ЦИА – Kurir.mk

ЦИА се подготвува да воведе сопствен модел на вештачка интелигенција

Ивона Петрова — Wed, 27 Sep 2023 06:45:44 +0000

Американската Централна разузнавачка агенција (ЦИА) се подготвува да воведе во употреба функција слична на програмата OpenAI која ќе користи вештачка интелигенција за да им овозможи на аналитичарите подобар пристап до интелигенција со отворен код, објави Блумберг. Според агенцијата, станува збор за поширока владина кампања за искористување на моќта на вештачката интелигенција за да се натпреварува со Кина, која се обидува да стане глобален лидер во оваа област до 2030 година. „Таа алатка за вештачка интелигенција ќе им овозможи на корисниците да го видат оригиналниот извор на информациите што ги гледаат, рече директорот на Одделот на ЦИА за отворени извори, Ренди Никсон, додавајќи дека функцијата за разговор е логичен дел од побрзата дистрибуција на интелигенција. ЦИА не објави кој модел на вештачка интелигенција ќе користи за да ја поддржи новата алатка или како ќе ги заштити информациите од протекување на отворениот интернет. Алатката за вештачка интелигенција ќе биде достапна за разузнавачката заедница на САД од 18 агенции, која ги вклучува ЦИА, Агенцијата за национална безбедност, Федералното биро за истраги и агенции управувани од ограноците на војската, но нема да биде достапна за креаторите на политиката или јавните кампањи.

Кина открила и казнила шпион на ЦИА

Ивона Петрова — Fri, 11 Aug 2023 08:41:17 +0000

Кина денеска соопшти дека неодамна открила „шпионска афера“ во корист на американската Централна разузнавачка агенција (ЦИА) во која е вмешан кинескиот државјанин Зенг, кој одддавал важни тајни во замена за пари. „По внимателна истрага, управата за државна безбедност прибави докази за шпионските активности на Зенг и, согласно законот, презеде казнени мерки против него за навреме да спречи штета“, соопшти денеска Министерството за државна безбедност. Не е наведено како Зенг бил казнет. Во соопштението се вели дека Зенг (52) бил испратен на студии во Италија каде што се спријателил со агент на ЦИА кој работел во амбасадата на САД во Рим. Агентот го убедил Зенг да обезбеди чувствителни информации за кинеската војска во замена за огромна исплата и помош за Зенг и неговото семејство да можат да дојдат во САД, се вели во соопштението. Според извештаите, Зенг потпишал договор со САД и поминал обука за шпион пред да се врати во Кина.

Шефот на ЦИА смета дека Путин му подготвува одмазда на Пригожин

Ивона Петрова — Fri, 21 Jul 2023 06:13:52 +0000

Директорот на ЦИА Вилијам Барнс тврди дека рускиот претседател Владимир Путин веројатно сè уште размислува како да се справи со шефот на Вагнер, Евгениј Пригожин. Пред еден месец, платениците на Вагнер и нивниот шеф организираа бунт во Русија. - Бунтот на Вагнер откри значајни слабости во системот на моќ што го изгради Путин. Путин сè уште бара одмазда против Пригожин, рече Бернс вчера на форумот за безбедност во Аспен, пренесе Би-би-си. Пригожин се пресели, но не е јасно каде е сега бидејќи неодамна беше во главниот град на Белорусија, Минск, но и во Русија. Шефот на ЦИА смета дека Путин се обидува да купи време додека да смисли како најдобро да се справи со Пригожин. Платениците на Вагнер сè уште имаат вредност за руското раководство во места како Африка, Либија и Сирија, така што Путин најверојатно ќе се обиде да ја одвои групата од нејзиниот водач, рече Барнс. Тој додаде дека Путин би можел да почека со одмаздата. - Путин е некој кој мисли дека одмаздата е јадење кое најдобро се служи ладно. Според моето искуство, Путин е врвниот апостол на одмаздата, па би бил изненаден доколку Пригожин избегне понатамошна одмазда, рече Барнс. Претходно овој месец, американскиот претседател Џо Бајден посочи дека постои ризик шефот на Вагнер да биде отруен. „Да бев на негово место, ќе внимавав што јадам. Ќе внимавав на моето мени“, коментираше Бајден. Директорот на ЦИА исто мисли како Бајден. „Да бев на местото Пригожин, немаше да го отпуштам мојот дегустатор на храна“, рече тој, додавајќи дека ЦИА имала информации за бунтот на Вагнер. Според извештаите, за бунтот однапред знаел и високиот генерал на руската армија Сергеј Суровикин. Брнс вели дека Суровикин ја нема истата слобода на движење како Пригожин. - Бунтот на Вагнер беше најдиректниот напад што Путин го видел во неговите 23 години на власт. Оправдувањето на Кремљ за војната во Украина е изградено врз лаги, рече Барнс. - Ако Украина постигне понатамошен напредок на бојното поле, тоа би можело да наведе повеќе Руси да обрнат внимание на критиките на Пригожин за војната, нагласи тој. Шефот на ЦИА додаде дека постојат знаци дека Русија би можела да нападне бродови во Црното Море, а потоа да ги обвини Украинците за тоа, јави Би-би-си.

