Велес e извршен разговор во врска со пронајдените предмети при што од негова страна било потврдено дека конкретните списоци биле направени од негo по претходна насока од лицето З.М. блиско до раководство на партија во Велес, а на истите имало име и презиме и матичен број на лица кои би гласале за политичката партија, а за возврат би добиле финансиски средства“. Потоа министерот Чулев го посочи случајот во кој вчера Единицата за економски и компјутерски криминал при СВР Скопје постапувала по објави на социјалните мрежи, во кои имало недолична содржина односно истите, според Чулев, содржеле елементи на сторено кривично дело, кое што се гони по службена должност и дека од страна на полициските службеници извршен е разговор со лице Ѓ.Г. кој бил сопственик на профилот. “Согласно, информациите кои ги имам од страна на СВР Скопје во текот на денешниот ден ќе бидат преземени дополнителни активности, односно и други лица ќе бидат повикани на разговор, а во насока на целосно расчистување на овој, но и на други случаи, по што ќе следи доставување на соодветен поднесок до Основното јавно обвинителство“, рече министерот Чулев. Потоа тој информираше и за мерките преземени од страна на СВР Струмица за расчистување на два одвоени случаи во коишто, според Чулев, постои инволвираност на локални функционери на партија. Во првиот е постапено по пријава за изборен поткуп од страна на активисти на политичка партија во с. Николиќ, при што во разговорот од страна на едно лице даден е исказ во кој истото наведува дека во настанот е инволвирано и лице од Дојран, и во координација со ОЈО Гевгелија се преземеаат дополнителни мерки за утврдување на инволвираност и на други лица, по што по целосно документирање на настанот ќе биде поднесен соодветен поднесок до ОЈО Гевгелија. И во вториот случај по објавена снимка на Јутјуб за изборен поткуп во општина Василево, преземени се активности за идентификување на инволвираните лица при што од извршениот разговор со еден од идентификуваните е потврдена автентичноста на снимката и разговорот. Според Чулев – “Од страна на полициските службеници се направени обиди за врачување на покани за разговор на повеќе активисти на политичка партија, но истите не биле најдени дома, по што ќе следат дополнителни мерки. Од страна на лицето кое ја потврдило автентичноста на снимката било пријавено и кривично дело “Загрозување на сигурноста“ против лица вработени во МВР кои наводно му вршеле притисок да даде изјава дека изнесенето во снимката е само шега и дека од нивна страна ќе му биде кажано кај кој инспектор треба да отиде за да ја даде таквата изјава. За целиот овој настан е известено надлежното јавно обвинителство“, нагласи Чулев. Исто така тој ги презентираше и активностите во рамки на СВР Штип каде што беа преземени мерки за расчистување на два одвоени случаи, а за кои веќе јавноста беше информирана. “Првиот случај се однесува за големиот број на лични документи кои беа пронајдени во Штип, а кои било чувани како залог кој требало да биде искористен во изборни цели и вториот во селото Ерџелија каде кај неколку лица се пронајдени поголем износ на пари и списоци со лица кои биле потенцијални гласачи на политичка партија“, рече Чулев Наедно министерот Чулев информираше дека активно се постапува и во детекцијата на нарушувања на нормите и во редовите на министерството при што посочи дека од страна на Одделот за внатрешна контрола, криминалистички истраги и професионални стандарди се постапува по три одвоени случаи поврзани со парламентарните избори. “Првиот случај се однесува за општина Куманово, вториот за општината Дебар и третиот за општината Шуто Оризари. Врз основа на констатациите од нивна страна преземени се мерки и активности за целосно завршување што подразбира и соодветна дисциплинска одговорност за одговорните лица“, рече Чулев. На прес конференцијата министерот Чулев истакна дека “Министерството за внатрешни работи, сиот негов кадровски и организационен потенцијал се максимално подготвени да се справат со сите предизвици, односно да овозможат, во доменот на своите законски надлежности и обврски, мирно и непречено одвивање на изборниот процес“ Според Чулев – “изборите, меѓу другото, се чин преку кој подеднакво се манифестира професионалноста и функционалноста на институциите да овозможат слободно и фер изразување на граѓанската волја, но и на зрелоста и одговорноста на сите политички чинители – учесници во изборниот натпревар, да сторат се што е во нивна моќ изборите да бидат вистинска понуда на програми и визии, и ништо повеќе од тоа“.. Оттаму Чулев порача дека –“Од аспект на министерството за внатрешни работи ние таа наша задача ќе ја реализираме: бескомпромисно, доследно, крајно одговорно со никаква толеранција кон какви и да се евентуални обиди за попречување на граѓанското право за слободно изразување на политичката волја. Секое постапување кое е во спротивност со законот ќе биде соодветно санкционирано, а казните за кривичните дела против изборите се движат до 10 години затвор“. На крајот од прес конференцијата Чулев напоменувајќи дека МВР во моментот постапува и по други оперативни сознанија и пријави за можни изборни нерегуларности, упати апел до граѓаните но и до учесниците во изборната трка : “во деновите што се пред нас да ги покажеме на дело нашата совесност и достоинство, демократскиот дух и толеранцијата, чувството за одговорност и за законитост, оти само така можеме да ја постигнеме посакуваната цел – мирни, фер и безбедни по здравјето - избори! Верувам дека, како во претходниот период, така и во текот на изборниот процес сите ние ќе бидеме на висината на задачата што е поставена пред нас“

