чувар – Kurir.mk

Во Лондон осуден чуварот на Британската амбасада на 13 години затвор поради шпионажа во корист на Русија

Тале Кристо — Fri, 17 Feb 2023 13:34:24 +0000

Човек кој и доставувал на Русија многу чувствителни информации додека работел како обезбедување во Амбасадата на Велика Британија во Берлин, денеска е осуден на 13 години и два месеци затвор пред судот во Лондон. Судот го сослуша 58-годишниот Дејвид Балантајн Смит кој собирал доверливи информации повеќе од три години, вклучително и „тајни“ владини комуникации со тогашниот премиер Борис Џонсон и други чувствителни документи. Смит се изјасни за виновен за осум прекршоци според Законот за службени тајни во ноември, вклучително и обвинение за предавање информации на Сергеј Чукров, рускиот воен аташе во Берлин, во ноември 2020 година. Останатите седум обвиненија се однесуваат на собирање информации потенцијално корисни за Русија. Дури четири обвиненија се однесуваат на службеникот на МИ5, „Дмитриј“, руски државјанин кој наводно и помагал на Велика Британија. Смит пред судот додаде дека почнал да собира доверливи информации по расправија со колегите и додека страдал од депресија. Тој истакна дека ги снимил документите откако испил „седум литри пиво“. - Во тоа време се чинеше како добра идеја... но никому не ги проследив документите бидејќи тоа би било намерно оштетување на Велика Британија, наведе Смит.

Претепан чувар во библиотека во Центарот на Скопје

Катерина Бојаџиева — Sun, 29 Jan 2023 16:27:22 +0000

На 28.01.2023 во 20.00 часот во Полициска станица Центар, Ч.Д.(60) од Скопје пријави дека околу 19.00 часот во просторија од библиотека на подрачјето на Центар, додека бил на своето работно место како чувар во библиотеката, бил физички нападнат од едно лице. Се преземаат мерки за расчистување на случајот, велат од МВР.

ДАЛИ ИМАТЕ ЧУВСТВО ДЕКА НЕКОЈ ВЕ ПОСМАТРА? Шест знаци дека ангелот чувар ве предупредува на опасност

Ристе Здравков — Wed, 20 Apr 2022 16:37:17 +0000

Треба да ги забележите знаците, на оние кои се грижат за вас од друга страна, кои предупредуваат, предвидуваат, поддржуваат. Ангел чувар може да биде починато лице кое било блиско до вас или роднина која внимава на вашата безбедност. Дали некогаш сте имале чувство дека некој ве гледа, иако знаете дека нема никој? Колку често сте добиле одговори на прашања кои си ги поставувале ментално, а кои никогаш не би си ги дале? Треба да ги забележите знаците, а од другата страна оние кои се грижат за вас, кои предупредуваат, предвидуваат, поддржуваат. Еве 6 знаци дека некој ви дава сигнали од другата страна на реалноста: Вашите соништа се незаборавни и многу експресивни. Светот на духови често испраќа пораки преку соништата. Ако ве чекаат промени во животот, можете да добиете знак во сон. Тоа ќе биде сценарио, симболика, која секако нема да остане незабележана. Не треба да барате објаснувања во обичните книги за соништата, ако сте сонувале таков сон што ги радува сите внатре или обратно, пецкањето поминува низ кожата дури кога ќе се сетите. Кога спиете, астралниот свет станува достапен. Сите ваши верувања остануваат во реалноста, а вие станувате подобри за другите сфери. На слики ќе се појават туѓи субјекти (ова се вашите предци кои заминале во друг свет, симболи на верата, во зависност од религијата, тоа се значајни настани што ќе ги преживеете во сон или луѓе на кои им се многу драги во овој земен живот) што ќе се сеќавате. Сè што треба да направите, ако сфатите дека тоа е знак одозгора, е целосно да ја разберете оваа формулирана намера. Вашите 5 сетила се изострени Го чувствувате реалниот свет преку вашите сетила за мирис, допир, вкус, вид и слух. Нереалното ќе дава сигнали на таков начин, но вие сепак ќе разберете – тој мирис или звук не може да биде на тоа место, тоа може да биде мирис на одреден цвет или трева, восочна свеќа или здив на одредена личност. Може да се забележи периферниот изглед на фигурите и нивното движење. Не плашете се, туку продолжете да слушате, бидете отворени и набљудувајте, поставувајќи прашања. Електрониката и струјата почнуваат да работат лошо. На овој начин може да се манифестираат знаци одозгора или од паралелни светови. Ние сме создадени од материја и електрична енергија – бранови, кои можат да бидат врската помеѓу нашите светови. Ако вашиот автомобил не запали, иако сè е во ред со палењето, голема е веројатноста вашиот ангел чувар сака да не ве пушти на пат. Подобро е да ја слушате песната која се емитува на радио – асоцијативната перцепција ќе ви помогне да се ориентирате – или ќе покаже кој се грижи за вас, или причината за престојот. Не треба да се плашите, и покрај хорор филмовите со слична содржина, запомнете: телото може да изгние, но енергијата што ве поврзува со човек кој ве штити однадвор – е вечна. Чувствувате необјасниво знаење. Ако одговорот на прашање на кое не можевте да одговорите одеднаш стана јасен како ден – тоа е исто така знак за мешање од надворешен проток на информации. Некој што те штити, се погрижил да ти се отвори просветлувањето, а ти да сфатиш, разбрал, открил за себе она што претходно не ти паднало на памет. Тоа е грижа на вашите духовни учители и најблиски. Телепатијата или желбата, која доаѓа одвнатре, ве тера да направите нешто, интуиција – наречете го како што сакате, но секогаш кога ќе побарате помош, оваа сила ќе ви даде помош во форма на знаци. Само слушајте. Чувство на морници во кожата. Се вели дека кога нешто ќе кажеме случајно, тоа одговара на реалноста, дури и да е многу страшна претпоставка, ќе почувствувате ужас, или студенило покрај ‘рбетот, трнење. Ова е знак дека има суптилен свет до вас, подготвен да комуницира со вас. Знаците сами ви привлекуваат око Дали некогаш сте размислувале за нешто и случајно сте добиле одговор во форма на песна од радио или фраза напишана на автомобил што доаѓа? Случајноста на знаците што ви ги праќа другиот свет само потврдува дека сте на вистинскиот пат. Однесувајте се кон вашите чувства внимателно, слушајте го светот околу вас, прилагодете се на интеракцијата и ќе му биде многу полесно да дојде до вас.