Шефовите на ЦИА и ФСБ разговараа за Украина

Катерина Бојаџиева — Wed, 12 Jul 2023 11:32:43 +0000

Шефот на руската надворешна разузнавачка служба Сергеј Наришкин денеска изјави дека на крајот на јуни телефонски разговарал со неговиот колега од ЦИА, Вилијам Барнс за тоа „што да се прави со Украина“. Минатиот месец „Њујорк Тајмс“ и „Волстрит журнал“ објавија дека Бернс го повикал Наришкин за да го увери Кремљ дека САД немаат никаква улога во краткотрајниот бунт на руската платеничка група Вагнер од 23 до 24 јуни. Барнс и Наришкин одржуваат комуникација од почетокот на руската војна во Украина, во време кога другите директни контакти меѓу двете земји се минимални, а односите се на најниска точка од Кубанската ракетна криза во 1962 година. Руските медиуми го цитираа Наришкин дека е можно тие двајца да се сретнат. Нивниот последен таков состанок беше во Турција во ноември минатата година, кога американски официјални лица изјавија дека Барнс ја предупредил Русија за последиците од каква било употреба на нуклеарно оружје и го покренал прашањето за американските затвореници во Русија. Наришкин, исто така, денеска рече дека Русија не слушнала „ништо изненадувачки“ од Самитот на НАТО во Вилнус.

Како ЦИА го шпионирала Асанж: Американците биле чекор пред основачот на Викиликс

Ристе Здравков — Mon, 03 Apr 2023 10:34:18 +0000

ЦИА ја користела приватната шпанска безбедносна компанија „УЦ Глобал“ за тајно да инсталира микрофони внатре во еквадорската амбасада во Лондон со цел да го прислушува основачот на Викиликс Џулијан Асанж, известува „Pais“. „УЦ Глобал“ бил ангажиран во рамките на обезбедување на амбасадата. Асанж, на кого Еквадор му даде азил, престојуваше во дипломатскиот комплекс од 2012-та до 2019-та година, пред британската полиција насилно да го изведе. „Pais“ прв пат пријави за наводните врски на шпанската компанија со американските разузнавачки служби уште во 2019-та година. Како што наведува весникот, основачот и директор на „УЦ Глобал“ Давид Моралес прв пат стапил во контакт со ЦИА во 2017-та година. Моралес во тоа време ги известил вработените дека компанијата ќе мора на новиот американски клиент по име „Икс“ да му обезбеди пристап до серверот кој собира податоци од амбасадата на Еквадор во Лондон, која е наречена „хотел“. „Што се однесува до работата на хотелот, би сакал да ги понудам нашите можности за собирање на информации и анализи на американскиот клиент. Мораме да се обидеме да ги направиме попривлечни и полесни за толкување“, напишал Моралес во мејл во септември 2017-та година. Информациите наводно го вклучувале профилот на посетителите на Асанж, вклучувајќи адвокати и дипломати, како и податоци од мобилни телефони. Моралес во пораката рекол дека операцијата ја контролираат „пријатели од Америка“. Еден од микрофоните кои тимот на Моралес тајно го поставил во амбасадата бил скриен во подножјето на апаратот за гаснење на пожар, наведува „Pais“. Налепниците биле прицврстени на аглите од прозорците за да се избегнат вибрации и да се овозможи снимање на звук преку ласерски микрофони. „Знам дека тоа е од најголем интерес и дека САД тоа сакаат да го направат“, им напишал наводно Моралес на своите вработени. Како што открива „Pais“, активностите кои ги спровел „УЦ Глобал“ му помогнале на Вашингтон да го осуетат планот Асанж да се искраде од амбасадата во декември во 2017-та година. Тогашниот претседател на Еквадор Ленјин Морено наводно сакал на основачот на Викиликс да му додели еквадорско државјанство и да го изнесе од Британија во дипломатски автомобил. Тимот на Моралес наводно го снимил разговорот меѓу Асанж и еквадорските службеници, а потоа брзо го пратил во САД. Вашингтон одговорил со издавање на налог за апсење на Асанж, што очигледно ги навело организаторите да се откажат од планот. Шпанските власти во 2019-та година отвориле истрага за компанијата на Моралес и накратко го притвориле. Од тогаш е ослободен со кауција.