Министерот Чулев денеска ќе го посети Секторот за внатрешни работи во Штип

Тале Кристо — Tue, 30 Jun 2020 07:35:49 +0000

Министерот за внатрешни работи, Наќе Чулев, денеска (30.06), во рамки на своите работни активности, ќе го посети Секторот за внатрешни работи во Штип и Одделението за внатрешни работи во Кочани и ќе оствари работен состанок со раководството. Притоа, предвидено е во 12.30 часот пред зградата на СВР Штип, министерот за внатрешни работи, Чулев да даде изјава за медиумите.

Чулев: Спасовски и неговите послушници во МВР никако да се издигнат над партиските интереси

Тале Кристо — Mon, 01 Jun 2020 14:21:17 +0000

Владата од една страна секојдневно ме обвинува дека сум виновен за нејзините неуспеси поврзани со ширење на коронавирусот, а од друга страна и во ваква состојба Оливер Спасовски и неговите послушници во Министерството за внатрешни не успеваат да се издигнат над партиските интереси, а со цел заштита на здравјето и животот на граѓаните, реагира министерот за внатрешни работи Наќе Чулев. ✔️ Имено, во услови на пандемија и прогласена вонредна состојба Владата со заклучок го задолжува Министерството за внатрешни работи да ги стопира огласите со кои се пополнуваат дел од испразнетите работни места. Политиката и партиските интереси повторно се поважни од здравјето и животот на граѓаните, а со ова Владата предводена од Оливер Спасовски уште еднаш го потврдува тоа. ✔️ И покрај фактот што ДКСК и Управниот суд донесоа одлука и пресуда со која се поништи одлуката на владата за поништување на решенија за распоредување донесени од моја страна и ја потврдија законитоста на моето постапување, владата и понатаму продолжува спротивно на законот да се меша во работењето на министерството за внатрешни работи и да го опструира нормалното функционирање, со што крајно негативно влијае врз неговата ефикасност. ?️ Би сакал да потенцирам дека согласно законот за организација и работа на органите на државната управа со министерствата раководи министер и од тие причини ваквата постапка на владата претставува грубо мешање во работата на Министерството за внатрешни работи. И покрај ваквите непринципиелни и незаконски притисоци и понатаму ќе постапувам во согласност со законите и штитејќи го интересот на граѓаните. ❗ Во интерес на законите потребно е вработените на Министерството за внатрешни работи да постапуваат исклучиво во согласност со позитивните законски прописи. Апелирам на доследно и целосно почитување на овој неопходен принцип при секојдневното управување, раководење и извршување на работните задачи.

Македонско дежа ву: СДСМ ја прислушува опозицијата?