Чувар на фирма во Скопје доживеал насилство и хаос

Ивана Ефремовски — Wed, 09 Mar 2022 16:37:03 +0000

На 08.03.2022 во 22:30 часот во Полициска станица Гази Баба, Р.В.(50) од Скопје пријавил дека околу 16:05 часот, додека извршувал работни задачи како чувар во правен субјект на подрачјето на Гази Баба, по претходна расправија, бил нападнат со тврд предмет од А.Н. Напаѓачот,заедно со С.Н. и уште три лица со употреба на тврди предмети ја оштетиле чуварницата и неговото паркирано патничко возило „ауди А4“, со скопски регистарски ознаки. Се преземаат мерки за расчистување на случајот.

Чувар во Центар за социјални работи нападнал колешка

Ивана Ефремовски — Tue, 15 Feb 2022 15:12:47 +0000

На 14.02.2022 во 21:30 часот во Јавната установа Меѓуопштински центар за социјални работи на подрачјето на Гази Баба од полициски службеници од СВР Скопје е лишен од слобода Т.А.(55) од Скопје, поради постоење основано соменение за извршено кривично дело „насилство“, постапувајќи по пријава на О.Г.(41) од Скопје, вработена во установата. Според пријавеното, во 19.00 часот Т.А., вработен како чувар во установата, по претходна расправија, физички ја нападнал О.Г, која била на нејзиното работно место. По целосно документирање на случајот против него ќе биде поднесен поднесок.

Чувар нападнат среде работното место – го истепале машко и женско лице вработени во скопска фабрика

Дарко Андоновски — Fri, 28 Jan 2022 15:06:38 +0000

На 27.01.2022 во 18.00 часот во СВР Скопје, Б.Р.(34) од Скопје пријавил дека околу 14.15 часот во кругот на фабрика, каде работел како чувар, бил физички нападнат од едно машко и едно женско лице. Се работи на расчистување на случајот.

Се заљубила во затвореник, па поради тоа што го правеле и таа доби затворска казна