ЦИА: Следните шест месеци ќе бидат „критични“ за Украина

Ивона Петрова — Fri, 03 Feb 2023 06:27:12 +0000

Директорот на ЦИА, Вилијам Брнс, изјави дека разузнавачката агенција проценува оти следните шест месеци ќе бидат „критични“ за Украина во однос на руската инвазија, додавајќи дека Русите остваруваат некои помали придобивки во последните недели. Говорејќи на настан за надворешна политика на Универзитетот Џорџтаун во Вашингтон, Брнс исто така рече дека агенцијата верува дека кинескиот претседател Си Џинпинг е „донекаде отрезнат“ од војната во Украина, но дека би било грешка да се потцени посветеноста на Пекинг и Москва на нивното заедничко партнерство. Русија и Кина потпишаа „неограничено“ партнерство минатиот февруари, непосредно пред руските сили да ја нападнат Украина, а нивните економски врски се зајакнаа додека врските на Русија со Западот ослабеа. Кина се воздржува од осуда на руската инвазија врз Украина, но внимава да не и обезбеди директна материјална поддршка на Русија, што би можело да предизвика западни санкции како оние воведени против Москва. Но, Брнс, кој неодамна престојуваше во Украина за да се сретне со украинскиот претседател Володимир Зеленски, рече дека Си најверојатно бил изненаден и вознемирен од, како што рече, лошите перформанси на руската војска. Брнс додаде дека пријателството меѓу Русија и Кина не е целосно безгранично. „Мислам дека е погрешно да се потценува взаемната посветеност на тоа партнерство, но тоа не е целосно пријателство без граници“, рече Барнс. Руската инвазија ја поттикна загриженоста на Западот дека Кина може да направи сличен потег во Тајван, остров за кој Пекинг тврди дека е негова територија. Според Брнс, кинескиот претседател Си сè уште има сериозни амбиции во врска со Тајван и предупреди дека конфликтот околу островската држава би бил „очигледно несреќен“ за сите инволвирани. Брнс, исто така, рече дека САД знаеле „како разузнавачка работа“ дека Си и наредил на својата војска да биде подготвена да го нападне Тајван до 2027 година. „Тоа не значи дека тој одлучил да изврши инвазија во 2027 година или која било друга година, но тоа е потсетник за сериозноста на неговиот фокус и амбиција“, тврди Брнс.