Љупчо Цветаноски — Fri, 29 May 2020 13:35:07 +0000

Веќе нема никакви дилеми дека опозицијата е прислушувана од страна на безбедносните институции. Две години по почетокот на реформите во безбедносниот систем не е направен суштински чекор напред и поранешната УДБ-а, УБК, а актуелна Агенција за национална безбедност се уште има технички можности за прислушкување на телефонските разговори, што е спротивно на новите реформски закони. Она што е најстрашно е што ни АНБ, ни техничкиот премиер и поранешен министер за внатрешни работи Оливер Спасовски не го дематираат она што вчера го изнезе министерот за внатрешни работи Наќе Чулев, пишува Република. Чулев објави дека поранешната Управа за безбедност и контраразузнавање сега Агенција за национална безбедност незаконски се‘ уште има можност да прислушува затоа што оптичкиот кабел, кој наместо од Оперативно техничката агенција (ОТА) директно да оди до МВР, продолжува и до АНБ. Тој го повика надлежното Јавно обвинителство да го истражи овој сериозен случај и по допрен глас да утврди евентуална одговорност за неспроведување на законот и да утврди, како што рече, која е одговорноста на доскорашно Кој стои позади фактот дека АНБ се уште го држи монополот во системот на следење на комуникации и дали тоа сценарио е креирано и спроведувано од одредени политички структури. Агенцијата за национална безбедност се уште е дел од системот за следење на комуникации на начин спротивен на Законот, односно се уште има можност за пристап до сите телефонски разговори кои се предмет на оперативна обработка од страна на МВР праша Чулев Дека опозицијата веќе подолго време е мета на прислушување се пожалија првите луѓе на ВМРО-ДПМНЕ, Христијан Мицкоски и потпретседателот Алексанндар Николоски. Николоски објасни оти се плашат дека некој може да ги уништи доказите и најави дека ќе ги чуваат за после изборите да ги достави до комисиите во Собранието кои вршат надзор врз ОТА и АНБ, пишува Република. Оригиналниот текст погледнете го на овој линк.

Филипче и портпаролката на СДСМ Кузеска во координирана акција против министерот Чулев

Љупчо Цветаноски — Fri, 29 May 2020 12:38:38 +0000

Симултана акција на портпаролката на СДСМ Богданка Кузеска и министерот Венко Филипче, кои координирано удрија во кудење на министерот за внатрешни работи Наќе Чулев. Верувале или не - но Чулев бил виновен за новите огромни бројки заразени во Македонија. И Филипче и Кузеска координирано ја амнестираат владата и вината ја насочуваат само и единствено кон единствениот минситер од опозицијата кој повеќе пати им даде пример, као всушност, треба да си ја работат работата. Истовремено, едниот од Илинденска бр. 2, а другиот од екс Бихаќка упатија несоновани и крајно партиски и политикантски обвинувања на адреса на министерот за внатрешни. „Со своето неодговорно и несериозно однесување за време на кризата со коронавирусот, Наќе Чулев го загрози јавното здравје и денес сите ги чувствуваме последиците од таквиот неодговорен однос,“ обвини Богданка Кузеска, портпаролка на СДСМ. Денеска, додаде таа, за жал стигнувала сметката за неказнувањето и неработата на Чулев, а таа се гледала преку бројот на заразени регистрирани денеска?! Според неа, затоа биле потребни избори и нова Влада и Собрание со полн легитимитет од граѓаните. „ На државата и се потребни институции со полн капацитет кои ефикасно ќе се справат со последиците од актуелната пандемија, но и ќе бидат подготвени за новиот бран кој по сите најави се очекува наесен“, кажа Кузеска. Паралелно, координираната акција на Илинденска бр. 2 заедно со Кузеска ја тераше Филипче, кој изјави дека загрижува тоа што граѓаните не ги почитуваат препорачаните мерки за носење маски и дистанца, а има и прекршувања на решенијата за изолација и движење надвор од карантинот, има групни собирања, како и несоработка со епидемиолозите, давање лажни податоци и адреси за да не им се достават решенија за изолација. Тој рече дека ќе има посилни контроли , а од МВР побара поголема ажурност и санкционирање, обвинувајќи го со тоа во партиски занес министерот Чулев. Вистината, сепак,е дека нивната неодговорност и лошо справување со кризата се виновни за се, на страна и олабавувањето на мерките. Целата финта на СДСМ е вака да се создаде слика за наводна потреба од нови институции кои доаѓаат по избори. Во превод, и покрај 52 заболени и 4 мртви денеска, се што СДСМ и Заев сакаат се избори, ништо друго и не ги интересира.