Ивана Ефремовски — Wed, 25 Dec 2019 18:11:19 +0000

Вработена во затвор која се вљубила во „опасен“ затвореник во најголемиот затвор во Велика Британија е осудена на една година затвор за аферата. Ешија Ган (27) била осудена откако биле пронајдени докази за забранета врска со Курам Разак (29). Двајцата размениле бројни телефонски разговори и сексуално експлицитни фотографии и снимки, пренесува The Sun. Разак издржувал казна од 12 години за грабеж во затворот Бервин. На суд се вели дека во нејзината соба биле пронајдени фотографии од парот како се бакнува, а таа за Разак во затворот шверцувала и нејзини гаќички. Исто така, било откриено дека таа го дала својот број на сметката на еден од соработниците на Разак и на таа сметка добила исплата од 1.500 фунти. Обвинителот Симон Милс изјави дека Гана работи во затворот откако се отворил во февруари 2017 година. Таа поминала курсеви за спречување на корупција, како и обука на која затворските работници учат да бидат свесни за ризикот од затворениците што се обидуваат да ги заведат и искористат. Обвинителот исто така рекол дека парот не е особено суптилен кога е во прашање нивната неприлагодена вежба. Колегите забележале дека Гана помина многу време со Разак и често одела на долги периоди во неговата ќелија. Голем број на пријави пристигнале до внатрешна истрага и неговиот мобилен телефон кој бил во ќелијата бил прегледан. Обвинителот рече дека Разак честопати ја повикувал чуварката, чиј број бил потпишан со името Кајли Мејсон. Кога ги слушнале снимките, го препознале гласот на Ајша Ган. Идентификувани се вкупно 1.213 телефонски повици помеѓу парот. Двајцата размениле експлицитни секс видеа едни на други, па дури и останале во врската по нејзиното апсење. Во едно експлицитно видео, Разак ѝ рекол на чуварката: „Не можам да дочекам да те фрлам во кревет следната недела“. Судот, исто така, рече дека Ган испратил на Разак фотографии од екранот со разговори преку „Вацап“ во кои нејзините колеги зборувале за тактиките за претресувањето на ќелиитеклетки. Исто така, таа му купувала облека и во негово име уплаќала ливчиња во обложувалници. Нејзиниот адвокат, Питер Хантер, изјави дека е свесна дека погрешила и дека се кае. Според него, таа подлегнала на комплиментите и ласкањето на Разак, кратко време откако раскинала долга врска откако нејзиното момче ја изневерило. -Некој ја покажа својата наклонетост и таа го прифати тоа, што беше глупаво. Таа се покаја и се засрами, рече тој.

Чувар на рудник пронајден мртов на работното место

Ивона Петрова — Wed, 28 Nov 2018 09:39:11 +0000

М.С.(61) од Кавадарци вчера бил пронајден почина пред чуварата на рудник „Ржаново“. Мажот работел како чувар, а неговото тело било пронајдено околу 13,20 часот. Извршен е увид на местото на настанот. По наредба на Јавен обвинител, телото на починатиот е предадено за обдукција.

Берлин: Чувар во Маутхаузен обвинет за 36.000 точки

Дарко Андоновски — Fri, 23 Nov 2018 20:42:40 +0000

Обвинителството во Берлин денеска соопшти дека еден 95-годишен маж бил обвинет за повеќе од 36.000 точки за соучество во убиство додека бил чувар во концентрациониот логор Маутхаузен. Ханс Вернер Х., чие презиме не беше објавено поради регулативите за приватност, беше обвинет дека бил чувар на СС- единица од средината на 1944 до почетокот на 1945 година. Во тој период, повеќе од 36.000 луѓе биле убиени во логорот, главно во гасната комора. Обвинетиот не беше обвинет за некое конкретно убиство, но обвинителството посочи дека како чувар помагал да функционира логорот. Се верува дека 95.000 лица биле убиени во Маутхаузен, вклучувајќи 14.000 Евреи.

Меѓу жртвите имало и советски воени заробеници, Шпанци, кои се бореле против генералот Франческо Франко, како и други жртви.

Ќе ви се заледи крвта: Чувар на аеродром слушнал чуден звук од авионот, тоа што го видел внатре секојдневно го прогонува (ВИДЕО)

Дарко Андоновски — Tue, 06 Nov 2018 11:29:11 +0000

Несекојдневен момент во авион кој бил приземјен на аеродромот во Мексико Сити снимил чувар, а кој сега стана вирален хит. Франциско Хернандез ја завршувал својата смена кога околу 3 часот наутро слушнал необичен звук од еден авион. Влегол во него за да провери што се случува. Со светилка се движел помеѓу седиштата, стигнал до тоалетот и просторот за персонал, но ништо не видел па се вратил назад. Кога искачал од авионот слушнал како вратата се затвара се свртел и осветлил кон тоалетот. Во тој момент здогледал темна сенка која толку многу го исплашила што брзо искочил надвор. - Прво не бев сигурен што е тоа. Дури и направив неколку чекори напред мислејќи дека тоа е игра на светлината, но кога видов дека се помрдна, знаев дека замислувам. Тоа што го видов толку многу ме исплаши, па избегав, изјавил тој, пренесува Daily Mail. Иако снимката е направена уште во 2016 година сега се проширила на интернет, а не единствен случај „страшни“ инциденти на тој меѓународен аеродром. - Одлучив да ја објавам снимката затоа што многу луѓе не ми веруваа. за среќа, ја снимив случката па можам повторно да ја прегледам и да видам дека не сум измислувал. Да не ја снимев на самиот немаше да си верувам, признал Феанциско.