Директорот на ЦИА минатата седмица имал тајна средба со Зеленски

Тале Кристо — Fri, 20 Jan 2023 11:59:00 +0000

Директорот на американската Централна разузнавачка агенција (ЦИА) Вилијам Барнс тајно се сретна со украинскиот претседател Володимир Зеленски на крајот од минатата недела во Киев за да разговара за тоа, според него, што планира Русија во наредните недели и месеци, јави Вашингтон пост. Според весникот, која се повикува на американски официјални претставници и други познати извори под услов да останат неименувани, Зеленски и високите украински разузнавачи изразиле загриженост за време на состанокот, особено за тоа колку долго Киев може да се потпира на помошта од Вашингтон и другите западни сили, посебно откако во САД Републиканците сега го контролираат Претставничкиот дом на Конгресот, а меѓу делови на американското општество поддршката за помош на Украина се намалува. Барнс ја нагласил „итноста на моментот на бојното поле“, но истакна дека „во одредена фаза ќе биде потешко да се добие помош“. Според изворите, Зеленски и неговите соработници се под впечаток дека поддршката на американската влада за Украина останува силна и дека итно финансирање од 45 милијарди долари за Украина одобрено од Конгресот во декември минатата година ќе продолжи најмалку до јули или август оваа година. Сепак, Киев не е толку сигурен во изгледите Конгресот да одобри нова помош од милијарди долари, велат изворите на кои се повикува весникот.

Директорот на ЦИА во Киев ќе се сретне со Зеленски

Ивона Петрова — Wed, 16 Nov 2022 07:15:11 +0000

Директорот на ЦИА Вилијам Барнс е во главниот град на Украина за да се сретне со претседателот Володимир Зеленски и неговите колеги од разузнавањето. Барнс беше на безбедно во американската амбасада за време на руските ракетни напади врз Киев. Неговото патување доаѓа по состанокот во понеделникот во Турција со неговиот колега од руската разузнавачка служба, Сергеј Наришкин. Според официјален претставник на САД, Барнс „разговарал за неговото предупредување кој го испратил до шефот на СВР на Русија да не користи нуклеарно оружје и ја засили посветеноста на САД за поддршка на Украина во нејзината борба против руската агресија“.

Можете ли да ја решите оваа загатка на ЦИА за Ноќта на вештерките? (ФОТО)

Ристе Здравков — Mon, 31 Oct 2022 08:17:15 +0000

Разознавачката агенција ЦИА на својот Твитер профил сподели загатка за Ноќта на вештерките, во која луѓето треба да ги забележат разликите помеѓу две фотографии. Како дел од нивниот дел за деца шпиони, ЦИА има онлајн игри за тестирање на луѓето за детали и тактичко размислување. Една од нив е анализа на фотографијата на која треба да се најдат разликите.

Can you spot the differences? Visit our Spykids page where you will find the expanded version of the Halloween challenge. Check back on Halloween when all will be revealed! #Halloween #CIA
— CIA (@CIA) October 27, 2022

На луѓето им се дадени три минути за решавање Поради претстојната Ноќ на вештерките, фотографијата е инспирирана од детали во тој стил. Луѓето кои ја отвораат сложувалката на својата страница имаат три минути да ги најдат разликите. Ова е целата фотографија што треба да се анализира: Некои детали како исчезнатата пајакова мрежа лесно се наоѓаат, но има и работи кои ќе ги забележат само оние со остар вид. Резултати за Ноќта на вештерките За разлика од другите игри, решенијата не се прикажуваат по три минути, наместо тоа, ЦИА ги информирала луѓето дека ќе мора повторно да ја проверат страницата на Ноќта на вештерките за да видат дали ги пронашле сите разлики.

„Шпигел“: ЦИА ја предупреди Германија пред неколку недели за можни напади врз гасоводи во Балтичкото Море

Ивана Ефремовски — Wed, 28 Sep 2022 14:19:38 +0000

Централната разузнавачка агенција на САД (ЦИА) ја предупредила Германија пред неколку недели за можни напади врз гасоводи во Балтичкото Море, објави германскиот магазин „Шпигел“, откако беа пријавени истекувања на гас од гасоводи од Русија до Германија. Повикувајќи се на неименувани извори, „Шпигел“ пишува дека германската Влада го добила предупредувањето од ЦИА летоска. Се додава дека Берлин претпоставува оти се работи за таргетиран напад на гасоводите Северен поток еден и два. Портпаролот на германската Влада одби да даде коментар, наведува „Шпигел“. (МИА)