Чулев им се заблагодари на граѓаните за нивното поведение и им одаде признание на сите припадници на МВР за ангажираноста и справувањето со кризата

Тале Кристо — Wed, 27 May 2020 11:25:34 +0000

Утрово во пет часот официјално престана да важи одлуката на Владата која се однесуваше на ограничувањето на движењето на граѓаните, а која беше донесена со цел спречување на ширење на коронавирусот. Почнувајќи од 22-ри март, околу 70 дена граѓаните во различни периоди од денот имаа обврска да останат во своите домови и најголемиот дел од нив го направија тоа. Ова, меѓу другото, го истакна министерот за внатрешни работи Наќе Чулев на денешната прес конференција во МВР а посветена на сумирањето на резултатите и активностите од работењето на полицијата во изминатиот период од воведувањето на рестриктивните мерки за сузбивање на епидемијата на “ковид 19“. Оценувајќи дека граѓаните во најголем дел ги почитуваа мерките на Владата, и заблагодарувајќи се на таквото граѓанско поведение и поддршка, министерот Чулев истовремено им оддаде признание и на сите припадници на МВР, особено потенцирајќи ја улогата и активностите на припадниците на униформираната полиција. “Министерството за внатрешни работи успеа брзо да се екипира, реорганизира и веднаш да ги стави на располагање сите своите капацитети во улога на заштита на здравјето на секој поединец и затоа сум бескрајно горд, среќен и задоволен“, истакна Чулев. Рекапитулирајќи го изминатиот речиси три месечен период министерот Чулев нагласи дека – “МВР беше ангажирано во контрола на спроведување на одлуките на Владата, понатаму во контрола на лицата во изолација и самоизолација, обезедувањето на државните карантини, спроводот на лицата кои преку хуманитарните конвои се враќаа во нашата држава“, рече Чулев. Притоа тој презентираше статистички показатели од сработеното: “кога станува збор за почитување и спроведување на одлуката за ограничување на движењето на граѓаните во оваа прилика ќе споменам дека заклучно со денес вкупно 4783 граѓани не ја почитувале одлуката на Владата за ограничување на движењето, од нив вкупно 3110 се приведени од страна на полициските службеници. Вкупно до сега од страна на Министерството за внатрешни работи се поднесени вкупно 2632 кривични пријави за 3137 дела против 3412 сторители. Најголемиот дел од оваа бројка отпаѓа на територијата на главниот град и територијата на СВР Битола, а најдисциплинирани биле граѓаните на општините кои потпапаѓаат под секторите за внатрешни работи Велес и Куманово“. Во однос на мерките за почитување на самоизолација и изолација министерот Чулев истакна дека се поднесени – вкупно 127 кривични пријави за 156 кривични дела против 169 сторители, а вкупно 5030 лица до сега се спроведени во државен карантин. Исто така тој посочи дека во врска сообврската за носење на лична заштита до сега се констатирани се вкупно 1973 прекршоци, а пак дека Секторот за компјутерски криминал и дигитална форензика при МВР во изминатиот период постапувал по 57 случаи за говор на омраза поврзан со “ковид 19“, при што до сега до Основното јавно обвинителство поднесени 33 известувања и две кривични пријави. На крајот министерот Чулев констатираше дека грешки и пропусти секогаш се можни – “ некогаш грешевме ние, а некогаш граѓаните. Но, од грешките учиме и сме во можност да се подобруваме и да го подобруваме работењето на полицијата во заедницата што е една од клучните и стратешки приоритети на Министерството за внатрешни работи“. Министерот Чулев порача дека и покрај намалувањето на рестриктивните мерки насочени кон справување со пандемијата, сепак неопходно е и натаму да се задржи потребното ниво на одговорност и дисциплина и да се почитуваат мерките и одлуките на Владата кои се однесуваат на користење на задолжителна заштитна опрема, забрана за групирање и држење на дистанца, и дека МВР и понатаму останува посветено на контрола на овие одлуки и заштита на здравјето и животот на граѓаните.

Чулев: Денешната изјава на Ангеловска е уште еден доказ за негрижата на Владата за вработените во МВР

Тале Кристо — Thu, 21 May 2020 13:02:38 +0000

Денешната изјава на Министерката за финансии Нина Ангеловска е уште еден доказ за негрижата на Владата предводена од Оливер Спасовски за вработените во Министерството за внатрешни работи. Министерката Ангеловска денес го кажа тоа што во суштина го мисли Оливер Спасовски, реагира министерот за внатрешни работи Наќе Чулев, откако претходно на прес-конференција, министерката за финансии Нина Ангеловска потврди дека неговата предлог-уредба за еднократна и линеарна финансиска награда од 15.000 денари за сите полициски службеници нема да биде биде прифатена. Токму Оливер Спасовски во изминатиот период постојано потенцираше дека стандардот на полициските службеници е важен, но веројатно само кога тој е на чело на Министерството за внатрешни работи. Грижата за нив и за нивните плати заврши во моментот кога тој замина од Министерството за внатрешни работи. За Оливер Спасовски и министрите во Владата маргинален е фактот дека полициските службеници, деноноќно и неуморно застанаа во одбрана на здравјето на граѓаните на нашата држава. Ги повикувам полициските синдикати јавно да се спротивстават на оваа одлука која Владата има намера да ја донесе, а која директно ќе нанесе штета на сите вработени во Министерството за внатрешни работи. Јас како Министер за внатрешни работи сум исклучително благодарен и понатаму ќе се заложувам полициските службеници да ја добијат наградата која следува. А во врска со денешната изјава на Министерката Ангеловска дека предлогот за кратење е доставен од моја страна, напоменувам дека до сега од буџетот на Министерството за внатрешни се скратени околу 5 милиони евра и кратењето е направено на барање на Министерството за финансии, а за потребите на ребалансот на буџетот. Ова кратење го направивме во најголем дел од ставката „капитални расходи“ и „стоки и услуги“ за истото да има најмал негативен ефект врз вработените во Министерството за внатрешни работи. Свесен сум дека пандемијата поврзана со Ковид 19 сериозно ги намали приходите во буџетот, но исто така убеден сум дека оваа награда е повеќе од заслужена и истата ќе влијае мотивирачки врз понатамошниот ангажман на полициските службеници поврзан со коронавирусот.

Нема да има паричнa награда за полицајците- власта на СДСМ и Заев го отфрли предлогот на Чулев

Тале Кристо — Thu, 21 May 2020 12:22:38 +0000

Министерката за финансии, Нина Ангеловска, одговарајќи на новинарско прашање на денешната прес-конференција, потврди дека нема да биде биде прифатена предлог-уредбата на министерот за внатрешни работи Наќе Чулев за еднократна и линеарна финансиска награда од 15.000 денари за сите полициски службеници. - Секоја чест за чуварите на нашиот јавен ред и мир. Многу службени лица и во другите сектори се залагаа во овој тежик период и работеа по 16-17 часа, па и во сабота и недела. Тоа е некоректен предлог, ако се знае дека само два дена претходно министерот Чулев поднесе предлог за кратење од 88 милиони денари од трошоците на министерството, рече Ангеловска. Претходно Македонскиот полициски синдикат побара од министерот Чулев да издејствува зголемување на платите на полицајците за 20 отсто за месеците април и мај. Вработените во Центрите за јавно здравје како и сите членови на Итна медицинска помош ќе добијат 20 отсто повисока плата како награда за два месеци. Владата за ова предвиде еден милион евра, а околу 3.000 здравствени работници ќе бидат наградени заради нивниот ангажман во борбата со пандемијата. Наградени ќе бидат докторите и медицинскиот персонал на инфективните клиники, а парите ќе бидат префрлени на домашна платежна картичка.

Чулев обвинува: Кривичната пријава против градоначалникот на Куманово Димитриевски има политичка димензија

Тале Кристо — Tue, 28 Apr 2020 17:41:47 +0000

Во вечерашното отворено студио на 24 телевизија техничкиот министер за внатрешни работи Наќе Чулев изјави дека кривичната пријава против градоначалникот Максим Димитриевски е политички конструирана. -Од страна на Комисијата за заразни болести беше доставено известување до директорот на Бирото за јавна безбедност, значи не беше доставено до мене, и истото од Бирото за јавна безбедност беше процесуирано до министерството за внатрешни работи на Куманово. По правило можат да поднесат и до мене но, и до Бирото. Но, овој пат ме скокнаа, бидејќи логично би било да поднесат и до двете. Но, така решил Здравствениот инспекторат. Тоа беше спроведено до ЈО кое што ја прифати пријавата и во текот на денешниот ден беше поднесена кривична пријава до градоначалникот на Куманово за ширење на зараза, изјави Чулев.